اه لو اشوفك
اه لو اشوفك...والمح طيفك
اه لو اسمع اسمي بصوتك
اه لو اشوف بسمه علي خدودك
اه لو ابوسك
نفسي عينيه تبوسها عيونك
ولا شفايفي تبوسها خدودك
اه لو اشوفك
نفسي اضمك بين احضاني
نعيش انا وانتيِ في عالم تاني
عالم كله احلام و اماني
و لما نقوم م الحلم نغني
تقولي احبك و اقول اهواكي
اهوي عنيكي السود الحلوة
و لا الشعر الليل و ده غنوة
و لا خدود الورد خدودك
اه لو اشوفك
حلم حلمته بقالي زمان
جنة و فيها حبة رمان
نقول انا وانتي احلي كلام
يتروي بيه قلبي العطشان
عطشان لعنيكي و سهران لياليكي
يناديكي ...لو كنت غالي عليكي
خليني اشوفك.....والمح طيفك
اه لو اسمع اسمي بصوتك
نفسي اشوفك
12 comments:
كلماتك رقيقة حالمة كأنها نهر يتدفق
سعيد بأن دراستك الصعبة في كلية الصيدلة لم تمنعك من مواصلة التدوين وكتابة محاولاتك الشعرية الجميلة هنا
أنتِ إنسانة جميلة
اشكرك كثيرا استاذ ياسر و يا رب دائكا تكون بخير
نهر الحب
انت فعلا موهوبة وكلماتك بسيطة وجميلة بتكون مجموعة من الجمل غاية في الروعة ..بس حاولي تغيري في المواضيع ..ابتكري مواضيع جديدة ..الشاعرة دايما بيكون خيالي واسع
متشوفيش وحش
هما سنتين بس و حتغيري رايك
:)
human
اشكرك علي كلامك الجميل عندي افكار كتير قريب ان شاء الله حتشوف حاجه تعجبك
sampateek
اشكرك علي الزياره بس اسفه مفهمتش قصدك ايه
وانا والله وبحلم برده
اني اشوفك
والمح طيفك
واني في حلمك اصبح ضيفك
وارقص والعب
فوق انغامك
احفظ جوة عيوني كلامك
باحلم انك تبقي الدنيا
وابقي الكون اللي بيحويها
باحلم انك تبقي الوردة
وقلبي بروحي كمان يروريها
.
.
.
تحياتي ليكي
ادم المصري
هى رقيقه ورومانسيه
بس اكيد فى أحسن
:)
تحياتى
ادم المصري
اهلا بيك بس ايه الكلام الجامد قوي ده؟؟
توهه
اهلا بيكي و احترم رايك بالطبع
طيب اقول حاجة معلش .. هي رقيقة .ز والاسلوب يوضح ان في امكانيات اكتر من كده
ياريت منحبسش امكانيتنا
أنا بس بقول إني عديت
أما عن المكتوب
فلا تعليق
فعلا يا نهوره احساسك بسيط بس حسيت ان فى احلا من كده
إحساسـك عااالي ، وقصيدتـك مضبوطة على فكـرة جدًا ، وتعطي إحساس إن عندك فعلاً موهبة ...
.
.
يجب أن تهتمي بها ، وتنميها جدًا
.
.
تسلم إيـدك حقيقي ..
رقيقة ، وبسيطـة :)
تحياااااااتي
Post a Comment