Monday, September 01, 2008

رمضان كريم
اولا كل سنه وانتم طيبن و ان شاء الله يكون رمضان اقرب الي الله بالطاعة
بصراحة عندي كذا حاجة اقولها
عايزة بس اوصيكم شوية كده عشان رمضان
اول حاجة
الدعاء
والله ده اهم حاجة وكمان في رمضان متنسوش ان الصايم عنده دعوة مستجابة عند افطاره
اسمع الاية الكريمة ويا ريت تحسها اوي
"واذا سألك عبادي عني فاني قريب اجيب دعوة الداعي اذا دعان"
والله الدعوه بتستجاب علي طول بس فيه حاجتين
يا ريت لما تدعي بحاجه قول يا رب نفسي في كذا ....لو فيه الخير
ومهمه جدا الكلمة دي لان اي حاجه بتحصلنا بايد ربنا ممكن نكون عايزنها او لا لكن ربنا هو وحده اللي يعلم ايه الخير لينا
تاني حاجة المفروض تدعي وانت واثق اوي بالاجايه زي كده لو حد سالك اسمك ايه حتقول كذا بدون تردد
عايزين الدعاء يكون كده والله كل ما كنت واثق كل ما ربنا استجاب
الصحابة كانوا بيقولوا ان دعوات رمضان مش بييجي ومضان اللي بعده الا وربنا مستجيب
اسالوا ناس مجربين وكمان مش لازم تدعي لنفسك بس
والله مفيش احلي من دعوه تدعيها لحد بتحبه وتلاقيها اتحققت وهو فرحان
ادعوا لاصحابكم وحبايبكم
ادعوا لفلسطين وللاسلام
ادعوا كل الدنيا تبقي مليانة خير
والله يا جماعة ربنا كريم قوي ومهما بنكون وحشين قوي وبعاد قوي برضه بيحبنا وعايزنا نقرب له
يا ريت نسيبنا من التليفزيون التافه ونشوف حاجات مفيده ومنضيعش وقت
وقراءة القران
والله اللي بيتعود يمسك المصحف مش حيقدر يبعد عنه
بالمناسبة برنامج الاستاذ عمرو خالد عن قصص القران يا ريت تتابعوه
اللي كان متابعني قبل كده فيه مدونة ياسمك نحيا كنا اجتهدنا فيها انا و بعض اصدقائي وكتبنا االحلقات بتاعة البرنامج
وان شاء الله حنحاول نكمل اللي بداناه طول رمضان
واحتمال نعمل نفس الشيء علي الفيس بوك
بس حنستعين بالحلقات المكتوبة علي موقع االاستاذ عمرو خالد بعد استئذانه ان شاء الله نظرا لصعوبة كتابه الحلقات حاليا
كل سنه وانتم طيبين
يا رب ما اكون نسيت حاجه وعزرا لو فيه اي خطأ املائي لضيق الوقت
ده الموقع اللي عليه الحلقات

6 comments:

mohamed hesham said...

كل سنة وانتي طيبة وبخير

وجزاك الله خيرا على مجهودك ... أتمنى ان رمضان يكون سعيد على الجميع

والسـ ختام ــلام

Ehab said...

كل عام وانتي بخير ...

وجعل الله مجهوداتكم في ميزان حسناتكم ...

وجعل الله رمضان نهر خير لنا جميعا ...

تقبلي فائق احترامي

Hu-man said...

الدعاء والذكر والصلاة والقرآن ...رمضان يجب أن يكون بروفة وبداية تغيير لكل السنة ..علينا أن نستغل كل ثانية في طاعة الله سواءاًَ بالعمل بنية عبادة وطاعة لله والعبادة الخالصة مثل الصلاة وغيره
كل عام وإنتي بخير

محمد عبدالجليل said...

مركز ضحايا لحقوق الانسان بالاسكندرية يهيب بكل الناشطين والاعلاميين والصحفيين ولجان حقوق الانسان للمشاركة فى المؤتمر الصحفى الحاشد من وراء اغلاق مدرسة الجزيرة بالاسكندرية جريمة تشريد الف تلميذ بالاسكندرية باغلاق مدرستهم فى اول ايام الدراسة وذلك يوم الجمعة الموافق 19/9/2008 فى تمام الساعة التاسعة مساءا بنادى المحامين - كورنيش جليم - الاسكندرية

sherif gharib said...

كل سنهوانتى طيبه بس المره ديه بمناسبه العيدبقى مشرمضان
و يا رب يبقى سعيدعليكى يا رب
على فكره مستني تعليقك عندى و يا رب تكونى فى احسن حال
تحياتى وخالص مودتى

mohamed hesham said...

أتمنى لك ِ عيدا سعيدا

والسـ ختام ــلام