Sunday, January 01, 2012

!!!!....يوم عادي.....ولكن

النهاردة ...بالذات....حبيت إني أكتب.... مش عن حاجة معينة....عن حاجات كتير حصلت في يوم واحد
..يمكن ركزت فيها عشان عايزة أركز
...يمكن عشان أول يوم في سنة جديدة
يمكن عشان بس يتسجل هنا تاريخ
1/1/2012
...اني كتبت فيه حاجة
....واني بدأت السنة بتفاؤل مش بحزن
ويمكن عشان نفسي أفرح ولو بحاجات صغيرة أوي
......
الغريب اني كنت عارفة اني مش حقدر أبداً أسهر للساعة 12
 وافتكر ان آخر رأس سنة حضرت فيها الساعة 12
 كان وانا في رابعة كلية لما كنت بسهر شوية عشان أذاكر للامتحانات
غير كدة ولا أعرف شكل الساعة وهي 12
 دي إيه أبداً حتى لو صاحية وانا ع السرير بتبقى الدنيا ضلمة ومش ببقي سامعة غير تكات الساعة
أيام ما كنت بذاكر كنت بحب أوي كل يوم لما الساعة تيجي
 11:59
كنت أفضل باصة للساعة عشان أشوفها وكل حاجة فيها بتتغير الثواني والدقايق والساعات واليوم..كل ده في لحظة واحدة
معرفش ليه كنت بحب الاحساس ده واحساس انه يوم جديد بدأ
....
امبارح سهرت للساعة 12 من غير قصد ...
معلش الساعة 12 دي عندي هو السهر :)

المشكلة اني كنت بتفرج علي فيلم
Avatar
وكنت معتقدة انه حيخلص بدري لكنه طول لحد 12 فعلاُ وقاومت النوم لأنه بجد كان عاجبني جداااااً
وجات 12
كان نفسي أبعت رسايل لناس كتير
 بس مابعتش غير لواحدة صحبتي بحبها أوي
ختمت السنة زي ما قلت بركعتين دعيت فيهم لكل اللي بحبهم
...والصبح برضه
أول حاجة شوفتها كانت رسالة رد صحبتي خلتني ابتسمت
وفتحت النت ع الموبيل ولقيت رسالتين كمان علي الفيس بوك
منهم رسالة بتطمني على ريماس انها بقت احسن شوية والحمد لله
......
.....
كل ده والساعة كانت 7 صباحاً
رحت المستشفي  وانا نفسي مفتوحة للدنيا
الدنيا كانت برد أوي...ولقيت قطة صديقتنا مسمينها "كراميلا" قعدت تعاكسني وكانت عايزة تدلّع شوية...قلت وماله...سنة جديدة برضه....وقعدت اطبطب عليها كدة وكانت مبسوطة...:))وخلتني انا كمان مبسوطة
 فتحت الراديو شوية صغيرين كان نفسي افضل فاتحاه بس انشغلت بعد كدة ونسيت
ع الساعة 10 لقيت الدنيا بتمطر مطر خفيف أوي والشمس طالعة....بصيت للسما وفرحت...أووووي
قبل ما نروح بشوية عرفت خبر خلى عنيا دمعت...ان صحبتي من أيام المدرسة قامت بالسلامة الحمد لله وجابت
"عمر"
مع اننا كنا مسميينه محسن .....بس ما علينا
:DDD
.....
الدنيا شتت تاني قبل ما انزل واكمل باقي اليوم في الصيدلية....وأنا لوحدي
.... وجوايا احساس غريب
حصلت حاجات حلوة ومميزة النهاردة
.... وانا مش حبطل أفكر
واحتار...كالعادة
يا ترى بكرة مخبي لنا إيه؟؟؟؟
...يا رب
....
.....
..أنا سقعانة أوي

1/1/2012

10 comments:

ibnalsor said...

كل وانتِ بخير
أجمل الكتابات الصادقة هي تلك التي تنطلق ببساطه .. وهذه البنت تكتب على سجيتها .. انها تنطق الحرف ولا تكتبه .. تحس به ولا تقرأه .. لذلك يصل للقلب والمشاعر .. ويتجسد أمامك وكأ،ه شريط تراه فتبتسم .. لقد رسمت لنا في هذا البوست صور جميلة تنتقل لها من فقرة لفقرة فتعيش بها بصورها الجميلة وبساطتها المقبولة وبمرحها الممتع
جميل ان نقرأ مثل هذه الكتابات
انها أشبه برائحة الورود في جو ممطر خلاب

reemaas said...

يارب كل الايام تبقى كده ايام بسيطة وسهلة مدية سعادة على خفيف كده لان السعادة المفرطة مع اللى مش متعودين عليها زى حلاتنا بتعمل مشكلة :)

يا سهاد سيبى الحكومة وخدى اجازة ال 7 الصبح ال
بتفكرينى بالذى مضى

Tamer Moghazy said...

سهرانة لـ 12 باليل...؟؟؟؟؟؟؟؟!!!!!!

وكمان.......؟؟؟؟!!!

مممممم..
بس حلو برضة احساس الترقب اللي في اخر البوست ده :)

كل سنة وانت طيبة :)

rona ali said...

سارة
اولا كل سنه وانتى طيبه وان شاء الله تكون سنه حلوة عليكى ومبهجه ان شاء الله

حلو البوست خلانى اضحك معرفش ليه وابتسم حبيت سردك للتفاصيل وترقبك للجديد

واحلى حاجه موضوع ريماس كمان
ربنا يشفيها ويقومها بالسلامه يارب

♥نبع الغرام♥♪≈ said...

كل سنه وانتى طيبه حبيبتى

يارب تكونى بخير

اخبارك ايه بجد ليكى وحشه كبيرة ومفتقده التدوين

ادينى رجعت اهو ومحتاجه تشجيع كبير من اخواتى

بحبك اووووووووووووووووووووووووى

نهر الحب said...

ابن السور
بجد شكرا اوي علي كلامك ده بس فعلا ده من البوستات القليلة اللي كتبتها حتي علي المدونة علي طول من غير تعديل او تجهيز
:))

نهر الحب said...

ريماس
:))
اه بخاف افرح تصدقي

لا بحب اصحي بدري عشان الحق الخطف من اوله
:D

نهر الحب said...

timo
:((
حساك كدة بتتريق عليا
...
آآآه سهرانة ل 12 باليل
هو ده السهر عندي بقي
ماشي ماشي
وكمان عاجبك احساس الترقب
ده احساس وحش جدااا انا بحب اسيبها علي الله مش بركز اوي بعني
:))

نهر الحب said...

rona ali
وانتي طيبة يا جميلة
والله كويس انك ضحكتي وابتسمتي كمان
:))

نهر الحب said...

نبع الغرام
انوووسة
يا اهلا يا اهلا
حمدا لله ع سلامتك
لا متابعاكي ان شاء الله
:))