Tuesday, August 23, 2011

حنين

كتير بكون قاعدة لوحدي....ألاقي الدنيا بتطبطب على قلبي وتقوللي
.....جايلك رسالة
أفرح زي بنت صغيرة حد جايبلها لعبة جديدة ومشتاقة تعرف إيه هي
...............
اتردد شوية....أحاول ألمس رسالتي قبل ما افتحها
أشم ريحتها...وأعرف ان جواها
.......حنين
............
.......حنين لحاجات بقالها...سنة
......سنتين
.....تلاتة
......ويمكن اربع سنين
.....
ليه الرسالة دي تيجي دلوقتي ويملاني الحنين ده كله؟؟؟

مش لاقية اجابة....لكن....لازم أرد على الرسالة...لازم
........................
حرد
...................بنقط كتير
..........................................................................
وأسيب فراغات


.
.
.
.
.
.
.
.
محدش حيفهم

كل نقطة ممكن تقول كلمة جوايا

وكل فراغ...احساس في قلبي متداري عن العيون

كأنها شفرة...وحبر سري

......لازم حد يبقي معاه كود يفك الشفرة
وحاجة يشوف بيها اللي ورا الفراغات
......................
...................

ممكن ارسم نقطتين وقوس

:)
ووبس


الناس حتفهم اني سعيدة...او يمكن...مبتسمة
بس هو معناه.....ان أنا.....راضية

النقطتين...عيوني المغمضين....اللي مش عاوزين يشوفوا حزن

والقوس........ملامح وشي اللي نفسي متتقلبش للناحية التانية
...........................
ممكن ارسم كمان قوسين بينهم نقطتين وفاصلة

(';')



......بحسه بيقول حاجات كتير
....ساعات بشوفه مكسوف
......وساعات مبسوط
......ساكت...وغامض
....بس مميز...عشان بشوفه زي ما بحس بيه
.................................

عايزة اقول حاجات كتير تفسر الحنين اللي جوايا
بس من غير ما اتكلم....!!!!!ا

........نفسي يبقي عندي موج زي البحر

....لما يخبط في الصخر بفهم ايه اللي عايز يقوله وايه اللي جواه

الناس بتستغرب اني بحب البحر وهو هايج مش هادي

بحبه مجنون محدش يفهمه غيري
.........بيكلم السما
........الوحيدة اللي فاهماه مع انها بعييييييدة

برضى منه بلمسه بطرف رجلي..... مع اني ممكن اخده كله في حضني

........نفسي ارسم عليه بصوابعي خطوط كتيرة تعمل دواير جوه دواير


تاخدني دايرة منهم.....وألاقيني جوه حضنه من غير ما أحس
........ساعتها بس

حعرف ان الحنين مجرد موجة تعدي علينا فجأة.....تغطينا من فوق لتحت

تفوقنا......تفرحنا....تعرفنا اننا لسه بنعرف نفتكر

تعدي الموجة.....وتسيب جوانا علامااااااات كتير

يمكن تدوب مع شمس النهار لحد ما موجة تانية تحصلها
..............
دلوقتي....ممكن أبعت رسالتي في ازازة وارميها في البحر

..وأقعد...لوحدي....وأستني
..................

13 comments:

دعاء العطار said...

" محدش حيفهم

كل نقطة ممكن تقول كلمة جوايا

وكل فراغ...احساس في قلبي متداري عن العيون

كأنها شفرة...وحبر سري "

فيه حاجات مش لازم تتفهم لأنها تتحس اكتر من انها تتفهم

ممكن ع فكره تحبى حاجه وتبقى مش فاهمه بتحبيها ليه .. بس احساسك انك بتحبيها

كذلك الكلام ... ممكن ايموشن بسيط يفرحنا اوووووووى بالرغم اننا ممكن نكون مش فاهمينه

عارفه احلى فيكى ايه ياسهاد ؟

احساسك بكل حاجه حواليكى وانك تترجمى الاحساس ده لكلام

" النقطتين...عيوني المغمضين....اللي مش عاوزين يشوفوا حزن

والقوس........ملامح وشي اللي نفسي متتقلبش للناحية التانية "

مش اى حد هيقدر يفسر احاسيسه كده

بجد استمتعت جداااً بالبوست ده وهقراه تانى :) :)

Tamer Moghazy said...

باحب قوي لغة النقط والفراغات..
واللي بتقول كل اللي الحروف مش بتقدر تقوله.

حاجتين عاوز اقولك عليهم:
الاولى: اني جربت ارمي رسالة للبحر ولسه ماجاش اي رد..
غالبا مش بييجي :)

التانية: انه دي :) و كمان دي (';') بتوعي انا
فا ممكن تبقى تقولي لما تحبي تستخدميهم..؟؟


اه...على فكرة..
انا اتاكدت انك بتحبي البحر...
..........
.....
........قوي :)

نهر الحب said...

دعااااء
:)
حعمل كدة عشان تعرفي ان تعليقك بيفرحني اوي

عارفة
بكتشف اوقات كتير اوي ان الكلمات مش بتعبر كويس عن اللي جوايا عشان كدة السكوت بيكون احلي في حالات الاحساس فيها بيكون اقوي من الكلام

نهر الحب said...

تامر
:)
(';')
تؤ بقي
لا

التاني ده
(';')
بتاعك ماشي حعترف بكدة

لكن ده بقي
:)
بتاعي وبتاع كل الناس
بس ممكن استأذنك يا فندم بس علي شرط
لما تقول ان حقوق النشر والطبع محفوظة للابتسامة ليك وووبس
:):):):):)

الرسالة اللي رميتها في البحر لسه مجالكش عليها رد
مممم
جايز سمكة اكلتها واللا حاجة
:D
منورني جداااااااا

israa essam said...

كلامك جميل و بيعببر عن اللي ممكن يكون جوا أي حد و اسلوبك بسيط

Anonymous said...

مساء الورد

ولغة لن يفهمها سواك ولكنها

تعبر بقوة عن دواخلك التي قد

تنهكك .. نقط ومسافات وشفرات

داخلية قوام رسالة سيأتي من يقرأها

بصدق وعفوية لأنه عرف لغتك هذه بكل

بساطة ...

كوني سعيدة

تحياتي وإحترامي

نهر الحب said...

فتاة في زمن غريب
شكرا اوي ويا رب ديما يوصلك احساسي
:))

ريبال بيهس
مساء النور
:))
كلام حضرتك جميل اوي
:)
اهو انا بقي فعلا مستنية اللي يحل الشفرة دي

يسلملي مرورك الجميل اوي ده
يا رب ديما

The illusionist said...

بصى انا هعيد عليكى بس

بس مش هينفع طبعا بقى اقول عيد سعيد كده وانتى قاعده لوحدك فى البوست ومستنيه

كده هوزن صح

حزن يعنى

ممممم

عيد سعيد

هه

يلا

ان شالله ما عن حد حوش

نهر الحب said...

The illusionist
وانت طيب والله
فعلا اول حد يعيد عليا
واه فعلا ان شاء الله ما عن حد حوش
:D

Tamer Moghazy said...

تك تك تك..
ممكن ادخل..؟؟
انا جيت اقولك كل لحظة وانت بكل الخير والسعادة :)

نهر الحب said...

تامر
مش محتاج تخبط علي فكرة
ادخل علي طول
:)
وده كمان
(';')
بعد اذنك يعني
.....
كل سنة وانت طيب وكل لحظاتك سعادة ورضا يااارب

Anonymous said...

ازيك يا نهر
تحياتى
حديث النقط مش كل الناس بتفهم فيهم .. لكن هو حديث خطير احيانا ومثير احيانا ومبهم احيان اخرى ..
تحياتى وكل عام وانت بخير والاسره الكريمه
فشكووول

نهر الحب said...

Anonymous
ممممم
وانت طيب
مين بقي يا استاذ فشكووول؟؟؟؟