Tuesday, July 10, 2012

أقر وأعترف...أنا نكدية

أقر وأعترف....أن أن أن تشششششششش......أيوة أيوة انا حعترف أهو....اقولكم بس الأول  جاتلي منين حكاية أقر وأعترف دي
  بما اني بقيت متابعة الراديو بإدمان فظييييييع فكنت من كام يوم كدة بسمع برنامج اسمه اقر و اعترف اي حد ممكن يبعت ويعترف بأي حاجة...انا بقى معترفتش عندهم..انا قلت اعترف هنا انتوا مننا وعلينا
....طيب
أقر واعترف ان انا......نكدية
ممم.....نكدية من النكد يعني  اه والله انا نكدية
هما بقى بيقولوا....مين اللي بيقولوا مش عارفة بس المرة دي بقى انا أؤيدهم جداً..بيقولوا ايه ؟؟....بيقولوا ان الستات يموتوا في النكد يحبوا النكد زي عينيهم واكتشفت ان دي حقيقة علمية فعلااااااااً
بس انا  ليه نكدية....هو مش بحب النكد اوي يعني والله هو جايز هو بيعزني حبتين تلاتة كدة
هو بداية من اسمي اصلاً ممكن تكتئبوا....سهاد يعني أرق يعني حد قلقان ومش عارف ينام...فيه ناس كتير أول ما أقولهم اسمي يقولوا "يا عيني" اللي هو اشفاق على حالي...بس فعلاً بحسه اسم حزين رغم اني بحب اسمي عشان مختلف..ما علينا

ايه تاني ايه تاني....العهدة اللي مسكاها في شغلي هي عهدة النفسية...خير اللهم اجعله خير يعني صباح الاكتئاب والسكيزوفرينيا على الانهيار العصبي....ومن العهدة دي اللي حواليا يقعدوا يقولولي حرام عليكي من العهدة بتاعتك دي ومن كتر ما بتشوفي فيلم آسف على الازعاج حتتجنني...وانا عادي عادي....اكتئاب ..نكد...أهلاً اهلاً وسهلاً دانا ممكن
اجيلهم شاي والله

إيه كمان
حتى المدونة اسمها نهر الحب اللي هو عمر الشريف بيموت في الآخر وكمان فاتن
حمامة وناقص يموت المخرج والمنتج كمان
عامة كل الأفلام اللي بحبها كئيبة ولازم حد يموت في الآخر ومرة قلت طيب لو عارفين انه حد حيموت في آخر الفيلم يكتبوا بس في أوله كدة عشان ماشوفهوش وماحبهوش برضه مافيش فايدة

النغمة اللي حاطاها علي الموبيل " حتعمل ايه لو نمت يوم وصحيت ولقيت أقرب ماليك في الدنيا مش حواليك" ولما صحابي ألحوا اني اغيرها غيرتها  وبقت" عارفة سواد العسل اهو ده اللي حالك ليه وصل" أعمل ايه طيب بحبهم بقى
:DD


اهو الاكتئاب بيحبني واللا لأ؟؟؟؟
انا عن نفسي مش حغلط فيه ولا حتكلم انا اعترفت ان انا نكدية وطول الوقت بقيت كدة
 بس بجد بجد بجد النكد غيرني كتييير كتييير..انا بقيت بسكت  بسكت ونكدي بستحمله وبيستحملني مع نفسنا وما شاء الله عليا ضحكتي اعلي ضحكة  بشهادة الجميع يعني مش حرماكوا من حاجة..نكد تلاقي ضحك تلاقي يعني سكيزوفرينيا عالية جداً واعترافات وآخر حلاوة

كفاية عليكوا بقى لحسن تتعدوا عشان مقولكوش النكد ده مُعدي جداًًً انا حذرتكوا وماليييييييش دعوة
:DDD




ده مشاركة في  حدث
التدوين اليومي

10 comments:

Bent Men ElZman Da !! said...

انا حاسه اصلا ان النكد اللى عامل زى المغناطيس كده بيجلنا بدون مبرر بعيد عنك ^_^

ربنا يبعد اى نكد عنك يا جميله يااارب :)

ღ..Rozy.. ღ said...

ههههههههههههههههه

اول ما فتحت المدونة لاقيت اكتر اغنية حبيتها ف البوم اليسا
وببص لاقيت المدونة سودا وده اللون اللى انا بحبه او تقريباً هو اللى بيحبنى مش عارفة :D
قولت اقرى اخر حاجة ليكى لاقيتك شبهى اوى عاملة زى نكدية نكد فظيع بجد وصحابى بيتحايلوا عليا بردو اغير رنة فونى :)) يعنى حسيتك شبهى واكتر حاجة الواحد بيحبها لما يحس ان الدنيا فيها ناس شبهه وانه مش عايش ف ملكوت لوحده ^_^ يعنى فى عالم للنكدين بيضمنا :P
راقت لى كلماتك ومدونتك وشعرت بالألفة هنا فاسمحى لى سأكون هنا دوماً :)

Rozy

rona ali said...

ههههههههههههههههه
هههههههههههههههه

لاء بجد انتى فظيعه روحى يا شيخه ربنا يفتحها في وشك
انا عايزة اقول حاجه بس خايفه لتحدفينى هههههههه
اعتقد اعتقد كده والله اعلم من ملاحظاتى الشخصيه علي البنى آدمين الطبيعين معرفش انتى منهم ولا لأ بس معظم اللى كانو مغنطيس للكآبه مش بيتغروا الا لما طفره تحدث في حياتهم بتيجى بقي الوان تانيه واغانى تانيه وبيبقي فيه بهجه
انتى افضلي قاعده كده عند سيدى بشر مستنيه الطفره وان شاء الله هتيجى هههههههههههه

ريـــمـــاس said...

صباح الغاردينيا سوسو
اممممم انتي يابننتي مش حتبطلي الا لما أعضك وعلى فكرة انا بعض جامد حتى أسألي فارس لما بقوله حعضك يقولي عضي هههههههههه دا دليل اني بعض جامد امممم يادي فارس الي مابعرفش اتكلم الا أما اجيب سيرته جنني بعيد عنك ولا اقولك يارب تتجنني وتبقي زيي كدا وعايشة مجنونة بتحبيه وتموتي فيه وتغاري عليه بجنون وبكدا حتعيشيه في نكد زي مابعمل مع فارس ههههههههه هو انتي فاكرة انتي بس الي نكدية دا انا ام النكد بس بعمل جدعة ومش بعيط ولا بكتئب هههههههههههه والله ثم والله شوفي ثم دي مهمة انك عسل وبحب ابتسامتك الي تقريباً حبيتها قبل ماعرفها ولما شفتك حبيتها أكتر ولا زلت مصرة ومصرة جداً أنك تبتسمي دلوقتي بكرة حفوت من هنا لو مالقيتش ابتسامة حخاصمك أسبوع وتلات ايام خهههههههههههه كفاية عليكي كدا ياعسولة انتي "
؛؛
؛
لروحك عبق الغاردينيا
كانت هنا
reemaas

نهر الحب said...

بنت من الزمن ده
عارفة المشكلة لما تبقي بتحبي اللي حواليكي لو انتي زعلانة واللي حواليكي فرحانين حتفرحي عشانهم لكن لما يبقي كله مكتئب بتكتئبي زيادة
:)

امين يا رب ويبعده عن اي حد

نهر الحب said...

روزي
متتصوريش فرحت بوجودك قد ايه
اكيد حلو ان الواحد يلاقوا ناس شبهه بس مش نكديين
:DDD
تعالي ديما يا رب اكون عند حسن ظنك

نهر الحب said...

رونا
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
كدة برضه ماشششششششششششششي مااااااااشي

انا قاعدة في المندرة مش سيدي بشر علي فكرة والبحر زحمة يعني مش حعرف استني حاجة
ههههههههه
ومش مغيرة الالوانات بتاعتي بقي
:DDD

نهر الحب said...

ريماس
:)))))))))
اهو اهو دانا رحمة بيكم كنت كاتبة بوست كئيب كآبة السنين ومرضتش انشره لحسن التهمة تثبت عليا
:DDD

ربنا يخليلك فارس ويخليكي ليه يااااارب

wella said...

النكد دة اية حبيبى حبيب قلبى بجد

بس بصراحة رنات موبيللك اوفر اية ام الكائبة دى ارحمى الناس شوية حرام ودان صحابك بس برضة حلوين :)

ربنا يسعد ايامك ويبعد عنك النكد مع انه مغناطيس بيقرب هههههه

نهر الحب said...

ويلا
ههههههههههههههههه
النغمات مش قادرة احط نغمة متفائلة خالص يا بنتي قلبي مش مطاوعني

النكد ده جميل له رونقه برضه
:DD