Wednesday, December 06, 2006

كل ليلة
كل ليلة يا قمري بدور عليك
مع اني عارفة اني مش حلاقيك
لكن بناديك و بسأل النجوم عليك
و اقوللها اني اشتقت اليك
تعرف يا قمري اني حلمت بيك
حلمت انك بدر و منورلي الطريق
لكن ملحقتش و يا خسارة صحيت
و لقيتني لسه بفكر فيك
كل واحد بيقول حبيبي زي القمر
و حبيبتي احلي من فلقة القمر
لكن انا حبيتك انت يا قمر
و ادي اخرة اللي حب و لا قالش
حب القمر العالي اللي ميطلش
و معقولة حد يطولك يا قمر؟؟
بس انا مطلبتش انك تنزلي
و لا حتي قدرت اطلعلك
كل اللي طلبته اني اشوفك
طب ليه بتستخبي ورا السحاب
حرام عليك د القلب داب
و كأنك حالف ان كل الناس تشوفك و انا لأ
كل الناس تحبك و انا لأ
كل الناس تغنيلك و انا لأ
و ليه لأ؟؟؟د انا حبيتك بجد
و عشقتك يا قمر
و حفضل كل ليلة ادور عليك
و اناديك و اسهر لياليك
يمكن تحن عليه و ف ليله الاقيك

5 comments:

Yasser_best said...

أجمل ما في القمر أنه قريب.. بعيد
نشعر بأن أيدينا تكاد تلمسه.. لكننا حين نفعل ذلك نجده يراوغنا وصير بعيداً بعيداً

والحل؟

هو أن نحبه كما هو.. لأنه كلما شعر بأننا نريده يسارع بالابتعاد

أما إن تركناه فسنجده يوماً يفتح نافذة غرفتنا ويتسلل بهدوء إلى فراشنا.. ويحتضننا في هدوء

nahrelhob said...

بصراحه عندك حق و اشعر انك تشعر بي اكثر من نفسي
سعدت كثيرا عندما و جدت تعليقك اول تعليق اشكرك جزيلا فانت لا تعلم كامك كيف برفع معنوياتي اشكرك مره اخري

Amr Ahmed said...

نهر الحب

ازيك عاملة ايه

الاحساس رائع

وكلامك جميل جدا

احسنتي الاختيار


وشكرا علي زيارة مدونتي

يا ريت تنورينا كتير

سلام

nahrelhob said...

omar thank you so much

اسماء واحلام فى وجدانى said...

جوه كل قلب فيه قمر

لكن جوه لقلب النهر

فى الف قمر