Saturday, January 18, 2014

!!!!!!!!!!!!...............مش عارفة

هو احساس غريب
لما أحلم بقالي كذا يوم أحلام غريبة
ملخبطة وملهاش تفسير
غير اني ببقى خايفة وخلاص
بحلم بأشخاص بعيد عني بقلق أوي عليهم
ببقى نفسي أكلمهم
 وأبقى عارفة إني مش حقدر ومش حينفع
لسبب بسيط
اني اتعودت اني لما اقلق من حاجة واتردد اني اعملها
 يبقي اكيد حتضايقني أو فيها حاجة غلط
مش عارفة ليه حبيت أوصف شعوري دلوقتي
وهنا في المدونة
بس فعلاً احساس غريب وصعب ومش عارفة أوصفه
طيب هل زي ما قريت إني لما أحلم بحد يبقى انا وحشاه
أو حاجة كدة زي تلاقى الأرواح يعني تحس بحد بيفكر فيك في نفس اللحظة
أو قلبك يوجعك لما حد قريب منك يحصله حاجة
مش عارفة
بجد مش عارفة
مش عارفة لو عملت زي زمان لما كنت احس بحاجة أحكيها للشخص اللي تخصه
بكل براءة وبساطة...هل كدة حرتاح
يمكن اطمئن ان مافيش حاجة وان الناس حواليا اللي بفكر فيهم بخير
واللا اعمل مش واخدة بالي
 أنسى اللي بحلم بيه وأعيش حياتي عادي ولا كأن حاجة بتحصل
مش عاوزة أرجع افكر في الاشارات والعلامات لأني مش حعرف معناها إيه ودي حاجة متأكدة منها
ومش عاوزة أعمل أي تصرف أندم عليه
ولا عاوزة احاول أسأل عن ناس ف الأغلب نسوني أو بقيت بالنسبة لهم حاجة عادية أو مكنتش أصلاً حاجة عندهم مش عاوزة آجى أكلم حد يكسفني أو يستهزأ بكلامي حتى لو هبل حتي لو أحلام جايز تكون تخاريف من تعبي الايام اللي فاتت كتير
ومع اني برضه قريت ان لما الانسان يحس بوجع أو ألم لا يحتمل يبقى فيه حد برضه قريب منه بيتألم في نفس اللحظة
مش عاااااااااااااااااااااااااااارفة
يااااارب
مش عاوزة حاجة غير اني أطمن بس على الناس اللي بحبهم واللي قلبى شايل لهم أفضال كتير رغم كل شيء
ياااارب
نفسي مشغلش بالي بالناس وهما بعيد عنى
 والاحتمال الاكبر اني ولا باجي على بالهم
ياااارب
الاحساس اللي جوايا ده يروح
يااارب




الأحلام التي تبقى أحلاماً لا تؤلمنا, نحن لا نحزن على شيء تمنيناه ولم يحدث
الألم العميق هو على ما حدث مرة واحدة وما كنا ندري أنه لن يتكرر


"الأسود يليق بكِ---أحلام مستغانمي"

5 comments:

النسر المهاجر said...

أولا مش معنى انى شفت انه يبقى انه محتاج يشوفنى لاننا أحيانا بنحلم بالموتى
الحلم قد يرتبط بشخص وحدث وفى الحالة دى بيحصل الحاجه الى هى تفسير الحلم وده بيكون رؤيه لانها من الله والله يعلم الغيب اما لو حلم من الشيطان فانه بغرض تنغيص النوم فقط
اذكرى الله قبل النوم ولن ترى ما يحزنك ابدا

reemaas said...

ده لان قلبك ابيض من اللبن الحليب

اللى يريح قلبك اعمليه يا دودو اسالى لو هيريحك
ربنا يطمن قلبك على كل حبايبك يارب

Nour said...

اعملي اللي شايفاه صح ومقتنعة بيه بغض النظر عن النتايج وصدقيني مش هتندمي

انا لو ركزت ما الاحلام زيك كده كان زمان الحال متغير تماما :D

rona ali said...

احلام غير لطيفه لما تكونى بالذات حاسه بوجع مضاعف وقلبك بيدق بكثرة وفي احساس مميت فكرة ان ايدك متكتفه

بس انا شايفه زى نور ونورة اعملى اللي يريحك انتى ويرضيكى :)

نيللي علي said...

أطمني عليهم..مادام ده هيريحك
ويارب أحلام سعيدة وجميلة في كل حياتك:)