Monday, August 13, 2007

ذكريات
اولا بالنسبة للبوست اللي فات و عيد ميلادي انا فرحانه جدا بيه و كانت امنيتي انكم تكونوا ديما معايا و ييجي اليوم اللي اقدر اشوفكم فيه
ثانيا تخيلوا ان فجأة تلاقوا اسم حد كتير قوي كده و في كل حاجه يعني مثلا تبقي بتتفرج علي التليفزيون و برضه تلاقيه هل من الصدفه ان يكون اسم عمر الشريف في فيلم "في بيتنا رجل "هوه هوه اسم عبد الحليم في "معبودة الجماهير"يكون هوه هوه اسم محمد فؤاد في اسماعيلية رايح جاي!!!!!!!!!ربنا يستر
المهم ندخل في موضوعنا
طول عمري بقول ان كلمة النسيان دي صعبه قوي يعني نفيش حاجة تقدر تخليني انسي موقف معين حصل ليه او اي شخص ده بغض النظر طبعا عن حالة النسيان العاديه اللي بتحصل لاي حد لكن قصدي الاساسي اني مثلا اعرف حد و تفرقنا الظروف و تقولولي يا ستي بكرة تنسي كلنا بننسي و الايام بتعدي......مفتكرش
لو نفرض ان حد عملك موقف وحش جدا وزعلك و مشفتوش بعد كدة هل حتنسي الموقف او الشخص ده؟؟؟بالطبع لأ الحقيقة ان الحياة بتاخدك و بتيقي مركز في حاجه معينة شغلك ومذاكرتك لكن لو قعدت مع نفسك شوية اكيد حتفتكر الموقف ده و حتزعل جدا غصب عنك وده لو كان موقف وحش تخيل بقه لو بتحب حد و عشتوا مع بعض اجمل الايام و كل مكان و كل كلمه و كل اغنية بتفكرك بيه و كل شيء ليه معاك ذكري....هل ممكن تنساه لو اتفرقتوا؟؟؟اسفه اني اقول مش ممكن و اللي يقول كده اما كداب او بيضحك علي نفسه بس مش معني كده انه حيبقي اسير للحب ده بغض النظر عن الظروف اللي حصلت لا طبعا الحياة بتعدي و الحب حيفضل في القلب لكن مثلا لو حصلت خيانه من احد الاطراف الحب حيفضل يقل يقل لحد ما يختفي تماما و لو حصل و افتكرت الشخص ده مش حتفتكر غير جرحه و ده الاصعب لان ساعتها كل الذكريات الجميله اتبدلت كلها بجرج واحد و حتي لو معدش ينزف حيفضل معلم في القلب
عمرها حصلت لحد انه يلاقي دموعه بتنزل و يلاقي نفسه بيفكر في حد غصب عنه و ف كل لحظة و بيلوم نفسه كل ما الشخص ده ييجي علي باله .....!!!!!1
انا اسفة يا جماع انا يظهر بخرف جامد قوي سامحوني انا مش حقري البوست ده بعد ما كتبته عشان متصدمش باللي كتبته
ربما يكون للحديث بقيه!!!1

14 comments:

اسكندراني اوي said...

ايه بس
مش تخاريف ولا حاجه احنا حنعتبرها فضفضات
سكندريه بتفضفض ايه المشكله

احييك
سؤال لماذا توقفت في بسمك نحيا ؟؟؟

sherif gharib said...

بصى يا ستى انا معاكى تماما انه مافيش حاجه اسمها اننا ننسى بنسبه ميه فى الميه خصوصا لوكان اللى هننساه ده اما جرح جامد قوى مر علينا او فرحه خليتنا نغير تفكيرنا
بس اللى بيحصل اننا بنحاول نعدى الازمه اللى حصلت اى كان نوعها لانه ببساطه الحياه لازم تستمر
بس الجرح بيفضل فعلا فى القلب انا بقولك كده لانى فعلا مريت بالتجربه ديهو كانت النتيجه انى وهمت نفسى انى هنسى كل اللى حصل بس كانت النتيجه ان الجرح فضل زى ما هو يمكن اكون عيت مرحله انى عايش الجرح ده من فتره طويله بس اللى بيحصل انه لسه الجرح موجود
و ده بياكد كلامك
ببساطه انتى عندك حق
تحياتى يا نجمه اسكندريه

Esmat said...

تحيات اليكى
اسكندرانى اوى عمل حاجة حلوة انه جمع الاسكندرنية مع بعض كده نعرف نوصل لبعض ونعمل عصابة ونحرر اسكندرية ما علينا احييكى واسمحى لى ان اقولك لو بعد مدة طويلة حسيتى ان احساس الحزن لسه موجود ناحية الشخص ده لانك كنتى قريبة منه قوى يعنى الموضوع مش حتقدرى تنسيه ودايما ولو بعد سنيين كتير جاية حيمر عليكى احساس الحزن ده اه الفترات حتبعد لكن ساعة اما نفسك تطلب شوية نكد اول شىء حتفكرى فيه هوه الشخص ده من الاكيد ان الجرح بيوجع اوى كل ما كان الشخص قريب ودرجة تاثر الناس بتكون اقوى كل ماكانوا حساسين ومن الواضح ان حساسيتك عالية يعنى انسى إنك تنسى حيتكرر معاكى الاحساس بالمرارة كل فترة واخرى مع بعد الفترات وادعو الله الايتكرر لانه بيبقى احساس صعب قوى
اسكندرانية

إبـراهيم ... said...

اسم عمر الشريف في فيلم "في بيتنا رجل "هوه هوه اسم عبد الحليم في "معبودة الجماهير"يكون هوه هوه اسم محمد فؤاد في اسماعيلية رايح جاي ***********

.
بسم الله الرحمن الرحيم: الإجابة : تونـــس !
.
.
إزيك يا نهر ياااا جميـلة ، على فكـرة بفتح إيميلي على طول مفيش حااااااااجــــة :)

نورتيني

إنسان || Human said...

ايوه طبعا عارفه كمان لما تلاقي نفسك بتفكري في الشخص ده 75 في الميه في كل الأوقات
بتكونيش عارفة ازاي تطرديه بره دماغك
بتحاولي تفكري في حاجه تانية ولكن لا مفر
تشغلين نفسك بشئ اخر ولكن لا مفر ايضا
هل تغلغل ذلك الشخص داخلك لتلك الدرجة ...
يااااااه
كم لازمني ذلك الشعور مع اشخاص كثر كانوا قريبين..ولكن صدقيني لن تنسن ابد ا
او
ربما
إذا ذلك تلك النقطة العقل تبتعد تبتعد تبتعد حتى تختفي لأن هناك نقطا اخرى تواريها
ولكن هذا ليس شرطا لأنك في عض الأحيان
عندما تفكرين في لا شئ يقودك ذلك الى الشئ الذي لاتريدينالتفكير فيه
اسف طولت عليكي
لكنه نفس الجرح

بياترتس said...

ازيك يانهر
انا يمكن معلقتش عندك من ايام ما كنت كروان فى ديتو مع توهه حاليا
اتمنى تفتكرينى
بس انا بحاول اقرى بوستاتك كل ما تسمحلى الظروف
بس البوست ده لامسنا كلنا
لان كل الناس بتقولك الكلمه دى
بكره تنسى
والغريبه انهم عارفين ان الكلمه دى مش حقيقيه
بس عارفه يانهر لازم نتناسى عشان نكمل
المهم اننا نكمل
ودايما متقابليش السيئه بالسيئه حتى ولو فى خيالك ومتندميش حتى لو انتى اللى جرحتى .لو قدرتى تصلحى وتتأسفى اعملى كده ومتتردديش

نهر الحب said...

اصدقائي الاعزاءكلكم منورني ردي عليكم هوه البوست تحياتي ليكم كلكم

ابراهيم
الاجابه غلط لتحاول مره اخري
معايا!!11

قبل الطوفان said...

على حافة الذاكرة نمشي

النسيان هو النعمة الوحيدة التي نتمناها حين تلمسنا لعنة الحب.زونرفضها حين تحل علينا بركات الأشواق

لكن الجراح تبقى طويلاً.. ننساها حيناً ثم نتذكرها فجأة

المهم أن نكون قادرين على تجاوز أحزاننا والنظر إلى الأمام، وهذا هو دواؤونا في ليالي الحزن

القلم السكندري said...

مش عارف ليه ببقي سعيد كل ما أكتشف مدونة سكندرية جديدة؟؟

تعصب ده ولا ايه؟؟

ولا يمكن عشان اليود بيجري في دمنا بيعمل تجاذب بين بني الاسكندرية

مش تخاريف ولا حاجة طبعا

بالعكس الانسان الطبيعي السوي مينساش اي حد قضي معاه ولو لحظات جميلة بسهولة

وبالاصح

الأندال بس هما اللي بيقدرو ينسو بكل سهولة

وعموما

عافاك الله من جراحاتك

ولكن النسيان برده اقصد بعد فترة كبيرة

لو جه بيبقي نعمة

ولك موفور التحية

بياترتس said...

هى كويسه يانهر بس هى مشغوله من فتره فى كورسات وتدريب فى شركه وعشان كده مبتدخلش النت كتير
بس ياستى اول ما هاكلمها هأقولها
حاضر
والله يسلمك بالنيابه عنها

أحمد سلامــة said...

دايما بقول ان ممكن الذكرى متنسيش
لكن بردو مش من العقل اني اقول ان الاحساس بيفضل هو هو مع استرداد الذكرى تحت ظروف خاصة
الاحساس دايما وليد لحظتة وصعب انو يتكرر سواء كان مؤلم او لا
لكن في بردو ناس قليلة ونادرة وانا بحسدهم على موهبتهم دي
بيقدرو ينسو الاحساس وذكراه ايضا ولا تساليني كيف
تحياتي

~ Bato0ot ~ said...

ana totally m3aki .. as3ab 7aga ama tetbdel zekryat gamila kolha b gar7 wa7ed w el as3ab lama kol 7aga fe zkrytko 7awaleki tfkrek bel shakhs w b gar7o .. w mahma enshghlty fel 7ayah hatftkreh 7ata law 7abety tany momkn tegy song aw makan yafkroki beh ymkn sa3etha msh htbki lakn el gar7 hy2lmek shwya ,,,,
i hope en my7slkish keda ..

بسمه عبدالباسط said...

من نعمة ربنا علينا النسيان وأكيد الجرح بيوجع جامد بس شوية وهتنسى وهتلاقى اللى ينسيكى الجرح ده
تحياتى لكى

شبــ اون لاين ـــاب said...

نهر الحب

لازم نتقدر ننسى علشان نعرف نعيش


سلام