Wednesday, August 17, 2011

فريدة"....الحلم.....و"حسن"....الحقيقة"



هو "حسن"...شاب عادي...أو كان مفكر انه عادي اوي.....وحاسس انه وحيد اوي..... ومحدش ممكن يحبه زي ما هو عايز


........


لما لقاها...كانت "فريدة"...... أو....يمكن...كان بيتمناها تبقي فريدة في كل حاجة


........


لكن اللي مكنش واخد باله منه إن "فريدة" كانت.......عادية.....جداااااً


بتضحك ضحكة عادية......بتلبس ببساطة....بتتكلم وتقول اللي هي عاوزاه

.بتروح...وتيجي....وتتنطط......تزعل ...وتفرح....وتخاف



.............كانت خايفة حتى انها تحبه


...........عشان "حسن" .....مكنش عادي

......كان مختلف


.....بيقول الحاجة بطريقة مختلفة


.....وبيحلم أحلام محدش حلمها قبله

كان بيروح معاها الأماكن اللي عمره ولا عمرها كانوا


يقدروا يروحوها من غير ما يقابلوا بعض


......................


.....كان بيحبها بطريقة مختلفة


................


" أنا نفسي تحبيني"



.....



........



"انا شكلي هحبك على فكرة"........



........


....قلبه وقلبها اتقابلوا هنااااااك


في نقطة بعيدة.......بعيدة حتى عن الزمن وعن الواقع

...ممكن يكونوا اتقابلوا في الحلم


او في الخيال


وكانت هي دي الطريقة الوحيدة اللي ممكن يشوفوا بعض بيها

......وفي الحقيقة


.....هو كان بيحبها وحاسس بيها من غير ما هي تعرف
بس كان عامل زي
(حتة التلجاية اللي نفسها تخرج من الفريزر بس خايفة..تدوب)

ومكنش عارف
ان فريدة كمان تلجاية نفسها يخرج معاها ويدوبوا مع بعض ويبقوا حاجة واحدة بس هو
محتاج ميخافش

....................
...وهي


كانت مستنية منه...كلمة


.....وخافت تقرب

يمكن أتأخروا أوي لما كانوا قريبين ومش حاسين


.................

.....لكن....جه معاد....كان لازم فيه "حسن" يفوق


يقوم من حلمه...ويعرف انها حقيقة مستنياه كل يوم


"وانها.....بنت......... "عادية


"ومش اسمها........"فريدة


"اسمها..."مريم


.........


.............


....."وهو...."حسن

كانت شايفاه حلم بعييييييد


.....لكن فضل "حسن" زي ما هو


وبقى حقيقة قريبة أوي منها


...............


وحلم اتحقق من غير ما تفهمه ولا تلاقيله تفسير.............................................................

16/8/2011
النص مستوحى من كتابات
في مدونته الجميلة
آسف على الازعاج
ورؤيتي لفيلم آسف عى الأزعاج...بطريقة مختلفة

8 comments:

دعاء العطار said...

مااعرفشى ليه دايماً الحاجه وهى بعيده يبقى طعمها مختلف

بنبقى شايفينها حلوه أووووى

القمر واحنا شايفينه من هنا بنتخيل له أشكال كتيييير وبنشوفه بشكل مختلف .. لو قربنا ونزلنا هنلاقى انه عادى جداً

هل لأن الخيال بيكون أحلى دايماً من الواقع ؟

ممكن...

بس عارفه ساعات بقى فيه حاجات مابنبقاش متخيلين انها حلوه لغاية مانقرب وكل مانقرب كل مانكتشف حاجه جميله فيها وكل شويه تزداد غلاوتها فى قلبنا

اعتقد ان النوع التانى ده قليل اوى

...........

جميل البوست أوى وبحب الفيلم ده جداً :):)

Nesreen said...

بتحكي الفيلم بطريقه جميله جدا

:)

وفعلا سعات بنبقي قريبين قووي لدرجه اننا مش مدركين ده

واوقات بنبقي بعاد جدا واحنا فاهمين العكس

تحياتي

Timo.. said...

عارف اني اتأخرت كتير في الرد..
بس صدقيني كنت في وسط الحر ده متلج جدا وبرداااان وتعبان قوي..
لدرجة اني ماقدرتش امسك الكيبورد واكتب..
بس دلوقت بقيت تمام واقدر اكتب :)

مليون تعليق على البوست الحلو دة.. ومعاهم مليون وردة لاختيارك ورؤيتك (الخاصة)

العنوان بجد بوووووست لوحده وانا بيلفت نظري اختيار العناوين جدااا
(';')

بالنسبة لحسن وده اللي اعرفه فهو شخصية مركبة جدااا ومفيش حد بيختار شخصيته ولا حد بيختار فريدته.. القدر هو اللي بيجمعهم ببعض..
بدليل انه كان عامل زي (حتة التلجاية اللي نفسها تخرج من الفريزر بس خايفة..تدوب)

مش عارف اشكرك ازاي على البوست الحلو قوووي ده واكتشفت ان انت كمان بتعرفي تحللي الافلام حلو قوي واحلى مني كمان ولك رؤيتك الخاصة واختياراتك الخاصة

انا عارف طبعا ان التعليق ده ها يوصلك الصبح فا صباحك ورد وقرنفل :)

"أنا نفسي تحبيني"
.....
........
"انا شكلي هحبك على فكرة"
عرفت تختاري قوي على فكرة :)

نهر الحب said...

دعاء العطار
صحيح الخيال احلي كتير من الواقع بس المشكلة لو الواقع احلي من الخيال واحنا مش واخدين بالنا ده بيخلينا نتأخر كتير عن لحظات حلوة
..........
....

انا كمان بحب الفيلم ده اوي
فرحانة اوي بزيارتك وتعليقك
من غير ألم ولا حزن المرة دي
:)))

نهر الحب said...

نسرين
مينفعش نبقي قريبين قووي لدرجه اننا مش مدركين ده

و نبقي بعاد جدا واحنا فاهمين العكس
عشان كدة المفروض نركز اوي اوي وناخد بالنا ونعرف ايه اللي المفروض نقرب له وايه اللي باين حلو من بعيد وهو مش كدة
:)

نورني وجودك

نهر الحب said...

تامر
ألف سلامة عليك
انا بحب أحس بالبرد....ومستعدة آخده لو مش عايزه
:D
..........
العنوان
بحب أركز في اختياره أوي
فيه نصوص بتتولد باسمها وفيه نصوص بتعب عشان الاقيلها اسم حلو تحبه
دلوقتي افرح قوي لما مجهودي في اختيار العنوان مش بيضيع لما حد يركز فيه
........
......
البوست هو اللي يشكرك عشان اتكتب من كتاباتك
وانت استاذي يا فندم في تحليل الافلام
وانا مجرد تلميذة شاطرة اتعلمت من استاذها
:D
.....
قريت التعليق الصبح.....وباليل برضه
صباحك ورد ومساءك بنفسج

Miss LoZa said...

يالهوى على التحفة
ازاى حلو جدا كده !!!!!!!!!!!

نهر الحب said...

miss loza
مش عارفة
*_*