Thursday, February 14, 2013

(جوانيات وصعبانيات ما قبل النوم......(7

احساس كأنك عمال تزق في صندوق تقيل أوووي لوحدك ومحدش بيزقه معاك
عشان بس توصله لمكانه وتطمن عليه
عمال تزق تزق وعشان توصل فيه كذا احتمال
يا أما في الآخر حتوصله فعلاً للمكان اللي انت عاوزه
أو
حتتعب في نص السكة وحتقف وتقول مش مهم
أو
حتقف وحتموت في مكانك قبل ما توصل

ممكن كمان تلاقي حد بيزقك من الناحية التانية بيوقعك
بدل ما انه ييجي ناحيتك ويزق معاك


.................................................................

احساس كمان كأنك واقف في النص لوحدك جوه دايرة والدايرة مقفولة عليك
و حواليك ناس كتير لا انت عارف تطلع
ولا حد واقف معاك جوه
كأنك جوه كابوس نفسك تقعد في الأرض تغمض عينيك وتفتحها تلاقي كل حاجة مختلفة


.................................................................

"بعد الاعتراف الأول لا تعود كلمة احبك تعني شيئاً"
فيكتور هيجو
العبارة دي استوقفتني كتير بس أنا مش موافقة عليها
لأن صحيح أول مرة بتسمع فيها كلمة بحبك بيبقي ليها طعم تاني
لكن ممكن أول مرة تكون اتقالت وهي مش محسوسة اوي
وممكن وقت تاني نبقى محتاجين اوي نسمعها فنحسها أكتر
ووقت تاني نكون مستنيينها كأنها البنزين اللي بيخلينا نكمل
ووقت كمان بنحب نسمعها عشان نتأكد ونطمن من اللي بيحبنا
وبنحبها تبان في الأفعال أكتر
في الحب مفيش قوانين لأي حاجة أبداً

7 comments:

reemaas said...

اه فى الحب مافيش قوانين

ممكن كل مرة تبقى مختلفة او احلى كمان على حسب

اهو انا نفسى اكسر الدايرة دى
اى حكايتك انتى ودودو مع الدواير

P A S H A said...

المهم الصندوق فيه حاجة تستاهل إننا نتعب علشانه التعب ده كله ؟؟
تحياتي

نيللي علي said...

بالنسبة للصندوق لأنه يخص الإنسان مش غيره محدش هيقدر يزقه غيرك ولو حد ساعد لازم يكون بيحبك جداً..

أما عن الدايرة بحسها أوي في غياب روح المشاركة .،

أما الحب ليس لها قوانين، فالقلب لا يفكر.

أعجبتني:)

Do3aa El_attar said...

ساسو العزيزة

صندوقك مهما كان تقيل ومهما قابلتك صعوبات بيتهيألي لازم توصليه لمكانه ومفيش اختيار تاني لأن أي اختيار تاني هيكون معناه "استسلام" والاستسلام هزيمة :(

ــــــــــــ

لو مش خرجنا من الدايرة محدش هيخرجنا للأسف :(

ــــــــــــــ

كلمة بحبك زي الميه ينفع عشان شربتي مرة تقولي مش هشرب تاني طول العمر ؟

حنين محمد said...

صباح الغاردينيا سوسو
يااااه وحشتيني اووي مهما كنتي ببتزقي لوحدك وماحدش بيساعدك المهم توصلي رغم التعب اما الدايرة كلنا بنحسها لما يبقى كل الي حواليكي مش حاسين بيكي اما الحب بقى فكلمة احبك فيه مالهاش قانون :) "
؛؛
؛
لروحك عبق الغاردينيا
كانت هنا
Reemaas❤

Romancia said...

وحشتنى مدونتك اوى قد موحشنى اهتمامى بعالم التدوين تانى بس راجعين ان شاء الله

البوست رائع
عجبتنى اوى
فى الحب مفيش قوانين لاى حاجة ابدااا

فعلا

تسلم ايدك

Anonymous said...

ثقافة الهزيمة .. أرجوك لا تعطنى هذا السرطان

"مرسى" لأهالى مطروح: المشروع النووى فى الضبعة.. و"ما أدراكم ما الضبعة!" قال الرئيس "مرسى" للأهالى إنه يسعى لإنشاء 5 مشروعات نووية لتوليد الطاقة الكهربائية، وليس مشروعاً واحداً فى الضبعة، ومازح الأهالى قائلاً: "الضبعة.. وما أدراك ما الضبعة"

و نشرت مجلة دير شبيجل الألمانية فى 19 مايو 2011 "الفلبين : أطلال المفاعل النووى باتان مزار للسياح " كارثة فوكوشيما أعطت رد فعل ، المفاعل النووى الوحيد فى الفلبين
Bataan لم يتم تشغيله أبدا و لم ينتج كيلو وات واحد من الكهرباء للأن و سيظل هكذا مستقبلا ، و الأكثر من هذا أن المفاعل النووى الذى يقع على شبة جزيرة باتان أصبح منذ مايو 2011 مزار للسياح.

و نشرت صحيفة Wirtschaftsblatt النمساوية فى 17 نوفمبر 2011 "تجارة خطرة مع المفاعلات النووية " على مستوى العالم سينخفض نصيب الكهرباء المولدة من الطاقة النووية من 16 % الأن إلى 6 % بحلول عام 2050 . ليس فقط كوارث المفاعلات النووية مثل فوكوشيما، بل إيضا مشاكل البيئة مثل مياه تبريد المفاعلات النووية ، كل هذا يؤدى إلى الأعتراض. ألمانيا قررت بعد الكارثة النووية فى فوكوشيما إنهاء الطاقة النووية ، وبجانب ألمانيا قررت 6 دول أخرى كانت لديها خطط للطاقة النووية تغيير أستراتيجيتها.

و نشرت صحيفة دير شتاندرد النمساوية فى 26 مايو 2011 "سويسرا أبتداء من عام 2034 بدون طاقة نووية" سويسرا تنهى الطاقة النووية على خطوات، هناك 5 مفاعلات نووية فى سويسرا و قررت الحكومة السويسرية أنه بعد أنتهاء العمر الأفتراضى للتشغيل لها و يقدر ب 50 سنة لن يتم أحلالها ببناء مفاعلات نووية جديدة. بعد الكارثة النووية فى فوكوشيما باليابان لم يعد ممكن التفكير فى التوسع فى الطاقة النووية، و بدأ الأتجاة بصورة أقوى إلى الطاقات المتجددة.

و نشرت صحيفة دى برسة النمساوية فى 2 نوفمبر 2011 "بلجيكا تخطط لأنهاء الطاقة النووية" الحكومة الحالية تريد أبتداء من عام 2015 أنهاء الطاقة النووية، وأغلاق ال 7 مفاعلات نووية فى بلجيكا تدريجيا.

و نشرت صحيفة دير شتاندرد النمساوية فى 15 يونيو 2011 إيطاليا تظل خالية من الطاقة النووية، هو قرار الإيطاليين فى أستفتاء شعبى و الذى صوت بنسبة 95 % ضد الطاقة النووية. ..باقى المقال بالرابط التالى

www.ouregypt.us