Sunday, June 03, 2007

خايفة
خايفة منك
خايفة فجأه الاقي قلبي في حضن قلبك
بيخاف عليك
حاسه بيك
بتنادي قلبي من بعيد
و خايف يناديك
عشان قلبي خليك بعيد
د انا من غير ما اشوف عينيك
خفت اسهر لياليك
و احلف ما اكون غير ليك
و اعيش عمري بداري عليك
اني في مرة حلمت بيك
حلمت انك جوة حضني
و ايديا ماسكة في ايديك
خفت احبك و اصحي من حلمي
و الاقي دنيتي من غير عنيك
قويني بيك خليني اسيب خوفي و احبك
سيبني اعيش طول عمري جنبك
من البدايه نبتدي احنا الحكايه
من غير نهايه د حبنا ملهوش نهايه
بس اوعدني تخليك معايا
تكون ليا ما اكون غير ليك
يكون بيتك في حضن عينيه
و يبقي بيتي في حضن عينيك
وما اخفش منك
و اخلي قلبي يخاف عليك و يحس بيك
من غير ما تنادي عليه يرد عليك
و عمره ما يداري عليك
انه كل يوم بيحلم بيك
و حيعيش عمره ما يخفش منك
و يخاف عليك

14 comments:

ابراهيم.... معايا said...

إيه ده كلله ، أيتها النهر الجمييل المتدفق !!!

كلماتنـا في الحب تقتل ..حبنـــا !!!ا


عاجزٌ عن مواكبتك كل هـذا الجمـــال .. حقًا !!


دمتِ بخير :)

وابقي طمنيني عليكي كل ما تقدري
وعلى امتحاناتك
(^_^)
تحياتى

June 3, 2007 7:59 AM

nahrelhob said...

ابراهيم

ايها المجامل

اشكرك علي مجاملتك

ادم المصري said...

نهر الكلام متدفق بسلاسة
ولكن اعتب عليكي
رجااااااااء
حاولي التركيز والتكثيف
.
.
مرة اخري انبه الوزن
.
.
في المجمل
انت شاعر في بداية طريقة عليه ان يسارع حتي يصل
.
.
تحياتي
والسلام

nahrelhob said...

ادم المصري

منورني

و اشكرك و بالطبع احترم رايك

و لكني لست شاعره

انا مجرد اني اخرج ما بداخلي باسلوب معين اريده ان يخرج كذلك

تحياتي لك مره اخري

Human said...

ليه كده ..إيه المشكله يعني أما تكوني شاعرة
.......
الكلمات جميله جدا ولو أن الكتابة في العامية بتكون أصعب ..وبجد حيست تلك الكلمات ..الخوف من الحب ..الخوف من اخذ خطوة يمكن أن يندم عليها بعد ذلك ..في ذلك الوقت الإنسان داخله اتجاهين ..إتجاه الإندفاع ..وإتجاه خوف

The Terminator said...

كلامك مؤثر جدا وواقعي
حقيقي احيانا بنكون خايفين نحب
بس اجمل حاجة ان احنا نعبر عن مشاعرنا دايماً ومنخافش
ع الأقل ده بيحط نهاية للموقف

تحياتي لكلماتك الرقيقة

nahrelhob said...

Human

بجد منورني و اشكرك جدا

كلامك بجد شرف ليه و بيشجعني


The Terminator

اشكرك ومنورني

ساعه الغروب said...

كلماتك بجد روعه اوى
والاجمل فيها صدقها

وبجد اكتبى كتير وكتير اوى

كلامك بجد بيلمس اوى المشاعر

طمنينى عليكى وشكرا بجد لزوقك اوى اوى اوى

ميرسى ليكى

:)

nahrelhob said...

انا الحمد لله كويسه

و شكرا علي سؤالك

Yasser_best said...

تعبرين عن أفكارك وأحاسيسك بسلاسة وصدق

الكتابة الرومانسية عندك جميلة..أنتظر أيضاأن تحاولي استكشاف مجالات وموضوعات جديدة

sherif gharib said...

ديه المره الاولى اللى اجى هنا
بس اكيد مش الاخيره
كثرا ما انتابنا هذه المشاعر من الخوف من هذا الحب و العشق نخشى ان ياخذنا بعيدا الى عالم لا نستطيع فيه سوى الاندفاع وراء تلك المشاعر
تاخذنا الرغبه فى انهيار كل حدودنا و الامنا على اسوار مدينه المعشوق
و لم نجد الحل فى ذلك هل نختار البعاد ام نسلم و ندك حصوننا بايدينا
تحياتى ايتها العاشقه الحائره

nahrelhob said...

استاذ ياسر

اتمني ان زيارتك متكونش بالكراه

منورني

sherif gharib

منورني ويا ري متكونش الزياره الاخيره

the prince said...

تلك الحيره بين الخوف والحب
الحب لا يعرف خوف لكننا بضعفنا نعرفه جيدا كلامك جميل وسهل وعميق في الوقت نفسه اتمني ان تمتعينا اكتر واتمني زياره مدونتي المتواضعه

عرفة فاروق السيوطى said...

مش عارف اقول ايه
بجد أنا مكسوف منك
ايه الكلام الكبير دة ( من غير مجاملة والله
يكون بيتك في حضن عينيه
و يبقي بيتي في حضن عينيك
يا بخته
انا مبحبش الشعر العامى غير لبيرم
وصلاح جاهين التونسى
بس بجد هقرالك
ويعدين انت مرة خايفة ومرة سعيدة ربنا يكتر لحظات سعادتك
واتمنى تشرفينى بالزيارة على مدونتى على
الطريق
http://arafaalsuty.blogspot.com/
كلام فى اللادب والسياسة والدين
انا بدعى كتابة الشعر والقصة
عرفة فاروق السيوطى