Sunday, November 13, 2011

عذراً...حملة التدوين

المفروض النهاردة اليوم التالت لحملة التدوين والمفروض اكتب حاجة جديدة..
المشكلة اني كتبت...
وعندي افكار كمان كتير...
يعني بعتبر نفسي في فترة ازدهار الكتابة حالياً..
لكن...
بعتذر...
مش حنشر حاجة النهاردة....
ولا بكرة...
حنشر امتي تاني..
معرفش...
انا في الأول كنت متحمسة وعاجبني الموضوع مع اني كنت عارفة اني مش حقدر انشر حاجة كل يوم بسبب ظروف شغلي واني مش حعرف ادخل علي النت كل يوم..
بس مش ده السبب..
السبب إني حسيت اني بنشر بسرعة...
والناس بتقرأ بسرعة..
وبتعلق بسرعة..
فيه ناس بتقرأ بجد عشان مهتمة تقرأ..
وبتعلق عشان برضه عايزة تقول رأيها بجد...
وفيه ناس لأ...
انا محبتش ده أوي..
زي حد بيجري في مكان جميل ومش قادر يبص على أي منظر ويركز في تفاصيله الحلوة...من كتر المناظر الحلوة..ومن كتر ماهو بيجري ومش واخد باله أوي
أنا كدة......

حسيت إني بجري بجري...
وإني عايزة أقف وأركز في اللي حواليا..
انا معاكوا....
بس...
حنشر وقت ما انا حابة انشر اللي كتبته...
عشان عايزة ادي الناس فرصة تقرأ بجد...
وتعلق بجد....
وأدي نفسي فرصة أنا كمان..أقرأ بجد..وأعلق بجد

احلى حاجة بجد استفدتها من حملة التدوين دي اني عرفت مدونات جديدة وفرحانة انهم وصلولي برضه
...
اوعدكم..
حقرأ على قد ما أقدر..
وحكتب على قد ما أقدر...اللي جوايا...
لكن...
حنشر في الوقت اللي انا شايفاه مناسب
:))
اتمني محدش يزعل من وجهة نظري

13 comments:

Miss LoZa said...

اه بجد والله عندك حق جدا اصلا
مستنية بوستاتك علشان هقراهم برده براحة :)

أع ـقل مـ ج ـنـونــة said...

ممكن يكون عندك حق
بس الايام دي فرصة علشان نقرا ونستمتع ونكتب

انا بقالي فترة كبيرة منقطعة عن القراءة
حسيت ان روحي بترجعلي اليومين اللي فاتو من كم الحاجات الممتعة اللي قريتها

علي كل حال
منتظراكي
وهتابعك
أكيد دايماً

Radwa Ashraf said...

لا طبعا دى وجهة نظر و حرية شخصية ليكى
بس نتمنى انكمتغيبيش عن التدوين معانا كتير بقى :)

محمد البرقي said...

وجهة نظرك مقبولة و منتظر بوستاتك عشان بحبها..

نيللى said...

وجهة نظر تحترم

نيللى said...

وجهة نظر تحترم

خالد ناجى said...

مش متفق معاكى اطلاقا...ولكن وجهه نظر تحترم ..منتظرينك

Bent Men ElZman Da !! said...

اكيد دى حريه منك
وفكره حمله التدوين انها مش اجبار انك تكتبى
بس تقدر تكونى دايما مهتمه انك تكتبى ومش تغيبى عن المدونه
ولما يكون فى حاجات شاغله بالك كتير
تقدر تتكلمى عنها
واتمنى انك مش تغيبى كتير ان شاء الله :)

mena said...

على راحتك خالص وانا والله مقتنعه بوجهة نظرك وعموما بردو هستنى اللى الجاى

ريبال بيهس said...

صباح الورد نهر الحب

أتفق معاك تماماً فيما أشرتي لأن محاولة الوصول للجميع تتسبب بدخولنا وتعليقنا السريع للجميع مما يفقدنا متعة القراءة وخصوصاً لمن لا يملك الوقت ولكن الفكرة هي في المشاركة حتى وإن لم تكن يومية فيكفي أن تسطري كلمة ولو واحدة في كل الشهر ..

ننتظر روائعك ...

تحياتي وإحترامي

ابراهيم رزق said...

المهم انك تكتبى وقت ما انتى عايزة تكتبى

اما المتابعة و التعليقات فهذا ليس بيدك

تحياتى لكى و تقديرى

nona elsha3nona said...

تمام اكتبي وقت ما انتى عايزة وانشري وقت ما انتى عايزة واقرى اللى انتى عايزاه وعلقى كمان على اللى انتى عايزاه دى حريتك الشخصية
بس افتكرى اننا اكيد فى الحمله دى علشان مستنيين بوستات بعض

EMA said...

كنت لسة بفكر فى الموضوع دا النهاردة

فعلا ما شاء الله عدد المدونين كتير و البوستات اكتر و هى عملية صعبة فعلا فى القراءة و الكتابة و التعليق

بس فى نفس الوقت فرصة جميلة لنتعرف على مدونات ما شفناهاش قبل كدة و التانيين يعرفوا مدوناتنا برده

و لو كل يوم ممكن سطر واحد او سطرين مش لازم بوست كبير

مستنيينك دايما يا قمر

تحياتي