Saturday, August 04, 2007

انت عمري
اللي شوفته قبل ما تشوفك عينيه عمر ضايع يحسبوه ازاي عليه؟؟انت عمري
اصل النهارده عيد ميلادي هوه مش عيد ميلادي انا هوه في الحقيقه عيد ميلاد نهر الحب وبمعني اصح هوه عيد ميلاد مدونتي كلمات بس انا بعتبر اني اتولدت من جديد لما عملت المدونه دي
النهارده انا عندي سنه والحقيقة ان السنه دي كانت غريبه عليه شويتين بس كانت فيها حاجات كتيييييييييييييير حلوة
انا مش عارفة اقول ايه و اتكلم عن مين؟؟ عني واللا عن نهر الحب و اللا يمكن احنا شخص واحد ....يمكن نهر الحب هيه افكاري و مشاعري و رومانسيتي اللي عمري ما قدرت اظهرها انا بحب نهر الحب لكن احيانا اشفق عليها!!!!!1
المهم انا مش عايزه اتكلم عن نفسي انا عايزه اتكلم عن ناس وقفوا جمبي بجد عشان المدونه دي تستمر و كان تشجيعهم ليه هو السبب في استمراري و احب ابدأ بأستاذي العزيز استاذ ياسر و قد ايه تعليقاته مهمه بالنسبه ليه و كان تعليقه علي "وحشتيني " خلاني ابكي و فرحني جدا ....تحياتي لعزيزي استاذ ياسر ثابت
وصديقتي العزيزه اللي ديما تتوه مني في الزحمه لكن الحمد لله بلاقيها "توهه" ...وحشاني جدااااااااا
حبيبتي و انا صادقه عندما اقول حبيبتي التي تشبهني ساعة الغروب
صديقي و اخي عمرو احمد بجد وقف جمبي جامد قوي في كل حاجة و اكتر واحد شجعني و خلاني اكمل
human
انسان بمعني الكلمة و محترم جدا و اتمني يكون صديقي
ادم المصري بابا جدو بيقول اللي في نفسه بجد من غير خوف ...تحياتي
شريف غريب صديقي الاسكندراني ان شاء الله تدوم صداقتنا
اسكندراني في الغربه و احمد عيسي و عادل و الغزالي و عروس البحروتيرميناتور والبرنس اصدقائي الجدد
ناقص واحد بس هوه "ابراهيم...معايا" ويا رب يفضل طول عمره معانا كلنا الرومانسي الهاديء السياسي البارع مدونته عباره عن اتحاد مدونات في بعض كلامه ديما جمييييل ..تحياتي
في الاخر عايزه اقول اني اتعلمت حاجات كتير من المدونه و اني حبيت كل اصحابي المدونين و عرفت ان الحب الحقيقي اللي يكون من غير مصلحه تحب ناس بيحبوك و لو غبتوا عن بعض توحشوا بعض قوي اكتر من اي حد
احبائي و اصدقائي الاعزاء المدونين يا ريت مكونش تقلت عليكوا

11 comments:

sherif gharib said...

اولا كل سنه و انتى و نهر الحب طيبين و يا رب تكون كل سنه احلى من اللى قبلها يا رب
ثانيا انا مبسوط لسببين
اولهم ان انا اول تعليق على البوست ده يعنى انا اول واحد يقولك كل سنه و انتى طيبه
ثانيهم طبعا انا مش عارف اشكرك قد ايه انك وضعتى اسمى و انك معتبرانى واحد من ضمن مجموعه الاصدقاء اللى انتى ذكرتيهم
ده اكيد فرحنى كتير جدا و يارب نفضل كده اصحاب فو مئويه نهر الحب و اكون برده انا اول تعليق
تحياتى ليكى ولنهر الحب و يا رب نهر الحب الاسكندرانىيكون كده من اغلى و احب المدونات اللى الواحد بيتابعها

اسكندراني في الغربة said...

كل سنة و نهر الحب طيبة
كل سنة وهي بتعبر عنك
كل سنة و انتي مبسوطة منها
كل سنة و اصدقاءك في زيادة
كل سنة و انتي طيبة وبخير

إبـراهيم ... said...

إيه يا بنتي الكلامك ده كلللله ؟؟؟ ، هوا أنا ده كله ،،،
ده كثييير قوووي
كثيييير قووووي ،،،
كثييير قوي .
.
.
.
يا نـهـــر كل سنـة، ومدونتك أحلى ، وكل سنة وإنتي متفوقة، ومن نجاح لنجاح لمحمد :)


.
.
تحياااااتي دااائمًا

نهر الحب said...

مش عارفه اقول ايه كل يوم بتفرحوني اكتر و اكتر و بتخلوا حياتي احلي

شريف بجد اشكرك و ان شاء الله نكون اصدقاء علي طووووووووووول

ابراهيم
انت ميكفيش معاك كلام في سطرين انت عايز مدونه بحالها ده اقل حاجه

يا رب يخليك ليا

اسكندراني في الغربه عقبال ما تكتب عندي تعليقك من اسكندريه

قبل الطوفان said...

كل عام ونهر الحب يتدفق بالعطاء والحكايات والأحاسيس الرقيقة

كل عام وصاحبة المكان بألف خير

أشكرك على كلماتك الجميلة في حقي، وتأكدي أنك صديقة عزيزة وإنسانة جميلة أعتز بمعرفتها وأتمنى لها أياماً ملؤها السعادة والمحبة

ساعه الغروب said...

مش عارفه اقولك ايه بجد

كل سنه وانتى طيبه اوى اوى اوى كدا
وكل سنه وانتى جميله اوى اوى
وكل سنه وانتى صديقه اوى اوى ليا
وكل سنه وانت بجد بخير
ويا رب يا رب قبل ما السنه الجايه تكمل كمان تكون حققتى كل حلم ليكى سواء قريب او بعيد

بجد بجد بتمنى لك كل خير

سوووووووووووووورى اوى انى مقصره اوى كدا معاكى بس غصب عنى

وميرسى ليكى اوووووووووووى

على فكره كلمه "نهر الحب"دى لها اوقع خاااااص جدا جدا عندى لانى بعشق الفيلم دا اوى ويمكن كمان اكون حافظه حواره

بجد يا رب دايما تكونى بخير وسعاده

بحبك

ميرسى ليكى اووووووووووووووووى

:)

نهر الحب said...

مش عارفه اقول ايه يا جماعه والله الكلام عنكم ميخلصش و يبقي قليل اوي

استاذي العزيز ياسر اشكرك علي كلامك ويا رب ديما بالخير


ساعة الغروب
انتي مش مقصره ولا حاجه انتي بس بتوحشيني

انا برضه بعشق فيلم نهر الحب جه قريب
وتقدري تقولي اني اشبه فاتن حمامه كثيرا في المضمون

تحياتي ليكي

August 06, 2007

كراكيب عادل said...

كل سنة ونهر الحب بيجري

كل سنة وانتي ومدونتك بخير

إنسان || Human said...

كل سنة وانتي طيبة
وانا الصراحة. فرحان على الثقة الكبيرة دي .....
بوستاتك قليلة جدا ..بس بتكون مركزة أتمنى تزيد شوية على قد ماتقري ولا انتي بخيلة
ثانيا انتيبالفعل صديقة واشكرك للثقة دي وان اكون ضمن القايمة الجميلة دي
كل سنة وانتي طيبة يانهر الحب واتمنى ألا يتوقف ذلك النهر عن التدفق دائما وابدا

admelmasry said...

كل سنه والمدونة وانتي احلي م اللي قبليها

Anonymous said...

الى نهر الحب
كل سنة وانت طيبة يا حبيبتى ويا رب دايما بخير وفى تقدم دائم ان شاء الله
معلش جت متاخرة بس انت عارفة اكيد معزتك عندى اد ايه