Tuesday, December 01, 2009

في الموعد


بدأت حكايتي عندما راودني ذلك الشعور المفاجيء ان فتاة احلامي سوف اراها في القطار



وربما لست بوسامة عمر الشريف.....ولكن .....ماذا لو كانت هي مثل فاتن حمامة....!!1


و تمر الايام متشابهة كل يوم مثل الاخر وانا اركب القطار كل يوم في نفس الموعد


علي امل ان القاها


وفي يوم........وجدتها


بريئة الملامح.....تشبه فاتن حمامة في صغر حجمها ووجهها الملائكي


ولم اصدق نفسي حينما التقت عيني بعينيها الحزينتين....والتي تشعر عندما تنظر اليها


انها تائهة تبحث عن شيء ما فقدته


وشاء القدر ان تجلس في المقعد امامي وتغمض عينيها


وظللت انظر الي وجهها البريء واتساءل.......!!!1


هل ابتسمت لي الدنيا اخيرا ؟؟؟؟1


هل هي فعلا فتاة احلامي التي طالما حلمت بها وانتظرتها وبحثت عنها في كل وقت وكل مكان ؟؟؟1


اسئلة كثيرة بدون اجابات جعلت الوقت يمر علي سريعا حتي لم اشعر بالمحطات وهي تمضي


وظللت علي هذا الحال عدة ايام اراها كل يوم واستبشر عندما يبدا نهاري برؤيتها


حتي تعودت ذلك.....وشعرت انها ايضا تعودت رؤيتي


وفي احد الايام........لم اجدها


ركبت وحدي وانا حائر


ماذا حدث....؟؟ هل هي مريضة....؟؟1


هل ستأتي مرة اخري ام كانت تقضي شيء في ذلك الميعاد وانتهي...؟؟!


لم اريح نفسي من الافكار حتي تعبت.....واستمر هذا لمدة اسبوع لا اعلم عنها اي شيء


واخيرا.....رأيتها.... وفي عيني مئة سؤال شعرت انها تريد ان تجيبني وتريحني


وقررت ان اضع حداً.....واكلمها


واستجمعت كل قواي .....وبالفعل نزلت معها من القطار


وتحدثنا....وقلنا الكثير والكثير....وشعرت بسعادة لم اشعر بها من قبل


وفجأة......1


وقف كل شيء....ولم اسمع غير صوت رجل يقول " يا أخ....يا افندي....احنا اخر الخط....مش حتنزل والا ايه؟1


وافقت من نومي ووجدتني اجلس في مكاني وهي ايضا في مكانها تكتم ضحكة بداخلها


واكتشفت اني لم اكلمها ولم نفعل اي شيء


ولكني اقسمت اني سأكلمها في الحقيقة ولا اضيع الفرصة.....1


10 comments:

حمامة سلام said...

رئيك مهم جدا نرجو التواصل اكتب تعليق على الموضوع قول رئيك بصراحة
http://ana-wa-nafsy.blogspot.com

اسماء واحلام فى وجدانى said...

حاسس بلخبطة لانى كنت هنا امبارح تقريبا وكان فى كلام وشكل غير كده خالص
انا فاكر البوست اللى قلت فيه انه فكرنى باغنية اسال روحك
بس دلوقتى شايف مواضيع غريبة عن اخر مرة مش عارف

بس عن الحب اللى فى سكون ده مش بينى وبينها لآ لان بينى وبينها مفيش حاجة اسمها عقل عايشين جنون فى جنون
لكن بنخاف على الحب ده فنخفيه من اى حد ممكن يحس بيه او يشوفه وده امر طبيعى فى البشر

اسماء واحلام فى وجدانى said...

اعتذر عن سوء التفاهم ده
فعلا عندى اختى نهر الحب بنفس الاسم
نهر الحب
انا رجعت لقائمة المدونات ودخلت عليها لاقيتها فعلا هى
تشرفت بك نهرا للحب
واعتذر مرة اخرى عن سوء التفاهم ده

نهر الحب said...

ولا يهمك خالص

انا فيه ناس قالولي ان فيه مدونة بنفس الاسم لكن اتمني ده ميمنعش انك تزورني برضه

تشابه الاسماء مش بايدي ومش عايزة اقول اني صاحبة الاسم الاول لاني حقيقي مش عارفة انا عاملة المدونة 2006
ولما عرفت مزعلتش لان ده وارد

ارجوك متقطعش الزيارة

شكرا ليك
ومستنية ردك علي التدوينة بقي

زهور الامل said...

لو انا منك اروح اكلمها
واصارحها
واتعرف عليها واعرفها اكتر
ربنا يوفقك
بس انت سردت الموضوع بمنتهى الروعة

تسلم ايدك

اسماء واحلام فى وجدانى said...

ازيك يا نهر يارب تكونى بخير يارب
تعرفى انا عشت فى كلامك مع كذا حكاية ومذا فيلم وطبعا مع فاتن حمامة لانها فنانة بجد وبتقدر بملامحها الرقيقة توصلنا الاحساس المطلوب من اصعب اللقاءات والقصص اللى ممكن نمر بيها اللى بتكون فى هيئة مواصلات لانها للاسف مش بتكون دايمة زى اللى حصل هنا تفتكرى لو جه فى يوم اختفت من قصاده هيقدر يلاقيها تانى طبعا استحالة
والاجمل هنا انك سيبتيها مفتوحة كل واحد يتوقع النهاية براحته
بس انا عن نفسى للاسف توقعت الاسوا
تخيلت انه يوم ما هيفكر يكلمه بجد مش هيلاقيها قصاده طبعا انا مش حابب كده بس انا عارف ان النحس بيلاحق الشخصيات اللى ساعات بتكون مترددة
والشخصية هنا تقريبا مترددة

انا كنت كاتب قصة بردوا للقطار اسمها رصيف رقم تلاتة موجود عندى للاسف بردوا نهايتها مفتوحة

نهر الحب said...

زهور الامل الجميلة
انا بنت علي فكرة
لو كنت ولد وحصلتلي الحكاية دي كنت اتكلمت علي طول انا ضد الصمت

اسماء واحلام في وجداني
التردد بيضيع من ايدينا حاجات كتير حلوة

عايزة اقرا القصة بتاعتك اوعدك اني حدور عليها

تحياتي

اسماء واحلام فى وجدانى said...

للاسف مش بنحس باننا مترددين غير بعد فوات الامان

وده رابط القصة

http://elham-me2.blogspot.com/2009/04/3.html

donya said...

مساء الخير
ماشاء الله المدونه جميله اوي

انتي كاتبه القصه القصيره بطريقه معبره في بساطه ويسر وبغير ملل

تحياتي

نهر الحب said...

دنيا
شكرا لذوقك واسعدتني زيارتك ويا رب ديما