Friday, November 11, 2011

الدنيا ممكن تبقي حر.....وبرد


....فاكرة جداً اليوم ده "1/1/2011 " بصيت للأرقام دي أوي

...حسيت انه واحد "1" ...وحيد
و واحد تاني "1" ......وحيد زيه
...بينهم مسافة ....وشرطة....حدود مفرقة بينهم
....ولما قربوا من بعض....أوي
" بعد نقطة واحدة بقوا اتنين.."2
...... في كيان واحد


********

...النهاردة
 11/11/2011

.....حاساهم ناس كتير
....زحمة
....بس برضه لسه كل واحد لوحده وحاسس بوحدة ميحسهاش التاني

********

......أنا من غيرك.... بحس إني صفر لسه ملقاش نفسه
.....تايه على شمالك...لا انت شايفه...ولا هو له قيمة
يا ترى انت من غيري تايه كده ولسه بتدور عليا؟؟؟

********

....جمال البرد اني ببقى محتاجة الدفا
....انا ديماً سقعانة...عشان ديماً محتاجالك

 ********


كتير أوي بتمنى اكون نقطة مطر تنزل على خدك وبعدين تقع تدفي في كفك
وعارفة انك حتفضل محافظ عليها
فأرجوك....متسيبنيش أنزل من السما وأقع ع الأرض



 ********

!!...لو تُهت
!!...عن نفسي
!!....عن روحي
!!...لو صحيت من حلمي
يا ترى حعرف أرجع؟؟؟؟

********

ياحبيبتي ليه مستغربة لما بقول إني حزين جداً....سعيد 
...........
...والبحر رايق بس متعكر
.... والدنيا ممكن تبقى حر وبرد
......والدم لونة زي لون الورد
......وحلمنا قريب اوي اوي
 وبعيييييد
...

.........
...ممكن فى عز الليل تشوف قلوبنا صباح
....وفى حزننا نستطعم التفاح
....م الملح ممكن يتعمل ارواح
....وساعات نغنى غنوه فى الأحزان
.....ونغنى نفس الغنوه برضوا فى الأفراح
ما الدمع ديما وقت الفرح فى العيون بيفيض


11/11/2011

19 comments:

Miss LoZa said...

حاساه فى وحدى شوية
بس عاجبنى :)

reemaas said...

عجبتنى اوى وحايد 2011 دى

تصدقى فعلا صح رغم انهم زحمة بس لوحدهم

Bent Men ElZman Da !! said...

عاجبتنى اوى نظرتك ل1/1/2011
نظرتنا للحاجات اللى زى دى
بتعبر اووى عن احساس جوانا بنشوفه فى كل حاجه حوالينا

EMA said...

ايه الاحساس الجميل دا

بجد روعة

تسلم ايديكي يا قمر

Timo.. said...

"ONE...Is.. The Loneliness Numbers.."

believe it :(

nona elsha3nona said...

جميله خالص

عاشقة الشتاء said...

صحيح يانهر الحب 1-1-2011 كنت بحس بوحده غريبه مع اني مكنتش لوحدي
دلوقتي 11-11-2011 كل واحد لوحده والمسافات بتكبر والفراق بيزيد
ياريت نقدر نتحمل كل المسافات دي من غير مانخسر ارواحنا

كلماتك دافئة جدا حتى وانتي تشعرين بالبرد
دمتِ بكل خير وسعاده غاليتي
تحياتي

ريم عصام said...

تدوينة جاية ف عز البرد و السعقة و محتاجة قرفة باللبن جنبها عشان أتدفي...
و علي فكرة انا باحب الأغنية دي قوي...و علي حسين أجمد مغني ممكن الواحد يسمعه..

mena said...

تدوينة دى بجد رائعه جدا جدا جدا وبجد عجبتنى جدا متابعه بستمرار وان شاء الله تبقى مفيده للجميع

نيللى said...

عجبنى تعبيرك فى 1/1 حلو جدااااااا

خالد ناجى said...

ما الدمع ديما وقت الفرح فى العيون بيفيض



احساس جميل


:)

ريبال بيهس said...

صباح الورد نهر الحب

نظرة فلسفية جميلة ل 11/11/ 2011 وقفت عندها كثيراً ومن ثم أكملت باقي الكلام وبداخلي سؤال ليه نهر الحب في عينيها حزن تخفيه ؟؟؟
بعتذر ولكن هذا ما شعرت به من كلماتك ومع كل حرف يتأكد لي بأن هناك ما يتسبب بحزنك فكوني سعيدة لأجل من يحبك أما الكلمات فرائعة كما عهدتك ولا نمل قرائتها ..

دمتي مبدعة

تحياتي وإحترامي

نهر الحب said...

miss loza
معلش
:))

ريماس
لوحدهم طيب والعمل ايه بقي؟؟؟؟
:)

بنت من الزمن ده
هو احساس جوايا فعلا.وديما

ema
:))
تسلمي يا جميلة

نهر الحب said...

timo
انا مصدقة ده أوووووي وحاساه جداااا
بس ...
ممكن....
كل واحد...
يدور علي ...واحد....شبهه...
يبقوا اتنين..جوا واحد
:))
تفتكر حيحسوا بالوحدة برضه؟؟؟

نهر الحب said...

نونا
انتي اجمل
تعالي ديما
:))

عاشقة الشتاء
:)
الدنيا زحمة واحنا حاسين بالوحدة
طيب ليه كلنا كدة...
يا ريت نقدر


ريم
تفتكري القرفة باللن حتدفيكي...ممم
انا بفضل سقعانة برضه
:))

نهر الحب said...

منة
حستناكي ديماااا
:)


نيللي
:)
انا بقول اللي بحسه


خالد ناجي
الاجمل احساسك اللي حس الكلمات
:))

نهر الحب said...

استاذ ريبال
الحزن...
صديقي..
من زماااان..
زمان اوووي..
والوحدة كمان...بقيت بحبها

زي الوحدة اللي حساها الوحايد بالظبط وهما جمب بعض
:))

دعاء العطار said...

بيعجبنى اوووى تاملاتك دى ياسهاد

انك تشوفى الحاجه بعيون مختلفه ويكون ليكى فلسفه خاصه بيكى

العوائق ممكن تزول ويبقوا اتنين ف واحد

وممكن يتوهوا من بعض ف الزحمه .. ويبقى دايما اتنين مش واحد

تحفففففففه بجد ياسهاد

تسلم ايدك :)

نهر الحب said...

دعاء
:)
انا نفسي يلاقوا بعض ....نفسي
:))