Sunday, June 24, 2012

انت فين يا حسيييييييييين؟؟؟؟

تقريباً كدة انا عمري ما كتبت هنا في المدونة حاجة تضحك
ديماً كآبة كآبة لحد يعني ما الاكتئاب زهق مني...ولو مش كآبة سهوكة كدة ورومانسية و بتاع  وحاجات متأكلش عيش
وبصراحة لما بقرأ الرومانسية بتاعة ابراهيم رزق  بحس انها احلى....ديماً بتفكرني بجملة "بلوبيف بلوبيف" بتاعة اللمبي
...
المهم
يوم الجمعة خير اللهم اجعله خير كدة لقيت قدامي فيلم الباب المفتوح بتاع "صالح سليم" وفاتن حمامة.....سيبكوا بقى من فاتن حمامة....كل العالم بقى كوم وصالح سليم ده كوم تاني....الراجل ده انا اشوفه من هنا والاقيني كدة عينيا دمعت وحالتي بقت صعبة الفيلم بقي ميبقاش محتاج عياط ولا حاجة انا بعيط عشان بتحسر على حالنا...
ان مافيش مرة كدة من ذات المرات الواحد لمح حد شبه صالح سليم كدة معدي حتي في شارع ....طيب نصه...ربعه...اي حاجة من ريحته طيب....أبداً....
هما ليه الرجالة زمان كانوا رجالة كدة ليهم هيئة مافيش زيها...

المهم بقي قعدت انا أشوف صالح سليم...وكان اسمه حسين....شوفته من هنا وقعدت اقول .....يا حسيييييييييييين..........يا حسيييييييييين ماليش دعوة انا عايزة حسيييييييييييين..هاتولي حسين.......وقلت لنفسي "مش لما تبقى فاتن حمامة الأول"...مبدأ برضه...
أهيء أهيء...ماااااااافيش فايدة

وبعدين فاتن حمامة هانم دي الراجل طول الفيلم يتحايل عليها ويقولها حتحبيني حتصحي يوم تلاقي نفسك بتحبيني...وهي...مافيش عند اللي جابوها دم الصراحة...طول الفيلم مبوزة في وش الراجل...اللي هو يعني نفسي بس اقوله انت تقف كدة ومتقولش ولا كلمة...ووبس يعني........

طيب ايه بقي...يعني حسين ده مش ناوي يظهر يعني...
والوقعة السودة بقي ان عمر الشريف كماااااااااان يبقى اسمه حسيييييييييين في " اشاعة حب" يا دي النيلا....لأ بقي ده استقصاد...ومحدش يقوللي مين عمر الشريف ده....عمر الشريف يعني " في بيتنا رجل" ...يعني نهر الحب...يعني أحلى واحد يلبس بدلة ميري فيكي يا مصر
:DDD
........
اهو انا بشوف الناس دول عشان تتفقع مرارتي ووبس واقعد اعيط علي حالنا يا عيني....لا تقولي كريم بقي ولا مهند ولا بتاع...
اهو صناعة مصرية اهو...يعني هو فيه أمل السلالة تتحسن يعني؟؟؟
طيب نشوف الهندسة الوراثية وال DNA  والا نعمل ايه بس.....
والله بجد انا مش بتكلم عن الوسامة قد ما بتكلم عن الرجولة......
مممممممممممم
يووووووه بقى ماهو نور الشريف كان آخر الرجال المحترمييييييييييييييين
عشان كدة خلصوا...
:DDDD
معلش بقى
يظهر فعلاً مافييييييييييش فايدة








البوست مشاركة لحدثالتدوين اليومي

23 comments:

rona ali said...

ههههههههههه هههههههههههههههههه هههههههههههههههه انا فطست من انت فين يا حسين صحيح انت فين يا حسييين سيب البيت ومخلى سهاد بدور عليك يا حسين
ولا رشدى اباظه بقي يابنتى اذا كان علي صالح سليم فابنه موجود ههههههههه

ربنا يرحمنا برحمته هتلاقيهم هما بيقولوا هو وفي بنت اليومين دوال في دلع شاديه ورقه صباح ولا انوثه فاتن وكدهو بقي وجنسين يعيرو والنسل يعر الصراحه ههههههههههههه

لون جديد اتمنى تكونى دايما سعيده من قلبك :))

Bent Men ElZman Da !! said...

ههههههههههههههههههههههههههههههههههه
جااامده بتاعه انت فين يا حسين دى
انا اول مره اسمع عن فيل الباب المفتوح ده
ربنا يرزقك بحسين يااارب
ويكون خليط كده ما بين صالح سليم وعمر الشريف
شوفى انتى بقى :)))

Śђąžล ฬąђ٤єĐ ♥ said...

هههههههههه
حاسه اني شايفه هند رستم وهي داخله بتدور على حسين

اصلا بموت في الفيلم بتاع اشاعة حب ده
والباب المفتوح كمان جميل بوجود صالح سليم بس ('',)

قادر ربنا يجعل كل الرجاله في مصر حسين
:)

Emtiaz Zourob said...

أنا كمان معجبة كثير بكاريزما صالح سليم

شخصية .. خسارة انها معملتش افلام كثيرة

انا بأحب فيلم " الباب المفتوح " بس علشان خاطره

^_^

بالنسبة لحسين الثاني قصدي عمر الشريف .. مافيش عليه كلام

مش بقولك " أفلام الزمن الجميل " فعلا كان وقتهم هو الزمن الجميل

يا حسرة علينا وعلى زماننا

^^

حنين محمد said...

مساء الغاردينيا سوسو
انتي حتوديني في داهيه
قولي يارب مايجيش فارس مدونتك ههههههه
حقوله ماتزورش سوسو دي كاتبه بوست وحش خالص <<< شريرة :)
عارفة بقى انا بموت في أفلام الأسود والابيض عشان بلاقيها رومانسية اوي كمان بحب نعومة فاتن ودلع شادية امممم اما الرجاله بقى بموت في رشدي اباظة بحسه بجد راجل شخصية يعني امم صالح سليم دا بقى مش عارفة ليه مش هضمته هههههههههههه اما عمر لا دا بقى اتحدى بنت ماتقولش فين حسيييييين ههههههههههه
يخرب بيت كدا انا حروح قبل مايطلقني فارس "
؛؛
؛
لروحك عبق الغاردينيا
كانت هنا
reemaas

;كارولين فاروق said...

الهندسه الورائيه ماعرفش عملت ايه
في المصريين
ولا يمكن الاكل او الحاجات اللي بيرشوها
علي الفاكهه
لا صحيح من الصعب بل من المستحيل الاقي
حد في الشارع يشبه رشدي اباظه
ولا عمر الشريف هما انقرضوا ولا ايه
بغض النظر انا متزوجه خلاص بس بصراحه
المستوي الجمالي او الوسامه مش موجوده
بالرغم ان في جل
وكان زمان في فازلين
حتي في النجوم الموجودين مافيش غير هنيدي
وهاني رمزي اشرف عبد الباقي اشرف سمير
مين اشرف سمير ده
حبيت اضحك معاكي
بوست خطييييير
تحياتي

Romancia said...

مش شايفه البوست ده كوميدى اكتر منه بجد حزنى اكتر مانا حزينه
انتى عندك فين رجاله زمان

ابراهيم رزق said...

ههههههههههههههههههه

ين اللى بيجيب سيرتى

اللهم ارزقها بشبيه لصالح سليم

انتوا كده يا ستات ميعجبكوش العجب
ماله هنيدى

و بعدين انتى ليه مجبتيش سيرة اسماعيل ياسين و الضيف احمد و عمرو الجيزاوى
هههههههههههههه

هما دول مش كانوا زمان

بجد سعيد جدا جدا جدا بالبوست و يارب تكرريه

تحياتى

نهر الحب said...

رونا
:)))))
اه رشدي اباظة ممم رشدي اباظة اه يا عيني يا عيني عليه ده كمان
:DDD

هشام سليم
مع اني بحب اسم هشام بس مش زي ابوه برضه

:))
سعيدة بيكم حواليه والله

نهر الحب said...

بنت من الزمن ده
اه والنبي ادعي كدة بقي عمر الشريف وصالح سليم مضروبين في الخلاط يا سلااااااااام
حلم والله حلم
:DDD

نهر الحب said...

شذي
:DDD
امين يا رب
اه عسل اوي هند رستم وهي بتدخل تنادي عليه وبيغمن عليه من الخضة انت بابا حبيبي
:DDD

نهر الحب said...

وجع البنفسج
انا من كتر حبي في افلام زمان وحاجات زمان اصحابي بيقولوا اني حاية من سنة 1950
:DDd

نهر الحب said...

ريماس
حبيبتي
هههههههههههههههه
انتي زي السكر والله
يا رب يافارس متجيش
:DD

انا بموت في فتونة بصراحة بس تبوز في وش صالح سليم لا كدة زودتها
:))

نهر الحب said...
This comment has been removed by the author.
نهر الحب said...

كارولين فاروق
هههههههههههه
حبيبتي
واللي تلاقيه وسيم يبقي فاضي واهبل كدة
ولو بصيتي للمثلين صحيح ان ماشفت راجل عليه القيمةوالبنات برضه مش في جمال بنات زمان طبعا

ياللا ادينا بنحلم سوا
:))

بجد مشرفاني جدااا
بفرح بوجودك

نهر الحب said...

رومانسية
ايون
انا بدور اهو علي حسين اندهوا كلكم معايا يمكن يسمعنا وييجي حسين كتير كدة
:DDD

catroz said...

كلنا عاوزين حسيييييييييين :D

نهر الحب said...

ابراهيم رزق
بجد انا اللي فرحانة انك جيت وقريت البسوت ده بالذات
ايوة ادعي والنبي كدة

هنيدي
اسماعيل ياسين
الضيف احمد
تصدق قفلتني
:DDD

نهر الحب said...

كاتروز
ايون نعمل ايه طيب نعمل ايه؟؟؟؟؟؟؟؟؟؟
:DDD

Nour said...

هههههههههههههههههههههههههههههههههههههههههههههههههههههههه
مش قادرة استوعب لسه ان انتي اللي كاتبة الكلام ده ... بحاول اركب بوستات احلام مستغانمي وذاكرة الجسد والتدوينات اللي فاتت مع دي ومش قادرة :D:D:D
بس كالعادة رائعة في كله .. المهم بقى نتكلم جد شوية لو لقيتي عمر الشريف او صالح سليم او اي حد ريحتهم اول سؤال تسأليه هو ليه اخ وياريت لو توائم ولا لأ :$:$

إنسان || Human said...

هههههههههههه

البوست ده ضحكني بجد ... يخرب بيت عقلك يا سهاد....

البنات هما اللي دماغهم باظت يا ماما
عمالين بيسمعو تامر وحماقي وحسام حبيب
وبيتفرجوا على مسلسلات تركي

سيبك انتي ... ماله الكبير قوي :))))))

نهر الحب said...

نور
هههههههههههههههه
شيزوفرينيا بقي
:DD

الحاجات دي مبينزلش منها اتنين اصلا
:))

نهر الحب said...

محمد
اه والله الكبير ده عسل خااااااااااالص
:DDD