Saturday, September 02, 2006

يا بختك يا بحر
انت اللي بتشوف كل الحبايب
اللي مع بعض .... واللي سايب حبيبه وغايب
و يا ريت يابحرتقوللي...ايه احوال الحبايب؟
بتسال مين همه الحبايب
طب بص في عنيه
حتلاقيهم حيرانين
و باين عليهم سهرانين
و من كتر السهر ...متجرحين
بص في عنيه... حيقولولك هوه مين
و عشان عارفه انك يا بحر شيال الهموم
قلت اسالك عنه يمكن مهموم
وقاعد فوق صخرة عي شطك
بيشكيلك ...واللا يمكن بيغنيلك
مالك يا بحر ؟...مبتردش ليه؟؟
انت كده بتشغلني عليه
و اللا انت نفسك مشغول مع حد غيرنا
مش بقولك يا بختك يا بحر
بس انا خايفه عليك ..تتعب
من قسوة الحبايب
دانا بعشقك اوي ..و مقدرش اشوفك دايب
دانت اللي بتسمعني
وانت اللي بتقاسمني فرحي و همي
و انت اللي من ريحة الحبايب
خليك فاكرني يا بحر
و حستناك تطمني..عاللي مبيسالش عني

4 comments:

توهة said...

ايه ياست نهر الرقه دى كلها
ياستى عذبتينى معاكى
بس اسألى قلبك وهو يقلك هم فين الحبايب
ولو لقتيهم قوليلى يمكن اجى عندك واغنلكوا اغنيه عن الحبيب اللى غايب

كروان

عوليس said...

حلوه

sydalany-وش مكرمش said...

أمانة يا بحر
محمد منير أغاني قديمة أوي

أنا باعشق البحر..
برضه محمد منير


تحياتي

وش مكرمش

اسماء واحلام فى وجدانى said...

كنت هنا
ولكن البحر سبقنى بالآلاف السنين
فى كل شىء هو الاول
لكننى مشترك معه
فنحن من صنع رب العالمين