Saturday, August 05, 2006

فعلا اخوات!!!!0
كانوا تلت اخوات....0
ماشيين في شارع و ايديهم في ايدين بعض
كان باقي اخواتهم واقفين يبصوا عليهم
من بلكونة بيتهم...
و فجأة سمعوا طلقات رصاص طايشة
لأ طبعا مش طايشة ...دي مقصودة
وعارفه هدفها ومنشنه عليه
ولما فاقوا الأخوات من غفلتهم
لقوا اختهم اتصابت بالرصاص
بس الحمد لله ممتتش ....
بس من كتر النزيف فقدت وعيها
ومقدرتش تقاوم .
بكت الأختين و عرفوا ان مصيرهم
اكيد حيكون زي اختهم قريب قوي
بس للأسف مقدروش يعملوا حاجة
هما صحيح دوروا علي اللي ضرب الرصاص
واكيد عرفوه لكن ملحقهوش
اما اخواتهم الباقيين ..كان نفسهم ينزلوا يساعدوهم
بس خافوا....
قال ايه خافوا الرصاص ييجي فيهم
ومفكروش ان الرصاص لو عايز يطولهم حيطولهم
بس لما ييجي الدور عليهم
ولو كانوا نزلوا يساعدوا اخواتهم كان اشرفلهم
وفي تاني يوم ..والأختين راجعين من عند اختهم الجريحة
سمعوا طلقات رصاص......
واتصابت الأخت التانية وكمان التالتة
وحصلهم بالظبط زي اختهم
وراحوا في غيبوبة طويلة
وباقي اخواتهم المرة دي بيسالوا...
يا تري الدور علي مين المرة الجاية!!!!
وعرفنا اسماء التلت بنات وكمان جنسياتهم
الأولي...مريم الجنسية ...فليسطينية
الثانية...زينب الجنسية ...عراقية
اما الثالثة والأخيرة ...مني ...لبنان
فهل من مغيث !!!
اغثنا يا رب ...
و ما النصر الا من عند الله

4 comments:

nahrelhob said...
This comment has been removed by a blog administrator.
عوليس said...

مبروك البلوج
بالتوفيق

21arestoo said...

كويس

اسماء واحلام فى وجدانى said...

جميلة اوى اوى
بس هما مش تلات اخوات بس
دول اكتر من كده
وياريتهم يكونوا ايد واحدة
عشان ولادهم يقدروا يعيشوا بكرة