الحاسة السادسة

أن تتخيل سيناريو يوماً ما بكل تفاصيله وأدقها و تعرف ماذا ستقول وماذا سيقال لك وكيف ستسلم

وكيف ستبتسم ومتي ستضحك ............وكل شيء

هل هي الحاسة السادسة أم أنك تمتلك قدرات خاصة......؟؟؟؟

ام انها روحك تلتقي مع أرواح أشخاص بعينهم وتعيش معهم كل لحظة

ثم تعود اليك لتعيش بجسدك وروحك معاً نفس اللحظة مرة اخري فتشعر أنك عشتها من قبل

هل هو فعلاً تلاقي أرواح...!!!

ذلك الذي يشعرك بالآخر دون أن يتحدث وقبل ان يفعل الشيء تتوقعه

وهل هذا بالفعل يشترط القرب.....؟؟؟!!!

وماذا لو كان أكثر من ذلك بكثير كلما كان البعد ...؟؟!!

أن تشعر بمن هو بعيد عنك ولا تراه ....أنه حزين....سعيد .....مريض....سيحب ذلك ....وسيكره هذا

أن تشعر ان التليفون سيرن الأن وتتوقع أنه هو وتجد ذلك بالفعل

او أن تمسك انت التليفون لتطلب رقم معين وتجده هو يطلبك (في نفس ذات الوقت)

أن تنظر الي القمر وتعلم بالصدفة أن احدهم كان ينظر اليه (في نفس ذات الوقت)

أشياء كثيرة بدون تفسير ....لكن فقط مع من هو قريب من قلبك

لا ....لا ....ليس قريب فقط .....انه يسكن هناك ليس في قلبك فقط ولكن في روحك وفي كل كيانك

فلتعيشوا سوياً في هدوء.......حتي ان فصلت بينكما الأميال

في الموعد

بدأت حكايتي عندما راودني ذلك الشعور المفاجيء ان فتاة احلامي سوف اراها في القطار

وربما لست بوسامة عمر الشريف.....ولكن .....ماذا لو كانت هي مثل فاتن حمامة....!!1

و تمر الايام متشابهة كل يوم مثل الاخر وانا اركب القطار كل يوم في نفس الموعد

علي امل ان القاها

وفي يوم........وجدتها

بريئة الملامح.....تشبه فاتن حمامة في صغر حجمها ووجهها الملائكي

ولم اصدق نفسي حينما التقت عيني بعينيها الحزينتين....والتي تشعر عندما تنظر اليها

انها تائهة تبحث عن شيء ما فقدته

وشاء القدر ان تجلس في المقعد امامي وتغمض عينيها

وظللت انظر الي وجهها البريء واتساءل.......!!!1

هل ابتسمت لي الدنيا اخيرا ؟؟؟؟1

هل هي فعلا فتاة احلامي التي طالما حلمت بها وانتظرتها وبحثت عنها في كل وقت وكل مكان ؟؟؟1

اسئلة كثيرة بدون اجابات جعلت الوقت يمر علي سريعا حتي لم اشعر بالمحطات وهي تمضي

وظللت علي هذا الحال عدة ايام اراها كل يوم واستبشر عندما يبدا نهاري برؤيتها

حتي تعودت ذلك.....وشعرت انها ايضا تعودت رؤيتي

وفي احد الايام........لم اجدها

ركبت وحدي وانا حائر

ماذا حدث....؟؟ هل هي مريضة....؟؟1

هل ستأتي مرة اخري ام كانت تقضي شيء في ذلك الميعاد وانتهي...؟؟!

لم اريح نفسي من الافكار حتي تعبت.....واستمر هذا لمدة اسبوع لا اعلم عنها اي شيء

واخيرا.....رأيتها.... وفي عيني مئة سؤال شعرت انها تريد ان تجيبني وتريحني

وقررت ان اضع حداً.....واكلمها

واستجمعت كل قواي .....وبالفعل نزلت معها من القطار

وتحدثنا....وقلنا الكثير والكثير....وشعرت بسعادة لم اشعر بها من قبل

وفجأة......1

وقف كل شيء....ولم اسمع غير صوت رجل يقول " يا أخ....يا افندي....احنا اخر الخط....مش حتنزل والا ايه؟1

وافقت من نومي ووجدتني اجلس في مكاني وهي ايضا في مكانها تكتم ضحكة بداخلها

واكتشفت اني لم اكلمها ولم نفعل اي شيء

ولكني اقسمت اني سأكلمها في الحقيقة ولا اضيع الفرصة.....1

من بعيد

زيارة إلي غرفتها الصغيرة اعتادها كل يوم أثناء غيابها

وكان علي يقين أنها تشعر ذلك بعد رحيله...فآثاره دائماً باقية وعطره يملأ المكان

وخطوط يديه تبدو علي كل ورقة لامسها....وأنفاسه تبقى معها تؤنسها ليلاً في سهادها اليومي

كانت تعلم ذلك وكانت أيضاً تحب أن تزوره.....ولكنه لم يتأكد أبداً

فلم تكن تُبقي أي أثر لها ....وكان يضيق كلما أحس أنها تخبىء عليه ما يريد أن يعرفه

يقول....لم أعد قادراً علي الصعود عبر سلالم قلبك

أنفاسي تتلاحق ومع كل خطوة أسقط سريعاً لأدني نقطة....فلماذا تفعلين ذلك بي؟؟؟؟

كان واحداً مما يجعلون حياتها أجمل ...ولكنه لم يكن له حياة إلا بها

جلست كثيراً تعزف ألحاناً حزينة علي نغمات قلبه الحائر

تجعل صمتاً يجتاح كل شبراً فيه ولا يستطيع الحراك إلا إذا أغمض عينيه ووجدها في نفسه

بغموضها الموجع وكلماتها الصامتة التي يذوب فيها

ولم يكن يخيفها إلا ذلك الصمت فتشعر أنه يريد أن يبتعد فتتسلل بهدوء وتداعبه ببعض الكلمات

وكان دائماً يفهمها ...ويعود....وهو راضي تماماً

يشتاق إليها ولا يقول إلا بنظرة لا يفهمها أحد إلا هي ...وحدها...تراه ....حتي من بعيد

يشعر انها عندما وضعته بين حرفين صغيرين لتتكون تلك الكلمة ...كأنها تركته علي شريط سكك حديدية

وقطار علي يمينه وآخر علي يساره...ولم يكن يعلم أن كلمة تفعل به ذلك

ربما لأنها لا تدركها.....فازدادت الكلمة قوة وازداد هو ضعفاً...... و حيرة ......وسكون

سكون كموج البحر الذي تحتضنه الصخور لتمتص غضبه

وما كان قلبها إلا صخرة قاسية لم يستطع البحر فك رموزها

فقط بقيت تعانقه كل يوم ...بلا رقة ولا إحساس ......وكأن ذلك رغماً عنها

كان يقترب شبراً فتبتعد أمتاراً ...بقصد أو بدون قصد

تحذفه من حياتها بممحاة تترك أثراً أسوداً في قلبه ....ثم تعود لتعتذر ...وتبقى....ولا يطيق بعادها

وقرر من هذه اللحظة أن يجعلها طيفاً يمر في حياته ....دون أثر

سيزور غرفتها إذا أراد...ويرحل في صمت دون أن تلاحظ

ويتابعها من بعيد ثم من أبعد .....فأبعد....حتي تصبح نقطة صغيرة ...وتتلاشى

لحظات

هل شعرت في لحظة ما أنك وصلت إلي مرحلة من الثبات

وكأنك تلتقط صورة....عقارب الساعة توقفت ....من يضحك ومن يبكي...من يمشي ومن يجري....استحالة ان يتغير شيء

وكانك تقف في نقطة في منتصف الطريق لا تتحرك وتنظر حولك.....سكوت يطبق علي المكان

.....................................

......................................

لحظات صمت...........تفكر

تشعر أنك مكتوف الأيدي.........1

قلبك في سكون تام.....تكاد لا تسمع دقاته

وتكتشف أنه فقد القدرة علي الحب.... أو حتي الكره

أغلق علي نفسه بمئة مفتاح وسلمك نفسه لتخرجه من جوفك وتضعه داخل صندوق له أيضاً مئة مفتاح

ولا تجد امامك غير أن تلقي هذا الصندوق في منتصف البحر ....ومن يجده....فلن يجد مفاتيحه

تعود وحدك....تفكر

لا داعي للبكاء ....للضحك....للألم...للانتظار...لأي شيء

حتي الاشتياق تغلب عليه الغياب حتي فقد معناه

فقط ...سر في طريقك

لا تجعل شيء يوقفك

هذه هي الحياة

من يدقق فيها .....يتعب

من يحسب كل شيء....ويخاف من الغد .....مجنون

من يمشي دون ان ينظر وراءه او بجانبه.....سيربح راحة باله

القلب....هو أساس التعب والألم

ولكن....هل الحياة تكون حياة بدون الم....بدون قلب

كيف نعيش بلا قلوب...بلا مشاعر

الدنيا ما هي إلا معادلة بسيطة

حزن+فرح

لو قمنا بحساب بسيط لبعض اللحظات من المفروض ان تتزن المعادلة

لا يمكن ان نعيش بأحدهما دون الأخر

أيضا سنتعب

لنعطي انفسنا لحظات من التأمل

لننظر الي حياتنا من خارجها

بأن نرجع للخلف خطوة واحدة تفصلنا عن ذلك الغلاف المحيط بنا

ونغلق اعيننا

بالتأكيد ....سنري

إما الحياة

أو

اللا حياة

قرب قلبك

لو كل ورود الكون اتجمعت

عشان تضحك ضحكتك

يا حبيبتي عمرها ما حتشبهها

ولو كل طيور الفضا حاولوا يغنوا غنوة

حيكون صوتك أجمل لو لحنها

وآه لو تبقي جمبي ف ليل السهر

و ف وحدتي تكون روحك هي القمر

ولو يا حبيبتي تنسي أي حاجة تزعلك

وتفتكري بس إني عايش عشان أسعدك

لكنت انا أغني وأغني واطير فوق ف السما

وأرسم بقلبي صورتك ع السحاب

وأحلف علي كل قلب ان كان محبش وداب

ليدوب ف حبك بس مش أكتر مني انا

وان كنتي حتحبي حد غيري أنا

حينسي قلبي كل اللي عاشه من هَنا

لكن أنا عارفك

د هواكي باين وانا شايفك

حتي ان مظهرش علي شفايفك

عينيكي قالتلي عاللي فيها

حتي قلبك وهو مداريها

كلمة بحبك اتقالتلي من زمان

وحسيت ف عينيكي كل الأمان

خايفة ليه صدقيني

و بصي في عينيا حتفهميني

من غير ما أقول قلبي اسأليه

وهناك قرب قلبك حتلاقيه

بس أمانة عليكي تسيبيه

د هو جمبك كدة مرتاح

وجوايا مش لاقي براح

لكن جواكي كل السعادة والورود

وبدفا صوتك يحيا وعمره ما حيموت

ياللا غني معايا غنوتك

وسمعيني بصوتك ضحكتك

وخليني أطير فوق ف السما

وأعيش عمري كله ف الهنا

اليك يا بحر

يا من عشقه قلبي وأصبحت أسيرته عيناي

كم تمنيت أن تأخذني بين طياتك......تضمني بين أمواجك....تبثني ذلك العشق اللانهائي
رأيتك كثيراً تقسو على الصخور ولكن كنت تحنو على قلبي. .....تغسله من

همومه .....وتنسيه الدنيا

لم أجد في حياتي من يحمل في كل قطرة من قطراته كل معاني الحياة المتضادة إلا أنت

فيك وجدت الحب....الحزن....الخوف...الإطمئنان...الغدر

الدفء...البرد...الأمل....الرجاء.....كل شي

كم أحسد هذه الشمس التي يحلو لها أن تغرق فيك كل يوم

والقمر الذي يراك من بعيد ويخاف أن يقترب

وكم أحب تلك القطرات التي يدنيها الهواء من وجهي والمحملة بعطرك

الذي أشعر أنه مزيج من عطور المتحابين

أردت أن اكون مثلك.... وربما شعرت أني أشبهك كثيراً

فهل توافق...؟؟؟؟ وهل تراني كما أراك وتشعر بي حولك؟

ألا تتيقن أن دموعي أصبحت جزءاً منك وأن أمواجك تكاد تحتضنني كلما ذهبت إليك

لا تتهمني بالجنون إذا حاولت الغرق فيك فأنت فراري الوحيد

وسأكون أنا مستشارك الذي لم تتوقع ان تجده وسأرسل رسائل المتحابين معك وقتما تريد

وإذا أردت ان تدعوني "عروس البحر" فليكن

فلن أجد أجمل من أن يُلحق إسمي بإسمك

وأن أعيش معك إلي الأبد.....فلم تكن الأرض لتتسع لي يوماً ما

نجمة يداعبها قمر

كان يوماً عادياً ...لا جديد فيه كما يبدو للبعض
ولكنه القمر ...كان بدراً يملأ السماء بنوره الهاديء

وكان من نصيب تلك النجمة أن تقف بجوار القمر في هذه الليلة
وبدا في عينيها اللامعتين اعجابها الشديد به فلم يحدث لها أن رأته عن قرب هكذا
وأرادت ان تقول له ذلك ولكنها لم تفعل
إما لأنها لم تجد كلمات تعبر عما بداخلها ...أو لحيائها الزائد منه
وعندما أحس القمر ما يدور بخاطرها داعبها قائلاً......ألستِ جميلة أيتها النجمة.....؟؟!!1
فزاد بريق عينيها وضحكت في رقة حتي سمعتها كل نجمات السماء وربما شعرن بالغيرة منها
ثم قالت.....إن كنت انا جميلة فبم توصف أنت في كمالك وبهائك الليلة...وكل
ليلة....؟؟؟!!!!1
ومن تلك اللحظة أصبحا يلتقيان كل يوم لا يهدأ الحديث الرقيق بينهما حتي تشرق الشمس
ولما مضي شهر كامل ...قررا ان يحتفلا بأول لقاء جمع بينهما
وفي لحظات ....تغير كل شيء
فاجتمعت النجوم في مكان واحد وكأنها لآليء تملأ السماء
اما السحب فشكلت بلونها الأبيض الناصع مقعدين ليجلس عليهما القمر ونجمته

ولم تنس السحب أن تبقي بعض اللون البرتقالي من وقت الغروب كي يضفي عليها بعض الجمال
وصعدت العصافير لأقصي حد كي تغني وترقص في ذلك الحفل الذي ربما لن يتكرر
وتمطر السماء.....ولأول مرة ....كأنها تبكي فرحاً بما يحدث
لينزل ذلك المطر الخفيف علي سكان الأرض فيملأهم بهجة ويروي أزهارهم
فينتبهوا لحظات الي السماء ويتأملوا فيها ...ولو لمرة

هل تنتظر
مجرد مبدا امنت به وعاهدت نفسها الا تتخلي عنه
ان كل شيء في هذه الحياة يمكن ان ينتهي .....الا الحب
فبالحب يجب ان يستمر كل شيء حتي ان عكرت صفوه بعض الام الحياة
ولكن
عريس متكامل....كما يقولون.......علي المستوي المادي والاجتماعي والاخلاقي
ويريدها ..........نعم يريدها زوجة له
هل يحبها.....لا تعرف
وهي؟؟؟؟؟ كل من حولها يقولون لها لا ترفضي .......لا يمكن ان ترفضي فليس به أي عيب
هل تحبه.....هل قادرة ان تحبه؟؟؟ او حتي تحاول ذلك؟؟؟
ام ان العشرة والمعاملة والتوافق بين الطرفين شيء اخر
هل يمكن ان تنتظر الحب وهل ستجده في يوم من الايام ؟؟
ام لايوجد من الاساس شيء يسمي الحب الا في الروايات
ليست هي مني في "بين الاطلال" او نوال في "نهر الحب" كي تجد ذلك الحب الذي تراه في بعض الاحيان مستحيلا

هل من المفروض ان تدخل هذه التجربة التي يقولون انها بذلك الشكل تنجح
هل ذاقت حلاوة الحب وفي نهايته ذاقت مرارة شديدة.....فعليها ان تجرب الحياة بدون حب؟؟؟
ام ما زال حلمها القديم يراودها وصورة فارس احلامها تظهر لها بين الحين والاخر وتقول لها.........انتظريني
دقيقة ....ساعة ...يوم..... اسبوع ....شهر.... سنة...سنوات...لا اعرف ولكن لا تتركيني
هل هو ايضا يبحث عنها في كل وقت وكل مكان
هل يشهد القمر والبحر علي عشقه لها دون ان يراها

وهل ينتظر الشعور بتلك الاحساس المفاجيء في قلبه عندما يري عينيها
ام كل ذلك وهم تعيش به وحدها ربما سيؤدي الي نهايتها

يقولون ان الرفصة لا تاتي الا مره واحده
الحب الحقيقي ايضا لا ياتي الامرة واحده

هل تنتظر حبيبها الغائب
ام لاتضيع الفرصة من يديها

حبيبتي....معي

هل تذكرين كم كنت اشتاق اليكِ
انا اذكر.....ولكن الأن ....انا في قمة سعادتي
فأنتِ معي
أنظر في المراة لأراك تظهرين في عيني بابتسامتك الرقيقة
نفعل كل شي ء سويا ...واخرج وانا يدي تمسك يديكِ

ونسمات الهواء تمر علي وجهكِ ووجهي

وسعادتنا تسبق خطواتنا ولا يسمع كل منا الا دقات قلب الاخر تنطق باسمه
مجنون.....يقولونها لي كثيرا
ربما اكون مجنونا ........ولكن بحبي لكِ
وربما انت فعلا معي في كل لحظة
اصبحتِ تسكنين بداخلي
اشعر انكِ تسرين في عروقي مع دمي
اشعر بدقات قلبي تصاحبها دقات قلبكِ وبأنفاسي تسابقها انفاسك
واشعر دموع عينيكِ تسقط مع دموعي
اشعر بدفء يديك في يدي طوال الوقت
انتِ معي في احلامي كل ليلة ولا يستطيع احد ان يبعدكِ عني ولو للحظة
ساكون معكِ في الحقيقة او في الخيال في الدنيا أو في الجنة
لا يهمني الا ان اكون معكِ
ولن اشتاق اليكِ بعد الان
فالاشتياق هو البعد فكيف ابعد عن جزء مني

من تكويني ......من ملامحي......من صوتي....من صمتي
من ضحكي ومن بكائي
لقد اصبحنا شيئا واحدا
فانتِ مني وانا منك

وستكونين معي الي الابد

رمضان كريم

اولا كل سنه وانتم طيبن و ان شاء الله يكون رمضان اقرب الي الله بالطاعة

بصراحة عندي كذا حاجة اقولها

عايزة بس اوصيكم شوية كده عشان رمضان

اول حاجة

الدعاء

والله ده اهم حاجة وكمان في رمضان متنسوش ان الصايم عنده دعوة مستجابة عند افطاره

اسمع الاية الكريمة ويا ريت تحسها اوي

"واذا سألك عبادي عني فاني قريب اجيب دعوة الداعي اذا دعان"

والله الدعوه بتستجاب علي طول بس فيه حاجتين

يا ريت لما تدعي بحاجه قول يا رب نفسي في كذا ....لو فيه الخير

ومهمه جدا الكلمة دي لان اي حاجه بتحصلنا بايد ربنا ممكن نكون عايزنها او لا لكن ربنا هو وحده اللي يعلم ايه الخير لينا

تاني حاجة المفروض تدعي وانت واثق اوي بالاجايه زي كده لو حد سالك اسمك ايه حتقول كذا بدون تردد

عايزين الدعاء يكون كده والله كل ما كنت واثق كل ما ربنا استجاب

الصحابة كانوا بيقولوا ان دعوات رمضان مش بييجي ومضان اللي بعده الا وربنا مستجيب

اسالوا ناس مجربين وكمان مش لازم تدعي لنفسك بس

والله مفيش احلي من دعوه تدعيها لحد بتحبه وتلاقيها اتحققت وهو فرحان

ادعوا لاصحابكم وحبايبكم

ادعوا لفلسطين وللاسلام

ادعوا كل الدنيا تبقي مليانة خير

والله يا جماعة ربنا كريم قوي ومهما بنكون وحشين قوي وبعاد قوي برضه بيحبنا وعايزنا نقرب له

يا ريت نسيبنا من التليفزيون التافه ونشوف حاجات مفيده ومنضيعش وقت

وقراءة القران

والله اللي بيتعود يمسك المصحف مش حيقدر يبعد عنه

بالمناسبة برنامج الاستاذ عمرو خالد عن قصص القران يا ريت تتابعوه

اللي كان متابعني قبل كده فيه مدونة ياسمك نحيا كنا اجتهدنا فيها انا و بعض اصدقائي وكتبنا االحلقات بتاعة البرنامج

وان شاء الله حنحاول نكمل اللي بداناه طول رمضان

واحتمال نعمل نفس الشيء علي الفيس بوك

بس حنستعين بالحلقات المكتوبة علي موقع االاستاذ عمرو خالد بعد استئذانه ان شاء الله نظرا لصعوبة كتابه الحلقات حاليا

كل سنه وانتم طيبين

يا رب ما اكون نسيت حاجه وعزرا لو فيه اي خطأ املائي لضيق الوقت

ده الموقع اللي عليه الحلقات

http://nahrelkher.blogspot.com/

حبيبتي

حبيبتي
كم يقتلني شوقي اليكِ
شوقي اليكِ جعلني لا استطيع الكلام الا معكِ ولا السماع الا لصوتك
يكاد عقلي يتركني كلما رايت احدا يشبهك
وفي الحقيقة.......لا احد يشبهك..فأنتِ جميلتي
جميلتي
لا تعرفي كم اشتاق الي عينيكِ
وربما بحثت كثيرا عن كلمات تصف لماذا اغرق كلما نظرت اليكِ..........فلم اجد
اراكِ في احلامي بتلك الابتسامه الجميلة وذلك الوجه الحنون فأتمني ان اعيش حياتي كلها في احلامي معكِ انتِ وحدك
ولكن هل تجديني انتِ في احلامك؟؟؟
هل تتقابل ارواحنا دون ان نشعر............ربما
اميرتي
الم يحن الوقت كي تطفئي شوقي......كي تمسحي دموعي بيدك الدافئة
كلما غبتِ عني.........زاد شوقي .........و زاد حبي ولا اطيق ان انتظر بعد اليوم
اريد ان اذهب اليكِ وارتمي في احضانك .........ولكن
اشياء كثرة تمنعني تقف امامي ...............مسافات كثيرة تفصلنا..........تبعدنا.....وكثيرون يمنعوني عنك
فماذا افعل وانا اعيش بدونك بلا قلب ويلا روح
و كأني اموت في كل يوم مئات المرات وانا اراكِ واسمعك دون ان تكوني بجانبي
عندك انتِ وحدك الحل
فأما ان تشفقي علي وتطفئي شوقي
واما ان تفكي اسري

وحشتني

يااااااه........وحشتني ......وحشتني قوي يا بحر.....نفسي اخدك في حضني يمكن تعرف قد ايه كنت مشتاقة ليك

تعرفي انك اول مرة تقوليلي وحشتني

عندك حق......عشان بخاف اقولها .....حتبقي قليلة عليك

اتمنيت كتير اشوفك في اللحظة دي بالذات ......والشمس بتغرب .....لحد ما الليل يليل ويطلع القمر.....مش ممكن ....البحر والغروب والقمر في يوم واحد .............كتير ....كتير اوي عليا

وكأن حياتي بتزيد لما بشوف حد منكم

يا بحر......قوللي بقه ...امتي حشوفه

واللا الدنيا حتبخل عليا زي كل مرة

تعرف.....حاسه ان عطره مالي الجو.....كفاية احس ان نسمة هوا عدت عليه قبل ما تعدي عليا

اكيد شاف البحر مرة زي ما انا شايفاه ويمكن كلمه وسمع صوته

تعرف يا بحر اني بعشق صوته.....طيب لو بخلت عليا الدنيا اني اشوفه بلاش تبخل عليا حتي بصوته ....بضحكته....بكلامه

يا تري علي باله واللا ناسي.....مش حتفرق....مش حتغير....مش حنسي .....مش حكره....ومش حعيش

يا تري يا بحر مين ملاك دموع كده....كل دول مجروحين!!!!!!1

خايفة في يوم ابقي واحدة منهم

لما بشوفك لازم ابكي ......مش من الجرح...من الحب..من الاشتياق

خايفة المرة اللي جايه ابكي من الجرح

وساعتها عمره ما حيطيب

ارجوك.....المس ايدي...طمني.....دفيني.....لسه خايفة

خايفة اغرق من غير ما أحس

خايفة الموج يوديني في نص البحر وميرجعنيش

ويا عالم ايه مكن يحصل!!!!!!!!!!!!!!!!!!1

لوحدي.....طاب وماله
الوحدة احساس قاسي.....أحيانا
بالذات لما تحس إن اقرب الناس إليك محدش حاسس بيك أو فاهمك
وان الناس اللي بتبعدك عنهم مسافات طويلة قريبين قوي وكأنهم عايشين معاك في كل لحظة
تعرف إن ممكن حتى نفسك متكونش فاهماك ولا قادرة تتحملك حتى دموعك مش قادرة تنزل عشان تخفف عنك شوية
ولو بكيت حتبكي لوحدك بالليل عشان محدش يحس بيك
وتخيل لو بتيكي عشان حد بتحبه وخايف عليه وهو مش حاسس بيك....... او حتي من كتر ما فيه ناس بتوحشك بتبكي ويمكن هما في نفس الوقت بيضحكوا وناسيينك
تعرف ان من كتر الوحدة بناخد عليها ولو حسيت ان فيه حد معاك مش بتكون مبسوط ومش بتعرف تقول حاجة
بتحس انك في دنيا لوحدك......ساعات بتضحك مع الناس وتخرج وتعمل كل حاجة وحواليك ملايين ....لكن لوحدك.....بتفكر في حاجات تانية وعايش مع نفسك وبس....واسعد لحظات لما بتكون ماشي لوحدك في الشارع محدش حاسس بيك
اعتقد إني لو حسيت إن حياتي مش فارقه مع أي حد اعرفه......أكيد لازم اعرف إن حياتي ملهاش لازمه
عايشة او ميتة ....تعبانة أو كويسة مش فارقه مجرد واحدة زي أي واحدة
لسبب بسيط جدا ....ان الكومبارس عمره ما بيكون ليه دور في الفيلم موجود أو لأ الفيلم حيكمل ومفيش حاجة حتحصل لان وجوده زي عدمه
لما أحس إني مجرد كومبارس في حياة كل اللي اعرفهم......واني.....بشحت الحب او بتحايل علي الناس عشان يسألوا عني ولما يكون رد الفعل من كل الناس واحد يبقي اكيد الغلط عندي..................اكيد
صدقوني لو لقيت لوجودي أهمية حتى لو لشخص واحد بس مش اكتر....يمكن ساعتها يبقي ليا سبب أتمسك بالحياة وأحبها......يمكن

الي متي....؟
الي متي ستظل ايها القمر تطاردني ...في يقظتي وفي منامي ؟
حتي ان لم اراك ...اري ضوء الشمس الحارق ..فأتذكر ضوءك الهاديء الذي يمنحني الطمأنينة
اري عتمة الليل...فأتذكر بهاءك في السماء
اري النجوم .....فأتذكر قربك.....وبعدك
الي متي سأظل ابحث عنك كل يوم وفي كل مكان وتظل انت تختفي وتختبئ وراء السحب
وكأنك اقسمت الا تراني ولا اراك
ربما اردتني ان انساك واتوقف عن مناداتك والبحث عنك
ولكن الي متي ................؟
الي متي ستظل تشعرني انك بعييييييييد مهما حاولت الاقتراب منك
ربما حان الوقت......
حان الوقت لاتوقف عن النظر الي السماء
ولأنظر الي الارض....الي اشجارها وازهارها
او ..........عندي حل اخر
ان اعود ارتداء نظارتي السوداء التي تجعلني اري الليل دائما ....ولكن بلا قمر او نجوم
لتجعل قلبي اعمي قبل عيني , وتجعل عقلي منغلق عن التفكير
ولأدخل غرفتي الصغيرة ...واغلق النوافذ والأبواب حتي لا اري أي شيء
واجلس ...وانتظر
اما الموت............او الحياة

تاج
من زمان جداااااااااا.........من أول ما عملت المدونة وأنا بلاحظ حكاية التاج دي وكانت ديما بتلفت نظري وديما كنت بسال .........هو ايه التاج ده واذاي يجيلي ؟؟؟
المهم نسيت الحكاية دي .....وإذ فجأتن الاقي "human"- انسان يعني- صاحب مدونة وشوشة في القلب بيقول ان ليا حاجة عنده وازور مدونته الاقيه بيهديلي تاج عبارة عن اني اتكلم عن نفسي واوصف شخصيتي- زي ما فهمت يعني-
أولا بشكر إنسان جدا لأنه اعتبرني من أصدقاءه وأهداني التاج ، لكن يظهر انه بينتقم مني " مع اني معملتش حاجة خالص" لان حكاية اني اوصف نفسي دي صعبة جداااااا مش صعبة لاني مش حعرف...لا صعبة لانها ممكن تكون ضدي وممكن اطلع وحشة قوي وممكن كلامي عن نفسي يخليني مغرورة .....وبعدين انا علي فكرة طلبت من ....ناس ....انهم يوصفوني ورفضوا !!! او بمعني اخر ...معرفوش ....يبقي انا حعرف!!!

علي العموم حكون شجاعة كده وحوافق ....بس حبدأ من الاخر
انسان...قال اني المفروض بعد ما اخلص اهدي التاج لخمسة من اصدقائي ....وطبعا اكيد انتوا ملاحظين قد ايه زواري في المدونة كتير ومش عارفة اختار مين واللا مين...... J
علي فكرة ....اللي بيزوروني قليلين جدا لاني بكتب كل مدة عشان كده الناس بتنساني انا مش بلومهم دي غلطتي ...ما علينا
المهم.....بهدي التاج ل"ابراهيم......معايا" , ومحمد هشام , وساعة الغروب, وشريف غريب, وعمرو احمد
وعلي العموم ...عشان محدش يزعل أي حد يعدي عليا وعايز التاج يتفضله بالهنا والشفا.......حلو الكلام
احم ...احم... نبدأ بقه.....مش عارفة ابدا بالعيوب والا بالمميزات والا اتكلم عامة ...! حسيب القلم يتصرف ...ماشي
اهم العيوب اني عصبية .....مش قوي يعني ...بس حسب الوقت والموقف بس ناس كتير قالوا لي اني بطلع بطلع وبنزل علي مفيش يعني بكلمة خلاص الموضوع بينتهي
اللي بيحصل اني لما بتضايق بسيب الناس وبمشي واروح أي مكان لوحدي واقعد ومكلمش حد خالص واعيط مع نفسي .....فيه حاجة برضه بتضايق اصحابي اني لما بزعل من حد وبالذات لو حد بعزه قوي تلاقيني خاصمت الدنيا كلها ومش طايقة ابص في وش حد
ولما الدنيا بتسود بتسود كلها وبتاخد فترة لحد ما تتعدل ولما بتضحك بتضحك كلها برضه ....بس مش بتفضل كده كتير
المهم بقه ان فيه.... ناس... قالولي اني لما بتنرفز بفضل اقول
" ايووووووه" – الاسكندراني – عارفينها وعشان كده بيحبوا ينرفزوني..... ماشي ما علينا
لما بزعل برضه مش بعرف اسامح اللي مزعلني الا لما اقوله كل الي في قلبي ...انت عملت كذا وكذا لحد ما يبقي يا عيني مش عارف يقول ايه ....عملتها كتييييييييير في .....ناس...اصحابي , وبعد ما بعمل كده بزعل قوي من نفسي وبحس ان كنت قاسية قوي ....طيب اعمل ايه بيكونوا غلطانين والله ومش بعرف اكون بوشين ...يعني معرفش اضحك في وش حد بكرهه او جوايا ليه حاجه مزعلاني منه .....انا كده معلش بقه اللي مش عاجبه....يستحمل
بس الحمد لله كله اجمع اني طيبة ....بعد كل ده تخيلوا ...مش عارفة اذاي؟؟؟ يعني ....بيقولوا اني ....معطاءة جدا...ولما بحب حد بديه كل اللي اقدر عليه عشان اشوفه سعيد ....اصحابي يشهدوا .....وهما عارفين ان اكتر حاجة بتضايقني لما بيكون حد فيهم تعبان او زعلان او عنده مشكلة
الحمد لله......بيقولوا برضه اني بقف جمبهم وبساعدهم علي قد ما بقدر
بالمناسبة ....انا فعلا ماليش اصحاب مدونين كتير بس لو حد عنده اعتراض او لو حد عرافني ...كويس وعايز يقول حاجة واقفة في زوره والا حاجه يتفضل ...عادي مش حزعل واللي مش مصدقني وعايز يتأكد....هو حر ...لو عايز يسأل يسأل ....عادي برضه

نرجع تاني...
بيقولوا اني عنيدة ..زاه بصراحة شويه...بس مش العند اللي هو غلاسة ...لأ لما بكون مقتنعة بحاجة خلاص بقه هيه كده
وبحب اعمل اللي نفسي اعمله وواثقة انه صح من غير ما احس اني متكتفة او خايفة
بحب كمان اكتب اللي جوايا وبزعل لما مش بلاقي وقت
جريئة ....مع القريبين مني واالي انا واثقة فيهم ,,وفي نفس ذات الوقتJ
ساعة الجد بتكسف جدا ومش بعرف اتكلم ...وحالتي بتبقي صعبة ...برضه
شوية بيقوالوا اني علي طول بضحك وشويه تانيين بيقولوا اني مع اني مبتسمة وبضحك علي طول الا ان فيه نظرة حزينه بحاول اداريها بالضحك
وناس تانيه بيقولوا اني مش بعرف افرح...او بخاف افرح وده صح علي فكره
بيقولاوا اني ذكية... وماله جايز برضه ....بفهمة اللي قدامي من غير ما يتكلم وفيا حاجه غريبة قوي ....بعرف من العيون الشخص اللي قدامي ده بيحب حد والا لأ ...ومحدش يسال اذاي....بس بجد بعرف
رومانسية جداااااااااا,........اللي يشوفني وانا ماشية في الشارع ممكن يقول عليه مجنونه ليه بقه؟؟؟
لما بسمع صوت العصافير- اصحابي- تلاقيني بضحك , ولما بلاقي يمامة جميلة ماشية في الشارع بفرح جدا , ولما بشوف البحر لازم ابكي ولما بشوف فيلم من الافلام اللي انا بحبها – اللي انتوا عارفينها دي – بتقي حالتي صعبة ...جداااااااا
نفسي كل الي اعرفهم وكل الناس يكونوا سعداء ونفسي كل اتنين بيحبوا بعض – بجد – يتجوزوا –في اخر الفيلم- ويعيشوا حياتهم سعيدة زي ما بيتمنوها .

ايوووووووووووووه............كفاية بقه بجد تعبت جدااا واكيد انتوا كمان زهقتوا
وبعدين فيه حد يتكلم عن نفسه كل ده ....اكيد مغرورة ...مغرورة قوي جدا كمان...........بس خلاص

احلام

شعور غريب راودها هذه الايام بدرجة جعلتني مشفقة عليها

انها عندما ستراه ستقول له بكل بساطة...................بحبك...........1

وعليها ان تتوقع الرد , اما بابتسامته الجميلة............وقوله وانا كمان بحبك

او صدمته وعدم قوله شيء

لذلك قررت انها ستقول كلمتها ثم تذهب من امامه في لحظة حتي لا تري عينيه

وتنتظر الرد اما بالايجاب او بالسلب او ............بالصمت

بالفعل ارادت ذلك وارادته بشدة...............ولكنها كانت علي يقين انها ليست بتلك الشجاعة وان حياءها سيمنعها واذا رأته ستهرب منها الكلمات كالعاده وستكتفي بالسؤال عن احواله

وكانت تعلم ان البنت مهما كانت جرأتها فلن تستطيع ان تقول ......بحبك......لرجل قبل ان يقولها هو

مع انها علي ايضا تعتقد انه ربما احبها واراد ان يصارحها ولكن لم يمتلك الجرأة لذلك

كما حاولت ان تقرا عينيه كثيرا ولم تنجح

وازدادت حيرتها عندما راودها ذلك الحلم كثيرا............ان حادثا ما حدث لها ونقلت علي اثره للمستشفي ومشهد وهويجلس بجانبها وهي نائمة ويمسح علي وجهها ويقول بصوت هامس"بحبك... متسبنيش" ويراها تفتح عينها لتسقط منها دمعة وتردد بصوت يكاد يكون غير مسموع وعلي وجهها ابتسامة "وانا كمان بحبك" ويمسك بيدها لتظل معه حتي تفيق

ربما تكون حائرة من مشاعرها ولا تصدقها وزاد ذلك الشعور عند ذهابها فرح احد اقاربها ومشاهدتها للرقصة السلو وكانت علي الاغاني المفضلة لديها .....ولم تقاوم تخيلاتها يأنها تقف مكان العروس بين يديه وسعادتها لا توصف وهو يبتسم لها ويلامس يدها برقة ويقول لها" وبحس معاك ان انا في السما مش في الدنيا وان انت ملاك ومعاك السنة بتفوت ثانية" وتفيق علي انغام اغنية اخري وهي تسأل لماذا هو الشخص الوحيد الذي تخيلت انها بين يديه وتخيلت سعادتها بهذه الدرجة

اشياء كثيرة استوقفتها وللأسف لم....ولن تجد اجابة

شعور اخير تغلب ايضا عليها كثيرا ....وهو ان تتركه ......ان تختفي من حياته وتخرجه من حياتها ...واذا فعلت ذلك ستفعله بلا رجعة

فلا معني لشيء غامض ليس له تعريف ,ولا معني لمجرد احلام او تخيلات , ولا معني لانتظار المجهول , ولا يمكن ان تستمر في السباحة في بحر لا تعرف نهايته وتكون سباحتها ضد التيار , ولا يمكن ان يستمر الانسان في خداع الاخرين .....او خداع نفسه

ولا يمكن ان يبني لانسان سعادته علي سعادة غيره

لذا.........يجب عليها اتخاذ القرار....واعتقد انه سيكون القرار الأصعب

بحبك................................1

لو طلبت من حد يوصفلي لون معين" الاحمر " مثلا هل حيقدر يوصفه..............اكيد لأ

لازم يشوفه عشان يقولك هوه ده اللون الاحمر!!!!!!!!!!!!!!!!!1

فيه حاجات مينفعش تتوصف لازم تكون حسيتها وعشتها بنفسك عشان تقدر توصفها وممكن كمان كلماتك متكونش معبره قوي عن المعني

الحب.................................1

اشمعني

حد يقدر يقوللي ايه هوه الحب؟؟؟؟ نفسي لو حد عاشه يوصفهولي ....وللاسف احساسي الغالب ان مفيش حد قدر يوصل للمعني الحقيقي للحب ولو فيه ..............يبقي اكيد نسبة قليله جدا

هل اي احساس بنحسه ممكن يكون هوه الحب وممكن نلاقي الحب ده ومنعرفش حقيقة اللي جوانا ونضيعه من ايدينا......بايدينا؟؟؟؟

هل الافلام زي "حبيبي دائما"و " نهر الحب" و "بين الاطلال"و"رد قلبي" قدروا يعبروا عن الحب بالطريقه الصح ام كانت مجرد افلام..............تمثيل بس يعني ومينفعش ده يكون الحقيقة

عندي كذا وصف -مجرد افكار- عن الحب

ممكن احساسك ان حد بالنسبة ليك كل حاجه وتبقي مش عايز حاجة من الدنيا غير انك تكون جمبه

وانت معاه بتكون الدنيا فاضية ومش بتشوف غيره

وعمرك ما حتبص ابدا لعيوبه حتشوفه جميل في كل حاجه من جوه ومن بره

وتعشق ملامحه ونظرته ولمسته وابتسامته و ضحكته و صوته .

و تعشق كل مكان مشي فيه ونفسك تروح معاه في اي مكان من غير ما تخاف من عيون الناس

لما يكون اول واحد بتحب تكون جمبك وانت فرحان واول واحد بيبقي نفسك تبكي في حضنه وانت زعلان

لما تحس انك مهما اديته مش حتقدر توفيه حقه ولو تقدر تديه عمرك كله في سبيل لحظه واحده من سعادته عمرك ما حتبخل عليه

يبقي نفسك تعيش عمرك كله وانت بتسمعه وتشوفه وساعتها حتحس انك ملكت كل حاجه ومفيش حاجه ناقصاك

حتكون مش بتفكر فيه...........لا حيكون ساكن جواك .....وكأنه بيجري في دمك

حتحب نفسك وحتشوفها من جوانب عمرك ما شفتها قبل كده وحتعشق كل حاجة فيك هوه بيحبها

حتشوف الدنيا بعين تانية لما تكون معاه وحتلاقي كل شيء فرحان وعمرك ما حتقدر توصف فرحتك ولا تقول كل اللي جواك وان اي كلمة مش ممكن تعبر عن احساسك الحقيقي لانها حتكون ...ضئيلة جدا

هل هو ده الحب......وهل ده ممكن يكون حب اعمي زي ما بيقولوا؟؟؟؟

واللا الحب انك تلاقي شخص فيه كل المميزات اللي بتتمناها الشكل والعمر والعلم وكل شيء وتحس ان ده هو اللي تقدر تكمل معاه حياتك...لانه مناسب

يمكن ده يكون حب العقل

يمكن يكون الحب مجرد عشرة بين اتنين كل ما عاشرت انسان اكثر وعرفته كويس قوي وشفت فيه كل حاجه واضحه وفهمتوا بعض قوي

الاحساس الاول هل موجود .......هل هو ده الحب الحقيقي واللا مجرد كلام افلام؟؟؟؟؟؟؟؟؟؟؟

واللا الحالتين التانيين.................ايه الاصح؟؟؟

امتي تقدر تقول ....بحبك.......وانت عارف معناها كويس قوي

وهل فيه شروط لنجاح الحب ده واللا النوع الاول خيالي ولازم يكون محكوم عليه بالفشل او بمعني اصح مبقاش موجود في زماننا ده؟؟؟؟وكل حاجه بقت بالفلوس والمركز الاجتماعي والاهل هما الحكم الاول والاخير

واللا المفروض عشان نرتاح نعمل عمليه ونستئصل بيها قلوبنا عشان منتعبش ومنندمش

واللا الاحسن اننا نعيش لوحدنا منعرفش حد عشان منحبش عشان لو حبينا حننجرح او حنفارق او حنلاقي حاجات اكبر مننا تقف قصادنا

هل الهروب من الحب والخوف منه افضل من تجربته

اكيد كل انسان نفسه يحب ويتحب ...........لكن للاسف المثالية في الحب مستحيلة والمشكلة ان استمرار الحب في حد ذاته يكاد يكون معجزة

يمكن مفيش حاجه اسمها حب اصلا....................مش عارفة

منتظرة ارائكم اكيد حتكون مفيدة

والله وعملوها الرجالة

بجد مش عارفة اقول ايه بس مبرووووووووووك مليون مبروك البطولة كانت رائعة والفريق بجد عمل اللي عليه وزيادة اوي فعلا رجالة وجدعان اوي وفرحتنا بيهم اجمل.
يمكن ناس تقول احنا مالنا هما يعني حيدونا فلوس لما يكسبوا واللا حتي يخسروا مش حنزيد ولا ننقص لكن الحقيقة الحكاية اكبر من كده بكتيييييير فيه حاجة من جوانا هيه اللي مخليانا نفرح كده الناس كان نفسهم يفرحوا ..........تفتكروا فيه حاجة تانية ممكن تفرح؟؟؟
بلاش نكون مستكترين الفرحة علي نفسنا كده وكأننا خايفين نفرح وخايفين نكتشف اننا فعلا بنحب مصر وكمان بنعشقها بغض النظر عن اللي حاصل في البلد بوجه عام لكن حبنا وانتمائنا لمصر موجود والحمد لله ان فيه حاجات بتحصل بتأكد ده ........بجد انا فرحانة جدا ومش عارفة اقول ايه بس فيه نقطة مهمه جدا وهيه ان يوم الخميس ان شاء الله عيد الحب...........كل سنة وانتم طيبين وعلي فكرة الموضوع مرتبط جدا لأني شايفة ان (الحب) هو السبب الرئيسي لفوزنا........عارفين ليه اولا لان اللاعبين بيحبوا بعض قوي –في الله- وبيحبوا ربنا قوي عشان كده ربنا كمان بيحبهم وخلا الناس تحبهم وكانوا السبب في فرحة الناس.
عشان كده الحب فعلا هو المفتاح لكل حاجة نفسي كل الناس تحب بعض وتخاف علي بعض وتقف جمب بعض عيد حب او لأ مش حتفرق. واحب اسميه يوم الحب مش عيد الحب واعتبره مجرد فرصه للبعض للتعبير عن حاجة يمكن في اي وقت تاني ميقدروش يعبروا عنها , فرصة كمان لاي حد زعلان من حد انهم يتصالحوا
فرصة اننا نفتكر اننا بنحب بعض....الحاجة الوحيدة اللي بتضايقني اني مش بلاقي حد يديني وردة ولا بلاقي حد اديله وردة......ما علينا
المهم اني بهدي وردة لكل الناس اللي بحبهم في اسكندرية وبره اسكندرية و اكيد للمنتخب الجميل وبوكيه ورد مخصوص لابو تريكة المحترم اللي ربنا راضي عنه بجد والعسول قويييييييييي زيزو او زيدان والاسكندراني شادي محمد واحسن لاعب حسني عبد ربه والمقاتل عمرو زكي و اكيد عماد المتعب قوي والرائع جدا جدااااااا الحضري ربنا يكرمه وكلهم وابراهيم.....سعيد اللي بينزل اخر خمس دقايق بس ما علينا اكيد نسيت كتير بس اعزروني

مبروووووووووووك وكل عيد حب واحنا بنحب بعض

مش قادرة اخبي فرحتي
مش قادرة أداري
حبك في قلبي غير لي كل المعاني
خلي حياتي ودنيتي تبقي في ثواني
ليها شكل تاني

مش قادرة اخبي في عينيه شوقي لعينيك
د وأنت جنبي و قصاد عينيه بشتاق إليك

قلبي في ايديك
قلبي في ايديك زي طفل مولود جديد
محتاج لحد يضمه يمد له ايد
وضحكة عنيك
لازم تخلي قلبي الحزين يبقي سعيد

عارف ليه خايفة انك تبعد بعيد؟؟
عشان قلبي ميكونش وحيد
خليك معايا
د انت قمري اللي منورلي سمايا
وانت نهري اللي ارتوي منه
ومالهوش نهايه
وانت صوتي اغني بيه لحن لهوايا
وانت املي وفرحتي في ليلي الطويل

من غير دليل
حبك حتشوفه في عنيه من غير دليل
فرحة عنيه وشوقي لعنيك
حتخليك يا حبيبي بتفكر فيه
اكتر ما بفكر فيك
قلبك حيحس بيه
حتي لو احنا بعيد

قلبي سعيد بقلبك عشان سعيد
مش قادر يخبي فرحته
وانت بقيت حياته ودنيته
وحبه الوحيد

يوم من عمري

نعم كان يوما من عمري وقليلة تلك الايام التي تحسب انها اجمل ايام حياتي
لا اعرف من اين ابدأ و لماذا من الاساس اكتب هذا البوست مع انه اصر ان يحتفظ بتفاصيل هذا اليوم لنفسه لكنني لا استطيع او ربما لاني اود ان اتذكر هذا دائما مع اني لن انساه اذا لم اكتب عنه ولكن ربما اذا كتبته ساقرأه كلما ساكون حزينه فابتسم وربما اضحك وربما ابكي

لماذا دائما تمر هذه اللحظات الجميله بسرعه وكأن الساعه تسابق الزمن وكأن كل الاشياء اجتمعت لتسعدني ثم تاخذ مني تلك السعاده في غمضة عين لتترك لي للمره المليون الذكري وما اجمل وربما اصعب الذكري هذه المرة

كل شيء اصبح له ذكري رؤيتي له بداية من تلك الاشجار والكتاب و البالطو والادوات التي احملها والموبايل والشيكولاته كل شيء حمل لمسه من يديه. نهاية بالكافيتيريا وفضل شاكر وخاصة -الله اعلم- التي تصر في كل مره ان تكون مع ذكري جددة لكي تبكيني في كل مره اسمعها

هل انا رومانسيه زيادة عن الحد.....كئيبة....خيالية...حالمة...ربما

مرة اخري اتحدث عن نفسي مثلما فعل معي تركني ايضا لاتحدث عن نفسي وجلس ينظر الي تلك النظره التي كلما تذكرتها وجدتني ابتسم عندما اتذكر وجهه المليء بالطيبة ولم ولن اري مثل ذلك الوجه الطيب من اول لحظة رأيته. اتذكر شفتيه وهو يتمتم بتلك الكلمة "يا ...." وعينيه مليئة بالشفقة وحنية لم اشعر بها من قبل .........والله لا ابالغ....كلماتي دائما تعجز عن وصفه عن التعبير عن مشاعري له ربما لانها اجمل واعظم واكبر من ان توصف بالكلمات حتي ولو بكلمة الحب ولانه حب من نوع اخر لا يوصف فكلمة حب لا تنصفه

حقا انه شيء اخر لا يجب ان يفهم كما يريد البعض ان يفهمه

شكوت اليه عدم استطاعتي الفرحة قال لي دلوقتي انتي سعيدة........ امسكي في اللحظه دي علي قد ما تقدري

لماذا لم تتحدث عن نفسك؟؟؟ لم اكتفيت بالاستماع والنظرالي؟؟؟

اعرف ان ما بي من حزن والم لا يقارن بما بك من الم تحاول ان تخبئه وراء تلك العينين اللتين شعرت انهما مثل البحر......نعم البحر......بل اجمل ولكن اذا ذهبت الي اعماقه ربما تغرق بعد ان تكتشف ذلك الحزن الممزوج بالحب!!!!!1

مرة اخري تقترن سعادتي بك...سعادتي عندما اشعر انك سعيد فقط عندما تسمع صوتي وضحكتي.........العاديه ........ ولو استطيع لاسمعتك صوتي وضحكتي طوال حياتي اذا كان هذا يسعدك

اما عن الفراق فلم اشعر به الا بعد ان رحل وهو ليس من الذين ينظرون وراءهم عند الفراق ليأخذ النظرة الاخيرة مع اني فعلت ذلك ونظرت خلفي لعلي اسرق لحظة اخري من الزمن ....لكنه لم يفعل ومضي في طريقه

ولم اشعر بنفسي الا وانا داخل القطار استيقظ من نومي متذكرة ذلك الحلم الجميل الذي لم ارد ان اصحو منه ابدا

نعم حلم....لم يكن الا حلما اتمني ان احلم به مرة اخري بل مرات

فلتتركني الان لكي انام لعلي احلم بك ....تصبح علي خير

بس متنساش ت"طمني عليك"1

سعيدة جدا ...سعيدة

انت

من انت؟؟؟

انت نهر الحب الذي شربت منه فاصبح يجري في شرايييني

كنت دائما انا ذلك النهر الذي يشرب منه الاخرون فيرتوواومع ذلك كنت اشعر بالعطش ...فوجدتك

فأنت نهري الذي لم ولن ينضب وسأظل ارتوي منه حتي.....1
اذا بحثنا سويا عن مصدر تلك الابتسامة التي اصبحت لا تفارقني سيكون انت فأنت مصدر ابتسامتي وسعادتي اذا ...فأنت (انت جنتي الارضيه ما ان اغمس فيك حتي انسي همي كله!!!دنياي كلها
لماذا سميت نفسي نهر الحب؟؟؟

ربما لاني اعشق هذا الفيلم وكل كلمة فيه ولكن الحقيقة انني اشبه كثيرا (نوال)_فاتن حمامة_ليس في الشكل ولكن في مضمون هذه الشخصية المضحية دائما والخائفة من السعادة والخائفة حتي من الاقتراب منها او التفكير فيهانعم....دائما وانا اخاف من السعادة...لم افرح في حياتي الا واوقفت نفسي حتي لا اطمع فيما هو اكبر مني او ليس من حقي وكنت كلما اقتربت من السعادة خطوة ترجعني قدمي خطوات كثيرة
اما الان ....لم اعد خائفة من السعادة وساقولها (انا سعيدة)ولاول مرة في حياتي اكون علي يقين ان ما اشعر به هو السعادة الحقيقية وتلخص معني هذه السعادة في وجودك بجانبي بل وجود كثيرين احبهم ويحبونني بجانبي حتي ولو بيننا الاف الامتار ...يشعر كل منا بالاخر
..................................................................................
السعادة ليست في ان نصنع شيء لانفسنا فنكون سعداءولكن ان تدخل السعادة علي قلب من تحب...ان تساعدهم وان تري في اعينهم الفرحة والرضاانها لذة لا تقدر بمال...مشاعر رائعة لم ولن اشعر بها ابدا حتي ان نظرتي للاشياء تغيرت كل الاشياء اصبحت جميلة وان امشي في كل مكان اشعر ان الدنيا حولي تبتسم لي الشمس والقمر والزهور والبحر والشجر والمطر والسماء كل شيء يتحدث عن سعادة قلبي الحمد لله

ولان الله دائما بجانبي فهو يعوضني عندما افقد شيءاو حتي اشياء اجد ما هواجمل اجد من السعاده ما يفوق الاف المرات الحزن الذي كان من فراق احدهم
اذا فانا سعيدة
سعيدة جدااااااااااااااااااااااااا...............سعيدة

الان وطوال شهر رمضان

كل سنة وانتم طيبين بمناسبة شهر رمضان الكريم
ان شاء الله تابعوني في رمضان علي مدونة بأسمك نحيا

http://nahrelkher.blogspot.com/

ذكريات......كلاكيت تاني مرة
الذكريات المره دي مختلفه جدا فهي ذكريات الطفوله ومش حتكلم عن حاجات اثرت فيه انا شخصيا لأ انا حتكلم عن حاجات اثرت فينا كلنا بلا استثناء
الموضوع اني حاسة اننا كاطفال كنا واخدين حقنا من البرامج او اغاني عن الطفوله غير دلوقتي خالص للأسف الأطفال بيغنوا اغاني الكبار وحفظينها عن ظهر قلب وكمان ممكن بعض الأهالي يسيبوا اولادهم يتفرجوا علي برامج ويسمعوا كلام مش المفروض انهم يشوفوه او يسمعوه
تعالوا كده نرجع لزمان شويتين.... بس انا مش مسئولة عنكم اللي حيقرا ممكن يضحك جدا وممكن يبكي
فاكرين صفاء ابو السعود والأوبريتات الجميلة اللي كانت عملاها,اوبريت اللعبة بتاع نيللي
اغنية ذهب الليل،وأغنية الحروف الأبجدية ,وانا الفرخة,واغاني عفاف راضي وعبد المنعم مدبولي,ماما زمانها جايه
فاكرين فطوطة اظن ده ميتنسيش,بابا ماجد ,وبقلظ ونجوي ابراهيم,عروستي,
ومحدش ينسي الرسوم اللي لسه بنشوفه و نقول حيحصل ايه و نضحك زي ميكي ماوس و دونالد داك وتوم وجيري و باباي
ها..اكيد بتضحكوا كانت ذكريات جميلة و كنا عايشين حياتنا
وعلي رأي الست...وعايزنا نرجع زي زمان قول للزمان أرجع يا زمان

ذكريات

اولا بالنسبة للبوست اللي فات و عيد ميلادي انا فرحانه جدا بيه و كانت امنيتي انكم تكونوا ديما معايا و ييجي اليوم اللي اقدر اشوفكم فيه

ثانيا تخيلوا ان فجأة تلاقوا اسم حد كتير قوي كده و في كل حاجه يعني مثلا تبقي بتتفرج علي التليفزيون و برضه تلاقيه هل من الصدفه ان يكون اسم عمر الشريف في فيلم "في بيتنا رجل "هوه هوه اسم عبد الحليم في "معبودة الجماهير"يكون هوه هوه اسم محمد فؤاد في اسماعيلية رايح جاي!!!!!!!!!ربنا يستر

المهم ندخل في موضوعنا

طول عمري بقول ان كلمة النسيان دي صعبه قوي يعني نفيش حاجة تقدر تخليني انسي موقف معين حصل ليه او اي شخص ده بغض النظر طبعا عن حالة النسيان العاديه اللي بتحصل لاي حد لكن قصدي الاساسي اني مثلا اعرف حد و تفرقنا الظروف و تقولولي يا ستي بكرة تنسي كلنا بننسي و الايام بتعدي......مفتكرش

لو نفرض ان حد عملك موقف وحش جدا وزعلك و مشفتوش بعد كدة هل حتنسي الموقف او الشخص ده؟؟؟بالطبع لأ الحقيقة ان الحياة بتاخدك و بتيقي مركز في حاجه معينة شغلك ومذاكرتك لكن لو قعدت مع نفسك شوية اكيد حتفتكر الموقف ده و حتزعل جدا غصب عنك وده لو كان موقف وحش تخيل بقه لو بتحب حد و عشتوا مع بعض اجمل الايام و كل مكان و كل كلمه و كل اغنية بتفكرك بيه و كل شيء ليه معاك ذكري....هل ممكن تنساه لو اتفرقتوا؟؟؟اسفه اني اقول مش ممكن و اللي يقول كده اما كداب او بيضحك علي نفسه بس مش معني كده انه حيبقي اسير للحب ده بغض النظر عن الظروف اللي حصلت لا طبعا الحياة بتعدي و الحب حيفضل في القلب لكن مثلا لو حصلت خيانه من احد الاطراف الحب حيفضل يقل يقل لحد ما يختفي تماما و لو حصل و افتكرت الشخص ده مش حتفتكر غير جرحه و ده الاصعب لان ساعتها كل الذكريات الجميله اتبدلت كلها بجرج واحد و حتي لو معدش ينزف حيفضل معلم في القلب

عمرها حصلت لحد انه يلاقي دموعه بتنزل و يلاقي نفسه بيفكر في حد غصب عنه و ف كل لحظة و بيلوم نفسه كل ما الشخص ده ييجي علي باله .....!!!!!1

انا اسفة يا جماع انا يظهر بخرف جامد قوي سامحوني انا مش حقري البوست ده بعد ما كتبته عشان متصدمش باللي كتبته

ربما يكون للحديث بقيه!!!1

انت عمري
اللي شوفته قبل ما تشوفك عينيه عمر ضايع يحسبوه ازاي عليه؟؟انت عمري
اصل النهارده عيد ميلادي هوه مش عيد ميلادي انا هوه في الحقيقه عيد ميلاد نهر الحب وبمعني اصح هوه عيد ميلاد مدونتي كلمات بس انا بعتبر اني اتولدت من جديد لما عملت المدونه دي
النهارده انا عندي سنه والحقيقة ان السنه دي كانت غريبه عليه شويتين بس كانت فيها حاجات كتيييييييييييييير حلوة
انا مش عارفة اقول ايه و اتكلم عن مين؟؟ عني واللا عن نهر الحب و اللا يمكن احنا شخص واحد ....يمكن نهر الحب هيه افكاري و مشاعري و رومانسيتي اللي عمري ما قدرت اظهرها انا بحب نهر الحب لكن احيانا اشفق عليها!!!!!1
المهم انا مش عايزه اتكلم عن نفسي انا عايزه اتكلم عن ناس وقفوا جمبي بجد عشان المدونه دي تستمر و كان تشجيعهم ليه هو السبب في استمراري و احب ابدأ بأستاذي العزيز استاذ ياسر و قد ايه تعليقاته مهمه بالنسبه ليه و كان تعليقه علي "وحشتيني " خلاني ابكي و فرحني جدا ....تحياتي لعزيزي استاذ ياسر ثابت
وصديقتي العزيزه اللي ديما تتوه مني في الزحمه لكن الحمد لله بلاقيها "توهه" ...وحشاني جدااااااااا
حبيبتي و انا صادقه عندما اقول حبيبتي التي تشبهني ساعة الغروب
صديقي و اخي عمرو احمد بجد وقف جمبي جامد قوي في كل حاجة و اكتر واحد شجعني و خلاني اكمل
human
انسان بمعني الكلمة و محترم جدا و اتمني يكون صديقي
ادم المصري بابا جدو بيقول اللي في نفسه بجد من غير خوف ...تحياتي
شريف غريب صديقي الاسكندراني ان شاء الله تدوم صداقتنا
اسكندراني في الغربه و احمد عيسي و عادل و الغزالي و عروس البحروتيرميناتور والبرنس اصدقائي الجدد
ناقص واحد بس هوه "ابراهيم...معايا" ويا رب يفضل طول عمره معانا كلنا الرومانسي الهاديء السياسي البارع مدونته عباره عن اتحاد مدونات في بعض كلامه ديما جمييييل ..تحياتي
في الاخر عايزه اقول اني اتعلمت حاجات كتير من المدونه و اني حبيت كل اصحابي المدونين و عرفت ان الحب الحقيقي اللي يكون من غير مصلحه تحب ناس بيحبوك و لو غبتوا عن بعض توحشوا بعض قوي اكتر من اي حد
احبائي و اصدقائي الاعزاء المدونين يا ريت مكونش تقلت عليكوا

بحبك.... وحشتيني

يا تري حتهدي الاغنية دي لمين....!!! انا عن نفسي اهديها لمصر اشمعني يعني اصل انا بحس انها لايقه علي مصر بالذات لواللي بيقولها مسافر خارج مصر ركزوا شويه في كلام الاغنيه حتلاقوا ان عندي حق

هو احنا بنحب مصر ؟؟؟ اه انا عن نفسي بحبها جدا و الله بس للاسف محدش بيحس بحب حد الا لما تحصل حاجه جامده

افتكرت جمله في فيلم مافيا بين حسبن فهمي و السقا بما معناه حسبن فهمي سال السقا وقال له بتحب امك؟؟ قالله اه طبعا قالله بتحبها ليه؟؟ عشان هيه امك واللا عشان هيه اجمل ست في الدنيا؟؟

عشان كده احنا كلنا بنحي مصر لكن للاسف مش واخدين بالنا يمكن عشان فيه حاجات كتيرفي البلد مش صح و تخنق لكن اللي بيحب حد المفروض يركز علي مميزاته اكتر من عيوبه وده اللي بيحصل فعلا ممكن حد يحب حد مفهوش اي ميزه و ممكن كله عيوب لكن ديما بيدافع عنه و يبص اكتر لمميزاته البسيطة

مصر اجمل بلاد الدنيا اعتقد اني مقدرش اخرج منها ده انا ممكن احس اني لوطلعت من اسكندريه حبقس زي السمكه اللي طلعت من الميه و اسالوا المتغربين لوما اقسموش لن مصر احلي يلاد الدنيا ميقاش انا و البلاد الاجنبيه فيها عيوب اكتر من مصر بمرات يكفي ان عندنا استقرار اسري وحب بين الناس معتقدش حتلاقيه قي اي مكان تاني

يمكن اكون مبالغه بس ده رايي

مبروووووووووووووك للأهلي الدوري والكأس عن استحقاق

خايفة
خايفة منك
خايفة فجأه الاقي قلبي في حضن قلبك
بيخاف عليك
حاسه بيك
بتنادي قلبي من بعيد
و خايف يناديك
عشان قلبي خليك بعيد
د انا من غير ما اشوف عينيك
خفت اسهر لياليك
و احلف ما اكون غير ليك
و اعيش عمري بداري عليك
اني في مرة حلمت بيك
حلمت انك جوة حضني
و ايديا ماسكة في ايديك
خفت احبك و اصحي من حلمي
و الاقي دنيتي من غير عنيك
قويني بيك خليني اسيب خوفي و احبك
سيبني اعيش طول عمري جنبك
من البدايه نبتدي احنا الحكايه
من غير نهايه د حبنا ملهوش نهايه
بس اوعدني تخليك معايا
تكون ليا ما اكون غير ليك
يكون بيتك في حضن عينيه
و يبقي بيتي في حضن عينيك
وما اخفش منك
و اخلي قلبي يخاف عليك و يحس بيك
من غير ما تنادي عليه يرد عليك
و عمره ما يداري عليك
انه كل يوم بيحلم بيك
و حيعيش عمره ما يخفش منك
و يخاف عليك

فات الميعاد
"هل جلست العصر مثلي بين جفنات العنب.....و العناقيد تدلت كثريات الذهب"
ايظن.. اني لعبة بيديه انا لا افكر في الرجوع اليه...اليوم عاد كأن شيئا لم يكن و براءة الاطفال في عينيه
اما الاولي فهي جزء من اغنية "اعطني الناي و غني " لتلك الفنانة الجميلة ذات الصوت الملائكي العذب الحنون الدافيء انها الجميلة فيروز
سمعت الاغنيه دي في الايام الاخيرة كتير لانها لفتت نظري ولاني مكنتش بسمع لفيروز قبل كده الا بالصدفة بس كنت بحب قوي اغنية"شايف البحر شوكبيييييييييير كبرالبحر بحبك.... شايف السما شو بعيده بعد السما بحبك
اللي لفت نظري في الغنية الاولي هي كلمة" العنب"و بسخرية شديدة تذكرت تلك ال...لا اعرف ماذا اسميها و التي تتحدث عن العنب و تخيلت حال العنب و هو يستمع الي الاثنين
حصل معايا نفس الشيء مع اغنيه ايظن للرائعة نجاة و من سمع تلك الاغنية يفهم قصدي و يعرف مدي جمال هذه الرائعة و يعرف مدي صدمتي عندما شفت و سمعت المهذله الاخري
اللي خلاني اكتب البوست ده كذا حاجه حصلت زي اللي فاتوا بالظبط و البوست ده كان المفروض يتكتب من زمان لكن اعتزر لانشغالي
و كان اول شيء خلاني اكتب هو ان ذكري وفاة ام كلثوم يوم 3 فبراير و هو نفس يوم عيد ميلادي وبعد عشقي لاغنية فات الميعاد و حفكركم بجزء جميل منها بيقول"الليل ..و دقة الساعات تصحي الليل.. الليل و حرقة الاهات في عز الليل ..و قسوة التنهيد و الوحدة و التسهيد لسه ما همش بعيد لسه ما همش بعيد...و عايزنا نرجع زي زمان قول للزمان ارجع يا زمان و هاتلي قلب لا داب و لا حب و لا انجرح و لا شاف حرمان "
شوفوا قد ايه رائعة و كلاماتها من الكلمات التي تبكيني و برضه كانت صدمتي الكبري لما شفت التدني و الاسفاف بالبدأ بتلك الكلمات الجميله ثم تكملتها بكلمات تافهه و هابطة المعني و الاداء.
صراحة ان مش عارفه هما بيعملوا كده ليه ميسيبوا الروائع دي في حالها و يهبلوا هما براحتهم
و االي زود حسرتي اني بعدها و انا فاكرة اليوم كويس كان قبل امتحان الصيدلنيات ز كان فيه لقاء تليفزيوني علي احد القنوات تخيلوا كده معابا حلقه بالابيض و الاسود و مذيعه زي القمر اما الفنان فلم اري في اناقته و رزانته احد و هو يضع قدم علي الاخري و يرتدي تلك البدله السوداء مع الحذاء الاسود اللامع .. اما سنه فلا يقل عن الخمسين

لكنه اجمل و اشيك من شاب في الثلاثين

انه الموسيقار الرائع محمد عبد الوهاب و بصراحة انا مشفتش حديث تليفزيوني بالروعة دي و مكنتش قادرة اقوم و اسيبه لولا الامتحان .
بعد الحديث ده سرحت كتير قوي و قارنت بين الجيلين بين الفن زمان و الفن دلوقتي بس عشان مظلمش حد برضه لسه فيه ناس بتقدم حاجات كويسة بس زمان الفنان كان انسان راقي بمعني الكلمة و محترم يغني للحب و للوطن و للأم و للطفل وللدين لكل حاجة و بأحساس قوي متحسش ان فيه نفاق و كانت كلمات الاغاني مؤثرة جدا لدرجة ان مثلا بابا يقوللي ان مفيش حد سمع اغنية ام كلثوم "بعيد عنك ....حياتي عذاب متبعدنيش بعيد عنك"
الا و لازم يعيط و لو قلت اغاني تانيه زي "هجرتك" "هجرتك يمكن انسي هواك و اودع قلبك القاسي....و قلت اقدر في يوم انساك لقيت روحي في عز جفاك بفكر فيك و انا ناسي"
و طبعا "انت عمري"و عودت عيني و سيرة الحب و"ياللي كان يشجيك انيني" و............ مش حقدر اعد طبعا و انا عارفة ان كلام الاغاني هوه هوه مبيتغيرش في المضمون لكن اللحن و الاحساس حاجة تانيه
و انا سبت عبد الحليم للاخر و اكيد حعمله بوست لوحده في زكراه يوم 30 مارس ان شاء الله بس حكتفي بذكر اسماء اغاني و اتحدي لو في حاجه اتعملت زيها "موعود" و" اهواك " و" حاول تفتكرني " و "فاتت جنبنا"و "رسالة من تحت الماء" و....اقول ايه بس و اللا ايه
المهم اللي بيضايقني ان ناس كتير بيظلموا الشباب و بيقولوا ان زوقهم انحدر لكن ده مش صحيح والدليل اني كنت عملت زي استفتاء بيني و بين ناس كتير اعرفهم عن نوعية الاغاني اللي بيحبوها لقيت ان معظمهم بيحب القديم زيي و خاصة فيروز لقيت اجماع علي حبها و سماع ام كلثوم و عبد الحليم و اكتشفت ان العيب مش فينا لكن للاسف فئة قليله جدا هيه اللي شاذة و هيه اللي بتشوه الحاجات الحلوة
في الاخر حقول ان مفيش حاجه بالعافيه و كل واحد يحب الحاجه اللي تعجبه و مفيش حد يقدر يجبر حد علي حاجه و لازم يبقي عندنا اراده و احنا اللي نختار . و علي فكره لسه مفتش الميعاد و لسه فيه امل

اه لو اشوفك
اه لو اشوفك...والمح طيفك
اه لو اسمع اسمي بصوتك
اه لو اشوف بسمه علي خدودك
اه لو ابوسك
نفسي عينيه تبوسها عيونك
ولا شفايفي تبوسها خدودك
اه لو اشوفك
نفسي اضمك بين احضاني
نعيش انا وانتيِ في عالم تاني
عالم كله احلام و اماني
و لما نقوم م الحلم نغني
تقولي احبك و اقول اهواكي
اهوي عنيكي السود الحلوة
و لا الشعر الليل و ده غنوة
و لا خدود الورد خدودك
اه لو اشوفك
حلم حلمته بقالي زمان
جنة و فيها حبة رمان
نقول انا وانتي احلي كلام
يتروي بيه قلبي العطشان
عطشان لعنيكي و سهران لياليكي
يناديكي ...لو كنت غالي عليكي
خليني اشوفك.....والمح طيفك
اه لو اسمع اسمي بصوتك
نفسي اشوفك