Wednesday, May 06, 2015

كلام كان نفسي اقوله

أحلام : مالك يا عاصم في ايه
عاصم : انا مسافر يا أحلام
أحلام : طب ما انا عارفه انك مسافر ، ما انت قولتلي في التليفون ، و بعدين ليه وشك عامل كدآ ، انت هتروح في حتة مش عجباك
عاصم : انا مسافر أمريكا
أحلام : و هي أمريكا وحشة للدرجة دي يعني
عاصم : طبعا انتي عارفه المشاكل اللي حاصلة في - وول ستريت - بقالها فترة
أحلام : أممم هو ده اللي مضايقك
عاصم : الشركة اللي انا بشتغل فيها حصلتلها خسارة كبيرة جدا في البورصة بتاعت نيويورك ، و طلبوا أننا اروح اقعد هناك فترة
أحلام : يعني فترة يعني لحد لما الأزمة تعدي و ترجع مكتبك في مصر تاني مش كدآ
عاصم : على الأقل سنه و يمكن اكتر محدش عارف الأزمة دي مودينا لغاية فين
أحلام : هو انت جايبني عشان تسلم عليا قبل ما تطلع المطار و تغيب at least سنه و لا كدآ
عاصم : انا لسه هسافر دبي أسبوعين، و بعد كدآ هرجع القاهرة تاني و بعد كدآ هسافر من القاهرة لـ أمريكا ، لسه بدري يعني
أحلام : طب تمام كويس انك مقولتيش في آخر لحظة كالعادة
عاصم : هو انا اول ما عرفت القرار جيت قولتلك
أحلام : ميرسي يا عاصم ، بقولك ايه أبقى كلمني لما ترجع عشان اقولك خلي بالك من نفسك
عاصم.: ايه ده ده انتي رايحة فين
أحلام : مروحه
عاصم.: ايه لعب العيال ده ، أحلام انا بكلمك
أحلام : ليه يا عاصم
عاصم.: ليه ايه
أحلام.: ليه ليه حسيت انك لازم تقولي بسرعة كدآ ، ليه حسيت ان انا لازم أبقى اول حد
عاصم.: انت متضايقة عشان انتي اول حد انا قولتله يعني انا مش فاهم
أحلام : اه ابقالك ايه
عاصم.: انتي بتسألي انتي تبقيلي ايه بعد كل ده
أحلام.: ابقالك ايه.، انا في حياتك ايه ، صاحبتك، حد انت بترتحاله و بتحب تفضفضله، ولا محطه في مصر في غيرها في أمريكا و في غيرها في England و في كل بلد انت بتروحه
عاصم : مفيش حد غيرك يا أحلام
أحلام.: غيري فين ، في قلبك و لا في عقلك و لا في دفتر تليفوناتك ، و لا في Schedule busy اوى بتاعك
عاصم.: في حياتي يا أحلام
أحلام.: في حياتك انا مش في حياتك اصلا يا عاصم ، انت اللى فى حياتى انت اللى دخلت حياتي و شغلت الفراغ اللي انت محتاجه بالظبط فيها ، خلاص متكدبش علي نفسك و لا تكدب عليا ، ما انت اللى دخلت حياتي و عملت كل اللطف بتاعك و Charm بتاعك ، انت اللى اخترت تبقا موجود جانبي في موت امي ، انت اللى فصلت حياتي كلها على ميقاسك، و طلبت مني احط كل الذكريات بتاعي في التلاجة و ابدأ من جديد معاك.، انت اللى مسكت أيدي و حضنتني و عملت كل الحاجات العظيمة اللي كنت بتعملها، كنت بتعملها ليه ليه و انت عارف انك هتمشي و تسبني في الآخر ، عارف انك مش هتفضل معايا اصلا ، ليه كنت بتعمل ده.، ليه علقت دي في رقبتي.، ليه ليه انا عايزة اعرف و أفهم انا ايه بالنسبالك،
عاصم : أحلام
أحلام : انا مين بالنسبالك
عاصم: اااحلام
أحلام.: مين انا عشان أبقى اول حد يعرف خبر سفرك الجميل ده
عاصم.: ااااااحلام
أحلام.: لا متقوليش أحلام
عاصم : ااااااااحلام
أحلام.: انا عايزة اعرف يا عاصم افهم و من غير أعذار عايزة أفهم
عاصم: اااااااااااااحلام انا بحبك يا أحلام انا بحبك
أحلام: بجد
عاصم.: أحلام افهميني
أحلام: أفهم ايه ، انك بتعترفي بحبك في نفس الوقت اللي انت خدت القرار و هتمشي و تسبني تتفهم دي ازاي يا عاصم
عاصم.: ممكن تهدي طيب عشان..
أحلام: سيب ايدي من فضلك يا عاصم، انا هاديه خالص و خلاص ادينى قاعده و لو عندك اي حاجة تانية عايز تقولها اتفضل
عاصم: انا مقدر إحساسك و مقدر أن الوقت مش مناسب بس انتي كان لازم تعرفي ان انا بحبك
أحلام.: و اكتشفت من أمتي الاكتشاف المذهل ده
عاصم.: من زمان
أحلام: من زمان و مقولتيش من ساعتها ليه
عاصم.: عشان الوقت مكنش مناسب
أحلام.: و دلوقتي بقى مناسب
عاصم.: انا و انتي يا أحلام بنفكر عكس بعض يعني ، انتي شايفة أن الحب أخره الجواز ، و انا شايف ان فكرة الجواز أساسا مش مناسبه بالنسبالي، مينفعش اتجوز
أحلام.: مينفعش حتى لو كان بين أتنين بيحبوا بعض
عاصم: ده بالذات بين أتنين بيحبوا بعض
أحلام: ده ايه شوفت انت أننا خلاص نفضل كدا و نقضي وقت لطيف مع بعض و خلاص
عاصم.: انا لا قولت كدآ و لا أقبل أي حد يقول عليكي كدآ اصلا
أحلام.: و انت طبعا دلوقتي هتمشي و تسافر و عادي تقدر انك تقولي انا بحبك يا أحلام عادي يعني.، أصل انا لا هينفع اقولك اتجوزني يا عاصم و لا هينفع اقولك لازم يبقا في بينا أي Commitment يربطنا مع بعض و لا أي حاجة.، فأنت تقدر تقول اللي انت عاوزه عادي
عاصم: لا مش كدآ
أحلام: اومال ايه
عاصم: انا شايف ان من حقك أن انتي تعرفي
أحلام: من حقي و انت من أمتي بتفرق معاك انا لازم اعرف ايه و محتاجة ايه من أمتي ، من أنت بتعمل الحاجة اللي انت بتحتاجها في الوقت اللي انت بتحتاجه من غير ما تفرق معاك أي حاجة.، مفيش داعي نبقى سخفه و نكذب على بعض يا عاصم
عاصم.: أحلام انا كنت فاكر لما انا اتجوت كنت بحب ، بس اكتشفت لما انا حبيت بجد مينفعش اتجوز .
أحلام: انا اسفه، انا بجد اسفه ، اسفه على كل الكلام السخيف اللي انا قولته ، و ميرسي على كل حاجة انت عملتهالي بجد ، و اسفه اني وجعتك معلش متزعلش مني أصل انا اتوجعت كتير و لسه هتوجع.،، انا كمان بحبك .،،
"" أحلام ،، عاصم """
" صبا مبارك ،، كريم فهمي "
** من مسلسل -- حكايات بنات -- **

9 comments:

momken said...

الحاله صعبه
وعاصم بيستهبل
بس احلام كمام بتستعبط هى جايه تاخد موقف دلوقتى
ولما هى متمثلش له اى حاجه كان ريحه تقبله ليه؟؟؟
صديقه مقربه مثلاً ؟
الاتنين فطرانين مستهبله
والمخرج فطران مستعبطه
مين فيهم الغلطان؟؟؟؟
نفترض ان عاصم قلها بحبك قبل سفره بسنه كان ايه الى ممكن يحصل جديد
مكنش هيختلف اى شىء فى الاسكريبت ده خالص
واضح انهم كانوا بيملوا فراغ بعض العاطفى
ولما جه هو يسافر كانت هى هترجع لنفس الفراغ تانى .. ومحبتش تنتظر فى حاله الفراغ ده تانى
العلاقه بينهم غريبه واضح ان هما لاتنين وصلوا لمرحله لما اشوف الطرف التانى هيعمل ايه وبعدين اتصرف

( كتير اوى الخبره والتجارب بتكون اكبر عائق فى طريق سعادتنا )


تحياتى

......

نهر الحب said...

بص ف نظري في علاقات مبنعرفش نسميها ولا بنقدر ننهيها ...واحلام مكنش ينفع هي تعمل اي حادة زي اي بنت بتتمنى واحد ومتقدرش تقوله
السكريبت مكنش حيتغير عشان شخصية عاصم لكن انا شخصيا ارتحت من الحوار ده لان احيانا بنحتاج نقول اللي جوانا حتى لو من غير نتيجة

reemaas said...

فى حاجات بتبقى واضحة قدامنا بس بنخاف نعترف بيها علشان نأجل الوجع وهى عملت كده

P A S H A said...

إيه النقلة الغريبة قوي دي في الحوار آخر تلات سطور ؟؟ ولا علشان يقفل المشهد ؟؟
كان ماشي حلو ومنطقي .. اتنين عالقين في علاقة و خلاص .. لازم التتش العربي ده ؟؟
:))
خالص تحياتي وتقديري

Romancia said...

بحب المسلسل دة والمشهد دة جدااااا
وعاصم كان من اسخف ما يمكن
ومش قادرة افهم موقفه

نهر الحب said...

صح جدا يا ريمو عشان كدة بنسيب الزمن يحلها

نهر الحب said...

انا كان نفسي يتجوزوا صراحة تخيل كل مشوف المسلسل اتمنى نهايته تختلف
:)

نهر الحب said...

لا عاصم مش سخيف بالعكس ده صعبان عليا
والشخصية دي موجودة ف الحقيقة علي فكرة

Boss Kareem said...



شركه كشف تسربات المياه بالرياض
كشف تسربات المياه بالرياض
شركه عزل اسطح بالرياض
شركه تسليك مجارى بالرياض
شركة مكافحة حشرات بالرياض
شركة عزل اسطح بالقصيم
شركه عزل خزانات المياه بالقصيم
شركه عزل مائى بالقصيم
شركة عزل حرارى بالقصيم
شركة مكافحة حشرات بالقصيم
شركة تسليك مجارى بالقصيم

شركة كشف تسربات المياه بالاحساء
شركة كشف تسربات المياه بالاحساء
شركة كشف تسربات المياه بالاحساء

شركة مكافحة الحشرات ورش المبيدات
شركة كشف تسربات المياه بالنعيرية
كشف تسربات المياه بسيهات
شركة كشف تسربات المياه بالقطيف
كشف تسربات المياه بالقصيم
شركة كشف تسربات المياه بالخبر
شركة كشف تسربات المياه بالجبيل
شركة كشف تسربات المياه بالجبيل