Monday, February 12, 2007




اه لو اشوفك
اه لو اشوفك...والمح طيفك
اه لو اسمع اسمي بصوتك
اه لو اشوف بسمه علي خدودك
اه لو ابوسك
نفسي عينيه تبوسها عيونك
ولا شفايفي تبوسها خدودك
اه لو اشوفك
نفسي اضمك بين احضاني
نعيش انا وانتيِ في عالم تاني
عالم كله احلام و اماني
و لما نقوم م الحلم نغني
تقولي احبك و اقول اهواكي
اهوي عنيكي السود الحلوة
و لا الشعر الليل و ده غنوة
و لا خدود الورد خدودك
اه لو اشوفك
حلم حلمته بقالي زمان
جنة و فيها حبة رمان
نقول انا وانتي احلي كلام
يتروي بيه قلبي العطشان
عطشان لعنيكي و سهران لياليكي
يناديكي ...لو كنت غالي عليكي
خليني اشوفك.....والمح طيفك
اه لو اسمع اسمي بصوتك
نفسي اشوفك


12 comments:

Yasser_best said...

كلماتك رقيقة حالمة كأنها نهر يتدفق

سعيد بأن دراستك الصعبة في كلية الصيدلة لم تمنعك من مواصلة التدوين وكتابة محاولاتك الشعرية الجميلة هنا

أنتِ إنسانة جميلة

nahrelhob said...

اشكرك كثيرا استاذ ياسر و يا رب دائكا تكون بخير

Human said...

نهر الحب

انت فعلا موهوبة وكلماتك بسيطة وجميلة بتكون مجموعة من الجمل غاية في الروعة ..بس حاولي تغيري في المواضيع ..ابتكري مواضيع جديدة ..الشاعرة دايما بيكون خيالي واسع

Sampateek said...

متشوفيش وحش

هما سنتين بس و حتغيري رايك
:)

nahrelhob said...

human
اشكرك علي كلامك الجميل عندي افكار كتير قريب ان شاء الله حتشوف حاجه تعجبك
sampateek
اشكرك علي الزياره بس اسفه مفهمتش قصدك ايه

ادم المصري said...

وانا والله وبحلم برده
اني اشوفك
والمح طيفك
واني في حلمك اصبح ضيفك
وارقص والعب
فوق انغامك
احفظ جوة عيوني كلامك
باحلم انك تبقي الدنيا
وابقي الكون اللي بيحويها
باحلم انك تبقي الوردة
وقلبي بروحي كمان يروريها
.
.
.
تحياتي ليكي
ادم المصري

توهة said...

هى رقيقه ورومانسيه


بس اكيد فى أحسن


:)


تحياتى

nahrelhob said...

ادم المصري
اهلا بيك بس ايه الكلام الجامد قوي ده؟؟
توهه
اهلا بيكي و احترم رايك بالطبع

LAMIA MAHMOUD said...

طيب اقول حاجة معلش .. هي رقيقة .ز والاسلوب يوضح ان في امكانيات اكتر من كده


ياريت منحبسش امكانيتنا

sydalany-وش مكرمش said...

أنا بس بقول إني عديت

أما عن المكتوب
فلا تعليق

نبيــذ said...

فعلا يا نهوره احساسك بسيط بس حسيت ان فى احلا من كده

إبـراهيم ... معـايــا said...

إحساسـك عااالي ، وقصيدتـك مضبوطة على فكـرة جدًا ، وتعطي إحساس إن عندك فعلاً موهبة ...
.
.
يجب أن تهتمي بها ، وتنميها جدًا

.
.
تسلم إيـدك حقيقي ..
رقيقة ، وبسيطـة :)

تحياااااااتي