...العيدية مش بس فلوس
...العيدية كلمة حلوة من حد بتحبه
هي تليفون يجيلك من حد بس عشان يسبق ويقولك كل سنة وانت طيب قبل ما انت تسبقه
......والعيد انك تفرح بعد تعب رمضان
...العيدية كلمة حلوة من حد بتحبه
هي تليفون يجيلك من حد بس عشان يسبق ويقولك كل سنة وانت طيب قبل ما انت تسبقه
......والعيد انك تفرح بعد تعب رمضان
مع انك زعلان اوووي أن رمضان خلص وحيوحشك أوووي
>>>>>>>>>>>>>>>>>>>اكتشفت في نفسي حاجة جديدة
انا كل عيد بمسك الموبيل وبشوف اسم اسم ...فيه ناس بكلمهم وفيه ناس ببعتلهم رسايل
بعمل الحكاية دي عشان بحب أسبق الناس اللي بحبهم عشان ابقى فاكراهم
.....بس
اكتشفت اني ممكن اكون بعمل كدة عشان من جوايا بكون خايفة الناس دول ميفتكرونيش فمبحبش أحط نفسي في حيرة انهم ممكن ميفكروش فيا فبسبق أنا
بس ده مايمنعش اني بفرح زي الأطفال بالناس اللي بيعيدوا عليا
:)
>>>>>>>>>>>>>>>>>>>
مبحبش أبداً حد يوعدني بحاجة ومايوفيش بيها....أصلي لو حد طلب مني حاجة وانا مش عارفة حقدر اعملها واللا لأ ممكن أقول اني مش عارفة ...لكن مقولش آه حعملها واللي قدامي يبقى متأكد من ده وبعدين أخزله
>>>>>>>>>>>>>>>>>>>
فيه ناس بيوصلوك لمرحلة مبترجعش فيها زي ما كنت
بتكره نفسك أوي لما تتحول لشخصية مش أنت
وبتكره أكتر اللي كانوا السبب في ده
لازم نتعلم بقى ان ميبقاش الناس اللي حوالينا هما الهم اللي شاغلنا طول الوقت
ونتعلم يبقى تفكيرنا لوحدنا وفرحتنا لوحدنا وحزننا لوحدنا
>>>>>>>>>>>>>>>>>>>
حاسة إني اتغيرت كتير
يمكن زي ما بيقولوا كتر البكا يعلم الأسى
وكمان كتر القسوة يعلم القسوة لأن محدش بيحب ييجي على نفسه طول الوقت
>>>>>>>>>>>>>>>>>>>
المدونة والناس اللي عرفتهم منها هما اكتر ناس بحبهم وبفكر فيهم وبهتم بحضورهم وغيابهم
احساس غريب لما يبقي ده مع ناس شوفتهم مرات قليلة او مرة واحدة او ماشوفتهمش خالص
والناس اللي جمبي وحواليا والمفروض اني بقيت معاهم عشرة مش بيخلوني احس ليهم نفس احساس الاهتمام ده
نفسي اعرف هما السبب واللا انا السبب
>>>>>>>>>>>>>>>>>>>
كتير بنبقى عاوزين نعرف احنا صح واللا غلط في كل تصرفاتنا وفي الأغلب مش بنعرف لأن ساعات الصح والغلط بيكونوا حاجة نسبية او بتتشاف من وجهة نظر كل واحد والقيم والحاجات اللي اتربى عليها
التفكير في كل حاجة ده بيخليني بجد مش عارفة انام وبيجيلي احساس نفسي أطفي دماغي وأشيل الفيشة فعلاً
بس مبعرفش مفكرش دي طبيعة فيا بجد من الحاجات اللي مش عارفة اغيرها
لولاها بقى مكنتش كتبت الصعبانيات دي
:DDD
22 comments:
مساء الورد نهر الحب
كل سنة وانتِ طيبة
وعيد سعيد عليك وعلى جميع الأهل
والأصحاب وتقبل الله طاعاتك في الشهر
الفضيل ...
لا نستطيع أن نتوقف عن التفكير وإلا سنتحول مخلوقات جمادية إذا صح التعبير تعي ولا تعي لذلك يجب أن تتحرك عجلة العقل لدينا حتى لا نتوقف عن الحياة ...
قد يكون تصرفك صحيح جداً ومنطقي بإستباق الجميع والمعايدة عليهم فهو تصرف نفسي من الدرجة الأولى حتى لا تنصدمين فيما بعد بشخص تناسك أو نسيك وسبب لك جرح عميق قد لا تنسيه ابداً ..
مبدعة في كل حرف وأتمنى من الله أن يكون عيدك سعيد ..
تحياتي وإحترامي
متفقة معاكِ جداً
وكل سنة وانتى طيبة
التخاطب مع العقل ليست مشكله
المشكله هي في اعضاء الجسد
حيث جميعهم ادوات تحت سيطرة وهيمنة المخ.. والبنت تتكلم عن ادوات
تتعلق بالذاكرة التي بدورها تخضع لادارة مركزية شديدة التعقيد هما العقل الواعي والعقل الباطن فمثلا قولها
-----
انا كل عيد بمسك الموبيل وبشوف اسم اسم ...فيه ناس بكلمهم وفيه ناس ببعتلهم رسايل
----
نلاحظ كلمة (( بشوف )) هي النظر
بملفات الذاكرة بينما كلمتي (( فيه (( ناس
تتعلق بالمخ لان المخ وحده
هو الذي يقرر من خلال الذاكرة
ان كان ممكن الاتصال بالناس اللي اختارتهم أو لا ..
وهي تسأل هذا السؤال
----------
او ماشوفتهمش خالص
والناس اللي جمبي وحواليا والمفروض اني بقيت معاهم عشرة مش بيخلوني احس ليهم نفس احساس الاهتمام ده
نفسي اعرف هما السبب واللا انا السبب
----------
الجواب هو في تطور التعامل
فالناس اللي تعرفهم من قبل
تعاملت معهم في ادوات بعضها تنقصها الخبرة وبعضها مرسومة حسب شخصيتها الحقيقية بينما الناس الجدد
تعاملت معهم في ادوات جديدة وبعالم
اعتباري هي رسمته لنفسها
وبالتالي في جميع المشاركات
بتكون حسب التفصيل
وليس حسب حقيقة الشخصية
كل سنة وأنتِ طيبة وبألف خير وصحة وسعادة أنتِ وأسرتك الكريمة وإن شاء الله يكون عيد سعيد عليكم جميعاً بإذن الله :)
تحياتنا
حاجة حلوة و مريحة إن الواحد يطلع كل اللى جواه مكتوب كدة :)
تحياتى و بغتذر عن الانقطاع عن المتابعة كالعادة بتاعتى رغم إنى بتبسط لما بقرا هنا وكل سنة وانتى طيبة :)
:)
كل سنة وانتى طيوبةحبيبتى
اصلا اصلا لوماكنتيشاتصلتى كنت هسبقك ياهانم ههههههههههههههه
انا زيك فى كلكل الحاجات
كل سنه وانتِ طيبه من حد بتحبيه
دى تغنى عن مليون عيديه
حسيت اووى بحكايه انك تبعتى للناس عشان خايفه حد ينساكى
وتحسى انك لما بتبعتى بتبقى عارفه ان الناس دى هتفتكرك فـ يرجعوا يردولك المعايده برساله او مكالمه
كنت بعمل كده زمان بس بطلت
لانى بطلت اخاف ان حد ينسانى :)
لما حد مش بيوفى باللى وعد بيه
اولا هتبطل توقعتنا تبقى زى الاول فى الشخص ده
وثانيا عمرنا ما هننسا
اسوء حاجه ان الواحد يخرج من كل الظروف دى
انه لازم يكون لوحده .. لازم ياخد موقف ويفكر لوحده
التدوين بيعمل ألفه وترابط غريبه بينك وبين ناس عمرك ماشوفتيهم
يمكن لاننا لاول مره بنشوف حد تفكيره واهتماماته وطريقه تعبيره عن اللى جواه شبهنا اوى كده !
عجبنى جدااا البوست ده
كلماتك كلها حقيقيه اوى وصح اوى
انا بقى السنه دى مبعتش ولا كلمت اى حد فى العيد عيدت مع اهلى وعيلتى بس ومكلمتش حد ....المفاجأة بقى انى مديقتش لان مجليش ولا ماسدج ...قلت اكيد اكيد بعته على النمره القديمه ....وطبعا دة عشان موجهش نفسى ان محدش افتكرنى بس بردو مدايقتش ...:D
لان ساعات فعلا بتبقى مش محتاج اى حاجة تدايق لانك تعبت من كتر مدايتق نفسك عشان الناس ^_^
كل سنة وانتى طيبة :)
فعلاً ساعات لما بنفكر ونحلل تصرفاتنا بنلاقى انها رد فعل لاارادى نتيجة افكار معينة مسيطرة علينا زى ما قولتى مثلاً ياترى هيفتكروا يعيدوا علينا ولا لأ ياترى هما كمان مهتمين انهم يكلمونى ويقولولى كل سنة وانتى طيبة ويبقوا كمان بيعملوا كده من قبيل الحب مش الواجب وبس ولا لأ وساعات كتير من خوفنا انهم ينسونا بنسبق احنا ونبعتلهم مش علشان نعيد عليهم وبس لا علشان كمان نفكرهم بينا ..
=============
الناس الحساسة اوى بيصعب عليها لما تطلب من حد حاجه او حتى هو يوعدها من نفسه ويخذلنا وده لان الناس الحساسة دى واللى بتحب اللى حواليها اوى وبتفكر فيهم بتبذل اقصى جهدها علشان تعمل لحد حاجة عاوزها او حتى قال ان نفسه فيها فبتفرق معانا كتير لو منفذوش اللى قالوه لاننا بنعتبر ده عدم اهتمام وعدم تقدير ..
==============
بسبب تقصير الناس وبسبب ان هما بيخذلونا احيانا ولان كرامتنا ونفسنا بتنقح علينا وبيصعب علينا نفسنا بنتغير كتير اوى فى حاجات كتير وف الاخر بنحس اننا بقينا شبه الناس اللى كنا بنزعل منهم وبنقول عليهم بيخذلونا ف بنكره نفسنا ...
==============
وانا كمان اتغيرت اوى اوى ويمكن يكون ده بسبب اننا تقريباً فى اول مصادمات حقيقية بينا وبين الحياة وبين الناس فى السن اللى الواحد فيه بيبقى خرج من سن الطفولة والمفروض عليه ان يواجهة الناس والحياة بنفسه وانه يبقى مسئول عن تصرفاته فـ بنتغير بسسبهم كتير
=================
الاحساس بالانتماء لعالم ما وناس معينة بتسأل علينا او حتى بتهتم انها تقرا اللى بنكتبه وتعرف احنا حاسين بأيه وحتى تهتم انها ترد علينا ده بيدينا احساس بالاهتمام والحب واننا لينا حياتنا اللى مليناه ناس بتحسنا وبتهتم بينا وده كل اللى بيهمنا حتى لو مش شوفناهم قبل كده مجرد احسساهم بينا بينى بينا وبين الناس دى علاقة قوية ويمكن اقوى من الناس اللى بقت كل علاقتنا بيهم مبنيه على اصول ومجاملات ^_^
=================
فعلاً الاغلب بقى اننا مش بنعرف احنا غلط ولا صح الا بعد ما نكون اضطرينا نخوض تجارب بنفسنا علشان نعرف
===========
سورى اذا كنت كترت عليكى بس بجد بحب احكى ف اللى بتتكلمى فيه لان شبهى كتيير....دمتى حساسة ونقية وشفافه كحروفك ودمتى بسعادة :)
ريبال
وانت طيب وبخير يارب
...
الموضوع ده مش ديما كويس لاني عارفة اني حاجي في مرحلة مش حبقي حابة ابدأ انا واكلم الناس وساعتها حيبان مين فاكرني ومين لا
:))
منورني ديمااا
موناليزا
وانتي طيبة وبخير
:))
ابن السور
عجبني اوي تحليل حضرتك النفسي والعقل الواعي والباطن وكدة
:))
تعالى ديما عندي عشان حتلاقي حاجات كتير ممكن تحللها
:)
باشا
وانت طيب وبخير ديما
:))
منورني بوجودك
محمد عبد المجيد
لا عادي مافيش حاجة كلنا بننقطع شوية ونرجع نتابع وكلنا مطحونين في الحياة
بحب افضفض واطلع اللي جوايا لما يبقي خلاااص مش مستحملاه
:)
نورتني
ريماس
داحانا علي كدة عاوزين معجزة عشان نتغير
:DDD
بنت من الزمن ده
جدعة اوي
عجبتني دي
"مبقتيش تخافي حد ينساكي"
ناوية ابقي كدة وححاول اجرب العيد الجاي ربنا يستر
:DDD
رومانسية
ماهو للاسف مهما بنحاول نبعد عن الناس مضطرين نتعامل معاهم طول الوقت
ولو حاولنا شوية وبنجرع تاني زي ما كنا
متضايقيش حبيبتي ولا يهمك
:))
رووووزي
بجد مش عارفة اقولك ايه
حلو تفسيرك لكل جزء
انا علي فكرة بحب التعليقات الكبيرة اووووي اووي عشان انا كمان بحب اكتب كتير
كل سنة وانتي بألف خير
:))
صباح الغاردينيا سوسو
كل سنة وأنتي طيبة يارب
وعيد سعيد تلاقي فيه كل حبايبك حواليكي
وحشتيييييييييييييييني "
؛؛
؛
لروحك عبق الغاردينيا
كانت هنا
reemaas
اولا انا لسه شايفة البوست فعلا ومغرفش ازاي ماظهرش عندي :(
كان واحشني كلامك جدااااااااااا والاحساس اللي دايما بيحسسني اني مش لوحدي وان حد مشاركني اللي انا فيه
اختلف بس في موضوع خوف ان حد ينساني ده .. انا ممكن اكزن كنت كده لكن دلوقتي لأ بالعكس تماما بحس اني لما بكلم حد بقالي كتير مكلمتوش او مش بكلمه كتير اني بكون عايزة اقوله نا مش ناسياك لكن مش مهم هو نسي او لأ
باقي البوست كله متفقة معاكي فيه اووووووووي اوي اوي
ريماس
وحشاني جدااا
كل عيد وانتي طيبة
انا مقصرة معاكي بس بحاول اهو
:))
نور
عارفة طبعاااا احساسك عامل ازاي
:)
معلش بقي ابقي تعالي زوريني لوحدك مش لازم حاجة تظهر
:DD
Post a Comment