Tuesday, September 11, 2007

الان وطوال شهر رمضان

كل سنة وانتم طيبين بمناسبة شهر رمضان الكريم
ان شاء الله تابعوني في رمضان علي مدونة بأسمك نحيا


http://nahrelkher.blogspot.com/

Saturday, September 01, 2007


ذكريات......كلاكيت تاني مرة
الذكريات المره دي مختلفه جدا فهي ذكريات الطفوله ومش حتكلم عن حاجات اثرت فيه انا شخصيا لأ انا حتكلم عن حاجات اثرت فينا كلنا بلا استثناء
الموضوع اني حاسة اننا كاطفال كنا واخدين حقنا من البرامج او اغاني عن الطفوله غير دلوقتي خالص للأسف الأطفال بيغنوا اغاني الكبار وحفظينها عن ظهر قلب وكمان ممكن بعض الأهالي يسيبوا اولادهم يتفرجوا علي برامج ويسمعوا كلام مش المفروض انهم يشوفوه او يسمعوه
تعالوا كده نرجع لزمان شويتين.... بس انا مش مسئولة عنكم اللي حيقرا ممكن يضحك جدا وممكن يبكي
فاكرين صفاء ابو السعود والأوبريتات الجميلة اللي كانت عملاها,اوبريت اللعبة بتاع نيللي
اغنية ذهب الليل،وأغنية الحروف الأبجدية ,وانا الفرخة,واغاني عفاف راضي وعبد المنعم مدبولي,ماما زمانها جايه
فاكرين فطوطة اظن ده ميتنسيش,بابا ماجد ,وبقلظ ونجوي ابراهيم,عروستي,
ومحدش ينسي الرسوم اللي لسه بنشوفه و نقول حيحصل ايه و نضحك زي ميكي ماوس و دونالد داك وتوم وجيري و باباي
ها..اكيد بتضحكوا كانت ذكريات جميلة و كنا عايشين حياتنا
وعلي رأي الست...وعايزنا نرجع زي زمان قول للزمان أرجع يا زمان