Friday, July 06, 2012

أنتي...أملي

عارفة
بحب أشوفك بتبكي
..
صدقيني مش بحب أبداً أشوفك حزينة
....لكن
بحب أشوفك بتبكي عشان أنا الوحيد اللي بتبكي قدامي
..بتكوني ضعيفة
بحسك بين إيديا
زي طفلة صغيرة خايفة من الدنيا كلها إلا مني
محدش يقدر يحس بيكي ولا يفهمك غيري
...محدش يعرف يمسح دموعك إلا أنا
...بتبقي محتاجالي أكتر من أي وقت
ببقى عايزك تسمعي دقات قلبي وهي بتطبطب عليكي
ببقي نفسي اضمك وماسيبكيش أبداً
بحس قلبي ماليه حنان وسع البحر كله
وخايف ما يكفكيش
.....
عارفة
بخاف أوي لو تبكي بسببي
و بتمنى ساعتها كل دمعة تنزل تجرح قلبي وما تنزلش على خدك
ولو بإيدي ارجع الزمن عشان متزعليش  كنت أرجعه
.......
...........

بحب كمان أشوف ضحكتك
عشان عيونك مبتلمعش وانتي بتضحكي غير ليا انا وبس
عشان صوتك وانتي بتضحكي بيحييني
....
بحبك عشان أنتي....أنتي
....لما بتبكي
...ولما بتضحكي
...بحبك بعقلك
...بجنونك
بكل حاجة فيكي يتخليني أعيش
...عشان أنتي
....أملي
وبتديني أمل طول مانا عايش



البوست مشاركة في حدث
التدوين اليومي

16 comments:

maioya said...

بحب أشوفك بتبكي عشان أنا الوحيد اللي بتبكي قدامي
..بتكوني ضعيفة
بحسك بين إيديا
زي طفلة صغيرة خايفة من الدنيا كلها إلا مني
محدش يقدر يحس بيكي ولا يفهمك غيري
...محدش يعرف يمسح دموعك إلا أنا
...بتبقي محتاجالي أكتر من أي وقت
ببقى عايزك تسمعي دقات قلبي وهي بتطبطب عليكي
ببقي نفسي اضمك وماسيبكيش أبداً
بحس قلبي ماليه حنان وسع البحر كله
وخايف ما يكفكيش


انا عاجبني الجزء ده اوي
يمكن عشان الاحساس بالضعف
مبنحسوش بصدق ومن غير تكبر
الا مع حد بنحبه اوي
جميله اوي ياسهاد

Nour said...

وبعدين في الرومانسية اللي هتعقدنا دي بقى :D

الاحساس رائع جدا جدا:)
حاسة ان بقالي كتير مجيتش هنا مش عارفة ليه بس خلاص فضيت وهنط في كل بوست بعد كده :D

حنين محمد said...

مساء الغاردينيا سوسو
عارفة والله عيطت اصلي عبيطه هههههههههههههه بجد افتكرت فارس لما بيقولي ماتزعليش مني لما بقولك بحب دموعك عشان بحسك قريبة مني بحب امسحها بإيدي وابوس عينيكي واضمك لصدري وبيحب ضحكتي عشان بيقولي انتي ضحكتي انتي عبرتي عن اجمل إحساس وخليتيني أقرأ البوست أكتر من مرة ..
سوسو بد جواكي حنية مش طبيعية وحب قد الدنيا وإحساس نادر مابحسه لما بقراه زي مابحسه فيكي "
؛؛
؛
ربنا يكتب لك أجمل حب في الدنيا
لروحك عبق الغاردينيا
كانت هنا
reemaas

ابراهيم رزق said...

الصورة جميلة قوى

والاحساس عالى قوى

سؤال
هو انتوا بيعملولكوا ايه فى صيدلة
اكيد بتدخلوا معامل لتركيب المشاعر و الكلمات

تحياتى

Bent Men ElZman Da !! said...

"بحب أشوفك بتبكي عشان أنا الوحيد اللي بتبكي قدامي
..بتكوني ضعيفة
بحسك بين إيديا
زي طفلة صغيرة خايفة من الدنيا كلها إلا مني
محدش يقدر يحس بيكي ولا يفهمك غيري
...محدش يعرف يمسح دموعك إلا أنا
...بتبقي محتاجالي أكتر من أي وقت
ببقى عايزك تسمعي دقات قلبي وهي بتطبطب عليكي
ببقي نفسي اضمك وماسيبكيش أبداً
بحس قلبي ماليه حنان وسع البحر كله
وخايف ما يكفكيش"

لمسنى اووى الجزء ده
البكاء بيبقى ليه احساس تانى لما بتبكى قدام اللى بتحبيه
بيكون بكاء بجد على كل حاجه مضايقانا او بتوجعنا
بكاء من غير خوف او تكبر
بكاء بيريح اوووى

حبيت انك اتكلمتى بلسانه هو عن دموعها هى

تسلم ايدك يا جميله :))

EMA said...

جميلة اوى ..اوى

مش قادرة اقول اكتر من ان كلماتك بتدخل القلب بجد فعلا

تسلم ايديكي يا قمر و احساسك الصافي

تحياتي

rona ali said...

احم الصورة بالحاله بكله
وملقتيش الا الصورة دى :)))

ابعدى عنى بقي يابنتى هو انا كل ما الم نفسي تنكشيها :))

reemaas said...

عارفه يا سهاد على اد ما الكلام عجبنى اوى على اد ما وجعنى
صعب انك تسمعى زى الكلام ده وتحسى بيه وفجأة تلاقيه مجرد كلام

نهر الحب said...

ميوية
:))
انا كمان حابة الجزء ده عشان حساه اوي وبتمناه
:))

نهر الحب said...

نور
:))
احم احم
لا ده العادي بتاعي
:DDD

علي فكرة انتي مافاتكيش حاجة انتي هنا معايا
:)

نهر الحب said...

ريماس
:))))
اهو اهو شوفتي بقي انك قد ايه بثبتيلي ان احساسي ممكن يكون حقيقة
فارس صحيح ليه مختفي؟؟

ممم
ازعل اوي لو احس انك بجد بكيتي بسببي

:))
ووبس

نهر الحب said...

ابراهيم رزق
ههههههههههههه
اه بيدخلونا المعامل دي وبنعمل تركيبات وبنشربها
:DDD

الصورة من مسلسل تركي اسمه عاصي
اكيد بتكره التركي بس معلش معلش ده بالنسبة لي مميز جداااااا

نهر الحب said...

بنت من الزمن ده
:)
الجزء ده فعلا مميز لينا
بس عارفة مشكلة لما اللي قدامك مايفهمش ده ولا يحس قد ايه انتي محتاجاله

انا بحب وجودك جداااااا

نهر الحب said...

ايما ايما
ربنا يخليكي
:))
فرحانة انها عجبتك

نهر الحب said...

رونا
ههههههههههههههههههههههه
معلش معلش حقك عليا
والله يا بنتي ده من غلبي انا بكتب الحاجة وبعد ما بكتبها نفسي بتصعب عليا
:DDD

نهر الحب said...

ريماس
انا عارفة
عارفة لما تقعدي تسني حلم ولما يجي وتتخيلي انك حتحسي بكل حاجة حلمتي بيها يوم وفجاة مش تلاقي اي حاجة وكمان تصحي من الحلم
:(