Saturday, April 19, 2008

بحبك................................1
لو طلبت من حد يوصفلي لون معين" الاحمر " مثلا هل حيقدر يوصفه..............اكيد لأ
لازم يشوفه عشان يقولك هوه ده اللون الاحمر!!!!!!!!!!!!!!!!!1
فيه حاجات مينفعش تتوصف لازم تكون حسيتها وعشتها بنفسك عشان تقدر توصفها وممكن كمان كلماتك متكونش معبره قوي عن المعني
الحب.................................1
اشمعني
حد يقدر يقوللي ايه هوه الحب؟؟؟؟ نفسي لو حد عاشه يوصفهولي ....وللاسف احساسي الغالب ان مفيش حد قدر يوصل للمعني الحقيقي للحب ولو فيه ..............يبقي اكيد نسبة قليله جدا
هل اي احساس بنحسه ممكن يكون هوه الحب وممكن نلاقي الحب ده ومنعرفش حقيقة اللي جوانا ونضيعه من ايدينا......بايدينا؟؟؟؟
هل الافلام زي "حبيبي دائما"و " نهر الحب" و "بين الاطلال"و"رد قلبي" قدروا يعبروا عن الحب بالطريقه الصح ام كانت مجرد افلام..............تمثيل بس يعني ومينفعش ده يكون الحقيقة
عندي كذا وصف -مجرد افكار- عن الحب
ممكن احساسك ان حد بالنسبة ليك كل حاجه وتبقي مش عايز حاجة من الدنيا غير انك تكون جمبه
وانت معاه بتكون الدنيا فاضية ومش بتشوف غيره
وعمرك ما حتبص ابدا لعيوبه حتشوفه جميل في كل حاجه من جوه ومن بره
وتعشق ملامحه ونظرته ولمسته وابتسامته و ضحكته و صوته .
و تعشق كل مكان مشي فيه ونفسك تروح معاه في اي مكان من غير ما تخاف من عيون الناس
لما يكون اول واحد بتحب تكون جمبك وانت فرحان واول واحد بيبقي نفسك تبكي في حضنه وانت زعلان
لما تحس انك مهما اديته مش حتقدر توفيه حقه ولو تقدر تديه عمرك كله في سبيل لحظه واحده من سعادته عمرك ما حتبخل عليه
يبقي نفسك تعيش عمرك كله وانت بتسمعه وتشوفه وساعتها حتحس انك ملكت كل حاجه ومفيش حاجه ناقصاك
حتكون مش بتفكر فيه...........لا حيكون ساكن جواك .....وكأنه بيجري في دمك
حتحب نفسك وحتشوفها من جوانب عمرك ما شفتها قبل كده وحتعشق كل حاجة فيك هوه بيحبها
حتشوف الدنيا بعين تانية لما تكون معاه وحتلاقي كل شيء فرحان وعمرك ما حتقدر توصف فرحتك ولا تقول كل اللي جواك وان اي كلمة مش ممكن تعبر عن احساسك الحقيقي لانها حتكون ...ضئيلة جدا
هل هو ده الحب......وهل ده ممكن يكون حب اعمي زي ما بيقولوا؟؟؟؟
واللا الحب انك تلاقي شخص فيه كل المميزات اللي بتتمناها الشكل والعمر والعلم وكل شيء وتحس ان ده هو اللي تقدر تكمل معاه حياتك...لانه مناسب
يمكن ده يكون حب العقل
يمكن يكون الحب مجرد عشرة بين اتنين كل ما عاشرت انسان اكثر وعرفته كويس قوي وشفت فيه كل حاجه واضحه وفهمتوا بعض قوي
الاحساس الاول هل موجود .......هل هو ده الحب الحقيقي واللا مجرد كلام افلام؟؟؟؟؟؟؟؟؟؟؟
واللا الحالتين التانيين.................ايه الاصح؟؟؟
امتي تقدر تقول ....بحبك.......وانت عارف معناها كويس قوي
وهل فيه شروط لنجاح الحب ده واللا النوع الاول خيالي ولازم يكون محكوم عليه بالفشل او بمعني اصح مبقاش موجود في زماننا ده؟؟؟؟وكل حاجه بقت بالفلوس والمركز الاجتماعي والاهل هما الحكم الاول والاخير
واللا المفروض عشان نرتاح نعمل عمليه ونستئصل بيها قلوبنا عشان منتعبش ومنندمش
واللا الاحسن اننا نعيش لوحدنا منعرفش حد عشان منحبش عشان لو حبينا حننجرح او حنفارق او حنلاقي حاجات اكبر مننا تقف قصادنا
هل الهروب من الحب والخوف منه افضل من تجربته
اكيد كل انسان نفسه يحب ويتحب ...........لكن للاسف المثالية في الحب مستحيلة والمشكلة ان استمرار الحب في حد ذاته يكاد يكون معجزة
يمكن مفيش حاجه اسمها حب اصلا....................مش عارفة
منتظرة ارائكم اكيد حتكون مفيدة

13 comments:

Khadieja Eshra said...

بصى يا نهر انا عايزة اقولك حاجة الحب نتاج تفاعل روحى و عقلى حاجة زى الكيميا كده بس فكرى فيها انتى لما بتقولى لمامتك بحبك بيبقى قصدك ايه طب لما تقولى لخطيبك بحبك هيبقالها معنى تانى و لا هو هو المعنى طب لما خطيبك ده يبقى زوجك انشاء الله و تقوليله بحبك هيبقالها معنى تانى و لا هيفضل المعنى الاول ابقى فكرى فيها و ردى عليا

إبـراهيم ... said...

إنتي قلتي كووول حااااجة يا نهر ....
الحب موجوووود ، ولما نلاقيه لاااازم نمسك فيه قوووي
ونقول للي بيحبنا بحبك قوووي
لاااااازم قوووي نقولها له

تحياتي ، وتمنياتي بأيام كلها حب

Mohamed Hesham Safa said...

...................................

الحب هو التلاتة مع بعض ، يعني لازم تحس ان حد بالنسبة ليك كل حاجه وتبقي مش عايز حاجة من الدنيا غير انك تكون جمبه
وانت معاه بتكون الدنيا فاضية ومش بتشوف غيره ويكون اول واحد بتحب تكون جمبه وانت فرحان واول واحد بيبقي نفسك تبكي في حضنه وانت زعلان
لما تحس انك مهما اديته مش حتقدر توفيه حقه ولو تقدر تديه عمرك كله في سبيل لحظه واحده من سعادته عمرك ما حتبخل عليه ، وعشان كده هتلاقي فيه كل المميزات اللي بتتمناها الشكل والعمر والعلم وكل شيء وتحس ان ده هو اللي تقدر تكمل معاه حياتك...لانه هيبقى مناسب ، وبعدين العشرة هتزود الحب ده وهتخلي فيه احترام متبادل زايد ...

أما بالنسبة لنجاح الحب ... فده يختلف حسب تعريفك للنجاح ، يعني فيه ناس تعتبر ان نجاح الحب هو استمراره طول العمر ، وناس تشوف انه بالحواز ، وهكذا ... لكن طريق النجاح واحدة -مش في الحب بس ده في اي حاجة- هو الاصرار والصبر .

مين قال ان مفيش حاجة اسمها حب ... الحب موجود وهو الدافع الأساسي لأي حاجة بنعملها على فكرة ...

...........................

والســ ختام ـلام

Mohamed Hesham Safa said...

...................................

الحب هو التلاتة مع بعض ، يعني لازم تحس ان حد بالنسبة ليك كل حاجه وتبقي مش عايز حاجة من الدنيا غير انك تكون جمبه
وانت معاه بتكون الدنيا فاضية ومش بتشوف غيره ويكون اول واحد بتحب تكون جمبه وانت فرحان واول واحد بيبقي نفسك تبكي في حضنه وانت زعلان
لما تحس انك مهما اديته مش حتقدر توفيه حقه ولو تقدر تديه عمرك كله في سبيل لحظه واحده من سعادته عمرك ما حتبخل عليه ، وعشان كده هتلاقي فيه كل المميزات اللي بتتمناها الشكل والعمر والعلم وكل شيء وتحس ان ده هو اللي تقدر تكمل معاه حياتك...لانه هيبقى مناسب ، وبعدين العشرة هتزود الحب ده وهتخلي فيه احترام متبادل زايد ...

أما بالنسبة لنجاح الحب ... فده يختلف حسب تعريفك للنجاح ، يعني فيه ناس تعتبر ان نجاح الحب هو استمراره طول العمر ، وناس تشوف انه بالحواز ، وهكذا ... لكن طريق النجاح واحدة -مش في الحب بس ده في اي حاجة- هو الاصرار والصبر .

مين قال ان مفيش حاجة اسمها حب ... الحب موجود وهو الدافع الأساسي لأي حاجة بنعملها على فكرة ...

...........................

والســ ختام ـلام

إنسان || Human said...

أولاً حمدالله على سلامتك ....إيه الغيبة الطويله دي ...
ثانياً:
أنا دخات عندك مره ولقيت بوست كان بمثابة صدمة ليا الصراحة ...كان بيقول بعد الشر ...بعد الشر عليكي طبعاً ...إن صاحبة المدونة توفت ...
وده إلي خلاني أخد إميلك ...عشان أطمن
...........
ثالثاً عن البوست اللي محتاج بوستات عشان الرد عليه
الحب عامة لازم يكون موجود في حياة أي بني أدم سوي وطبيعي
مع العيله مع الأب مع الأم مع الأخت مع الأخ مع الصديق ...ومابيبانش إلا من خلال مواقف بسيطه جدا جدا
...ومش محتاج براهين لأنه بيكون في القلب
أما إذا كنت تقصدين الحب مابين الجنسين فده موضوع كبير جداً ...؟
لأنه ببساطه هو سبب وجودنا ...لولاه لما وجدنا ...؟

نهر الحب said...

anonimous
سعيده جدا بزيارتك ورايك

علي فكره لو كنت حعرف ارد اكيد كنت رديت علي نفسي او مكنتش سالت اساسا!!!!!1
تحياتي


إبـراهيم ... معـايــا
انا مقولتش حاجه خالص

علي العموم ...نورتني طبعا


mohamed hesham
سعيده برايك

نورتني

human
البوست اللي كنت قريته تقريبا كده محدش غيرك قراه
بس كانت لحظة ياس وضعف لم اصل اليها من قبل اشكرك علي اهتمامك واكيد حنتقابل قريب جدا
شكرا لرايك

اعزائي المدونين ......شكرا لارائكم واتمني تلاقوا الحب اللي بتتمنوه

إنسان || Human said...

أتمنى تكون عدت اللحظه دي
هو ده اللي اقدر اقوله...ومعلش إستحملي ...ويكتبه يارب في ميزان حسناتك
.........
ليكي عندي حاجه كده تعالي شوفيها

إنسان || Human said...

أتمنى تكون عدت اللحظه دي
هو ده اللي اقدر اقوله...ومعلش إستحملي ...ويكتبه يارب في ميزان حسناتك
.........
ليكي عندي حاجه كده تعالي شوفيها

hasona said...

الحب تدفق
الحب حنان وشوق سنين
الحب هو اندماج بين قلبين ومزج بين روحين
قلب لقلب وعقل لعقل
بتلاقي روح تلازمك
لازم يكون توافق بين الاحساس والمنطق
فيه ناس كتيرة بتقع في الحب الاعمي اللي حضرتك بتقولي عليه وناس بتحب بعقلها
والاتنين قد ينجحا أو يفشل حبهم
الامهم أن الحب سيبقي بلا معني محدد وكل محب بيعرفه تعريف مختلف
الموضوع عايز مساحة أكبر وأكبر لأنه متشعب
دمتي بخير - ونتمني منك المزيد
وربنا يوفقك وتقابلي الحب ده وان كنتي قابلتيه يبقي يبارك لك فيه

hasona said...

الحب كالهواء كلنا لا نقجر الاستغناء عنه
كنسمة الهواء
علي شاطئ البحر
وصوته الهادئ داخل القلب

Anonymous said...

هل تريدين معرفة ما هو الحب
الحب هو اسمى شئ خلقة الله على الارض
الحب هو الحياة والموت
هو القوة والضعف
الخوف والشجاعة
الهروب والاقدام
الشئ الوحيد الذى يحطم القواعد
لايخضع لعرف ولا تقليد ولا عقيدة ولا قوانين
الحب ان ترى كل الكون محبوبك
ومحبوبك كل الكون
الحب ياسيدتى هو فقط ان تحب
الوله العشق التتيم الهيمان
قولى كل شئ عن الحب
فالحب هو كل شئ
الحب هو الحياة
انا الذى عرفت الحياة وخبرتها
اقول لك ان الحب هو الحياه

نهر الحب said...

كلامك جميل ...........بس هل فعلا مجرد كلام!!!!!!!و

اسماء واحلام فى وجدانى said...

الحب حالة استثنائية
لا تعريف له
لا قاعدة ثابتة