Monday, September 17, 2012

(جوانيات وصعبانيات ما قبل النوم......(3

امبارح بالذات معرفتش أنام غير بصعوبة
بحس من التعب بيغمي عليا
وكنت بفكر في مليون حاجة تخليني فعلاً مانمش
معلش اعزروني
يمكن يكون كلامي هنا مش مفهوم وملخبط وملهوش لازمة بس بجد محتاجة اتكلم
..................
....................
الحاجات اللي ممكن تخليك تفرح كتييييييييرة أوووي
والشاطر اللي يعرف يدور عليها ويلاقيها ويمسك فيها عشان ماتضعش منه
....لكن
مش دي أبدأ المشكلة
المشكلة لما يبقى فيه حاجات كتيرة حواليك ممكن فعلاُ تفرحك وتخليك تضحك من قلبك وتحسسك إحساس حلو حتى لو لثواني
.....لكن
ساعات  الحزن بيكون مغطي أووي على قلبك

ومش عايز يسمحلك أبداً تحس بالفرحة دي
.............
...................
لاحظت إني اكتر حاجة بكتب عنها هي الأحلام
آخر حاجة اكتشفتها إن فيه أحلام لازم تفضل زي ما هي كدة
....حلم
...مجرد حلم
يمكن لو اتحقق كان حيفقد حلاوته ومعناه
...و ممكن لأ
حخليه زي رسايل كتبتها وعمرها ما وصلت
حطبقها وأشيلها في صندوق واخبي الصندوق جوة قلبي
جوة أووي عشان محدش يوصل لها
....
....بس
...معرفش
يمكن صحيح
مش كل حلم نشوفه سهل هنبقى حققناه"
"ده ساعات بيبقى السهل صعب لما نتنمناه
.............
.......................
فيه حاجات لما بتيجي مش في معادها
أو متأخرة...شوية....أو كتييير
بنحس احساس وحش جداً
ان فيه حاجة غلط
كأن حاجة جوانا اتكسرت....اتدشدشت كمان
بتبقى حاجة مش مفهومة وملهاش معني وملهاش لازمة
ممكن نقعد وقت طويييييييييييل نستني كلمة
...كلمة واحدة
....ولما تتقال
....نقول لنفسنا
ياااااااااااااااااه
يا ريتها ما اتقالت
!!!!!!!!!
.....أو
يا ريتها اتقالت من لحظة فاتت
...يمكن كانت تفرق
لكن ...دي حكمة القدر
...............

"it is a sign"
ساعات بركز في حكاية الاشارات الكونية دي
خصوصاً في مواقف معينة كدة
المشكلة بقى لما تلاقى كل حاجة بتحصلك عبارة عن اشارة بتفكرك بحاجة معينة
بس هي مش بتبقى كدة اوي
هي بتكون انك مرتبط بكل حاجة بتحصل في حياتك في فترة معينة بناس معينين
الناس ممكن ينتهوا من حياتك
لكن الحاجات دي بتفضل موجودة
ساعتها مش بحب اعتبرها اشارات

.....لأ
بعتبرها محاولات من ذاكرتي اللي مش عاوزة تنسى انها تفكرني وترجعني عن قراراتي

........
لكن المرة دي مختلفة
رغم كل الاشارات الوهمية دي إلا إني قررت أكمل ومبصلهاش خااالص وانا ماشية في طريقي
مهما كانت بتشدني لورا
!!!!!!!!!!!!
...................................
..........
احساسي بيكون صادق أوي في أوقات كتيرة في حاجات صغيرة
افكر في حاجة الاقيها تحصل بالظبط
الحكاية دي على قد ما هي حلوة على قد ما هي متعبة ومرهقة جداً أحياناً
الاحساس كمان بتعبره من الاشارات اللي مش بفهمها أبداً
ده بيخليني اتمني اني مافكرش...وماحسش
!!!!!!!!
............
.....................


رسالة ليك
أنت بس
وعارفة انك عمرك ما حتقراها
اسمحلي اكتبها عشان اجي وافكر نفسي بيها
....انا حلمت احلام كتير وماتحققتش
مبزعلش عشان عارفة ديماً ان ربنا بيعمل لنا الاحسن حتي لو مش شايفين ده
انا دلوقتي زي ما قلت حطيت كل احلامي اللي فاتت في صندوق وخبيته
واتمنيت تكون انت....كل أحلامي
وتعوضني عن كل حاجة فاتت معرفتش احققها
وتنسيني أي جرح
يا ترى حتقدر تعمل ده وحقدر انا كمان؟؟؟؟
واللا حاجي في يوم أقرأ الكلام ده وأندم على أحلامي اللي ماقدرتش أتمسك بيها؟؟؟؟..................
شكراً نور
ريماس
اخدتي كتير من كلام كنت محتاجة أقوله
بجد شكراااً
:))

10 comments:

Nour said...

انا هتكلم بس على موضوع الاشارات الكونية ده لأني كنت لسه بقرا عنها في كتاب امبارح
بصي بقى رغم ان كذا حد اتكلم عنها وخصوصا باولو كويلو في الخيميائي ورغم ان ناس كتير ممكن تكون مقتنعة بيها بس مش عارفة ليه دايما بخاف منها ومن الاقتناع بيها

من اصعب المواقف اللي ممكن تحصل في حياتنا موضوع الحاجات اللي مش بتيجي في وقتها دي .. اذا كانت حزينة او مفرحة .. في الحالتين بتحسي انك في امر واقع ومعظم الأوقات بيبقى الهروب والانكار حل للخروج من الموقف

مبدعتي الدائمة..تحياتي لك ولكلماتك :))

reemaas said...

:)

عارفة يا سهاد انا دمعت وانا بقرا الكلام اصلى حسيته اوى وخصوصا الجواب الاخير والاحلام اللى مش بتتحقق فى وقتها

صدقينى بتبقى اكسبايرد:(

بعد مادمعت بقى خلتينى ابتسم بسبب الشكر الاخير ده..ياحبيبتى مافيش بينا الكلام ده :)

momken said...

....

الاستاذه / نهر الحب

الاحلام هى تلك النافذه التى نطل منها من واقع جامد وصلب الى واقع اخر نتمناه
وهى تلك الكف الصديقه التى تربط على اكتافنا لنتحمل الواقع

منتهى الظلم ان نحمل الاحلام فوق طاقتها فنريد من الاحلام ان تحدث على مستوى الحلم ونحملها مسئوليه التحقيق فى الواقع
وهى ارق واخف من ذلك

المتنى جدا كلماتك
لكنى استمتعت بمهارتك فى الكتابه

كونى بخير

....

ريـــمـــاس said...

صباح الغاردينيا سوسو
رغم اني حسيت اوي بحاجة جواكي بس هقولك بحب لما تكتبي الروحانيات دي بحسك في حضني بكل المك وفرحك وحزنك بس كله الا الاحلام ياسوسو خبيها جوا قلبك بس خليكي واثقة انها هتتحقق في يوم ودايما هدهدي حلم صغير في حضنك وقولي بكرة هيكبر ويملى الدنيا عليا "
؛؛
؛
وبحبك وحشتيني
بس مش هكمل واقول دا وانتي مطلعه عيني ههههههه
أبتسمي لانك عارفة اني بحب ابتسامتكً"
؛؛
؛
لروحك عبق الغاردينيا
كانت هنا
Reemaas

حسن ارابيسك said...

خواطر تلك التدوينة لفت نظري فيها حكايات العلامات والاشارات ويمكن انا ايضا من الناس اللي بتفرق معاهم الحاجات دي لذي التدوينة على قدر كبير وجميل من قيمة ثرية لمن يفهم احيانا رموز تلك الاشياء

اشرب ميه قبل ما تنام
ديالوج ظريف وهادئ ومعقول مع النفس ولكن عبر طرف ثالث خيالي

رجل الخريف
جميلة تلك التدوينة لهذا الربط بين رجل له طباعه التي تقترب من موسم الخريف

كنا معاً
وكلمات الاغنية الجميلة لحليم
حبيبي والله لسه حبيبي والله
اغنية لها في قلبي مكانة ولها عندي في المدونة تدوينة باسم حاول تفتكرني ( قصة قصيرة )
مع تحياتي
حسن أرابيسك

نهر الحب said...

نور
حتجنن خلاص من الاشارات
بجد
..
والحاجت المتأخرة وكمان اللي لسه مجتش كتيييييييير
:)

نهر الحب said...

ريمو
:))
اكيد عارفة اللي من القلب بيوصل للقلب
تخيلي بقي من نفس القلب
ربنا يخليكي ليا

نهر الحب said...

ممكن
:)
مم نحملها مسؤلية انها تتحقق
اه كتير ده بيحصل
بس مش المفروض انها تفضل كلها احلام لازم حاجة منها تتحقق ولو صغيرة
نورتني
وفرحانة بوجودك ديما

نهر الحب said...

ريماس
:)
وحشتك ماشي
مطلعة عنيكي ليه بقي؟؟
:DD
حشيلها جوايا يا ريمو حعمل ايه بس

نهر الحب said...

حسن ارابيسك
متتصورش فرحانة قد ايه انك جيت هنا وقريت كذا حاجة ورا بعض
انا بدخل عندك كتير في صمت
عاوزة اقرأ القصة بس هي طويلة ان شاء الله لما ادخل اقراها علي روقان عشان عندي طقوس لقراءة حاجات معينة
:))
نورتني جداا