Wednesday, February 25, 2015

الفراق

أصعب احساس في الدنيا هو الفراق
الفراق اللي ملوش نهاية
اللي بيجي فجأة واحنا مش عاملين حسابه
ساعتها بنحس قد إيه كنا عاوزين الوقت يطول بيننا شوية
ناخد فرصة نعوض كل لحظة زعلنا فيها من بعض
لما بنحس اننا فقدنا حد هو ضهرنا وسندنا
حتى لو السند ده مش موجود معاك فعلياً طول الوقت
لكن من غيره بنحس اننا ضهرنا اتقطم
كأننا اتكسرنا...كسرة عارفين ان مفيش حاجة حتداويها
فراغ كبير أوي اتساب محدش حيقدر يملاه مهما كانت مكانته وحبه
.........
الفراق...الموت...شيء مكتوب
لكن المشكلة اننا مش عاملين حساب حنعمل ايه لما حبايبنا يفارقونا
وهما حيعملوا ايه من غيرنا
الميت بيرتاح من الدنيا وتعبها
لكن الحي....بيتعب وشوية وينسى
لكن يفضل جواه جرح معلم
حتة من قلبه اتاخدت منه مش حترجع تاني
..................................
...............

2 comments:

Gamal Abu El-ezz said...

الفراق أحيانا بيكون مقدر عند الله زى الموت
أو مكتوب زى ترك من نحب

لكل شئ ميعاد ووقت مكتوبلنا نقابل فيه الناس ونفارقهم
ولكنها لحظات صعبه تترك علامة فى الذاكره

momken said...

هى دى اصول الرحله
ينزل كلا منا فى وقت مختلف عن الاخر
لكن عزائنا الوحيد انهم فى مكان افضل
وانهم قد وصلوا وينتظروننا هنا عند محطه الوصول
لنتوقف عن الركض ونرتاح اخيرا

منوره بلوجر تانى

تحياتى