Wednesday, December 11, 2013

عندما نتذكر ما نريد أن ننسى

منذ فترة وانا أفكر...لماذا أصبحت حياتنا معلقة بالتواريخ هكذا
....
كدت أتمنى أن تُلغى مسميات الأيام والشهور ونعيش هكذا بلا أرقام
أيام متشابهة أو مختلفة
......

تمنيت كثيراً أن تمر عليّ التواريخ ولا أعرفها
لا أعرف أنها كانت مميزة بطريقة ما......أو كانت سيئة
لا أريد أن أنظر إلى النتيجة اليومية ولا أن أكتب تواريخ في أوراق عملى
.......................

تصبح مؤلمة حقاً تلك الأيام التي يعلق تاريخها في ذاكرتنا ليأتي كل عام ويذكرنا كم كنا ضعفاء
أو كيف أصبحنا الآن شيء آخر
......
أتألم من تواريخ عندما تأتي أعرف أن شيئاً ما حدث فيها لدرجة تشبث ارقام ذلك التاريخ بذاكرتي حتى دون أن أعلم
فأستعيد تركيزي للحظات وأعرف وأتذكر ماحدث بها
تاريخ ميلاد أشخاص لم أعد قادرة على معايدتهم كما سبق....أو كما أريد
.....وأخاف
أخاف كثيراً من تورايخ ربما تأتي بحياتي لتذكرني بموت عزيزين لديّ..وانا أعرف أنه شيء حتمي
..............
,,,,,,,,,,,,,,,,,,,,,,,,,,,,,,

أعترف أنني ضعيفة الذاكرة في أشياء كثيرة يومية عادية ولكن دائماً
نحن نتذكر فقط ما نريد أن ننساه

وكأن عقولنا أصرت على أن تجرحنا أو تذكرنا بما لا نريده 

اعرف أن هناك ذكريات أخرى لأيام جميلة سأظل أتذكرها وأحتفل بها ولكن هل تلك الأيام قادرة حقاً أن تمحو أثر الأيام الأخرى؟؟
لا أعلم.....لا أعلم
.....
...كيف نعيش دون جزء كبير من ذاكرتنا لا يمكن نسيانه.....ولا يمكن تجاهله
ولا يمكن عودته؟؟؟

11 comments:

Bent Men ElZman Da !! said...

عارفة الحاجات اللي بنحتاج ننساها دي
أوقات كتير بتبقي سبب يقوينا علي حاجات تانية
سبب يعرفنا إننا مر علينا الأسوء فـ خلينا نتحمل بقي أي حاجة جاية ومصيرها هتعدي زي اللي قبلها
كل لحظة ضعف او حزن أو تواريخ مميزة بالآلم
كل ده بيعدي وبيخلينا أقوي

ربنا يجعل كل أيامك فرحة :)

reemaas said...

عارفة من كتر لما باجى افتكر الذكريات الحلوة الاقى المؤلمة تحشر نفسها كده فى الحكاية او الاقى الذكرى الحلوة نفسها قلبت وحشة ببقى عاوزة يحصل كده

الصورة معبرة جدا يا قمراية

Nour said...

انا عندي عقدة التواريخ دي وعندي مشكلة بربطها ببعضها لدرجة ان في شهور بخاف منها كل سنة عشان بفتكر اللي حصل فيها وشهور بستناها وبتخذلني عادي جدا :))


تصبح مؤلمة حقاً تلك الأيام التي يعلق تاريخها في ذاكرتنا ليأتي كل عام ويذكرنا كم كنا ضعفاء
أو كيف أصبحنا الآن شيء آخر

الجملة دي بتعبر عن حال كتير مننا للأسف

ربنا يسعدك ويفرح قلبك دايما :))

Tamer Moghazy said...

"...لماذا أصبحت حياتنا معلقة بالتواريخ هكذا"

انا كمان بسأل نفس السؤال..!!

"كدت أتمنى أن تُلغى مسميات الأيام والشهور ونعيش هكذا بلا أرقام
أيام متشابهة أو مختلفة"

باضم صوتي لصوتك ولو انها امنية قديمة عندي وانت صحتيها :)

"نحن نتذكر فقط ما نريد أن ننساه"

حقيقة اثبتتها الايام..!!

rona ali said...

منذ فترة وانا أفكر...لماذا أصبحت حياتنا معلقة بالتواريخ هكذا


مش عارفه يمكن من كتر ما الاحداث المأساويه اصبحت اكثر من المعتاد
او يمكن موضه انى اتذكر اول تاريخ مع الحب او تاريخ مع الارتياح تاريخ اول لقاء كده يعنى
________

كدت أتمنى أن تُلغى مسميات الأيام والشهور ونعيش هكذا بلا أرقام
أيام متشابهة أو مختلفة
......

وانا كمان واهو نعيش وخلاص ماكده كده الدنيا ملخبطه معانا

______________

تمنيت كثيراً أن تمر عليّ التواريخ ولا أعرفها
لا أعرف أنها كانت مميزة بطريقة ما......أو كانت سيئة
لا أريد أن أنظر إلى النتيجة اليومية ولا أن أكتب تواريخ في أوراق عملى


الجمله دى بتثبت ان التواريخ بنفتكرها من كتر خوفنا انها هتكون ذكرى سيئه في حياتنا ودايما اللى بنخاف منه وبنحاول منفكرش فيه بيفضل مربوط جوانا زى هاليتى السفينه كده حد رماها في قاع البحر ومش قادر حتى الان يطلعها

وانا خايفه اوى من السنه الجديده والشهور اللى جايه لان تواريخ 2013 علمت اوى اوى وخوفي مش هيخلينى انسي وهفضل اترقب

وللاسف حياتنا هضيع بالشكل

نهر الحب said...

بنت من الزمن ده
دينا عندك حق جداااا هي بس ديما مشكلتنا ازاي بتفتكر وازاي نقدر ننسي
:)

يارب ديما سعيدة

نهر الحب said...

ريمو
عارفة طبعا وده بيضايقني فعلاً
بس حاولي حاولي تفتكري الحلو بس
:)

نهر الحب said...

نور
ايون بخاف من تواريخ انها تقرب او تيجي او افتكرها بس نعمل ايه بقي
:)

نهر الحب said...

tamer
سؤال مالهوش اجابة زي اسئلتنا الكتييييييييييرة اووووي
وكمان امنية زي امنيات كتير مش بتحصل
بس مش مهم
المهم انك منورني هنا بقالك كتر مجتش
:)

نهر الحب said...

ما هو ركزنا في كل يوم فعلا حنتعقد خصوصا لو فيه احداث كتيرة صعبة
:)
يا رب تبقي سعيدة ديما

P A S H A said...

كل سنة وانتي طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
:)

أطيب تحياتي