Friday, August 31, 2012

أنا زي مانا واللا اتقسمت اتنين؟؟؟؟


المراية من الحاجات اللي مش باخد بالي منها معظم الوقت
النظر فيها بالنسبة لي مجرد ثواني..
نظرة عامة على نفسي من بره..وخلاص
.................
كتير بحس اني بخاف أبص في المراية كأني لو بصيت ليها حتكلمني وحتعاتبني....
على إيه...
معرفش...!!!
.............
بخاف أبص في عيوني...
ببقى عارفة قد إيه حشوفها حزينة...
حتى لو من غير سبب معروف...
حتصعب عليا أوي البنت اللي في المراية دي

بحس كأني معرفهاش...
بمعنى أصح...بنكر معرفتها ديماً
.............

هي شايفة اللي كل الناس بيعملوه في شكلهم عشان يبانوا أحلى حاجة ملهاش لازمة

عشان هي شايفة الناس من جوه...
مش من بره

وعشان شايفة إن الأصل هو شكلنا العادي مش صورتنا اللي بنحاول نرسمها بالألوان قدام الناس

أصلها طول عمرها بتحب الأبيض وأسود

قديمة أوي....
كل الناس شافينها كدة..
احساسها قديم..
كلامها قديم..
هي جات في زمن غلط أصلاً

كأن حد جابها من زمانها وحبسها جوه مراية في زماننا ده ومرضاش يطلعها..
ففضلت..جوه..بصورتها الحزينة ديماً..مش عارفة تهرب ولا تتحرك
..................................
...........

بتلومني كتير..

انتي ليه بتهربي مني؟؟؟
وأقولها سامحيني....
أصلي أنتي محبوسة جوه...
لكن...
أنا براكي ومحبوسة برضه...!!
أنتي مقتنعة بإحساسك وزمنك اللي جيتي منه...
لكن......
أنا....
كتير باجي على احساسي وأفكر بعقلي
عشان عارفة أنه هو الصح...
.........
بشوفك جوه دموعك نازلة....
ببصلك وأرسم ابتسامة علي وشي
 وضحكة تبين لكل الناس إني مبسوطة
...............
احنا شبه بعض أوي علي فكرة
انتي صحيح ديماً لوحدك ....
لكن أنا حواليا كل الناس
"من بره"
..........
بنحب بعض كمان لكن كل حاجة بتفرقنا 
الازاز اللي بيننا أكبر حاجز نفسك تكسريه وتطلعي تدخلي جوايا
وأنا....

أنا خايفة ينكسر وتنكسر صورتي
وأجي في لحظة
أتقسم اتنين
ومعرفش أنا مين

18/1/2012

17 comments:

Anonymous said...

مساء الورد نهر الحب

أصدقك القول وانا اقرأ حوارك مع نفسك عبر المراية تهت وشعرت بحجم الألم الرابض في نفسك دون سبب واضح في سياق كلامك وتألمت فعندما نشعر بأننا في غير زماننا وأننا يجب أن نكون في مكان آخر تشتد وتضيق علينا الدنيا بما رحبت ويبقى بداخلنا حيرة لا تبددها لحظة فرح ولا لمة بشر ...

أتمنى من قلبي أن تكوني بخي .
تحياتي وإحترامي

حنين محمد said...

مساء الغاردينيا سوسو
دائماً لا نحاول أن نرانا في المرآة
قد تعكس حزن وجوهنا ودمعة سقطت من عيوننا
وقد نرانا بشكل آخر لايشبه مانظهر وفي كل الحالات
مؤلم أن نكتشف ذلك "
؛؛
؛
حبيبتي كوني بخير
لروحك عبق الغاردينيا
كانت هنا
Reemaas

;كارولين فاروق said...

لازم تتصالحي معاها
وتحبيها كمان
لأنها أنتِ
تضارب وتفكك النفس
يُتعب جدا
ربنا يسعد قلبك ويسعد حالك
غاليتي
تحياتي

Nour said...

انا كمان مش بحب المراية بس لسبب غير بتاعك .. انا بحس ان شكلي فيها مش حلو رغم اني متأكدة اني امورة في الواقع :P

لأ بجد عجبني الحوار جدا وفكرة انك تتكلمي مع نفسك "من جوه" وتصاريحها انكم مش زي بعض او مش عارفين تتواصلوا.. واضح جدا حجم الالم والحزن اللي بتتكلمي بيه

بس انا متأكدة انك هتكوني احسن قريب ان شاء الله

شخابيط said...

انا عارف قد ايه احساسك ده صعب لانه بعانى منه كتيير ولانى بردوا بعانى من نفس المشكله انى حاسس انى موجود فى الزمان الغلط زمان اختفى منه كل شىء جميل
بس ده كان أدعى انى أتكلم اكتر مع نفسى لانها اكتر حد بيفهمنى واقعد قدام المرايه كتير
واجهى نفسك فى المراية هترتاحى كتيير
مع خالص امنياتى بالسعاده لكى وان تجدى الزمان الكناسب لكى

zeze said...

جميلة اوي يا سهاد تصوري اني بحصل معايا دا
بس الصراع بيتعب اوي
ويارب تكوني بخير وسعادة
بارك الله فيكي

نهر الحب said...

ريبال
صدقني انا كويسة طول ما انتوا جمبي
لكن هي لحظات غريبة بتمر علينا كلنا لما مش بنفهم ايه اللي حاصل
:))

البوست مكتوب من فترة طويلة من شهر يناير وهي بتكون فترة وبتعدي

شكرا لوجودك
:))

نهر الحب said...

ريماس
حبيبتي
عارفة حبص في المرايا وانا مبسوطة وانا نازلة من بيتي رايحة فرحك
:))))
بجد
بس
.
.
.

نهر الحب said...

كارولين
لازم نتصالح مع بعض
لما نقتنع ببعض
لما مانحسش فعلا اننا اتنين واننا واحد
:)

نهر الحب said...

نووووووووور
طبعا طبعا طبعاااااااا انتي اموووووورة
وانا كمان علي فكرة
:DDD
ههههههههههه

لا انا بخاف يطلعلي منها حد زي افلام الرعب كدة
:DD

نهر الحب said...

وائل
اكيد الكلام مع مرايتي هو الحل بس ساعات بنخاف من المواجهة لما نعرف قد ايه انا وهي مش حنفهم بعض
:)

شكرا لوجودك هنا

نهر الحب said...

زيزي
لو بيحصل معاكي يبقي الله يكون في عوننا كلنا
يا رب كلنا نبقي احسن
:)

شخابيط said...

قد ايه مهم اننا نفهم نفسنا ونحقق الاستقرار الداخلى
استوعبى نفسك وافهميها ....اكتر شىء اتاكدت منه ان اصعب حاجه ممكن نعملها هى اننا نتعامل مع نفسنا
دائما بالتوفيق

Bent Men ElZman Da !! said...

بحس ان المرآيه برغم انها جماد
لكن بتقدر تشوف وتحس بحاجات كتير احنا بنخبيها فى حته مستخبيه كده جوانا
لما تلاقى نفسك بتخافى اوى تقفى قدامها
اعرفى انك فى حاجات مخبياها وخايفه حد يعرفك انها لسه موجوده
اوقات لما ببص فى المرآيه
بحس ان روحى طلعت منى وبتسألنى انا مين؟ هو انا دينا اللى بجد عايشه حياتها بالشكل ده؟ حتى ملامحى بتبقى مختلفه
ساعتها بس الواحد بيشوف نفسه من بره وجوه كأنه شفاف

نهر الحب said...

وائل
:))
اوعدك
انا بعمل ده احيانا وححاول اركز مع نفسي شوية
شكرا لوجودك تاني
واوعدك ببوست فضفضة عن ذكريات زمان قريبا ان شاء الله

نهر الحب said...

بنت من الزمن ده
صحيح بخاف منها اووووووووي بس اني لو ركزت اوي حشوف اللي مش عاوزة اشوفه
..
نورتيني

Anonymous said...

تحياتي لمدونتك الجميلة