Saturday, June 23, 2012

نفسي أطير



نفسي أطير
نفس الاحساس ده بالظبط
نفسي أفرد دراعاتي في الهوا
 والهوا ييجي على وشي و يدخل بين خصلات شعري
وبين انفاسي
 يدخل جوايا هوا نضييييييف أوي
يخليني أغمض عيني
وينسيني كل حاجة
.......


نفسي أركب مرجيحة تطلعني لفووووق
لحد السما
وأفضل هناك...فوق
مع الملايكة
أصلي بحب السما أوي يمكن عشان صافية ونقية
وقت ما بتزعل
بتبكي
نفسي أبكي معاها مرة وانا فوق السحاب
..........


ديماً بيفصلنا عن السما....وعن الهوا
ازاز
بنفضل وافقين وراه نتفرج بس علي الدنيا
خايفين
ويفضل الطيران مجرد حلم
بيخطر بس علي بالنا
لحد ما ييجي يوم نفتح الشباك
نكسر الازاز اللي حوالينا
ونطييييييييييييير
.................
.......
مشاركة في حدث التدوين اليومي

13 comments:

Unknown said...

"نفسى أطير "

حلم كل نفس حرة ....
جمييييلة وياااارب نقدر نطير

rona ali said...

الامل في ربنا وحب الغير هو اللى يخلينا نقدر نطير :))

كلامك فكرنى بفيديوا كل ما اتفرج عليه ابتسم
شوفي اهو

http://www.youtube.com/watch?v=gjJAwsbwMjY

Śђąžล ฬąђ٤єĐ ♥ said...

انا كمان نفسي اوي اركب مرجيحه
بحس بجد اني فـ دنيا تانيه
:))

عمرو يسرى said...

جميله اوى

richardCatheart said...

نفسى قبل ما اموت يخترعو زرع جناحات يااااااااااااااااااااااااااااااة يااااااااااااااااريت امنية حياتى جميل اوووووووووووووووووووووووووووووى

Unknown said...

رقيقة أنتِ :)

حنين محمد said...

صباح الغاردينيا سوسو
عاوزين نطير عشان بنحلم والحلم دايماً بنبص له في السماء لأنه دايما برئ وصافي "
؛؛
؛
ربنا يحقق لك كل أحلامك وتطيري بجنحان من سعادة تاخدك لحضن حبيبك :) "
؛؛
؛
لروحك عبق الغاردينيا
كانت هنا
reemaas

Bent Men ElZman Da !! said...

حلم الطيران ده حلم البشريه كلها بيتهيألى
احساس فظييع بالحريه صعب نلاقيه فى اى وضع تانى غير الطيران

Radwa Ashraf said...

أنا كمان نفسى أطير
و بأكتفى بالحلم و التخيل :)

Nour said...

فكرتيني بطرق السفر لما بنبص من الشباك بس عشان نحس بالهوا ونحس اننا طايرين معاه :)

انا بقى في الوقت ده حالا حالا يعني نفسي
اغمض عيني وافتحها الاقيني قدام البحر

هو كفيل انه يحسسني اني طايرة وراكبة مرجيحة وطالعة السما وكل حاجة .. بجد راحة نفسية مش طبيعية بحسها قدامه :)

;كارولين فاروق said...

عظيمه يا مصر
دائما تخرج منك ادباء وشعراء
وعباقره
انت منهم حبيبتي
تحياتي

نهر الحب said...

شكرا ليكم كلكم بجد
كلامك بيفرحني اوووووووووي
:)))))))))

Romancia said...

عندك حق