Wednesday, October 02, 2013

(جوانيات وصعبانيات ما قبل النوم......(8

ياااااه بقالي كل ده غايبة
زعلانة اوووي اني مجتش هنا بقالي فترة كبيرة أو بمعنى أصح مكتبتش لأني ديماً باجي أعدي علي كام حد حتى لو من بعيد وامشي
المسألة كانت حكاية وقت مش متوفر خااالص تقريباً وسنة زحمة بطريقة عجيبة ومش متخيلة ان كل اللي حصل ده كان في سنة
حاسة كأنها كذا سنة
الوقت بيعدي علينا بطريقة غريبة ساعات بيمر بسرعة وساعات بيمشي بطيء أوووي
واقدر اقول اني الحمد لله مليون مرة عملت كل اللي نفسي فيه واللي خططت ليه
بجد الواحد مش بيؤمن بأنه يقدر يعمل حاجة غير لما يدخل فيها ويحاول وينجح حيعرف ساعتها ان ربنا كان جمبه اوووي وساعده اووي عشان يوصل لحلم صغير أو كبير
لازم لحظات في حياتنا تتسجل هنا في المدونة او نحفرها في قلوبنا أياً كان المهم اننا نعرف في يوم اننا حققنا حاجات ومازال عندنا حاجات تانية نفسنا نحققها وبنقول يااارب
انا عارفة كلامي واحاسيسي كلها ملخبطة بس بجد بقالي كتير مجتش أفضفض هنا...معاكوا
على رأي  نور خطاب
مش عاوزة ابص علي اللي كتبته عشان ما اراجعهوش ولا اغير منه حاجة عشان يبقى باحساسي زي ما هو حتى بأخطاءه الاملائية مش مهم
يا رب يا نور تقري البوست ده
:)

انا معنديش حاجة معينة أقولها غير ان المدونة وانتوا وحشتوني أووووي أووي ومدوناتكم كمان وحشتني جداااا
مش مصدقة اني عملت المدونة هنا 2006 يعني بقالها 7 سنين كتبت فيهم احلى ايام واوحش ايام كمان

بكرة ان شاء الله حبدأ حياتي الجديدة
في بيتي الجديد
مع زوجي
الجديد برضه
:D
حبيت اسجل اللحظة وادون احساسي
بيقولوا اني اتغيرت كتير وانا مش عارفة انا اتغيرت واللا لأ
ومش عارفة حتغير واللا لأ
بس انا بحبني وانا كدة زي مانا
عشان لو اتغيرت مش حبقى انا
:D

كفاية بقى
حروح اتجوز ان شاء الله وارجعلكم
دعواتكم
:)

9 comments:

ابراهيم رزق said...

الف الف مبرووووووووووووووووووووك

نحن السابقون و انتم اللاحقون

http://youtu.be/yq1jdm1-6rQ

تحياتى

reemaas said...

مبروووووووووووووووووووك ياقلبى ربنا يسعدك يارب ويهنيكى <3

Do3aa El_attar said...

مبروووووووووووووووووووووووووك ياساااااااااااااسو

ساسووووووو هتبقى عرووووووسة :D

ربنا يفرح قلبك يارب دي مش صعبانيات ياعزيزتي .. دي إسمها فرحانيات :)

موناليزا said...

ألف مبرووك :)

Nour said...

ايوه بقى سهاد اجييين :D

والله بينتابني انشكاحة لا مثيل لها لما بشوفك في الليست كاتبة حاجة جديدة حقيقي بنشكح :D

يارب ايامك كلها سعادة وفرح دايما .. مليون مبروك بس اوعي تنسينا ;) :*

Nour said...

مش هعلق على اسم البوست في الضروف دي .. انا هسيب ضميرك هو اللي يرد :P

نيللي علي said...

ألف مبرووووووك وترجعلنا بألف سلامة

P A S H A said...

ألف ألف مليون مبروك
:))

بارك الله لكما وبارك عليكما وجمع بينكما في خير ورزقكما الذرية الصالحة إن شاء
الله
وعقبال كل الشباب والبنات يا رب ما يفرحونا بأخبار حلوة زي ده :))

مليوووون مبرووووك يا عريس
:))

المهم عاوزين جاتوه

نهر الحب said...

ههههههههههههههههههههههههههه
اسمها صعبانيات يا حبايبي عشان انا شايفاها فضفضة والفضفضة عندي يعني صعبانيات حتي لو كانت فرحانيات يعني
عقبالكوا كلكم
:)