Wednesday, July 11, 2012

شايف البحر شو كبيييير

شايف البحر شو كبييير
...كبر البحر
بحبك
.....

شايف السما شو بعييييييييييدة
...بعد السما
بحبك
.........
البحر هو أكتر حاجة مشتركة بيني وبينك
علي قد حبي وحبك ليه
بحس حبنا بوسعه
يعني ملهوش نهاية
....
مهما نكون بعيد عن بعض
وانا شايفه البحر قدامي ببقي عارفة أنك شايفه وبتسأله عني
كفاية اني أحس ان طيف عيونك ظاهرلي بين الموج
وأن صوت البحر بيوصل لي شوقك وانت بتقوللي
وحشتيني
.........
متأكدة اني لو حطيت كل رسايلي ليك في ازازة واديتها للبحر حيوصلهالك
انت بس ومش حتتوه منه أبداً
علشان هو عارفك....من كتر ما بكلمه عنك
وعشان كمان هو عارف قد ايه انت شبهه
في هدوءه...وجنونه
في حنانه....وقسوته
في سكوته
في غموضه
...
...أوعدني
لما تشوف البحر تسأله عني
وهو حيقولك كل حاجة
..
.....احضنه
 حتحس قد ايه محتاجالك تضمني
....المسه
حتحس بسلام ايدي
.......
.............
ولما الشمس تغرب وتغرق في حضن البحر
اعرف ساعتها انك غايب عن كل الدنيا
لكن شمسك بتشرق جوه قلبي


12 comments:

رؤى عليوة said...

جميل الكلام لما بيكون تلقائى ومحسوس


واد البحر ووسعه هيفضل جواكى الحنين


دمت بخير

rona ali said...

ولما الشمس تغرب وتغرق في حضن البحر
اعرف ساعتها انك غايب عن كل الدنيا
لكن شمسك بتشرق جوه قلبي


سهاد يابنت الناس الطيبين
فيري جود زى ايمى في عسل اسود هههههههه

والله بجد الكلام احساسه عالى زياده عن اللزوم :))
جرعه مكثفه فعلا

ريـــمـــاس said...

مساء الغاردينيا سوسو
بجد مش عارفة أقول حاجة غير أني حاسة بيكي اووي بجد البحر بيحضن مشاعرنا وبنشوف الي بنحبه بين موجه وغموضه وسكونه وبنتمنى لو يحمل رسايل الشوق "
؛؛
؛
ربنا مايحرمني إحساسك
لروحك عبق الغاردينيا
كانت هنا
reemaas

Bent Men ElZman Da !! said...

ايوووه بقى هو ده الكلام :))
احساسه جميل خالص الكلام ده

osama elhawy said...

البحر...كنت أول جامعتى فى الخطابة..وعمرو قطامش فى المسرح ومحمد حافظ فى القصة..وجلسنا على شاطئ البحر فى فجر يوم رياحه عاتية..طلبت أن يقول كل منهم خاطرة..أمل ..ألم..أى شئ..فقلت..
ما أعظمك أيها البحر..؟!من طلعة الشمس إلى ما بعد غروبها يأتيك الناس والطير..والكائنات جميعها...من الناس من يأتيك ليستجم..ومنهم من ليكتب الشعر..ومنهم من ليبكى فراق ..ومنهم من هومجبور فقط لينزه اطفاله ولا يهتم ..ومنهم المراهقين يبحثون عن أجساد رخصت انفسها..وغيرهم وغيرهم..وها أنت بالليل تستريح وتزمجر وتتنفس بحرية لتخرج ما بدواخلك وتستعد ليوم جديد...لك الله
وخالص تحياتى لكاتبة الكلمات

;كارولين فاروق said...

يا صباح الرومانسيه
فالبحر له ميزات كثيره
يكفي ان يجمعك انت
وحبيبك ويكون وسيط الحب
تحياتي

نهر الحب said...

رؤي عليوة
:))
اكيد حيفضل جوايا
منورني

نهر الحب said...

رونا
اهو مش بقولك مش حرماكوا من حاجة كآبة تلاقي حب تلاقي كره تلاقي
:)
منورة

نهر الحب said...

ريماس
وامتي حتيجي تشوفي البحر بتاعي بقي
:))
ربنا ما يحرمني منك

نهر الحب said...

بنت من الزمن ده
وشايف البحر شو كبييير بتاعتك اهي
:DDDD

نهر الحب said...

اسامة
كلماتك جميلة
سعيدة بوجودك عندي
:))

نهر الحب said...

كارولين
وسيط الحب
حلو التشبيه ده اووووي
:))