Wednesday, May 09, 2012

الموت فيكي.......حياة


الموت فيكي حياة


ولوعمري حيوصل لمنتهاه


حرجع وأعيشه من تاني


ده موتي فيكي بيعيشيني ميت لحظة


واللحظة بشوفها معاكي بألف حياة


.............


.............


في ضي عيونك بشوف نفسي أمير عاشق


وأعشق ضحكة تتتوهني أدوب غارق


أغرق جوه بحر عيونك ومارجعش 


وماسلمش....


 وأدوب في عينيكي من تاني


ويرجع قلبي في لحظة يموت فيكي



فاموت تاني..


وارجع أعيش بلمسة وحيدة من ايدك


بحلم حلمته وحلفت اني عمري ما حسيبك


..............


............


في الحلم لما بشوفك بحسك واقفة قدامي


ولما تكوني حقيقة كأنك بطلة في منامي


ولو بتشرق شمسك أستناكي في ساعة الفجر


و ييجي غروبك أخاف من ليلة هجر


وفي الليل أحفّظ للقمر اسمك


ينده عليكي وما ينسي في يوم همسك


ويهمس لك وحشتيني


يوصلها....من قلبي يخاف لاتنسيني


ولو تنسي اموت ...غير حبك ما يحييني


ولو مُت..موتي فيكي حياة


وحياتي ليكي بهديها...وأموت فيكي



4 comments:

zeze said...

الكلام الجميل دايا سهاد تأليفك ولا اغنية ولا ايه باظبط

نهر الحب said...

:)))
اه يا زيزي
انا اللي كاتباه هما اصحابي بيقولوا انها شبه منير
بس هي خاطرة جات علي بالي كدة وخلاص يعني
:))

حنين محمد said...

مساء الغاردينيا سوسو
هو انا لازم اغيب يعني عشان ارجع الاقي الجمال دا بجد بجد حسيتها قريبه من الروح وربنا ابدعتِ دي تنفع تتغى من جمالها ايه رأيك اغنيها ههههه"
؛؛
؛
وحشتيني
لروحك عبق الغاردينيا
كانت هنا
reemaas

rona ali said...

سهاد ليكى وحشه كبيرة اوى اولا

وبيجد الكلام محستوش منير خالص بس حسيته اغنيه جميله كده بسمعها وانا قاعده علي البحر

استمتعت اوى ومتعينا بخواطرك دايما
:)