Wednesday, April 15, 2015

فاصل طويل

اذهب الى هناك...مجبرة...مترددة الخطى..
أخاف من أشياء كثيرة ولا أحد يشعر بما أفكر به...
أتمدد على السرير للحظات..
يخبروننى أن الدكتور جاهز ...استعد لغرفة العمليات...
للمرة الثانية ادخل تلك الغرفة..
اتمدد على السرير...ناظرة لسقف الغرفة مع قراءة القران..والشهادة فربما اغمض عيني ولا افتحها ثانية...
دكتورة تخدير غير مهتمة ...ولها حق...باحساسي او بخوفي...تبحث عن وريد يرفض الظهور لتضع به المخدر...
تبدأ الام السنون تخترق جسدي دون مقاومة...
لحظات...اشعر بزغللة...ثم ...لا شيء
استيقظ وكأنى كنت في فاصل طويل...بلا احلام او أي شيء يذكر..ولا اعرف هل انا غريبة الاطوار ام ماذا...
كنت اريد ان احلم باحبابي...اشعر انهم معي...قريبين منى...احدثهم واقول اسماءهم لمن حولى دون ان اشعر...
لم يخبرني احد هل تحدثت وانا نائمة ام لا...ولم اسأل...
انتقل مرة اخرى لغرفتي....
اراقب نقاط المحلول تخترق عروقي...اتذكر شيئا ما يحزنني...
استسلم تارة للنوم وتارة اخرى للأدوية المتتالية على جسدي...
اشعر بالضعف والخوف...
اكره شعوري ذلك كثيرا....
اكره مجاملة الاخرين...
اكره انتظار سؤال احدهم وشعوري انه لا يهتم...
اكره كل تلك الافكار التى تأتيني ....
أريد لحظات البنج تلك التى فصلتنى تماما عن الحياة ...والناس...والتفكير...والحزن...
وكل شيء

15 comments:

Gamal Abu El-ezz said...

نهر الحب
لحظات البنج أو الغيبوبة بتكون لحظات غير محسوبة كمن مر الزمن من حولة دون أن يدرك فأخر لحظه قبل الغيبوبة هى فى عقله فقط أول لحظه بعد أن يستفيق
قد يحلم وهو فى غيبوبته ولكن سرعان ما تتلاشى الأحلام
وهناك دائما من يهمه أمر المريض دون أن يدرك أنه يحتاج لهذا
سلم قلمك

رحاب صالح said...

تجربتي مع العمليات بتقول ان الفترة دي بتكون عالم تاني ...فاكرة لسة حاجات كانوا بيقولوهاي لما عملت عملية في رجلي وفضلت وقت كتير اقولهم انا مقولتش الكلام ده
بس تعرفي ...
حاليا انا عايزة ادخل ف غيبوبة
ومش عايزة حد يهتم

سعيد وحشة said...

هو فعلا فاصل طويل لا ندرى به شيئا وكأنه إنقطاع عن الحيااه وعن الوجود لحظات عابره قد لا تحسب من العمر


راائعة مدونتك الجميلة وأسلوبك شيق ورااقى




طاب لى المكوث هنا بين أحرفك



تحياااتى

قمر وليل وغيوم said...

احساس مخيف وقاسى
عجبنى اوى اسلوبك
تحياتى لقلمك

reemaas said...

كويس انى ماقرتش البوست ده الا لما عرفت .. تخيلينى لو قريته قبل ماعرف كده كنت هتوجع اوى

بالنسبة لاحساسك وانتى بتراقبى نقط المحلول لسه حاسة بيه من يومين

تفائلى انا عن نفسى متفائلة
وزى ماقلتلك اجمدى كلنا معاكى حتى بالكلمة

momken said...

شرح دقيق لتفاصيل يعجز حتى من عاينها ان يصفها
بوست قوى
وحمدالله على السلامه


تحياتى

.....

rona ali said...

في بعض لحظات من حياتي وانا بكتشف حقائق حاجات كتير مرت من غير تجميل من غير تزيف بتمني اتبنج او اتجمد وقتها عن اني اشوف دة بتمني يفضل العالم واقف ويحصل اي حاجه مترجعنيش للحياة اتنفس الالم

وصفتي احساس بشكل مميت يا سو
وحشتني بوستاتك ووحشني المكان اللي مليان ذكريات هنا بحبها فيكي :*

نهر الحب said...

جمال
هو ده اللي حصل فعلا
شكرا أ.حمال

نهر الحب said...

رحاب صالح
بعد الشر عنك
هو الواحد محتاج يفصل بس
نورتيني ديما
انا تايهة عندك بسبب جوجل بلس بتوه فيه

نهر الحب said...

سعيد وحشة
ربنا يخليك
تنور ديما

نهر الحب said...

قمر وليل وغيوم
اه فعلا صعب جدا
الحمد لله

نهر الحب said...

ريماس
طاب كويس الحمد لله
الف سلامة عليكي انتى كمان

نهر الحب said...

ممكن...
الله يسلمك
:)

نهر الحب said...

يا رونا
انتى كمان وحشتيني جداااا

Boss Kareem said...



شركه كشف تسربات المياه بالرياض
كشف تسربات المياه بالرياض
شركه عزل اسطح بالرياض
شركه تسليك مجارى بالرياض
شركة مكافحة حشرات بالرياض
شركة عزل اسطح بالقصيم
شركه عزل خزانات المياه بالقصيم
شركه عزل مائى بالقصيم
شركة عزل حرارى بالقصيم
شركة مكافحة حشرات بالقصيم
شركة تسليك مجارى بالقصيم

شركة كشف تسربات المياه بالاحساء
شركة كشف تسربات المياه بالاحساء
شركة كشف تسربات المياه بالاحساء

شركة مكافحة الحشرات ورش المبيدات
شركة كشف تسربات المياه بالنعيرية
كشف تسربات المياه بسيهات
شركة كشف تسربات المياه بالقطيف
كشف تسربات المياه بالقصيم
شركة كشف تسربات المياه بالخبر
شركة كشف تسربات المياه بالجبيل
شركة كشف تسربات المياه بالجبيل