فيه حاجات كتير نفسي أعملها..........بحلم بيها من زماااان أوي....وطول ما أنا ماشية في حياتي بحاول اوصلها
أحلامي ممكن ناس كتير تفكرها مجرد أحلام مش ممكن تتحقق.....لكن مش مشكلة....
انا كل اللي كان يهمني اني أكتب أحلامي هنا...في المدونة بالذات....عشان آجي أقرأ البوست ده السنة الجاية وأشوف إيه اللي اتحقق ...وإيه لسه...والسنة اللي بعدها واللي بعدها..
ولو حلم أتحقق...حبتسم..وأقول...أهو ممكن...أنا أقدر...وحفضل أحلم
فيه جزء كبير من أحلامي مرتبط بالبحر...يعني مثلاً أول حاجة كان نفسي أعملها....كان نفسي أتمشى على البحر وافضل ماشية...مش عاوزة أي حاجة توقفني...ويكون البحر فاضي مفيهوش أي حد بيتمشي .....هي صحيح أمنية سهلة بس كانت بالنسبة لي صعبة
جداااااً لو مكانتش مستحيلة..
جداااااً لو مكانتش مستحيلة..
الجميل اني من حوالي سنة بدأت احقق جزء منها....وبقيت امشي أيام كتير قبل ما أروح الشغل بدل ما أركب....صحيح مش بمشي من غير حدود عشان بقف لما أوصل شغلي بس مش مشكلة المهم الاحساس بالمشي الصبح الساعة 7 ونص ده احساس جميل لا يوصف....الهوا بيكون نقي اوي ومش بسمع غير صوت البحر يوشوشني وموجه يضحكلي ويقوللي ان الأماني ممكن تتحقق
*****************
تاني حاجة نفسي اعملها ومرتبطة بالبحر ....نفسي أركب مركب
–المفروض مكونش لوحدي يعني_
: D
–المفروض مكونش لوحدي يعني_
: D
والمركب دي توصل لنص البحر وتكون ساعة الغروب وبعد الغروب ألاقي القمر طالع وهو اللي ينورلنا باقي السكة
آآآآآآه....نفسي ده يحصل أوي......ساعات بحس انه مجرد حلم جميل صعب يحصل وساعات بيكون عندي احساس ويقين كبير اوي ان ده حيحصل ان شاء الله في يوم من ذات الأيام
*****************
أول حلمين دول ساعات بشوفهم بطريقة مختلفة أني أسافر القاهرة واتمشي علي النيل بدل البحر...صحيح البحر مختلف تماماً لكن النيل حاسه أنه فيه حاجة حلوة...فيه هدوء وسكينة ولحظات حلوة لما حد يبقي عاوز فعلاً يبقي مع نفسه شوية
*****************
تالت حاجة برضه مرتبطة بالبحر....
نفسي جداً اصطاد....ممكن أرمي السمك تاني بعد ما اصطاده عشان أكيد حيصعب عليا....بس بجد لما بشوف الصيادين والشبك بيبقي عندي احساس غريب ان الصيادين دول أسعد ناس في الدنيا..ممكن ده ميكونش صحيح...بس بحس انهم سايبينها على الله أوي....رزقهم يوم بيوم...حياتهم وسط البحر
متهيألي مفيش أحلى من كدة
*****************
رابع حاجة نفسي اعملها نفسي أروح أي بلد في "الفلاحين" اللي هي معرفش يعني تبقى أنهو محافظة...المهم اني نفسي أروح هناك ويبقى فيه أرض وزرع كتييييير حواليا من كل ناحية وأبقى قادرة أشم ريحته
بتمنى جداً اني احضر جمع المحصول –أي محصول – بحس أنه احساس حلو جداً لما تزرع حاجة بايديك وهي بذرة صغيرة وتستناها تكبر وتجمعها وتشوف نتيجة تعبك
*****************
خامس حاجة....نفسي أفتح محل ورد وأسميه....
"Serendipity….The paradise of Casablanca"
معرفش ليه جه في بالي مرة الاسم ده وبقي عندي رغبة جامدة جداًً اني افتح محل واسميه
كدة عشان بحب فيلم
serendibity
كدة عشان بحب فيلم
serendibity
اوي والورد اللي اسمه كازابلانكا اللي في فيلم نهر الحب بحبه جداااً وبيفكرني بالسعادة اللي بعيد وخايفين نقرب لها
انا بحب الورد جداً بكل انواعه والوانه وريحته وشكله المكسوف ديماً ومقتنعة ان له لغته الخاصة اللي يفهمها الأحبة بس
"ممكن افتح صيدلية واسميها نفس الاسم برضه..:D...مش مشكلة"
*****************
كنت بشوف فيلم
The lack house
The lack house
قريب وبقي فيه حاجة سادسة نفسي اعملها...
نفسي ترجع الرسايل اللي بخط الايد ونفسي اراسل حد .....ياااااه لو فيه قصة حب زي الفيلم ده....عارفة انها مستحيلة....بس الحب ايه غير مستحيل اتنين بيحققوه سوا....بحب اوي الرسايل عشان بحس اني بعرف اعبر عن اللي جوايا بالكتابة وبحب امسك ورقة في ايدي اقراها واشم ريحتها من ريحة اللي كاتبها والمس خطه وكل حرف ابقي شايفاه فيه وانتظر البوسطجي ييجي كل يوم ينده علي اسمي قلبي يدق وانا بنزل من علي السلم عشان استلم الجواب من حبيبي عينيا تدمع من الفرحة لو قاللي انه جاي ومن الحزن لو قاللي انه حيغيب...
.............................................................
دول 6 أحلام....أكيد هما مش 6 بس وفيه أحلام كتير جوايا...بس يمكن دول حاجات قريبة اوي من قلبي وكان نفسي أقولهم وأسجلهم عندي...
يا تري السنة الجاية إن شاء الله لما أقرأ البوست ده ممكن تكون حاجة منهم اتحققت؟؟؟؟؟؟؟؟؟؟؟؟؟؟؟
5/8/2011
15 comments:
اصلا احلى الامنيات الى بيبقى ليها علاقة بالبحر
وبعدين اكيد لا مش هتبقى لوحدك فالمركب
انا هبقى معاكى
ههههههههههههههه
تعالى بس القاهرة وانا وافسحك على النيل :)
ولما تفتحى الصيدلية قوليلى وانا اجى اونسك فيها
هههههههههههههه
ربنا يحققلك كل الاحلام الى نفسك فيها :)
مساء الورد نهر الحب
كلما كثرت أحلامنا وأمنا بها كلما
عشنا الحياة بأروع فصولها وليس
بشرط أن تتحقق ولكن يكفي أن نشاهدها
في كل وقت وبالنسبة لأمنياتك فهي
جميلة جداً وليست مستحيلة التحقيق
بالعكس هي أحلام واقعية ولكنها
تحتاج لتفرغ فقط ...
حافظي على أحلامك لأنها هي وقود الحياة
تحياتي وإحترامي
مساء الغاردينيا نهر الحب
أحلامك جميلة نقية عاطفيه
ولكن صدقيني بإذن الله تتحقق
المهم أن تبقي على إيمانك أنها سـ تتحقق
وبإذن الله العام القادم تقرأين
هذة الصفحة وأنتِ حققتِ أغلبها "
؛؛
؛
لروحك عبق الغاردينيا
كانت هنا
reemaas
ههههههههههههههه والله انتى قمر يا سهاد
ورغم بساطة احلامك وروعتها لكن فيه منها حاجات مستتحيله زى اسم الصيدليه ده
ههههههههههههههههههههه
حلم المركب ده انا طول عمرى بحلم بيه
هقابلك السنة الجايه لو لينا عمر واشوفك حققتى ايه من ده
;)
احلامك عسوله اوى ياسهاد :)
تعرفى ان ساعات بتكون امنياتى انى امشى فى نص الليل لوحدى وع البحر وافضل امشى من غير مااعرف انا رايحه فين ومن غير ماحد يضايقنى
ساعات بيبقى نفسى اشم هوا نقى زاستنشقه بكل مافيا ووانا بطلعه اطلع كل الهموم اللى جوايا
بالنسبه للمركب ... هغيظك واطلعلك لسانى واقولك انى عملتها :)
بس دايما نفسى اعملها لوحدى من غير اصحابى
دايما كنت بعملها انا واصحابى فمش بستمتع كفايه بالبحر لانى ببقى مشغوله بيهم
بوستك فكرنى بالاغنيه اللى بموت فيها دى
"رواياتي صغيرة..
واهتماماتي صغيرة..
وطموحي أن أمشي..
ساااااعات... معك..
تحت المطر.. "
ربنا يحققلك كل اللى فى نفسك يارب :) :)
اول حاجة انا قريت البوست ده من يومين وماعرفتش اعلق..
تاني حاجة ممكن اغيظك واقولك اني عملت تاني امنيه بس مش في المركب.. لأ انا نمت في المية بمعنى كلمة نمت وصحيت ولقيت القمر هو اللي بيصحيني بنوره الجميل :)
بالنسبة لرابع امنية فا انا ممكن احققهالك :)
والامنية الخامسة انا ممكن اكون الزبون الوحيد لاني ها اشتري كل الورد :)
الامنية السادسة باعملها احيانا (بس بطريقتي)
تؤ ..تؤ.. مش ها اقولك عليها :P
كان نفسي اقولك اغنية ماجدة الرومي بس دعاء سبقتني وقالتها :)
miss loza
طيب ماشي انا موافقة اجي كايرو وتفسحيني
بس الصيدلية مش حفتحها وافتح محل الورد احسن
:)))
ريبال بيهس
مساء الورد عليك استاذي
انا مؤمنة بأحلامي اوي علي فكرة حتي لو بتكلم بهزار شوية
وبسعي جاهدة اني احققها
دعواتك
ريماس
:))
شكرا اوي متخافيش عليا انا ايماني بربنا وبأحلامي كبير جدااااااااااا
remas
لا مانا بقي حضحك عليهم وافتح محل الورد اسهل واديني لقيت تيمو زبون اهو حيشتري المحل كله
:D
يا رب نيجي السنة الجاية ونشوف
:)))
دعاااء
:)
كدة برضه تغيظيني
:(
طيب اعزمي عليا طيب
بس انا حخاف اركب مركب لوحدي لحسن اتوه ...اقع...اغرق..:)
"رواياتي صغيرة..
واهتماماتي صغيرة..
وطموحي أن أمشي..
ساااااعات... معك..
تحت المطر.. "
دي اكتر امنياتي بس اللي مستخبية
هششششششششش مش تقولي لحد
يا رب يااارب ادعي كتير
timo
نمت في المية والقمر اللي صحاك
:(((
لأ اتغظت فعلااااا جداااا
أووووي
خاااااالص
الامنية الرابعة حتحققهالي
انت اللي قلت اهو...ومعايا ما يثبت...أما نشوف بقي
:D
:)
.....
مش حتقولي...بس انا تقريبا عرفت
*_*
احلامك بسيطه اوى و تتحقق
اعمليلها مخطط زمنى
و هتتحقق ان شاء الله
^_^
ربنا يحققلك كل احلامك
وياعالم جايز السنه الجايه
تكوني محققه اكتر من كده
catroz
ان شاء الله
:))
maioya
آمين يا رب
منوراني اوي
Post a Comment