Saturday, September 01, 2007


ذكريات......كلاكيت تاني مرة
الذكريات المره دي مختلفه جدا فهي ذكريات الطفوله ومش حتكلم عن حاجات اثرت فيه انا شخصيا لأ انا حتكلم عن حاجات اثرت فينا كلنا بلا استثناء
الموضوع اني حاسة اننا كاطفال كنا واخدين حقنا من البرامج او اغاني عن الطفوله غير دلوقتي خالص للأسف الأطفال بيغنوا اغاني الكبار وحفظينها عن ظهر قلب وكمان ممكن بعض الأهالي يسيبوا اولادهم يتفرجوا علي برامج ويسمعوا كلام مش المفروض انهم يشوفوه او يسمعوه
تعالوا كده نرجع لزمان شويتين.... بس انا مش مسئولة عنكم اللي حيقرا ممكن يضحك جدا وممكن يبكي
فاكرين صفاء ابو السعود والأوبريتات الجميلة اللي كانت عملاها,اوبريت اللعبة بتاع نيللي
اغنية ذهب الليل،وأغنية الحروف الأبجدية ,وانا الفرخة,واغاني عفاف راضي وعبد المنعم مدبولي,ماما زمانها جايه
فاكرين فطوطة اظن ده ميتنسيش,بابا ماجد ,وبقلظ ونجوي ابراهيم,عروستي,
ومحدش ينسي الرسوم اللي لسه بنشوفه و نقول حيحصل ايه و نضحك زي ميكي ماوس و دونالد داك وتوم وجيري و باباي
ها..اكيد بتضحكوا كانت ذكريات جميلة و كنا عايشين حياتنا
وعلي رأي الست...وعايزنا نرجع زي زمان قول للزمان أرجع يا زمان


14 comments:

قبل الطوفان said...

جميل أن تحتفظ الذاكرة بعطر الأماكن والأحداث التي مرت بنا وأن تستدعي إلى الذهن مواقف مع شخصيات مختلفة

بعض هذه المواقف لحقت بها.. وبعضها الآخر خاص بمن جاء بعدنا، لكنها في النهاية جزء من أيام عشناها بحلوها ومرها

sherif gharib said...

اخيرا يا بنتى انتى كنتى فين
بصى كل زمن و له العابه و اغانيه و و العابه يعنى ممكن تلاقى الحاجات ديه كلها ممله بالنسبه للاطفال الايام ديه
يعنى ماحدش فيهم لسه بيفكر فى مين اللى خبز و لا حكايات قبل النوم و الكلام اللى احنا اتعودنا عليه دول بقوا فى زمن تانى يعنى هما بداوا من مكان ما احنا انتهينا
بس اكيد ان الحاجات ديه فاضله جوانا و عايشه ذكريات فينا
و هما برده اللى هيجى بعديهم هيرفض اللى هما فيه دلوقتى
و هتفضل الساقيه تدور
و يا عالم هتوصل لغايه فين
تحياتى يا بنت اسكندر

الملاح التائه said...

جميل قوى البوست ده
فكرتينا باحلى أيام العمر
ورجعتينا بكلامك لزمن حلو بجد
كانت فيه الضحكه
مش عارف اوصفها
كانت ملائكية ممكن
صافيه وبريئه
بجد انا باشكرك عالبوست ده
يا أفروديت
وتحياتى لكعبول
وباباي
وكابتن ماجد
وعمو شكشك

القلم السكندري said...

وفاكرين برده

vola vola

الله يرحم



مشكورة يا نهر الحب

وسلامي ليكي و

للاسكندرانية كلهم

~ Bato0ot ~ said...

kanet ayam gamila awy .. fakrteny b ayam gamila sa3at ama bas7a el sob7 badry shwya afta7 qanawat el tv nefsy ala2y wl qanah el rab3a w el tamna tany!!!
badwar 3ala el aghany w el cartoon w keda kanet ayam gamila...

شبــ اون لاين ـــاب said...

احب اقوليك كمان انى عندى 18 سنه ولحد دلوقتى بحب اسمع الاغانى دى .. طفوله متأخره شكلها ههههههههه

شبــ اون لاين ـــاب said...

نهر الحب

احنا بنستأذن اننا ضيفنا مدونتك كلمات عندنا لانها فعلا تستحق الزياره



تحياتى

إبـراهيم ... said...

إنتي فين يا نهر .... كلماتك حلوة ، وأصلاً واحشاني ، أنا لغاية دلوقتي مش مصدق إني سمعت صوتـك ......
.
.
.
.
كل التحايا :)

Ranoosh said...

بصراحة انا مش فاكرة كتير عن طفولتي بس شفت الطفولة دلوقتي ان صح ان نسميها طفولة لانك ممكن تتكلمي مع ولد او بنت عندها 8سنين واصغر من كده بس تسمعي كلام مش عارفة اوصفه وبتحتاجي ذكاء غير عادي عشان تقدري تخاطبيهم وتجادليهم اما الاغاني وبرامج الاطفال فاحنا ممكن نتفرج عليها اما هما يشوفوا سعد والعمدة وافلام الاكشن

Esmat said...

أخيرا يا نهر كتبتى ليه التاخير ده كله يا رب تكونى كويسة
الاطفال دلوقتى غير أطفال زمان البراءة إختفت من حياتهم يتهيىء لى الاطفال بيفهموا أكتر من الكبار علشان كده التربيةللاطفال دلوقتى بقت صعبة هما اللى حيربونا بعد كده
الزمن إختلف ده لو عرفوا أهليهم كانوا بيسمعوا غيه وهما صغيرين حيضحكوا عليهم انا مش متخيلة طفل اليومين دول ممكن يقعد يتفرج على بقلظ مش ممكن صعب
والحديث فى سبب ده ممكن يطول
المهم انك كتبتى ولكى تحياتى ولا تتاخرى تانى فى الكتابة

Mohamed Hesham Safa said...

ارجع يا زمان ...

نهر الحب said...

استاذ ياسر
تعليقك تاج علي راسي
شريف
معلش اعزرني انت لسه مجربتش غيابي تحياتي لكلامك الرقيق

الملاح التائه
انا قعدت كتير عشان افتكر كعبول معرفتش
شكرا ليك
القلم السكندري
اوعي تكون زعلان
بطوط


عندك حق الايام دي وحشاني جدا
شباب اون لاين
اشكرك جدا من غير اذن انت في بيتك

ابراهيم
من غير كلام انا كمان فرحانه

رنوش
اهلا بيكي

محمد هشام ارجع يا زمان

Esmat
اعذريني انا كان حنشغل اكتر بس تنسونيش

Tamer Moghazy said...

باحب الذكريات..
ومن غيرها...
...
......
.......اموت.


قريب ها انشر بوست عن الذكريات كنت كتبته من زماان .

بس سؤال..هو انت مواليد كام..؟؟

نهر الحب said...

تامر
انا مواليد
3/2/1987
وانت؟؟؟؟؟

عايزة اعرف اوي

انا كتبت كتير اوي عن الذكريات وعجبني عندك ذمرياتك صفر

ومستنية البوست عندك بفارغ الصبر
:))