Friday, March 06, 2015

البعيدين........القريبين

القريبين مننا اللي لما بيبعدوا ميبفرقوش معانا
مع انهم كانوا قريبين مكاناً
في المحيط أو الدايرة اللي حوالينا
لكن هي مش بتتقاس بالدايرة دي
مين جواها ومين براها
..........

القريبين مكانا مش بيدونا فرصة
حبهم ممكن يخنقنا يخرجنا من حدود دايرتهم عشان نتنفس
بنتعب من خوفهم الزيادة
وطبطبتهم اللى قد ايه بتحسسنا  اننا ضعاف من غيرهم
بنبقى عاوزين مساحة للوحدة والبكاء والضعف
مساحة لينا احنا بس
...........
البعيدين بيبقوا عاملين زي الملايكة
مش بنشوفهم
لكن بنحس بيهم
وجودهم....سيرتهم...احساسهم....بيونسنا
الونس ده مبيجيش ديماً من الناس الي جوه دايرتنا
لأ
بييجي من اللي بنبقى فاكرينهم بعيد رغم انهم معانا
روحهم بتبقى حوالينا
بتحبنا.....بتدعيلنا
بيكونوا اكتر ناس حاسين بوجعنا بس خايفين يتقلوا علينا
ممكن يبكوا حزناً علينا واحنا منعرفش
بيبصوا علينا من بعيد نفسهم نلمحهم بس وحيمشوا بسرعة
حتى لو مشوفناهم حيفضلوا بنفس الحب والاهتمام والشغف
.......
ببساطة
العلاقات دي هي الى بتفضل مع مرور الزمن
تلف الدنيا وتروح وترجع والملايكة دول يفضلوا طايرين حوالينا طول الوقت
........

6 comments:

reemaas said...

حلو وصفهم بالملايكة .. ربنا مايحرمنا منهم

النسر المهاجر said...


تلف الدنيا وتروح وترجع والملايكة دول يفضلوا طايرين حوالينا طول الوقت
أسلوبك جميل فى الكتابه بصراحة البوست ينفع كله تعليق

Nour said...

ببساطة
العلاقات دي هي الى بتفضل مع مرور الزمن
تلف الدنيا وتروح وترجع والملايكة دول يفضلوا طايرين حوالينا طول الوقت

كتير بحسان العلاقات السطحية افضل في كل الاحوال وساعات اقول لأ ماهو ماينفعش حد يعيش كده بس في الاخر بوصل ان فعلاالموضوع مش قرب وبعد ولا وجود حد اكتر من حد ولا حتى بتصنيف لشكل العلاقة، هي كده حالة بتتوجد وبتحثل لوحدها

نهر الحب said...

Reemas
يارب
:)

نهر الحب said...

Gamal abo elezz
ربنا يخليك
وشكرا ع وجودك ديما

نهر الحب said...

نور
منورة يا نور
صدقيني العلاقات اللي بنعتبرها
سطحية بتبقى احسن كتير من علاقات خانقانا