Thursday, September 21, 2006

بتوحشيني
عارفه لما بتوحشيني بيحصل ايه؟؟
بدور عليكي وسط العيون بجنون
و عيون الناس كتيره و بميت لون
لكن عنيكي حلاقيها لو وسط مليون
و بحسد كل اللي شايفينك و انا لأ
و احسد الارض اللي ماشيه عليها
واتمني اكون تراب في الأرض
بحسد الشمس اللي بتدفيكي
و القمر اللي سهران ليكي
و السما اللي بتغطيكي
يا ريتني حته منها تبص عليكي
واول م الاقي عنيكي
قلبي يسبقني اليكي...و يقولك وحشتيني
ولما بسلم عليكي
الاقي روحي بتدوب فيكي
و تقولك... برضه وحشتيني
وحشتيني ومن غير م اتكلم
و مش لازم اتكلم
د و انا شايفك بتعلم احب و بسلم
اه سلمت من نظرة عين
ولا عارف قلبي رايح فين
عارفه
دلوقت انا بحسد نفسي
بحسد عينيه اللي شافتك و ايديه اللي لمستك
واحلفلك اني بعشقك
و اوعدك
اني حدفع عمري عشان اسعدك
بس و حياة ضحكتك
ما تغيبي عني
عشان عنيكي بتوحشني

6 comments:

إنسان || Human said...

لون عنيك جرح سنيني في لون عنيك
فكرتيني بلون عنيك لحميد الشاعري
...........................
كل عام وأنتي بخير

قبل الطوفان said...

إحساسك جميل
والمشاعر تتدفق مثل نهر يصنع جدولاً من الأشواق
العينان هما نافذة الروح.. منهما يطل السر الدفين والحنين
أما الغياب فهو الاختبار الأصعب لكل من يضع حبه في حقيبة سرية لإخفائها عن فضول الآخرين
أحسنت

توهة said...

الله الله

احساس جميل قوى
وان شاء الله نتعرف أكتر


فانتازيااااااااااااا
فانتازيااااااااااااااا

كمنجاتي said...

your word ar very light and beuty

but you need some thinking in words to come more beuty lovely

Amr Ahmed said...

كلمات جميلة وبسيطة ولكنها معبرة عن مشاعر جياشة ومتدفقة تحياتي وتمنياتي بالتوفيق

عمر said...

نهر الحب: المشاعر جميلة جدا والأفكار نفسها حلوة ومعبرة

فيه شوية كتابات عندي ممكن تهمك بالنسبة للشعر.. انا عنواني
omarincambridge@yahoo.com

ابعتيلي عنوانك علشان ابعتلك كلام أكتر..

:)

كل التوفيق