Thursday, January 03, 2013

عن الماضي...والحاضر....وبكرة

أنا متأخرة أوووي المرة دي
2012 خلصت
وبدأت 2013
وانا مكتبتش اللي كنت عاوزة اكتبه ومخلياه لبداية السنة بقالي فترة
........
2012
انا جيت في يوم قبل ما السنة تخلص بفترة كدة وقلت عاوزة اشوف انا كنت حاسة ايه السنة اللي فاتت وكنت كاتبة عنها ايه
لقيتني كنت بدأت سنتي بترقب وتفاؤل وحاجات كتير
طبعاً بعد الحمد لله علي كل شيء إلا ان 2012 كانت صعبة جداااً عليا
منكرش انه كان فيها حاجات حلوة برضه
ممممم
بس مش عارفة
انا عملت فيها حاجات كتير وسبت حاجات تانية وغيرت حاجات كنت عاوزة اغيرها
سبت شغلي اللي كان تاعبني
وبدات في الدبلومة اللي كانت رحلة كفاح عشان اوصلها
ودلوقتي مطلعة عيني
:D
سافرت كايرو مرتين وده بالنسبة لي كان حلم وحاجة عمري ما تخيلت اني اقدر اعملها ابدأ
 شوفت نور ومها هناك وقضيت يوم حلو رغم التعب
شوفت كمان دعاء العطار لما جات اسكندرية في العيد
خططت اني اشوف نور "ريماس" ومنفعش
:D

هنا في المدونة كتبت أكتر من أي سنة
كتبت 49 تدوينة ودي حاجة تفرحني

أول السنة كنت مبسوطة ومنتظرة حاجات حلوة وبعد اول شهر بدات مراحل التعب لحاااااااااااد نص شهر 9
لما ربنا فرجها من كل النواحي الحمد لله ولقيت كله بيحصل في نفس ذات الوقت
..........

أحلى حاجة حصلتلي في 2012
بدون مبالغة
"هو"
حلمي اللي لقيته وسط كل الزحمة اللي في حياتي دي
اللي لقيت فيه كل اللي بتمناه وأكتر بكتيييييييير
اللي هون عليا كتير من اللي حصل وتعبني
واللي ساعدني اني اغير الحاجات اللي مكنتش قادرة اغيرها وانا لوحدي
..............

2013
بدأت
والمرة دي غير كل مرة
السنة دي مطلوب مني حاجات اكتر بكتير من قبل كدة ومسئوليات نفسي ابقي قوية واقدر عليها
مطلوب مني احافظ علي "حلمي" ومضيعهوش زي ما ضيعت حاجات كتير من ايدي

.........
يا رب
مش طالبة غير حاجة واحدة
خليك جمبي
ووووووووووووبس

...............
كل سنة وانتوا طيبين
:)
وحشتوني
ومعلش انا عارفة اني كتبت كدة بسرعة وكلامي ملخبط بس كان نفسي اكتب من زمان
ومفيش وقت خالص
دعواتكم

8 comments:

حبات التوت said...

يارب تبقى سنة حلوة عليكى وعلينا يارب
ويارب مش يحرمك من (هو )امين يارب :)

~ISLAM~ said...

كل سنة وانتى طيبة

سنة جديدة ان شاء الله امنيات كتيرة تتحقق

تحياتى

zeze said...

ان شاء الله تحققي كل اللي بتحلمي بيه واكتر
وانا اكتر حاجة فرحتني انك لقيتي "هو"
لاني كنت حاسة انك جواكي مشاعر جميلة اوي ومحتاجة اللي يقدرها
يارب يسعدكم ويتمملكم علي خير

Bent Men ElZman Da !! said...

المهم ان برغم تعب السنة طلعت حاجه حلوة فى النص تهون أى تعب
ربنا يبعد عنك كل حاجه وحشة
كان نفسى السنه اللى فاتت اشوفك
بس ان شاء الله تتعوض السنادى بقى ^_^
يارب تحققى كل اللى بتتمنية وتكونى اسعد واسعد ياااارب أن شاء الله :)

رشيد أمديون said...

حقق الله كل أمانيك واصراراتك
وإلى الامام دوما
تحيتي
رشيد
www.5atir.com

reemaas said...

كانت سنة عجيبة بصراحة والحمد لله انها عدت
كان نفسى اشوفك جدااااااااا ويارب نعمل ده السنة الجاية
وحشاانى جدااااااااااااا

Do3aa El_attar said...

ساسووو


وحشاني أولاً

مدونتك وحشاني ثانيًا

ثالثًا بقى رغم ان اللي قدرنا نخطفه من 2012 لحظات قضيناها مع بعض بس بجد كانت من أحلى ماحدث في السنه ديه

بس في 2013 عايزة أشوفك انتي وريمو بقى عشان تبقى هي كمان حلوة

ويارب كل أيامك تبقى حلوة :)

نهر الحب said...

:)
كل سنة وانتوا هنا ديما
كل سنة وانتوا طيبين