Monday, July 02, 2007

بحبك.... وحشتيني
يا تري حتهدي الاغنية دي لمين....!!! انا عن نفسي اهديها لمصر اشمعني يعني اصل انا بحس انها لايقه علي مصر بالذات لواللي بيقولها مسافر خارج مصر ركزوا شويه في كلام الاغنيه حتلاقوا ان عندي حق
هو احنا بنحب مصر ؟؟؟ اه انا عن نفسي بحبها جدا و الله بس للاسف محدش بيحس بحب حد الا لما تحصل حاجه جامده
افتكرت جمله في فيلم مافيا بين حسبن فهمي و السقا بما معناه حسبن فهمي سال السقا وقال له بتحب امك؟؟ قالله اه طبعا قالله بتحبها ليه؟؟ عشان هيه امك واللا عشان هيه اجمل ست في الدنيا؟؟
عشان كده احنا كلنا بنحي مصر لكن للاسف مش واخدين بالنا يمكن عشان فيه حاجات كتيرفي البلد مش صح و تخنق لكن اللي بيحب حد المفروض يركز علي مميزاته اكتر من عيوبه وده اللي بيحصل فعلا ممكن حد يحب حد مفهوش اي ميزه و ممكن كله عيوب لكن ديما بيدافع عنه و يبص اكتر لمميزاته البسيطة
مصر اجمل بلاد الدنيا اعتقد اني مقدرش اخرج منها ده انا ممكن احس اني لوطلعت من اسكندريه حبقس زي السمكه اللي طلعت من الميه و اسالوا المتغربين لوما اقسموش لن مصر احلي يلاد الدنيا ميقاش انا و البلاد الاجنبيه فيها عيوب اكتر من مصر بمرات يكفي ان عندنا استقرار اسري وحب بين الناس معتقدش حتلاقيه قي اي مكان تاني
يمكن اكون مبالغه بس ده رايي
مبروووووووووووووك للأهلي الدوري والكأس عن استحقاق

12 comments:

كراكيب عادل said...

انا برة مصر واستحق يتهدي لي كل الاغاني

:)

أحمد عيسي said...

فعلا ممكن نهدي الاغنية دي لمصر
هو انتي بره مصر؟؟؟؟

.:.-=- ELGaZaLy-=-.:. said...

عارفة كل ما بنبعد بنعرف قيمتها عندنا بتحب مصر..

لا بعشقها بس

عروس البحر said...

انا بهدي الاغنية دي لمصر وانا عشيقة حسين الجسمي

اسكندراني في الغربة said...

و لو انكتب كمان 100 اغنية زيها مش حنوفيها حقها

زملكاوي

sherif gharib said...

انتى عندك حق و على فكره الاغنيه نفسها مكتوبه و المقصود بيها فى الفيلم مصر يعنى هى مش اغنيه عن الحبيبه زى ما كتير فاكرين
سعيد انك بنت اسكندر
بس مش سعيد انك اهلاويه هههههههه
تحياتى

e7na said...

الاغنيه أساسا لمصر وهى فى نهاية الفيلم متركبه على شوارع وحوارى مصر ووشوش الناس البسيطه

أسعدتنى زيارتى لمدونتك

نهر الحب said...

كلكم بلا استثناء اصدقائي الجدد

اهلا بيكم منورني و ان شاء الله متكونش اخر زياره

انا سعيده لان التعليقات علي البوست مكونتش متوقعاها و توقعت الهجوم و الشكوي بس الحمد لله رايي طلع في محله

sherif gharib said...

انتى فين بقالك فتره ما زورتيش البوست عندى
انا مستنى تعليقك عيب يعنى ده احنا ولاد اسكندر زى بعض
تحياتى يا نجمه اسكندريه و مستنين الجديد

شبــ اون لاين ـــاب said...

انا بحب مصر وولائى لمصر زى ولائى لحبيبتى وكمان انا متخيلش نفسى بره البلد دى و انا عندى عباره دايما اقولها ..... اسكندريه امى ومصر اللى ربيتنى .... سلام

عرفة فاروق السيوطى ( الاديب العاشق) said...

كلنا طبعا بنحب مصر
اكيد الحب مش ظاهر لكن بنحس بيه برضة
انا اتولدت وبحب ثلاث حاجات اساسية
الناس
وطنى
النادى الاهلى( بعشقه)ليه
معرفش
وبعدين حبيت حاجات كتير تانى
وانتى مش مبالغة ولا حاجه
اتمنى لك المزيد من التوفيق والسعادة والابداع

عرفة فاروق السيوطى ( الاديب العاشق) said...

كلنا طبعا بنحب مصر
اكيد الحب مش ظاهر لكن بنحس بيه برضة
انا اتولدت وبحب ثلاث حاجات اساسية
الناس
وطنى
النادى الاهلى( بعشقه)ليه
معرفش
وبعدين حبيت حاجات كتير تانى
وانتى مش مبالغة ولا حاجه
اتمنى لك المزيد من التوفيق والسعادة والابداع