نهر الحب

عن العشق...والهوى

2012-01-23T12:02:00.005-05:00

كل المشاكل اللي قابلتها ليها علاقة بالحب

يا اما حد مش عارف يحب اللي بيحبه

يا اما مش عارف يخلي اللي بيحبه يحبه

يا اما مش عارف يحب اللي حواليه

يا اما مش عارف يحبب اللي حواليه فيه

يا اما بيحب نفسه بزيادة

يا اما مش عارف يحب نفسه خالص

ديماً ليها علاقة بالحب

"فيلم حُب البنات"

*******************

لما تنام...وتحلم..مش بتبقى عارف ساعتها إنك بتحلم وبتبقي مبسوط أوي بالحلم..أو حتى مش مبسوط...بس بتبقى مش عارف إزاي حيتنهي...ومش بينتهي غير لما تصحى من النوم....فجأة
ساعتها بس حتعرف وتتأكد..إنه كان حلم

وزي ما حلمت بيه غصب عنك ومن غير ما تقصد
قمت منه برضه غصب عنك

........

*******************

....أحياناً الألم بيكون أكبر من إننا نتحمله

بتحس كأن فيه غيامة على قلبك مخلياك مش قادر تحس بأي حاجة

بالفرح...بالحزن...بالخوف...بالحب...بالكُره
...أي إحساس

كأن مشاعرك هاجرت بعيييد وسابت قلبك وحيد وبردان ومش عارف يعمل إيه
!!!!!

*******************

رغم إن فيه معاني كتيرة للوحدة إلا إن مشكلتنا الحقيقية لو نبقى حاسين إن حد معين...واحد بس...هو اللي ممكن يضيع إحساس الوحدة ده
....لما يبقى جمبك...ويسأل عنك
ولو الحد ده بس هو اللي مش موجود حتفضل حاسس إنك وحيد
..................

......لكن مش ديماً احساسنا ده بيكون صح
للأسف
.........

*******************

أحياناً..بنحط قدامنا اختيارين...نندم على حاجة عملناها..واللا نندم عشان معملناش حاجة كنا عاوزين نعملها
!!!....
نفس المعني...ممكن تقامر بلحظة سعادة تعيشها دلوقتي مع إن ثمنها ممكن يبقى لحظات ألم

!!...أو...تخليك عايش حياة عادية من غير سعادة وكمان من غير ألم

للأسف ناس كتير بتفضل الحالة الأولى...حتى لو فعلاً ثمن السعادة دي عُمر من الألم
ممكن يكون ده غلط...لكن المشكلة هنا في قلوب مش بتقدر غير إنها تعمل اللي بتحس بيه....ووجعها وألمها بتتحمله وبتحاول تخففه بالكام لحظة السعادة اللي عاشتها

............

*******************

ممكن

كلمة...تكسرك

وكلمة...تقويك

وكلمة...توجعك

وكلمة...تفرحك

وكلمة...تطيرك في السما

وكلمة...توقعك ع الأرض

وكلمة...تدفيك

وكلمة...تموتك

وكلمة...تحييك

وممكن يحصل لك كل ده..من غير ولا كلمة

عشان ساعات السكوت بيكون ليه معاني كتيرة أوووي ...لو عرفت تفسره

!!!.....لو

*******************

ديماً بيبقى نفسك تعرف هما إزاي الناس شايفينك

أو -أشخاص معينة - مش كل الناس

نفسك تعرف بيفكروا فيك إمتى؟؟

إزاي؟؟؟

لما بيشوفوا إيه؟؟

لما بيسمعوا إيه؟؟

أنا عن نفسي بفرح جدااااً لما حد بيقوللي افتكرتك
...لما شوفت البحر
...القمر

...الورد
عشان بتحبيهم

لما شوفت فيلم لفاتن حمامة

لما سمعت فضل شاكر أو وائل جسار

افتكرتك والدنيا بتمطر وقلت زمانها مبسوطة

افتكرتك بكلمة حلوة لمست قلبي زي كلماتك ما بتلمسني

...حلو أوي إنك تحس إنك على بال حد

لما بنحب حد أوووي بيبقى على بالنا لدرجة إننا بنفتكره في كل وقت وبكل حاجة حتى لو صغيرة

المفروض نقول ديماً للي بنحبهم قد إيه احنا فاكرينهم كل وقت

...بس ده مش ديماً بنقدر نعمله

....وساعات كتير بنبقى شايفين حد وحاسين حاجات كتير والحد ده مش عارف
....بس فيه حاجات مينفعهش تتقال
....عشان المفروض إنها بتتحس

*******************

القلب اللي بيجرحنا فيه حاجة اكيد جارحاه"
"وجراحنا بتفكرنا بالقلب اللي جرحناه

بحس إن على قد ما بنجرح...بنتجرح...بس اللي مش بناخد بالنا منه أبداً...إن ساعات اللي بيجرحنا مش بيكون قصده يجرحنا

لسبب بسيط جداً...هو بس مش بيبقى عارف إننا حنتجرح
عشان مش بيكون عارف أصلاً إننا............بنحبه

لكن اللي يحب مش حيجرح..أبداً..وحتلاقيه بيفضّل ديماً إنه يسكت وميحاولش يقرب لو قُربه ده فيه أي ألم

مشكلتنا اننا مش بنكون شايفين الطرف التاني من الحكاية ومش بنعرف قد إيه ممكن يكون بيتألم ومجروح...وممكن كلمة مننا عنه تزود جرحه....عشان كدة السكوت بيكون أفضل

*******************

كتير بنسأل نفسنا سؤال

!!!....هو الغياب بيخلينا نشتاق أكتر
!!!...واللا نقسى اكتر

!!!...بيخلينا نبعد ومانفكرش
!!!....واللا نفكر وننتظر كل لحظة

...صعب إنك تحس إن حد واحشك أوي
"لكن ما تقدرش تقوله..."وحشتني
....................
...والأصعب
...إنك في الأول بيبقى عندك يقين انه حيجي يوم يقولهالك
!!!.....وانت مش عارف أصلاً هو بيفكر فيك واللا لأ

والأصعب كمان إن في لحظة بيتحول يقينك...لمجرد احساس...والاحساس..لأمنية...والأمنية...لحلم بعييد

وفيه فرق كبير أوووي بين اليقين والاحساس والأمنية
........... والحلم

...............................

وووووووووبس

21/1/2012

وشوشة في القلب

2012-01-16T12:03:00.006-05:00

ليه بشوف في عينيكي غيرتك عليا
بس مش بتقولي؟؟؟
.................
.............
أنا بغير عليك حتى من نسمة الهوا اللي بتعدي عليك قبلي

...بس

....لما بفكر أن كل الناس دووووول حواليك

...ببقي متأكدة

...إن أنا لوحدي اللي مش حواليك
...لكن
...جواك
....فبطمن
.......................
................

...أنا آسف

...ديماً بغيب

...وديماً بتأخر

...وديماً بخذلك

وديماً مبتزعليش مني
وعمرك ما حسستيني إني مقصر معاكي
!!!!

...
...

...عشان كل ما بتغيب

...بتوحشني أوووي
لدرجة إني بنسي كل لحظة بُعد

أول ما أشوفك وأسمع صوتك
...
!!
..............
............

كل سنة وأنتي.....معايا

هو احنا اتقابلنا أول مرة زي النهاردة؟؟

..لأ

!!مش عارف اتقابلنا أول مرة امتي

!!..عارفة ليه

.....عشان
.. كل يوم بحتفل اننا اتقابلنا

...وكل يوم بتبقي معايا

.....وكل يوم
.....

.....بحبِك
:)

.............
................

!!....فاكرة آخر مرة رقصنا فيها سوا

..مسمعتش منك ولا كلمة

...بس

عينيكي قالتلي علي كل حاجة

........

....

....مكنتش سامعة غير وشوشة قلبك لقلبي

....ساعتها بس
عرفت يعني إيه أبقى طايرة في السما

كلماتك كانت زي عصفورة بتاخدني علي جناحتها

... وتخبيني وسط السحاب

....وتدفيني
...............

هو ده كان حلم واللا حقيقة؟؟

..معرفش

...مش مهم

عشان أنت الحلم نفسه بكل تفاصيله
مبقتش تفرق معايا
....
طيب خلينا جوه الحلم
:)

...................
....................

....اشتياق

2012-01-13T05:09:00.001-05:00

....في الحلم

...كنت تايهة
....وفي لحظة
لمست القمر
ولمسته فضلت معلمة في إيدي
.....

...ولما صحيت

لقيتني لسه ماسكة في حلمي

...أووووي

....لكن

....طلع

سراب

.....

....ف

وقعت

...

وانكسرت

....

!!!
مكنش أعرف إن الحلم ساعات
بيكون مؤلم
مؤلم لدرجة البكاء
........
........
المطر لما بينزل على خدي
...بيعلم في قلبي
..ولما بتمطر فجأة
دموعي بتنزل زي الشتا
..من غير ما أحس
....
..الشتا بيوحشني لما بيغيب
...ولما بيجي
..بيوجعني البرد
...لكن
برضه بشتاق له

.....
..مكنتش أعرف كمان
..إن الشتا مؤلم
..زي الاشتياق
.....
...مؤلم
..لدرجة البكاء
....
..وإن لحظات اشتياقي
بعدد كل نقط المطر
.....

13/1/2012

شتيّ ياسمين

2012-01-09T13:14:00.004-05:00

....الآن
....لحظات
....تحت المطر
...
... إنها تمطر
...لكنه ليس مطراً عادياً
استجاب لي الله
...ورأيتها
...أخيراً
تمطر ياسميناً
......
نعم...هو ياسمين بحق
.....لم أتاكد إلا عندما وجدت رائحته حولي
... الحب
حُبك....الياسميني الرائحة

وقلبك الأبيض بلون الياسمين أيضاً
.........................
..............
... عندما تمطر ياسمين
تتشكل قطرات المطر لتصنع وجهك
فأغرق فيها...وفي ملامحك
...تتجمع قطرات أخرى في يدي
فأشعر خطوط كفك تدفئني
....
أعرف أنك و هذه القطرات ستذوب وتتبخر مع أول ظهور للشمس
...
أجري تحت المطر وأدعو كثيراً ان تغيب الشمس
لتبقى......أنت
.....
أرى نورها من بعيد فأخاف وأختبيء منها
والجميع يختبئون من المطر
.....
....ترحل
...تغيب
....ولكن
تبقى رائحة ياسمينك
...حولي
...تملأني
....ألاحقها كي لا تهرب من روحي
...وأجمعها في رئتي لأتنفسك كل يوم
وأدعو...كل لحظة
أن تمطر ياسمين
..فتأتيني
وتبقى
.....

9/1/2012

كيف نلتقي؟؟؟؟

2012-01-06T10:12:00.001-05:00

...أجلس كل يوم لأتساءل
....بكل بساطة
كيف نلتقي؟؟؟
...........
...وإذا كانت الشمس تشرق نهاراً
....والقمر لا يأتي إلا ليلاً
فأنا وأنت مثل شمس وقمر تائهين
يتساءلان كل يوم عن موعد اللقاء
.....
كأن يترك القمر رسالة مع السحاب

ليعطيها للشمس...فتمطر السماء حزنأً لاستحالة اللقاء
.....
وهل لقاءنا حقاً مستحيلاً؟؟
........
أم خُلقنا في زمانين متعاكسين فعلينا أن نبحث عن زمن آخر؟؟
....فربما نلتقي في هذا الزمن الضائع لنكون فيه وحدنا
....
...أبحث عنك في أوراقي
....بين أسطر كلماتي
....وداخل حروفي
...فأجد طيفك يملؤها دون وجودك
فأظل أكتب..... وأكتب
.....لينفد حبري
تتمسك بك ذاكرتي كي لا ترحل
فتشغلني دنيا زائفة حولي
فيلحق بك قلبي ويضعك في حجرته الصغيرة
....فلا يراه أحد
............
!!!!....لن نلتقي
....نعم
لن نلتقي.....لقاءاًُ عادياً
....سينتظر معنا القدر ليهيئ لنا لقاءنا
....أو
.....ربما نلتقي
لقاء في خيال كاتب ...يكتب أروع قصص الحب
......
لقاء في أغنية أحببناها سوياً فبكينا
فالتقت معها قطرات دموعنا
......
لقاء في خيال عاشق....عاش أروع لحظات الحب
ودعا بكل قطرة حب في دمه
أن يجد كل حبيب حبيبه التائه عنه
....
فربما التقينا في الخيال
قبل ان نلتقي في الواقع

27/12/2011

شخبطة

2012-01-04T11:06:00.001-05:00

اكتشفت ان صفحات أجندتي الصغيرة اتملت
..معظمها بقى مليان كلام
....شخبطة
....أحاسيس كتيرة
.. حبر بس على الورق
....ودلوقتي
عايزة أقفل الأجندة
وأحطها على جمب
...خايفة تكون اتملت ع الفاضي
..خايفة أكون ضيعت بياض صفحاتها بسواد حبري
.....
..بس نفسي أدور على صفحة في أجندتي لسه فاضية
.. ممكن أقول فيها حاجة
عايزة أديها وأدي نفسي فرصة
ان لسه ليها في قلبي مكان
....
...بس مش لازم
...ممكن في آخر صفحة فيها أحط
نقطة
.
..مجرد نقطة
..بس مش حقول من اول السطر
عشان مش حبدأ تاني في أي حاجة
..............
في حاجات حواليا ببقى عاوزة اعمل كدة معاها فعلاً
أني بس أقفل الباب وأقول بيني وبين نفسي
.....خلاص
!!!...النهاية
..أصلي انا كمان مابحبش النهايات المفتوحة
..بحب النهاية تبقى نهاية بجد
!!...بس هو فيه حكايات ملهاش نهاية
بنستني القدر ينهيها زي ما مكتوب
..بس بيبقى بايدينا حاجات نعملها
...نحط حاجز
...نغمض عيوننا
...أو
...نحط قلبنا جوه صندوق
... ونسيبه في ركن بعيييد
...يستخبى جوانا
...من البرد
ومحدش يشوفه او يوصل له
.....
عشان لو حد وصل له...حيبقى متأخر
متأخر أوووي

4/1/2012

!!!!....يوم عادي.....ولكن

2012-01-01T13:55:00.004-05:00

النهاردة ...بالذات....حبيت إني أكتب.... مش عن حاجة معينة....عن حاجات كتير حصلت في يوم واحد
..يمكن ركزت فيها عشان عايزة أركز
...يمكن عشان أول يوم في سنة جديدة
يمكن عشان بس يتسجل هنا تاريخ
1/1/2012
...اني كتبت فيه حاجة
....واني بدأت السنة بتفاؤل مش بحزن
ويمكن عشان نفسي أفرح ولو بحاجات صغيرة أوي
......
الغريب اني كنت عارفة اني مش حقدر أبداً أسهر للساعة 12
وافتكر ان آخر رأس سنة حضرت فيها الساعة 12
كان وانا في رابعة كلية لما كنت بسهر شوية عشان أذاكر للامتحانات
غير كدة ولا أعرف شكل الساعة وهي 12
دي إيه أبداً حتى لو صاحية وانا ع السرير بتبقى الدنيا ضلمة ومش ببقي سامعة غير تكات الساعة
أيام ما كنت بذاكر كنت بحب أوي كل يوم لما الساعة تيجي
11:59
كنت أفضل باصة للساعة عشان أشوفها وكل حاجة فيها بتتغير الثواني والدقايق والساعات واليوم..كل ده في لحظة واحدة
معرفش ليه كنت بحب الاحساس ده واحساس انه يوم جديد بدأ
....
امبارح سهرت للساعة 12 من غير قصد ...
معلش الساعة 12 دي عندي هو السهر :)
المشكلة اني كنت بتفرج علي فيلم
Avatar
وكنت معتقدة انه حيخلص بدري لكنه طول لحد 12 فعلاُ وقاومت النوم لأنه بجد كان عاجبني جداااااً
وجات 12
كان نفسي أبعت رسايل لناس كتير
بس مابعتش غير لواحدة صحبتي بحبها أوي
ختمت السنة زي ما قلت بركعتين دعيت فيهم لكل اللي بحبهم
...والصبح برضه
أول حاجة شوفتها كانت رسالة رد صحبتي خلتني ابتسمت
وفتحت النت ع الموبيل ولقيت رسالتين كمان علي الفيس بوك
منهم رسالة بتطمني على ريماس انها بقت احسن شوية والحمد لله
......
.....

كل ده والساعة كانت 7 صباحاً
رحت المستشفي وانا نفسي مفتوحة للدنيا
الدنيا كانت برد أوي...ولقيت قطة صديقتنا مسمينها "كراميلا" قعدت تعاكسني وكانت عايزة تدلّع شوية...قلت وماله...سنة جديدة برضه....وقعدت اطبطب عليها كدة وكانت مبسوطة...:))وخلتني انا كمان مبسوطة
فتحت الراديو شوية صغيرين كان نفسي افضل فاتحاه بس انشغلت بعد كدة ونسيت
ع الساعة 10 لقيت الدنيا بتمطر مطر خفيف أوي والشمس طالعة....بصيت للسما وفرحت...أووووي
قبل ما نروح بشوية عرفت خبر خلى عنيا دمعت...ان صحبتي من أيام المدرسة قامت بالسلامة الحمد لله وجابت
"عمر"
مع اننا كنا مسميينه محسن .....بس ما علينا
:DDD
.....
الدنيا شتت تاني قبل ما انزل واكمل باقي اليوم في الصيدلية....وأنا لوحدي
.... وجوايا احساس غريب
حصلت حاجات حلوة ومميزة النهاردة
.... وانا مش حبطل أفكر
واحتار...كالعادة
يا ترى بكرة مخبي لنا إيه؟؟؟؟
...يا رب
....
.....
..أنا سقعانة أوي

1/1/2012

عام الأمنيات

2011-12-30T08:38:00.002-05:00

خلاص ناقص يوم واحد والسنة تخلص
معظم الناس شايفين سنة 2011 سيئة أوي وكانوا عاوزينها تخلص بسرعة
...انا مش حدقق معاها
..... ولا حعاتبها
....ولا حقولها ايه حصل وايه محصلش
حقول انها عدت وخلاص
....
حقولها مع السلامة
عشان مابعرفش أكره
:)
...... بس عارفين
...... كانت فيها حاجة حلوة
..... كانت فيها
..... أنتوا
حواليا
كتبت في المدونة أكتر من أي سنة
وعرفت ناس فرقوا معايا....أوي
:))
......
.....والسنة الجاية
.... إن شاء الله

....عندي أمنيات كتيييير بعدد نقط المطر
.... وعندي أمنية واحدة
..... بوسع البحر

ويمكن تكون ببعد السما
........

حشيل أمنياتي كلها جوا قلبي
لحد ما ربنا يأذن انها تتحقق
:)
,,,,,,,,,,,,,
كان فيه حاجة حلوة بنحب نعملها انا واصحابي كل سنة
اننا نختم السنة قبل الساعة 12 علي طول بركعتين لله
...ونبدأ السنة الجديدة برضه بركعتين
.....
ووووبس

كل عام وانتوا بكل الخيروالسعادة

30/12/2011

ليل....برد....مطر.....و...وحدة

2011-12-26T12:10:00.013-05:00

....الليل...اكتر وقت بحبه
...يمكن اكون بستناه من أول اليوم
...فيه هدوء وسكينة
وحدة...حقيقية....أووي
...ضلمة بستخبى فيها من الناس
وكتير بستخبى من ....نفسي
....متستغربوش إني بحبه وهو مؤلم كدة
بس أحياناً بنحب حاجات من كتر ما هي بتحبنا وألمها هو اللي بيونسنا في عز وحدتنا
......
كل اللي يعرفوني يعرفوا إني مش بسهر...لكن بقت كل حاجة في حياتي ليها شكل قدام الناس ...وليها شكل تاني جوايا
......للأسف مش حاجة بإرادتي ولا إني أخبى حقيقة عن نفسي
لأ... دي حاجة غصب عني بقت بتخلي اللي جوايا أوي مبيظهرش
وبيفضل بردان جوايا...ده شيء صعب أحياناً...لكن ...بيحصل
...
...
........نرجع تاني
....كنت بتكلم عن الليل
كثير اتمنيت يبقى عندي كرسي هزاز في بلكونة كبيرة...أقعد فيها في عز البرد...وعز الليل
أفكر وأنا لوحدي...أمسك في إيدي كوباية كاكاو باللبن عشان اتدفي
وأشغل فيروز...وأغمض عيني
منكرش إني عملت الحكاية دي كذا مرة بس مش بنفس الوصف كدة
لأن عمري ما كنت لوحدي.... "شكلاً" برضه
...
!!!!....للدرجة دي بقيت بتمنى الوحدة وبحبها
....أيوة
صدقوني وحدة الانسان في احساسه أصعب بكتير من وحدته لو مافيش أشخاص حواليه
والوحدة من كل النواحي أفضل ما تبقى وحدة شكلية قدام الدنيا كل الناس حواليك ومن جواك لوحدك
................
مع إني بحب الشتا اووي أوووي
....إلا اني الفترة اللي فاتت دي لما كنت بحس البرد..مكنتش قادرة احس بالدفا مهما عملت
......ساعتها.....عرفت يعني إيه حد يبقى وحيد بجد...ومافيش حتى كلمة تدفيه
..
بحب كمان أشوف نقط المطر وهى نازلة على الإزاز....بشوفها قد إيه رقيقة...كأنها خايفة تقع على الأرض وبتحاول تمسك في أي
....حاجة في سكتها
....بتفكرني بيا
لما حاجة تنزلني من سمايا غصب عني واقعد أخبط أخبط... لحد ما أقع
.......

ووووووبس

بالمناسبة بحب الأغنية دي أووي
ليه القمر غالي عليا...يمكن عشان في نوره وبعده فيه حاجة منك
ليه الشتا في قلبي حزين...يمكن عشان برد وقساوته فيه حاجة منك
ليه السحاب بعشق بياضه....يمكن عشان زي قلبي في قربي منك
ليه المطر بيصعب عليا..يمكن عشان زي دمعي في بعدي عنك
ليه لما تبعد عن عنيا بخاف عليك.... وبخاف عليه برده منك
....ليه لما بشوف في السما نجوم كتيرمنها بغير...يمكن عشان
قد السما...وقد النجوم......بـــحــــــبـــــك

قد الحروف ..أصالة

انا بجد كويسة واحسن من الفترة اللي فاتت الحمد لله بس ده مجرد كلام حاساه قلت أقوله هنا برضه
شكراً لكل اللي سأل عليا واهتم يقوللي ولو كلمة تخفف عني
:))

وجع

2011-12-21T13:46:00.001-05:00

فيه أوجاع بنحس بيها وبنقدر لما نحسها نقول
"آآآآآآه"
.......
الأوجاع دي ليها علاج وسهل أوي تروح مع أول حباية مسكن
......لكن
....فيه أوجاع تانية
بتبقى في القلب
من جواه أووووي
ومبنقدرش معاها نقول كلمة
"آآآآه"
......أبدااااً
ولا بنقدر نلوم ولا نعاتب
......وكمان
مبيبقاش ليها علاج
!!!!
.........

مجرد كلام

2011-12-19T12:49:00.006-05:00

أنا مش عارفة داخلة عشان اكتب إيه...حبيت اسيب ايدي تتكلم بما اني صوتي مبقاش قادر يطلع ولا قادرة اتكلم مع اي حد قلت يمكن اعرف اكتب وعارفة ان كلامي هنا ميهمش اي حد ومافيش فايدة اني اخلي حد يقرأ حاجة تضايقه ولا تنكد عليه
بس صدقوني
واعزروني
انا فعلاً ملقتش مكان اتكلم فيه غير هنا
.............
انا صح؟؟؟
!!!!!.....معرفش
غلط؟؟؟؟
برضه معرفش
عاقلة؟؟؟؟
معرفش
مجنونة؟؟؟
احتماااال
بس اللي انا عارفاه اني مبقتش فاهمة حاجة من الدنيا حواليا خااااالص
ومش عارفة عشان هي دنيا عاملة كدة واللا عشان انا كدة فهي كدة معايا
!!!!!!!!!
طبعاً محدش فاهم حاجة
بس برضه معلش خلوني اتكلم كدة وخلاص اللي وصل لهنا ومستفادش حاجة انصحه يطلع وميحيش المدونة هنا تاني
................
المشكلة كلها اللي انا عارفاها ومتاكدة منها اني مش عارفة اتغير ولا امشي اموري ولا اكبر دماغي ولا مزعلش ولا ماحبش بقلبي اوي
عمركوا شوفتوا حد غلط عشان بيحب اللي حواليه بقلبه وبكل احساسه وبيزعل لما الناس تعامله كأنه ولا حاجة...ده يمكن الولا حاجة دي بتبقي كمان ليها قيمة عند الناس لكن هو لا
وبعدين نفضل نقول ماهو مش كل الناس
واللي مش كل الناس في لحظة بيبقوا كل الناس
والناس مش اي ناس
لا
ناس قريبين اووووي وعارفين ايه اللي بيزعلك وايه اللي بيجرحك وبرضه بيعملوه
أصعب احساس في الدنيا ان حد تبقي معتقد انه قريب منك ومش محتاج منه غير انه يكون جمبك وانت محتاجه حتى لو متكلمتوش لكن تلاقي تصرف معاكس تماما وبعد وجفاء من غير سبب اللي يضايق اكتر ان الانسان ده يعاملك بطريقة هو نفسه بيكره يتعامل بيها

المهم في كل ده

انك تطلع في الاخر غلطان

من كل النواحي

غلطان انك بتحب

وغلطان انك بتحس

وغلطان انك بتقول الحق

وغلطان انك بتتنرفز

وغلطان انك مش بتسكت وتعدي

طيب لما ابقي كدة

اتغير ازاااااااااااااااااي

الناس عايزيني اتغير

عشان انا غلط طبعاااااااااااا

وانا مش شايفة كدة

انا شايفة اني اللي يعرفني يعرفني زي ما انا

بجنوني

بعقلي

بحنيتي

بقسوتي

يحبني عشان بقول الحق ولو على رقبتي

ويحبني من غير سبب

يحبني عشان الأصحاب بجد بيعملوا كدة

ولو مش كدة يبقي برضه انا حكون غلط

عشان ببقي موهومة بعلاقاتي كلها مع الناس ومش قادرة احدد

مين يستحق اني احبه بجد ومين لا

نفسي في اخر كل الكلام ده ارجع بعد يومين اقول انا ازاي قلته والدنيا رجعت تاني حلوة وانا كنت مكبرة المواضيع بجد نفسي اقول اني قلت الكلام ده كله في لحظة يأس مكنتش اقصدها

.....لكن

.......للأسف

انا حاسة ان حاجات كتير اتكسرت

...مش بيني وبين ناس كتير

!!!....لا

حاجات جوايا اتكسرت ومش حعرف أرجعها زي الأول

...بجد انا اسفة

اسفة علي الازعاج زي ما قلتلكم المرة اللي فاتت

اسفة عشان الوحدة احيانا بتبقي افضل من اي صديق

اسفة لأي حد ضايقته أو زعلته بسبب كلامي ده واعرفوا انه غصب عني كان لازم اطلع اللي جوايا
لأني بجد كنت وصلت لمرحلة اني مبتكلمش مع حد

آسفة....آسفة على الإزعاج

2011-12-14T10:37:00.003-05:00

أنا مش عارف انتوا شايفيني عاقل
واللا شايفيني مجنون؟؟؟؟؟؟

لا تغرُب

2011-12-10T13:38:00.007-05:00

.... أنت شمس بعيدة
.... لا أجرؤ على لمسك
.... حتى لا أحترق
....
....ولكن
...إن غربت شمسك عني
...
.....أرجوك
......
.....لا تغرُب
...
أريد أن أرى نورك على كل الكون
....مبهج
....سعيد
تملأ وجهك الابتسامة
....فأنتفس
وأدفأ بابتسامتك للكون
حتى لو من بعيد
....
....وإن كنت قطرة مطر لن تلتقى بشمسك أبداً

....فأنا قطرة مطر أقصى حلم لها
....أن تنظر إليها
....فتتبخر

.... وتصعد روحاً في سمائك
.. وتظل حولك دون أن تشعر

بحب الشتا

2011-12-05T13:41:00.003-05:00

.....الشتا
....المطر
.....البرد
.....الدفا
....الحب

أحلي حاجة في حياتي
...........أنت
....كل حياتي

.....حتى وأنت لسه بعيد عنها

بستناك زي ما بستني الشتا كل سنة
....

**************************
....من غيرك

....ببقى عاملة زي نقطة مطرة

.....وحيدة
.....بردانة
....بعيييييدة أوي عن الشمس
...ومحتاجة للدفا

**************************
...مفيش معنى للشتا من غير المطر
....ومفيش معنى للدفا من غيرالبرد
.....ومفيش معني ليا

...أنا

.....لو مفيش

.....أنت
**************************
نفسي أجيبلك ورود كتييييرأووووي أوووووي
...بس لسه
....للأسف

مش عارفة عنوان قلبك
**************************

عارف بحب الشتا أوي كدة ليه؟؟؟؟
!!!....عشان شبهك

حبيتك..تنسيت النوم

2011-11-30T15:33:00.003-05:00

ماذا تفعل بي اللحظات عندما لا أشتاقك؟؟؟

أحتار كثيراً

...كيف لا أشتاقك

وقلبي...يشتاقك

عقلي...يشتاقك

كل شيء في ملامحي...يشتاقك

لكن روحك....تكون معي
فيبحر بي الحنين بعيداً في سنوات غياب وانتظار

هل تعلم كيف هي لحظات ...سنوات...الانتظار؟؟!!

في المساء....

يغطيني الليل لأنام

لا اعرف أتذكرني حينها أم لا...!!

أفكر بك فأبتسم وتظل صورتك عالقة يعيني
فأنام...
.
.
.تهمس لي أنك تفكر بي الآن ولا تجدني

أحلم بك....
ثم توقظني يدك
ولا أجد شيء

أكون على يقين أنك كنت معي

ولا أعرف..!!
.
.

تلاعبني الساعة لعبة الروليت الشهيرة
مع كل تكة تعلن مرور ساعة من الزمن وأنا ما زلت وحدي

تصيب قلبي رصاصات الحنين الفارغة فيسقط في ليالي السهاد اللا منتهية
....

يأتيني صوتها من بعيد...
جارة القمر تغنيني

"حبيتك تنسيت النوم ويا خوفي تنساني..

حابسني برّات النوم وتاركني سهرانة..

أنا حبيتك حبيتك.."

باشتقلك لاباقدر شوفك ولاباقدر أحكي..

باندهلك خلف الطرقات وخلف الشبابيك..

بجرّب أنّي أنسى بتسرق النسيان..

وبافتكر لاقيتك رجعلي اللي كان..

وتضيع مني كل مالاقيتك..

أنا حبيتك حبيتك.."

.....

أبدأ يومي...
ككل يوم...

...أفكر بك

كيف أجعلك تبتسم؟!!

في لحظة تيقنت ماذا علي أن أفعل

عندما همس لي الورد...أنك تحبه

أحضر كثيراً من الورود أرسلها إلى قلبك الذي لا أعرف عنوانه بعد

أتخيلك مبتسماً عندما يصلك وتقرأ حروفي المهداه إليك

أضع عطرك كي أتنفس لحظات معك أفتقدها قبل أن ألقاك
....وأهدأ....و أنتظر

ردأ على رسائلي التائهة

ووروداً تهديها إلىّ قبل أن تذبل
.
.

..ياخوفي أبقى حبّك بالأيام اللي جاية"

وأتهرّب من نسيانك ما أتطلع بمراية..

حبسي أنت أنت حبسي وحريتي أنت..

وأنت اللي بكرهو واللي بحبو أنت..
ياريت ما سهرت وحبيتك..."

عندما يلمس البحر السماء

2011-11-19T14:45:00.008-05:00

مش كل حلم نشوفه سهل هنبقى حققناه
ده ساعات بيبقى السهل صعب....لما نتمناه
والدنيا عمر ما حد جالها وعاشها من غير آآه
...............

...أنفاسي بتروح واحدة واحدة

...لقطات حياتي بتمر قدامي

....أحلامي كأنها طيف ملحقتش أشوفه

...نفس الاحساس

...إني بغرق

...بغرق....وللأسف

الإيد الوحيدة اللي حاسة انها ممكن تنقذني

شايفها بعيييييدة أووووي

....في نقطة

....نقطة بيلمس فيها البحر السما

كل ما احاول أقرب عشان أمسك الإيد دي وتساعدني....الاقيها بتبعد أكتر

...لحد في لحظة

اتاكدت فيها انها نقطة...أنا بس اللي شايفاها

لما البحر قاللي كدة

....وأنت الوحيد اللي بصدقك يا بحر

...ومبقاش فيه حل غير إني أحاول أمسك أي إيد تحاول تساعدني

...وأعرف ان البحر عمره ما حيلمس السما

وأعيش وأنا مش مؤمنة بحياة حعيشها لمجرد إني أعيش

......

.........أو

...أستسلم

.....وأغرق

...وساعتها حبقي مُت
....لكن
.
.
.
....وأنا مؤمنة بحلم

كل حاجة بتحاول تقوللي انه مش حيتحقق

************
اليوم تجمعنا الليالي

بعدما..مات الحنين

وتوارت الاحلام خوفاً
بين أحزان السنين

وقضيت كل العمر أسأل عنكِ

طيف العاشقين

وجعلت حبك نجمة

تهدي ظلام الحائرين

ونسجت من أيامي الحيرى رداء البائسين

ونسيت أن العمر قد يمضي

ولا نجد السنين..

وبأن أحلام الليالي

بالأسى قد تستكين

ورجعت يا دنياي.. وا أسفي..

لقد مات الحنين

"ومات الحنين"

فاروق جويدة

19/11/2011

تأمُل

2011-11-15T10:29:00.003-05:00

الصور من تصويري وصديقتي هبة

عذراً...حملة التدوين

2011-11-13T13:25:00.001-05:00

المفروض النهاردة اليوم التالت لحملة التدوين والمفروض اكتب حاجة جديدة..
المشكلة اني كتبت...
وعندي افكار كمان كتير...
يعني بعتبر نفسي في فترة ازدهار الكتابة حالياً..
لكن...
بعتذر...
مش حنشر حاجة النهاردة....
ولا بكرة...
حنشر امتي تاني..
معرفش...
انا في الأول كنت متحمسة وعاجبني الموضوع مع اني كنت عارفة اني مش حقدر انشر حاجة كل يوم بسبب ظروف شغلي واني مش حعرف ادخل علي النت كل يوم..
بس مش ده السبب..
السبب إني حسيت اني بنشر بسرعة...
والناس بتقرأ بسرعة..
وبتعلق بسرعة..
فيه ناس بتقرأ بجد عشان مهتمة تقرأ..
وبتعلق عشان برضه عايزة تقول رأيها بجد...
وفيه ناس لأ...
انا محبتش ده أوي..
زي حد بيجري في مكان جميل ومش قادر يبص على أي منظر ويركز في تفاصيله الحلوة...من كتر المناظر الحلوة..ومن كتر ماهو بيجري ومش واخد باله أوي
أنا كدة......
حسيت إني بجري بجري...
وإني عايزة أقف وأركز في اللي حواليا..
انا معاكوا....
بس...

حنشر وقت ما انا حابة انشر اللي كتبته...
عشان عايزة ادي الناس فرصة تقرأ بجد...
وتعلق بجد....
وأدي نفسي فرصة أنا كمان..أقرأ بجد..وأعلق بجد

احلى حاجة بجد استفدتها من حملة التدوين دي اني عرفت مدونات جديدة وفرحانة انهم وصلولي برضه
...
اوعدكم..
حقرأ على قد ما أقدر..
وحكتب على قد ما أقدر...اللي جوايا...
لكن...
حنشر في الوقت اللي انا شايفاه مناسب
:))
اتمني محدش يزعل من وجهة نظري

لمسة....تعني الخلود

2011-11-12T11:24:00.000-05:00

الدنيا مزدحمة......الناس حولي في كل مكان....الأعين كثيرة ....
أحاول ان أبحث عنك ...فلا أجدك...
أعرف أنني وحدي....
أشتاق لمسة يد لن تحدث.....وصدفة لن تجمعنا

لكني يملأني يقين ان روحك حولي.....
أستطيع شم عطرك وملامسة أنفاسك...

أتذكر ذلك الفيلم الذي أحبه وكنا نشاهده سوياً
"city of angels"
"مدينة الملائكة "
هو ....كان يفضل لمسة من يديها عن الخلود بدونها....
مثلك....
أما أنا....فأتمنى الخلود...
- فقط –

أمام عينيك...
...

أعود حجرتي يائسة ...
أفتح رسائلك....فتؤنسني كلماتك......أختبيء بينها وأهدأ قليلاً

أقف في الشرفة فأجده....
القمر.....
يحدثني أنك تراه معي...يطمئنني عليك....يهمس لي أني سأراك الليلة وكل ليلة....
أبتسم ابتسامة حزينة.....
تغطيني آلامي.....وأذهب في نوم عميق.....
تأتيني في المنام...نتحدث.....نضحك.....
آخذ جرعة زائدة من الحب....والسعادة.......
أستيقظ من نومي مطمئنة أن بعدنا لن يحدث.....
ولن تفرقنا المسافات.....

....

.....

أنا دونك...اخاف أن أشعر.....
أخاف أن أفكر أني أشتاقك...
وأني وحدي أبكي وأتألم.....
وأحتاجك.....
أخاف من عيون تتبعني تحاول أن تجعلني أنساك....
وأخاف أن تنساني ليلة ما ولا يأتي قلبك لزيارتي مثلما فعل قلبي
ولكنه بقي دافئاً عندك ولم يعد لي منذ رحيلك

....

...

سأغمض عيني وأنتظر....
لقاء يجمعنا عن قرب...
حقيقة وليس حلماً.....
حينها سأصبح مثلك....
أفضل لمسة واحدة منك....
عن الخلود بدونك.....

"i would rather have had one breath from her hair,
one kiss from her mouth,
one touch of her hand,
than eternity without it"
12/8/2011

النص كُتب لإحدى صديقاتي طلباً منها بعد سفر خطيبها :D

الدنيا ممكن تبقي حر.....وبرد

2011-11-11T06:28:00.009-05:00

....فاكرة جداً اليوم ده "1/1/2011 " بصيت للأرقام دي أوي
...حسيت انه واحد "1" ...وحيد
و واحد تاني "1" ......وحيد زيه
...بينهم مسافة ....وشرطة....حدود مفرقة بينهم
....ولما قربوا من بعض....أوي
" بعد نقطة واحدة بقوا اتنين.."2
...... في كيان واحد

********

...النهاردة
11/11/2011
.....حاساهم ناس كتير
....زحمة
....بس برضه لسه كل واحد لوحده وحاسس بوحدة ميحسهاش التاني

********

......أنا من غيرك.... بحس إني صفر لسه ملقاش نفسه
.....تايه على شمالك...لا انت شايفه...ولا هو له قيمة

يا ترى انت من غيري تايه كده ولسه بتدور عليا؟؟؟

********

....جمال البرد اني ببقى محتاجة الدفا

....انا ديماً سقعانة...عشان ديماً محتاجالك

********

كتير أوي بتمنى اكون نقطة مطر تنزل على خدك وبعدين تقع تدفي في كفك

وعارفة انك حتفضل محافظ عليها
فأرجوك....متسيبنيش أنزل من السما وأقع ع الأرض

********

!!...لو تُهت

!!...عن نفسي

!!....عن روحي

!!...لو صحيت من حلمي

يا ترى حعرف أرجع؟؟؟؟

********

ياحبيبتي ليه مستغربة لما بقول إني حزين جداً....سعيد

...........

...والبحر رايق بس متعكر

.... والدنيا ممكن تبقى حر وبرد

......والدم لونة زي لون الورد

......وحلمنا قريب اوي اوي
وبعيييييد...

.........

...ممكن فى عز الليل تشوف قلوبنا صباح

....وفى حزننا نستطعم التفاح

....م الملح ممكن يتعمل ارواح

....وساعات نغنى غنوه فى الأحزان

.....ونغنى نفس الغنوه برضوا فى الأفراح
ما الدمع ديما وقت الفرح فى العيون بيفيض

11/11/2011

هديتي إليك

2011-11-02T13:31:00.000-04:00

.....في عيد الحب

رأيتك في حلمي تهديني وردة.....

ولكن........

الآن.....

أعرف أن وجودك....,

صوتك...,

كلماتك...,

وأنت.....

سوف تغنيني عن كل ورود الدنيا

..........................
أما أنا.....

رأيتني أهديك روحي تدفئها بداخلك

وقلبي تحتفظ به كوردة بين طيات قلبك....فلا يموت أبداً

حُبك هو وردتي الخالدة التي ستملأ حياتي عطراً
كلما يمر عليه عام يزيدني سعادة
فعدني أن نروي حبنا حتى آخر العمر

ليه حزينة؟؟؟

2011-10-26T14:10:00.003-04:00

كتير بحس ان حياتي عاملة زي واحد بيجري في سباق..
عمال يجري يجري....
وكل ما يحس انه قرب لخط النهاية يقولوله لسه في لفة كمان...
يفضل يجري ونفسه عمال يضعف ويضيع وبرضه مش عاوز يقف

وفي الاخر يكتشف انه لوحده في السباق مافيش حد معاه...
كأنه بيسابق نفسه ومش واخد باله..

*****

بحس كمان كأني ديماً حاطة سماعات في وداني وحواليا ناس كتير بيتكلموا والموسيقي اللي شغالة مش مخلياني اسمع اي حاجة حواليا...
كأن مفيش حد أصلاً حواليا...
وفي نفس الوقت انا مش ببقى سامعة حاجة من الموسيقي ....!!!

مش عارفة المشكلة فيا واللا في الناس واللا في المشاكل اللي مش بتخلص ؟؟!!

****

لما بكون حزينة بعمل حاجات كتير ...ساعات بكون مش واخدة بالي أصلاً إني بعملها ومش مركزة فيها...

بمشي ع البحر أو أقف أبص للموج وهو بيخبط في الصخر....
بحس ان الحكاية دي بتريحني وبتقول اللي جوايا

بفضل ماشية وانا مروحة البيت ببقي مش عايزة أوصل...
وكتير باخد أطول طريق عشان أمشي أكتر...
وعشان كمان أروح تعبانة وأنام من التعب ومفكرش ...

بحب أشرب حاجة بحبها...
زي الكوكتيل اللي عند بتاع العصير صديقي...

بحب أسمع أغنية فيروز..قديش كان فيه ناس..
بحسها بتوصفني...بتخليني حزينة اكتر بس بحب أسمعها أوي وانا حزينة

بمسك الموبايل وأسأل على أصحابي اللي مسألتش عنهم بقالي زمان ...
أقول مجرد كلمتين اعرف اخبارهم واقفل وخلاص

ساعات بحاول اعمل أي حاجة تبسط حد بحبه حتى لو اضطريت اضحك واهزر عشان اللي حواليا يكونوا مبسوطين واحاول افرح معاهم

*******
في الحالة الحزينة دي بحس ان الدنيا واقفة جمبي
بحس ان السما وهي مغيمة حزينة زيي ولما تشتي
بتبقي عايزاني أبكي...
البحر يبقي هايج
والقطة الجميلة صديقتي بتقعد جمبي بحس انها بتطبطب عليا

*******

المشكلة اني ديماً معنديش سبب معين للحزن....
بتبقي اسباب كتيرة متجمعة وصلتني في الاخر للحالة دي
مجرد احساس جوايا اني وحيدة ومش معناها اني مفيش ناس حواليا او مفيش اصحاب او ناس بيحبوني
لا للأسف فيه ناس بيكونوا موجودين ويمكن ده الاصعب

أرجع اقول لنفسي ان الحياة كلها كدة..
وبعد المشاكل فيه لحظة حلوة....
واللحظة الحلوة بتعدي..وهكذا..

بس احساس الحزن بيكون غصب عني....

ديماً بقول ان الحياة لحظات...
عمري ما حتوقع الحياة كلها لحظات سعيدة ولا حتي حزينة..
ولا التفاؤل بيكون ديما ولا الدنيا بتسود طول العمر

أهو كلها لقطات زي فيلم طويل... وممكن يكون قصير...
بتعدي المشاهد بتاعته ورا بعض محدش يعرف المشهد اللي جاي ايه
ولا نهاية الفيلم ممكن تخلص ازاي وامتي....
................
وووووبس

حزينة

2011-10-25T14:02:00.003-04:00

.....بجد مش عايزة اكون حزينة

......ولا عايزة أقول اني حزينة

لكنه احساس جوايا حاسة اني غرقانة فيه

.....يمكن أكون عشت لحظات حلوة
.....كتير

...يمكن مستاهلش أكتر من كدة
.....يمكن

بس والله انا راضية
....
عشان كدة حسكت

مريضة الحب

2011-10-21T06:38:00.001-04:00

عندما يأتيني فيروس الانفلونزا أدرك أخيراً حقيقة الأمر....

الحب...

الحب مثل فيروس الانفلونزا ذلك...يأتيك فجأة دون مقدمات....ولا يمنعه أي شيء من الدخول إلى قلبك والانتشار في كل خلايا جسدك.....وخلافاً عن الانفلونزا فلن تجد له أي علاج.....

ربما مرض الحب ذلك لم يصبني حتى الآن....فأنا أخذت كل مضادات الحب الممكنة خوفاً على قلبي

ولكني عندما أراه حولي منتشراً في كل الأماكن تنتابني حالة من الخوف – الرعب - الشديد ان تصيبني عدواه...

أشعر حينها أنني أريد أن اجلس في حجرتي الصغيرة وأغلق على نفسي كي احميها...من الحب

مع اني على يقين ان لا شيء يمنع الحب عنك.....كأن تصحو يوماً ما مصاب به دون ان تدري

أخاف ان اصحو يوماً ما اجدني مصابة به ولن أجد العلاج...إلا مع احدهم...

وأحدهم هذا...يجب ان يصحو في نفس اليوم مصاباُ بهذا المرض ....وأنا لا أستطيع ضمان ذلك...

...

أعترف أني أتمنى ان يصيبني مرض الحب....أعرف أنه ربما يكون أجمل مرض تعرفه البشرية

وربما يكون لعنة أيضاَ سُلطت علينا ولن ينجو منها احد....

أتمنى الحب.... ومن لا يتمناه.....

لكني أشعر أنني أتمناه لأسباب أخرى ....مختلفة عن الكثيرين

لا أريد أن أكون مثلهم...فقط ان الحياة تفرض علينا ذلك...لا أريد مرحلة وتمضي...تجربة وتنتهي ...

أريد من يشاركني حياتي....أحلامي...يساعدني أن أحققها وإن لم أستطع تحقيقها يقف جانبي......أحقق معه أحلامه.....أكون معه كل خطوة تقدمه للأمام...

أحتاجه يكون أول من أبكي عنده في حزني.....و أول من يشاركني فرحي ...حتى إن أردت ان أشكو منه....سأشكو منه إليه.....

أحتاجه كي يحميني....من كل شيء...وأي شيء.....يحميني من أن يجرحني الناس....ولو جرحوني...يستطيع وحده ان يداويني بلمسة دافئة من يديه ونظرة واحدة من عينيه تطمئنني أنه وحده بجانبي...وهو يكفيني

أريده أن يكون بيتي....هل يدرك أحد المعنى الحقيقي لهذه الكلمة؟؟؟

البيت..هو الدفء والأمان....الاحتواء...هو عالم خاص بجسدين وروح واحدة.....

............

لا أحب أن يتهمني البعض أني أرى الحب...والحياة بوجه عام... بنظرتي الوردية....

أنا اعرف تماماً أنها حياة متعددة المشاهد....وأنا لا أريد مشهد الحب الوردي....بل أريد الحياة بأكلمها...حلوها ومرها....

ربما أرى أن صعوبات الحياة من اجمل الأشياء التي تعرف عندها قيمة الحب...وقيمة من تحب....وأن الحب وحده قادر على جعلك تتخطي كل شيء ..

....

سأنتظر اليوم الذي يمنعني "هو" عن أخذ مضادات الحب.....وسأدعو الله أن أظل
مريضة به طوال العمر

فراشة بلا أجنحة

2011-10-10T14:26:00.001-04:00

ارتديت فستاني الذي يحمل عطر الزهور ثم وضعت قدمي في صندل يصلني إلى السماء....وتنقلت في الأنحاء...
شعرت كأني فراشة خفيفة تتجاذبها نسمات الهواء ولا يوقفها شيء.....
حتماً لم أصل إلى السماء كما توقعت ولم تحتمل عيناي ضوء القمر الخافت فأغمضتها رغماً عني...
لكني شعرت أني مختلفة وأن شكل الفراشات يروقني كثيراً

......

نظرت حولي في ترقب تحسباً أن يراني الناس ضعيفة خائفة...وحرصاً على أجنحتي أن يكسرها الهواء دون قصد.....
رأيتهم من بعيد يتتبعوني في صمت...يلفت انتباههم ألواني وشكلي الجديد...لمست في أعينهم حزناً لا أفهمه فأشفقت عليهم بطيبة وعفوية وتمنيت في لحظات أن يأتوني معتذرين مشفقين على كسري راجين أن أعود معهم على الأرض بدلاً من تحليقي بعيداً عنهم يروني فقط حينما أريد...
لكني سرعان ما أفقت عندما تذكرت أنهم كسروا جناحي دون رحمة فأدرت وجهي ونظرت إلى السماء راجية أن يختبيء قلبي الصغير بين أجنحتي فلا يظهر لأحد

......

بللتني دموعي كأن السماء تمطر عليّ فأرتعشت
وتذكرت أنني لست فراشة وأنني لن أغرق في دموعي أبداً
وتأكدت حينها فقط......
أن عيوني ليست صغيرة كما اعتقدت كي لا يراها الناس....
وأن قلبي لن تتسع له أجنحة فراشة....
وأن الحب لا يكون بين فراشة تطير في السماء وبشر يمشون على الأرض

نظرت حولي مرة أخرى وجدتني ثابتة , قوية لا أتحرك ولا ألتفت لأي مار بجانبي

لست فراشة.....
لكني ما زلت أستطيع أن اقترب من الورود وألمسها....
لا أملك أجنجة لكني قادرة على الطيران ....
سأصعد السماء في طائرة أحلامي...
وسأرى نور القمر في مرآة قلبي

الإثنين

16/5/2011

صمت القلم

2011-10-04T15:15:00.000-04:00

أنظر إلى مؤشر الكتابة أمامي يظهر ويختفي...أضع يدي على خدي وأتأمله كثيراً...

أدرك تماماً ما يحدث لي عندما أفضل الصمت....

...........

أعرف الآن ان ما بداخلي إما أعجز عن وصفه...

أو ....أني أخاف....
أخاف كثيراً أن أكتب

...

أخاف....
نعم....
أتأمل كل حرف من هذه الكلمة وأشعر به يصف خلايا جسدي

...

أخاف ألا تكتمل حكايتي.....التي لم أبدأها بعد.....

حقاً لم يكن لي أبداً حكاية ....
أعيشها..فأحبها...وأكملها

..........................................

****أتساءل كثيراً....إذا كنت اعجز عن الكتابة...فهل يمكنني ان أعرف إذا كتبني أحد .....ماذا سيكتب؟؟؟

بحلم...وأنا مالي

2011-09-28T12:07:00.005-04:00

فيه حاجات كتير نفسي أعملها..........بحلم بيها من زماااان أوي....وطول ما أنا ماشية في حياتي بحاول اوصلها

أحلامي ممكن ناس كتير تفكرها مجرد أحلام مش ممكن تتحقق.....لكن مش مشكلة....

انا كل اللي كان يهمني اني أكتب أحلامي هنا...في المدونة بالذات....عشان آجي أقرأ البوست ده السنة الجاية وأشوف إيه اللي اتحقق ...وإيه لسه...والسنة اللي بعدها واللي بعدها..

ولو حلم أتحقق...حبتسم..وأقول...أهو ممكن...أنا أقدر...وحفضل أحلم

فيه جزء كبير من أحلامي مرتبط بالبحر...يعني مثلاً أول حاجة كان نفسي أعملها....كان نفسي أتمشى على البحر وافضل ماشية...مش عاوزة أي حاجة توقفني...ويكون البحر فاضي مفيهوش أي حد بيتمشي .....هي صحيح أمنية سهلة بس كانت بالنسبة لي صعبة
جداااااً لو مكانتش مستحيلة..

الجميل اني من حوالي سنة بدأت احقق جزء منها....وبقيت امشي أيام كتير قبل ما أروح الشغل بدل ما أركب....صحيح مش بمشي من غير حدود عشان بقف لما أوصل شغلي بس مش مشكلة المهم الاحساس بالمشي الصبح الساعة 7 ونص ده احساس جميل لا يوصف....الهوا بيكون نقي اوي ومش بسمع غير صوت البحر يوشوشني وموجه يضحكلي ويقوللي ان الأماني ممكن تتحقق

*****************

تاني حاجة نفسي اعملها ومرتبطة بالبحر ....نفسي أركب مركب
–المفروض مكونش لوحدي يعني_
: D

والمركب دي توصل لنص البحر وتكون ساعة الغروب وبعد الغروب ألاقي القمر طالع وهو اللي ينورلنا باقي السكة

آآآآآآه....نفسي ده يحصل أوي......ساعات بحس انه مجرد حلم جميل صعب يحصل وساعات بيكون عندي احساس ويقين كبير اوي ان ده حيحصل ان شاء الله في يوم من ذات الأيام

*****************

أول حلمين دول ساعات بشوفهم بطريقة مختلفة أني أسافر القاهرة واتمشي علي النيل بدل البحر...صحيح البحر مختلف تماماً لكن النيل حاسه أنه فيه حاجة حلوة...فيه هدوء وسكينة ولحظات حلوة لما حد يبقي عاوز فعلاً يبقي مع نفسه شوية

*****************

تالت حاجة برضه مرتبطة بالبحر....

نفسي جداً اصطاد....ممكن أرمي السمك تاني بعد ما اصطاده عشان أكيد حيصعب عليا....بس بجد لما بشوف الصيادين والشبك بيبقي عندي احساس غريب ان الصيادين دول أسعد ناس في الدنيا..ممكن ده ميكونش صحيح...بس بحس انهم سايبينها على الله أوي....رزقهم يوم بيوم...حياتهم وسط البحر

متهيألي مفيش أحلى من كدة

*****************

رابع حاجة نفسي اعملها نفسي أروح أي بلد في "الفلاحين" اللي هي معرفش يعني تبقى أنهو محافظة...المهم اني نفسي أروح هناك ويبقى فيه أرض وزرع كتييييير حواليا من كل ناحية وأبقى قادرة أشم ريحته

بتمنى جداً اني احضر جمع المحصول –أي محصول – بحس أنه احساس حلو جداً لما تزرع حاجة بايديك وهي بذرة صغيرة وتستناها تكبر وتجمعها وتشوف نتيجة تعبك

*****************

خامس حاجة....نفسي أفتح محل ورد وأسميه....

"Serendipity….The paradise of Casablanca"

معرفش ليه جه في بالي مرة الاسم ده وبقي عندي رغبة جامدة جداًً اني افتح محل واسميه
كدة عشان بحب فيلم
serendibity

اوي والورد اللي اسمه كازابلانكا اللي في فيلم نهر الحب بحبه جداااً وبيفكرني بالسعادة اللي بعيد وخايفين نقرب لها

انا بحب الورد جداً بكل انواعه والوانه وريحته وشكله المكسوف ديماً ومقتنعة ان له لغته الخاصة اللي يفهمها الأحبة بس

"ممكن افتح صيدلية واسميها نفس الاسم برضه..:D...مش مشكلة"

*****************

كنت بشوف فيلم
The lack house

قريب وبقي فيه حاجة سادسة نفسي اعملها...

نفسي ترجع الرسايل اللي بخط الايد ونفسي اراسل حد .....ياااااه لو فيه قصة حب زي الفيلم ده....عارفة انها مستحيلة....بس الحب ايه غير مستحيل اتنين بيحققوه سوا....بحب اوي الرسايل عشان بحس اني بعرف اعبر عن اللي جوايا بالكتابة وبحب امسك ورقة في ايدي اقراها واشم ريحتها من ريحة اللي كاتبها والمس خطه وكل حرف ابقي شايفاه فيه وانتظر البوسطجي ييجي كل يوم ينده علي اسمي قلبي يدق وانا بنزل من علي السلم عشان استلم الجواب من حبيبي عينيا تدمع من الفرحة لو قاللي انه جاي ومن الحزن لو قاللي انه حيغيب...

.............................................................

دول 6 أحلام....أكيد هما مش 6 بس وفيه أحلام كتير جوايا...بس يمكن دول حاجات قريبة اوي من قلبي وكان نفسي أقولهم وأسجلهم عندي...

يا تري السنة الجاية إن شاء الله لما أقرأ البوست ده ممكن تكون حاجة منهم اتحققت؟؟؟؟؟؟؟؟؟؟؟؟؟؟؟

5/8/2011

شوفي الدنيا بعيوني

2011-09-20T14:45:00.005-04:00

مركب صغير شوفته من بعيد على شط البحر....مترددتش كتير اننا ناخده
زي ما بحلم - لوسط البحر -

مسكت ايديكي الصغيرين....حسيت قد إيه كانت صوابعك بردانة عشان كنتي خايفة

.....حاولت امسك ايديكي أكتر كنت عاوز أحسسك بالدفا والاطمئنان
مفاتش كتير إلا وايديكي دفيانين في حضن ايديا زي عصفورين بيستخبوا من المطر

....انتبهت... لقيتنا في وسط البحر....قد إيه استنيت اللحظة دي
....انا وانتي..وبس

معايا ريشة عشان أرسمك على صفحات البحر

حبدأ بخصلات شعرك عشان شبه موج البحر يطير هنا وهناك

حرسم عيونك....بالأزرق لون البحر.... بغرق فيهم

.....وقلبك..الأبيض لون السحاب

وروحك........اللبني الصافي زي السما

...ييجي علينا الغروب....تتحول السما لون خدودك وانتي مكسوفة

...........لكن

...ألمح في عيونك نظرة حزينة.....ودمعة رافضة تقول اللي جواكي

أعرف ان سرك مع البحر...أوشوشه...يفهمني.....تيجي موجة حنينة تطبطب عليكي وتعكس نور القمر على وشك

أسمعه يقولك.....سيبي الخوف والحزن لحظات وانتي سعيدة بين ايديا

....اسمعي كلامه وارجعي معايا
..
...شوفتي الدنيا معانا ازاي...فاهمانا ازاي
...شوفيها بعيوني وخدي قلبي امانة عندك عشان تصدقي

.............

....عارفة

المركب اللي ركبناها مركب ورق...أنا اللي عملتها بإيدي....بس مينفعش تغرق

عشان وأنا معاكي بحس أنك فراشة واخداني على جناحتها ومش لامسين الأرض
تفتكري ممكن يكون وزننا تقيل على مركب ورق؟؟؟
عارفك حتبتسمي وحتحسي قد أيه بحسد نفسي وانا بشوف ابتسامتك
عشان بشوفها شمس بتنور حياتي
....لكن
....بخاف....لما تغرب....وتبعد....وتختفي
....بخاف...تبقي زيها......تروحي لناس تانية تنوريلهم ومترجعليش

بس بنام كل يوم وكلي أمل أنك بكرة حتطلعي في شباك اوضتي وأفتح عيني عليكي
من غير خوف....ولا حزن

أجمل فراق

2011-09-13T15:23:00.001-04:00

علاقة

ممكن تكون علاقة اتنين ببعض زي علاقة موجة بحر بصخرة

الموجة بتخبط في الصخرة كل لحظة...الخبطة بتوجعها وتعلم فيها وتسيب فيها جروح تدوبها.....
لكن الموجة مش بتكون حاسة ده أبداً ومفكرة ان الصخرة مجرد حجر مش حاسس بيها

ومع كل ده الصخرة أكتر حد بيحب الموجة حتى لو بتجرح فيها كل يوم...واكتر حد بيستحملها وقريب منها

......................................................

"جرح"

اللي يحب ميجرحش أبداً...ولو جرح..مش حتفرق بينه وبين اللي بيكره
في الآخر حيبقي جرح وعلّم وخلاص مش مهم مين اللي اتسبب فيه واتسبب فيه ازاي...المهم الأثر اللي سابه جوه القلب....

...............................................

"وردة"

الحب عامل زي الوردة....
في الأول صغيرة وشكلها حلو ونفسنا تكبر....
نفضل نهتم بيها ونسقيها كل يوم...وشكلها يبقي أحلى يوم بعد يوم...
لكن....للأسف...فيه ناس كتير بعد كدة بينسوها وينسوا حتى يسقوها...وتدبل..أو تموت.....
وساعتها عمرنا ما حنعرف نرجعها زي الأول

.............................................

"احساس"

اكتر احساس بكرهه في حياتي إني ابقي واحدة زي أي واحدة...
بحب أكون مميزة عند اللي أعرفهم ومميزين عندي...مش مجرد واحدة في حياتهم...
ولما بحس الإحساس ده بفضّل اني ابعد خااااااااالص عن كل الدنيا وأقفل على نفسي

I want to be the one not any one

.......................................

"خوف"

بقيت بخاف أصدق احساسي
وبقيت أخاف أحس من البداية.....

.........................................

"رمادي"

مش بحب اللون الرمادي.....في الحياة
بحس كأنه زي حد بياخد حد من شط البحر يوديه نص البحر....
لا هو وصل للبر التاني ولا هو عارف يرجع.........

.............................................

"أجمل فراق"

الحب اللي بجد......ميتنسيش ومينتهيش.....
ويفضل الحبيب مهما بعد وبعد الفراق له مكان بعيد جوه القلب مقفول عليه بمليون مفتاح بس عشان نحافظ عليه ونفضل فاكرينه ونقول كنا بنحب..بس...هي حياة

يمكن ساعتها ينتمني القدر يجمعنا تاني باللي بنحبه ويعرف اننا لما كنا فاكرينه كل لحظة كان عشان حبه حاجة كبيرة أوي ولو القدر مجمعناش حيفضل الحب زي الندى يروي روحنا وقت ما نكون حاسين بالوحدة

الفراق ممكن يكون أجمل فراق...مع وائل جسار بس
:))
خليني ذكرى

11/9/2011

صمت الحب

2011-09-07T13:41:00.001-04:00

هذا الثبات والهدوء غير طبيعيين على رجُل مثلك. كما أنني لا أستطيع فتح صندوقك النحاسيّ وأخرج ما فيه من أسرار. نعم، أسرار، وحكايات أؤمن بوجودها وراء تلك العيون الثابتة المستقرة. كل صباح تجلس طويلاً أمام فنجان القهوة الذي تطلبه. تسرح كالعادة، ثم تفيق وكأنك أتيت من مكان بعيد عن كل الأماكن، تكتشف أنه بارد، فتطلُب آخر بإشارة من يديك. أقترب منك، وأضعه أمامك مبتسمةً تارةً وقائلة "صباح الخير" تارةً أخرى. الغريب أنك لا تنتبه، والأغرب أنك لا تبدو قليل الذوق...كان الجميع يعرفون أنني قليلة الفضول. لكن ثمة شيء ما يجذبني إليك ويثير فضولي نحوك، فلم أكن أعرف أني سأنتبه إليك هكذا إلا بعدما انقطعت عن المجيء لأول مرة منذ حوالي ثلاثة أشهر، وقد اعتدت على رؤيتك كل يوم وفي نفس الموعد بنفس الملابس الأنيقة: البدل السوداء أو الكحلي والكرافت. كان غيابك صدمة لي لم أتوقعها. ـانتظرت مجيئك في اليوم التالي، ولم تأتِ. عرفتُ أن شيئاً ما يدور في السر بين روحي وروحك وقررت فتح صندوق أسرارك والتسلل خلسةً بأمر من قلبي إلى قلبك. ـــ ( لكني لا أعرف طريقةً للوصول إليه .. ) هكذا تساءلت ....ثم تذكرت و أنا صاحبة الذاكرة التى تخزن كل ما تعشق فقط أنك في يوم من الأيام قد ملئت استمارة الخصومات، ووضعت فيها بريدك الالكتروني. قفزتُ خلف الجهاز، وبحثت في الملفات فوجدته أمامي .. وسيلة أتصال واحده وحيدة بك !. ثم لمستُ الشاشه بحذر وكأنيّ أفكر كيف سأطرق باب حياتك ..ــ (هل ستعطيني الإذن بالدخول؟) .. هكذا تساءلت مرة أخرى ..ـ

في الليلة التي حسمت أن أحدثك فيها، ضغطت على زر

Backspace

أكثر مما كتبت أي شيء آخر. كان ذلك منذ أسبوعين، حيث استقر الأمر في النهاية على: (أهلاً، هل يمكننا التعارف سوياً؟). لكنني انتظرت

كثيراً وعيني مثبتة أمام الشاشة، وقلبي الذي كاد يقفز .. هزّ كل خلية في جسدي، صوت الخفقان يأخذ في الازدياد والعلو بسرعة فوق أي صوت آخر. مر ما يقرب من الساعتين، ولم أشعر. ولم أجد منك أي رد.ـ

مر اليوم الأول، والثاني، والثالث .. بدأ اهتمامي بالأمر يفتر تدريجياً. وبدأ عقلي بأوامره الحازمة يناقشني بصوت عالٍ، ويؤنبني على هذا التصرُّف

ـ(أنتي صغيرة، وهوائية، ومشاعرك أصغر من أن تستنزف الآن.)ـ( ليس من حقك أن تتحكم في حياتي بهذا الشكل، ولا تحدثني بهذه الطريقة ..). وبينما نحن في شجارنا هذا، قاطعنا صوت أزيز صغير قادم من شاشة حاسوبي الصغيرة !ـ

أنت ! .. وأخيراً !. ـأرى أصابعك تكتب ولا أستطيع لحاق أنفاسي: ــ (من معي يا فندم؟)، طريقتك الأنيقة في كل شيء تظهر حتى في كلماتك دون ان أراك .. تسبقني أصابعي للكتابة، ويتراجع عقلي، ويتحير قلبي. أقف حائرةً لا أدري ماذا أقول؟، ولا أشعر إلا وأنا أغلق جهازي، وأذهب منطويةً علي نفسي أفكر. هل جننت أنا أم ماذا ؟

**في اليوم التالي شعرتُ بالتعب ولم أذهب لعملي، كانت المفاجأة حينما سمعت هاتفي يرن ورقم غريب يظهر على الشاشة. قررت ان أجيب، فبدا صوتي مرتجفاً، غيرَ واثق. حدثني قلبي وقتها بأنّي أمام فرصة عمري الوحيدة. كان صوتك، والغريب أني عرفتك من أنفاسك التى سبقت كلماتك الناطقة بطريقة غريبة لم أهتم لها.ـ

جلست فلم تقوَ قدماي على الوقوف، كانت كلماتك مقتضبة بسيطة تخرج بصعوبة وتحمل فيها سؤال مغلف بشوق غير مبرر.ـ أغلقت الهاتف و انا أصارع أمواج الشوق التي عصفت بروحي. كنت أضعف ألف مره و أقوي مليون مره، فكيف للحب و الشوق أن يجذبنا يبعترنا و يجعلنا فريسة الأضداد. قررتُ أن أرتدي ملابسي و أنزل لعملي لأشتت تركيزي.ـأمسكت يد الباب الحديديه الباردة لأراك ترفع رأسك و كأني كنت معاك على ميعاد. فرأيتُ شبح ابتسامه مرسوم بدقة، كأن ريشة ليوناردو دافنشي تركت "الموناليزا" لترسم بنفسها على وجهك سحر تلك الابتسامة الغامضة.ـ

ماذا فعلت بي أيها الساحر؟ لا أصدق أنني توجهت معك إلى الطريق المقترب من البحر. لم أفق من غيبوبتي وأدرك بذلك إلا عندما شممت رائحته المميزة المحببة إليّ. تقريباً نفس المكان الذي وقفت فيه مراراً وتكراراً. مهلاً .. ـأوكنت تراقبني؟أوكان قدومك إلينا، وهدوءك الغريب، وصمتك الطويل. كل هذا كان لسبب خفي لم أفهمه وقتها؟.ـ

لا أدري ماذا أقول أو ماذا يجب أن أقول، كذلك أنت. ظللنا طول الطريق صامتَين تماماً، نسير جنباً إلى جنب، ونتبادل بعض النظرات التائهة السريعة، ثم نعاود النظر إلى الأمام. وكأن شيئاً غيبّ الوعي وأسر القلوب يجذبنا إلى هنا. حيث وقفت أمامي مباشرة. والتفت يميناً ويساراً، فلم تجد أحداً حولنا سوى البحر، والسماء، وطائري نورس يقفان سوياً على مقربة كما نقف .. ـ ***مددتَ يدك، ولم أفق إلا وهي تلامس يدي؛ فاعترتني رعشة وارتباك. وأردت الذهاب بعيداً، لكن لمسة يديك طمأنتني.ـــ (أحبك .. )، دون أن تنطقها وقعت علي أسماعي أربعة حروفٍ كنسمة خفيفة تهدهد قلبي وتذهب بي إلي عالم آخر في نهاية البحر الذي ليس له نهاية.ـكيف حدث ذلك؟ ومتى؟؟ سألتك عيوني،ـ ــ (لا أعرف .. )، كان رداً كافياً... ألم أؤمن أن الحب يولد في القلوب كما يولد الطفل في رحم أمه صغيراً دون ملامح، ثم يكبر مع الوقت. تغذيّ شرايينه نظرة، وكلمة، وابتسامة، وتنهيدة شوق.ـ

أحبك أنا أيضاً من أول يوم خرجت من فمي سلسة رقيقة دون خجل، وعرفت في تلك اللحظة أن روحانا ربما تقابلت في ذلك العالم الآخر ثم اجتمعت اجسادنا.ـلم يكن الحوار هو مبتغانا، فقد تركنا العنان لأرواحنا تتحدث دون تدخل و ضجيج. قابلتُ عيناك المثبتتان على وجهي أكثر من مره وحاولت أن أفهم متى حدث كل هذا؟. لكنك كنت تسكتني بنظرة حنيّه؛ تدثرني من كل جانب، فلا تدع لهواء الخريف البارد منفذ.ـ

أمسكتُ صدفة صغيرة تائهة، وقربتُها من فمك. وشوشتها، وفتحت كفّي، فوضعتها فيه. قرّبتُها من أذني، فسمعت منها أنك تطالبني بالبقاء معك حتى آخر العمر؛ فابتسمت، وهززت رأسي موافقه . رسمتَ على كفّ يدي قلب، فضحكت، ورأيتك تضحك، ثم أمسكت بيدي ووضعتها على صدرك، تريد أن تخبرني أن قلبك يدق بسرعه ..ـ

باغتتني الفكره .. كيف لم تخطر لي على بال؟، أخذتك من يدك، واستسلمت كالصغار. فمشينا سويآ حتى وصلنا إلى أقرب مكتبه. دخلنا، فبحثت طويلاً حتى وجدته مُلقى تحت الكتب الكثيره المهملة.ـنفّضتُ التراب عنه ..ـووقفنا سويآ أمام البائع و إبتسامتك تنير وجهك الملائكيّ.ـدفعت ثمن كتاب "تعلّم

لغة الصم و البكم".ـوبنيتُ جسر تواصل بيني و بينك، بدأ قبل هذه اللحظات، وكل أمنياتي ألا ينتهي !ـ

ارتجالة مشتركة

كتبها..نهر الحب "سهاد"
لينا نابلسي

محمد عمر

22/10/2010

حُبك....يكفيني

2011-08-30T12:17:00.008-04:00

لا أريد ان اكون نقطة في بحرك

اريد ان اكون بحراً لك......ترسو عندى متى تريد

...........

لا اريد ان تكون نصفي الذي يكملي

أريدك....كُلي الذي كان تائهاً عني...فأجدني عندما أجدك

.................

لا أريدك أن تعطيني بوكيه ورد

أريد وردة واحدة تحمل عطرك

..............

لا أريد أن أكتبك
أريد أن تتشكل الحروف لتحاول وصفك الذي أعجز عنه

..............

لا اريد نظرة من عينيك

أريد ان أضعك في عيوني فلا أرى غيرك

...........

لا أريد أن أسمع صوتك وانا معك

أريد أن أسمعك في كل وقت حتى ان لم تكن معي

...........

لا أريد ان أغار عليك

أريد ان تكون حولك الجميلات........ولا ترى غيري

............

لا أريد أن أشبهك في ملامحك
أريد ان أنظر في مرآتي فأراك

...........

لا أريد أن يدق قلبي فأعيش

أريد أن أحبك...... فيدق قلبي...... لأحبك أكثر
.............
لا أريد أن أرقص معك رقصة في أي مكان
أريد أن أرقص معك رقصة الحياة فنلمس السحاب

.........................

.....لا اريد العالم

.....لا اريد الدنيا

.....لا اريد السعادة

.........ولكن
..............
......أريد أن أكونك

...........أريد ان أُحبك

وحُبك يكفيني

.
.
.

..............

حنين

2011-08-23T15:22:00.005-04:00

كتير بكون قاعدة لوحدي....ألاقي الدنيا بتطبطب على قلبي وتقوللي
.....جايلك رسالة
أفرح زي بنت صغيرة حد جايبلها لعبة جديدة ومشتاقة تعرف إيه هي
...............

اتردد شوية....أحاول ألمس رسالتي قبل ما افتحها
أشم ريحتها...وأعرف ان جواها
.......حنين
............
.......حنين لحاجات بقالها...سنة
......سنتين
.....تلاتة
......ويمكن اربع سنين
.....
ليه الرسالة دي تيجي دلوقتي ويملاني الحنين ده كله؟؟؟

مش لاقية اجابة....لكن....لازم أرد على الرسالة...لازم
........................

حرد

...................بنقط كتير

..........................................................................
وأسيب فراغات

.
.
.
.
.
.
.
.

محدش حيفهم

كل نقطة ممكن تقول كلمة جوايا

وكل فراغ...احساس في قلبي متداري عن العيون

كأنها شفرة...وحبر سري

......لازم حد يبقي معاه كود يفك الشفرة

وحاجة يشوف بيها اللي ورا الفراغات
......................
...................

ممكن ارسم نقطتين وقوس

ووبس

الناس حتفهم اني سعيدة...او يمكن...مبتسمة
بس هو معناه.....ان أنا.....راضية

النقطتين...عيوني المغمضين....اللي مش عاوزين يشوفوا حزن

والقوس........ملامح وشي اللي نفسي متتقلبش للناحية التانية

...........................

ممكن ارسم كمان قوسين بينهم نقطتين وفاصلة

(';')

......بحسه بيقول حاجات كتير
....ساعات بشوفه مكسوف
......وساعات مبسوط
......ساكت...وغامض
....بس مميز...عشان بشوفه زي ما بحس بيه

.................................

عايزة اقول حاجات كتير تفسر الحنين اللي جوايا

بس من غير ما اتكلم....!!!!!ا

........نفسي يبقي عندي موج زي البحر

....لما يخبط في الصخر بفهم ايه اللي عايز يقوله وايه اللي جواه

الناس بتستغرب اني بحب البحر وهو هايج مش هادي

بحبه مجنون محدش يفهمه غيري
.........بيكلم السما
........الوحيدة اللي فاهماه مع انها بعييييييدة

برضى منه بلمسه بطرف رجلي..... مع اني ممكن اخده كله في حضني

........نفسي ارسم عليه بصوابعي خطوط كتيرة تعمل دواير جوه دواير

تاخدني دايرة منهم.....وألاقيني جوه حضنه من غير ما أحس
........ساعتها بس

حعرف ان الحنين مجرد موجة تعدي علينا فجأة.....تغطينا من فوق لتحت

تفوقنا......تفرحنا....تعرفنا اننا لسه بنعرف نفتكر

تعدي الموجة.....وتسيب جوانا علامااااااات كتير

يمكن تدوب مع شمس النهار لحد ما موجة تانية تحصلها
..............
دلوقتي....ممكن أبعت رسالتي في ازازة وارميها في البحر

..وأقعد...لوحدي....وأستني
..................

فريدة"....الحلم.....و"حسن"....الحقيقة"

2011-08-17T09:02:00.009-04:00

هو "حسن"...شاب عادي...أو كان مفكر انه عادي اوي.....وحاسس انه وحيد اوي..... ومحدش ممكن يحبه زي ما هو عايز

........

لما لقاها...كانت "فريدة"...... أو....يمكن...كان بيتمناها تبقي فريدة في كل حاجة

........

لكن اللي مكنش واخد باله منه إن "فريدة" كانت.......عادية.....جداااااً

بتضحك ضحكة عادية......بتلبس ببساطة....بتتكلم وتقول اللي هي عاوزاه

.بتروح...وتيجي....وتتنطط......تزعل ...وتفرح....وتخاف

.............كانت خايفة حتى انها تحبه

...........عشان "حسن" .....مكنش عادي

......كان مختلف

.....بيقول الحاجة بطريقة مختلفة

.....وبيحلم أحلام محدش حلمها قبله

كان بيروح معاها الأماكن اللي عمره ولا عمرها كانوا

يقدروا يروحوها من غير ما يقابلوا بعض

......................

.....كان بيحبها بطريقة مختلفة

................

" أنا نفسي تحبيني"

.....

........

"انا شكلي هحبك على فكرة"........

........

....قلبه وقلبها اتقابلوا هنااااااك

في نقطة بعيدة.......بعيدة حتى عن الزمن وعن الواقع

...ممكن يكونوا اتقابلوا في الحلم

او في الخيال

وكانت هي دي الطريقة الوحيدة اللي ممكن يشوفوا بعض بيها

......وفي الحقيقة

.....هو كان بيحبها وحاسس بيها من غير ما هي تعرف
بس كان عامل زي

(حتة التلجاية اللي نفسها تخرج من الفريزر بس خايفة..تدوب)

ومكنش عارف

ان فريدة كمان تلجاية نفسها يخرج معاها ويدوبوا مع بعض ويبقوا حاجة واحدة بس هو
محتاج ميخافش
....................
...وهي

كانت مستنية منه...كلمة

.....وخافت تقرب

يمكن أتأخروا أوي لما كانوا قريبين ومش حاسين

.................

.....لكن....جه معاد....كان لازم فيه "حسن" يفوق

يقوم من حلمه...ويعرف انها حقيقة مستنياه كل يوم

"وانها.....بنت......... "عادية

"ومش اسمها........"فريدة

"اسمها..."مريم

.........

.............

....."وهو...."حسن

كانت شايفاه حلم بعييييييد

.....لكن فضل "حسن" زي ما هو

وبقى حقيقة قريبة أوي منها

...............

وحلم اتحقق من غير ما تفهمه ولا تلاقيله تفسير.............................................................

16/8/2011

النص مستوحى من كتابات

تيمو

في مدونته الجميلة

آسف على الازعاج

ورؤيتي لفيلم آسف عى الأزعاج...بطريقة مختلفة

عطور مسكنة

2011-08-10T14:25:00.003-04:00

الورود كثيرة يملأ عطرها المكان يحاول أن يخدرنا كي لا نشعر بالألم

الألم شديد....لا يقدر عليه المخدر ولا يقتله المسكن...

الكسور لا يمكن اصلاحها ولا يفيدها الترميم الزائف

المسكنات عاجزة عن مداواة الجروح الصامتة

نمسك القلم لعله يتحدث......يصمت وينكسر تحت قوة الحروف

الحروف تتضاءل والكلمات تصبح عاجزة..

والاحساس يغلق على نفسه ليغترب عن العالم

نعيش كغرباء ندير وجوهنا للأيام وللذكريات.......وللحب

يلاحقنا الحب كي لا نحزن.....

نخاف ونجري بعيداً...ثم نشتاقه ونحاول الاقتراب فنجده ابتعد ولا نلحقه

الابتعاد ينسينا ولكن.........ماذا لو قابلنا الألم كل يوم ليذكرنا أنه سيظل يطاردنا مهما هربنا منه...

ربما لا نحتمل.....

يأتي احدهم على خاطرنا فنجده أمامنا كمرآة نرى فيها أنفسنا......

يعطينا بعض لحظات القوة والأمل والرضا كي نحاول الاستمرار

نستعيد جزءاً من الحياة العادية.....محاولين فك بعض طلاسمها فنشعر كأننا أطفال لا يستطيعون فهم ما يدور حولهم

من يحنو على طفل صغير لا يقدر على وصف الألم و لا يعرف ماذا يريد؟؟

قطة صغيرة يمكنها المشي بين أرجلنا لتعطينا بعض الدفء وتشاركنا بعض الحزن عندما تجلس جانبنا ناظرة إلى الأرض

عصفور يتحول صوته إلى طبطبة دون أن يقصد

وبحر ترد أمواجه أن الحب ذائب فيها و أن الغدر غرق في الأعماق

نصدق البحر...لكن الحيرة والخوف أصبحا ملازمين لنا...يجب ألا نصدق أحداً يعدنا غيره

نلملم ذاكرتنا التي بعثرتها الأيام.....نضع الأجزاء بجانب بعضها لنجد صورة غير واضحة المعالم يصعب تكوين ملامحها الأصلية

ونفقد قوتنا على استمرار المحاولة دون فائدة

نجلس....

ونصمت.....
...............................
نأخذ جرعة زائدة من عطر الورود المسكنة........

وندخل في نوم عميق

ريحة رمضان

2011-08-01T15:25:00.002-04:00

انا عاوزة أقول حاجة صغيرة أوي عن رمضان.........
حاجة بحسها كل سنة بس مكنتش بفهم معناها.....بس السنة دي أول مرة يوصلني المعني بكل بساطة
.....
....
...
..
.
لما بمشي في الشارع - أي شارع- في رمضان....خصوصاً قبل المغرب بشوية صغيرين بحس احساس غريب في الجو....
الهوا بيكون زايد أوي وبتكون ريحته مميزة أوي....
كنت ديماً أسأل نفسي هو إيه السبب وإيه الريحة دي....
وفجأة....اكتشفت ان الهوا الجميل ده ممكن يكون الملايكة....
الملايكة بتكون طايرة حوالينا تحرسنا....
وتطبطب علينا...
وتقولنا ان ربنا حنين...حنين أوي....
بيبين حنيته دي حتي في نسمة الهوا عشان نطمن....
الملايكة بتقول حاجات كتير أوي..... للي يحاول يحسها.....
وبحس أن جناحتها محاوطانا من كل ناحية عشان منخافش
.......
عشان كدة بحس اني انا كمان مختلفة في رمضان...
بعمل نفس كل حاجة ونفس شغلي ونفس تعبي....
بس بحس اني مش أنا...
بحس اني هادية ....وقلبي مطمن.....
وروحي نقية شبه اللبن اللي بحب أشربه بالتمر على الفطار....
ببقي مش عايزة اتكلم كتير عشان مقولش كلام ملهوش معني....
وببقي مش عايزة أنام كتير عشان رمضان لحظاته حلوة وبتعدي بسرعة.....
طول ما انا ماشية في أي مكان كأني مش حاسة بأي حد ماشي جمبي...
كأن الدنيا فاضية....
بمشي فاتحة حضني للهوا.....
وآخد منه نفس عميق أوي.....
وأغمض عيني.....
وأحاول أسمع الملايكة....
وابتسم.....
:))))
وأدعي ربنا وأتمنى يكون راضي عني

1/8/2011

بين اللحظات.........حياة

2011-07-21T15:19:00.005-04:00

ممكن في لحظة.....تغمض عينيك...لحظة واحدة بس....تتمني فيها حاجة صغيرة....وبعدين......تفتّح....تلاقي اللي نفسك فيه اتحقق.....

وممكن تفتح عينيك....متلاقيش حاجة اتغيرت....تقعد وحيد.....وتخاف تحلم تاني......

.
.
.
.

بحس ان كل حاجة في حياتنا بتفرق فيها اللحظة ممكن في ثانية نفرح......وفي ثانية نزعل....نبقى منتظرين حاجة....وتتأخر لحظة.....طعم الفرحة ساعتها حيتغير....يا اما حيبقى حلو اوي عشان استنينا كتير...يا اما حيكون من غير طعم عشان من كتر ما استنينا ضاع الاحساس وكانه وقع على الأرض محدش حس بيه

.
.
.
.

أنا من الناس اللي بتركز اوي في اللحظات دي...بركز كمان في تعبيرات الوشوش....في النظرات...الابتسامة...والضحكة....طريقة الكلام...

ساعات بكون نفسي أشوف حاجة معينة على وش أي حد بقابله....ببقي عاوزة آخد كل كلمة بتتقال أدور جواها بين كل حرف.....على معني تاني يمكن يكون مستخبي

كتير مبوصلش للي انا عايزاه بالظبط....وبحس ان اللي قدامي عبارة عن تمثال له صوت بس....ملامحه مش بتتغير لا بالايجاب ولا بالسلب..كلماته كأن حد جاب الحروف حطها جمب بعضها غصب عنها فطلعت كلمات وخلاص

.
.
.

لما بيحصل ده بزعل وبيبقي نفسي اللحظات اللي بحس فيها ده تعدي....لكنها بتفضل وتاخد وقتها
.
.
.

وساعات....بحلم....وأحب الحلم اللي أنا عايشاه ......الحلم كمان بتكون مدته لحظة.....بس واحنا عايشين جواه بنحس انه حكاية طويلة وفيلم نهايته مفتوحة...ومش بنتاكد انه مجرد لحظة حلوة غير لما بيعدي ونصحي من النوم....نحاول نفتكر تفاصيله ونحكيه عشان نحس بيه...بس في الآخر برضه بيكون حلم

.
.
.
.

الأحلام على قد حلاوتها بتبقي مجرد حاجة بنرسمها في عقلنا الباطن.....حاجة نفسنا تحصل....نعيشها.....بس الأحلام مش بتتحقق إلا قليل أوي....واحنا ساعات بنتوه جوه الحلم لدرجة بنكون مصدقينه ومصدقين انه واقع

.
.
.
.
.

ولما الحلم يبقي حقيقة قدامنا نطلع للسما في لحظة.....واللحظة دي بتخلص بسرعة كانها غمضة عين سرقناها من الزمن...ونلاقينا على الأرض يا أما نزلنا عادي....يا اما وقعنا وقعة جامدة دوختنا

.
.
.
.

فيه حاجات كتير بتخليني أعيش في الأحلام .....زي..."فيروز"ا

صوت فيروز بيخليني في عالم تاني خالص....ببقي مش سامعة اي حاجة حواليا وأنا بسمعها...وأنا بغنيها بتوه معاها

أسمعها في "سألتك حبيبي".....بتقول.....ا

"موعدنا بكرة و شو تأخر بكرة...قولك مش جاي حبيبي.....عم شوفك بالساعة.... بتكات الساعة ....من المدى جاي حبيبي"ا

.
.
.

نفس الاحساس....قد إيه ممكن نحس ان بكرة بعيد واحنا مستنينه....

لحظات الانتظار بتشغلني....بتخليني حزينة وخايفة......

انك تنتظر حد في كل تكة من تكات الساعة......عايز الساعة تعدي...ويمكن ساعتها حتعاندك كانها مش بتمشي لمجرد بس انك مستني

.
.
.
.

المشكلة ان ساعة الانتظار بيكون معاها خوف ان بعد الانتظار ده تحصل حاجة غير متوقعة تخليك تقع على الأرض

عشان كدة لما بنتظر حاجة....بخاف...بحس ان الدنيا مكن تبعتلي رسايل وانا رايحة مكان اني مش لازم أستعجل....ألاقي المشروع اللي انا راكباه مثلاً بيفرمل فجأة...كأنه بيقوللي .........فرملي

أقف لحظة مع نفسي وأقول...صح... لازم ديماً أفرمل.....دقات قلبي تزيد وكأني سمعاها.....أبقي عاوزة أقول لقلبي......أرجوك فرمل.....ومش ديما بيسمع كلامي

أحاول امسك الموبيل عشان أسمع فيروز تاني جايز أهدى واتوه معاها....ألاقيها بتقوللي ....

يا دنيي شتي ياسمين...عاللي اتلاقوا ومش عارفين.....من مين خايفييييييييين

أبتسم شوية.....وأقول...من مين خايفين......

ديماً لما بيجيلي احساس الخوف بلوم نفسي وأقول ان الانسان لازم يعيش اللحظة الحلوة......"الحلم" وميضيعهوش في الخوف

لازم يعيش اللحظة عشان هي لحظة مش حتتغير ومش حترجع....
ومش معقول نضيع معظم لحظات حياتنا في خوف يمكن يكون ملهوش سبب

الحلم...لازم يفضل حلم.....ولازم يجي يوم نصحي منه ونفتكره عشان يخلينا نبتسم واحنا لوحدنا مش عارفين نحلم

.
.
.
.

بفضل في حيرتي دي كتير...ويمكن لولا الحيرة دي مكنش زماني بكتب....
ولا بطلع اللي جوايا

هو ساعات الواحد بيبقي نفسه يطلع اللي جواه بس لحد مناسب...مش لأي حد...

وانا ديماً بحس أن مفيش حد مناسب يفهمني غير الورقة والقلم.......

واللحظات اللي بتفرق معايا بجد هي اللي بكتب فيها
.........

ووبس

20/7/2011

ممكن تحبيني؟؟!!!1

2011-07-13T12:52:00.002-04:00

ساعات بشوف بنت صغيرة بتضحك...أفتكر ملامحك البريئة..
أسألها............بتحبيني....؟؟

وشها يحمر وتجري...ألحقها وآخدها في حضني...تفتح إيديها للدنيا وتقول....
بحبك آآآآآآآآآآد كدة

هو أنتي ممكن تقوليهالي بالشكل ده؟؟

عارفة لو قلتيها....
حتملي قلبي ورود عطرها يفوّق روحي اللي كانت تايهة من غيرك

لو تحبيني....ححب نفسي عشان بتشوفها عينيكي

حقول للسما...ياااااااه .....
هو انتي قريبة كدة.... واللا انا اللي بقيت طاير حوالين قمرك؟؟!!ا

وحطلع للنجوم أوشوشها عشان تدور عليكي وتونسك في ليلك

حسأل البحر....هي بتحب اللون اللبني عشان لونك واللا عشاني؟؟؟

حيضحك ومش حيرضي يجاوبني غير لما يستأذن قلبك

.
.
.
.
.

نفسي تحبيني

.
.
.
.

تحبي كل الأماكن اللي بتجمعنا..وتبصي عليها وانتي ماشية لوحدك...
تترسم ابتسامة على وشك وتفتكري كل كلمة قلتها...
حوحشك.....فتشوفيني صدفة من غير ما تحسي...
تبتسمي أكتر....وتتأكدي إني كنت بفكر فيكي زي ما كتي بتفكري فيا

وتتمني تفتكريني كل لحظة عشان مفارقكيش

.
.
.
.

عايزك تسمعي حليم بيغني....و تدندني معاه – و معايا –
في لقاك الدنيا تجيني معاك ورضاها يبقي رضاك وساعتها يهون في هواك طول حرماني....

ساعتها بس حعرف إن اللي جوايا وصلك وبقيتي زيي

.
.
.
.
وانتي حبيبتي بشوف الدنيا حواليا فاضية إلا مني ومنك....
أسمع همسك وسط زحمة وألمس إيدك وما بيننا مسافات

بكون مطمن اوي وانا حاسك في نفس المكان اللي انا فيه

.
.
.
.

وأنا حبيبك بكون حد تاني...ليكي أنتي وبس...عايش بين كيانك...
وبتمنى كل يوم تحبيني و أدوب فيكي أكتر

ساعتها حتطلبي إني أحبك أكتر وأكتر

جعلتني أكتب.....وتجعلني أعيش

2011-07-05T11:57:00.002-04:00

كنت عائدة من عملي ذلك اليوم الصيفي وكان على غير العادة يوم غير حار....وكنت وحدي لحسن حظي فركبت اوتوبيس أزرق أحبه كثيراً....
فجلست وفتحت الشباك على مصراعيه فوجدت الهواء

يستقبلني ونسماته تهمس لي أنني لابد ان اكتب

ابتسمت وبحثت عن قلمي فلم أجده واكتشفت اني نسيته في مكتبي لم احزن كثيراً ولم أغير رأيي عن الكتابة وأغمضت عيني فكتبت......
وخبأت كلماتي داخل قلبي

أرأيت....
الهواء جعلني أكتب....وأبتسم....
البحر والمطر أيضاً يمكنهم ذلك...
لكن البشر لا يستطيعون تحريك أصابعي

وأنت.....
جعلتني أكتب....
وتجعلني أعيش

لست بشراً.....ولا ملاكاً...لكنك حلم...
حلمي الذي أحلم به كل يوم....به كل شيء جميل اتمناه

يُقال أنه لا شيء متكامل.....لكن الحلم يجب أن يكون كاملاً وجميلاً لا شيء يعكره غير أننا يمكن أن نصحو منه

وأنا إن وجدتك...لن أصحو من حلمي أبداً

من أنت....؟؟؟؟؟

ربما اكون أعرفك.....

نتقابل كل يوم....

ربما نتحدث.....

تلتقي أحرفنا .....

تلمع أعيننا.....

وربما لا

ربما تكون انت....أي أحد...وانا أيضاً..
تجمعنا لحظة يمر فيها قطارين بجانب بعضهما كل منا يركب قطاراً...
هي لحظة...تلمح أعيننا أعين بعض ونتمنى أن نلتقي مرة أخرى...
......وننتظر القدر

أعلم أنك تشبهني......ليس بالضرورة في ملامحي...
لكنك تشبهني في كلماتك.....
جنونك...
قلبك الذي يسامح الكثيرين....
وعقلك الذي لا يفهمه احد

في الماضي حاولت تجميع أجزاء حتى أكمل تلك الصورة في خيالي...ودائماً لم تكن تكتمل لسبب ما كنت اجهله

أما الآن....
وجدت أنني لست بحاجة أن أتعب نفسي بتجميع صورتك...لأني سأجدك كما أنت...
كل ما سينقصني ان أضع صورتي بجانبك في برواز واحد...كي نكتمل

كنت دائماً أؤمن أن الحب طرفين تأتي إليهما نفس الأحاسيس وبنفس المقدار...
كأن يمر كيوبيد الحب خلال قلبيهما في نفس اللحظة...

وأن الحب كالنبتة التي يجب أن تبدأ ببذرة صغيرة يزرعها اثنين ويسقيها أحدهما يوم والآخر في اليوم التالي ولا يمكن أن يُقصر أي منهما عن ريّها لأنها ستموت

لكن حبنا...مثل النبتة الربانية...نبتت داخل قلبي....وقلبك.....دون ان نشعر
والمطر هو الذي يرويها كل يوم حتي نلتقي ونعتني بها بأيدينا

انا دائماً على يقين أن القدر كتب لنا ميعاد سنتقابل فيه.....
وعندما يحدث ذلك سأعرف انك كنت تنتظرني

أعرف حينها أني سأتعرف على ملامحك...
سأقول أني أعرفك حق المعرفة...

فروحك كانت تقابل روحي

كل يوم تعدها أنها ستجمع أعيننا يوماً

3/7/2011

افتحوا لنا الأبواب

2011-05-07T14:42:00.000-04:00

احدى روائع فاتن حمامة

فيلم الباب المفتوح...قصة لطيفة الزيات

أشاهد هذا الفيلم كلما يتم عرضه وأشعر بمشاعر كثيرة وكأنها نفس تلك المشاعر التي شعرت بها فاتن حمامة - ليلى - وتشعر بها الكثيرات

لعل الزمن تغير وحصلت الفتيات على حرية لم يكن يتوقعنها ولكن لا أظن ذلك

الحرية التي حصلنا عليها ظاهرية فقط

افتحوا لنا الأبواب

هكذا صرخت بها ليلي ونالت عليها ضرباً واهانة لم تتوقعها ولم تقتنع بها لأن ما فعلته

هو ما يمكن أن يشعر به أي انسان تجاه بلده

انا واحدة من القتيات أذكر شعوري تماماً في 25 يناير هل يمكن أن يتخيل احد أني لم

أفكر أبداً في النزول إلى الشارع

وهل فتحت لنا الأبواب؟؟؟

لا أظن

وليس السبب هو سلبية أو عدم اقتناع أو أي شيء ولكن السبب هو أن نزولي لم أكن اجرؤ ان أجعله يخطر حتى على بالي

هل يتوقع احدكم أن تربية معظمنا بُنيت على ذلك الخوف حتي من التفكير في شيء

ربما يكون خطأ في نظرهم

بعد أكثر من خمسين عاماً علي ثورة 1952 ولم تُفتح لنا الأبواب

وربما ما يغفر لي حينها أني أصررت على النزول إلى المستشفي

رغم كل ما يحدث حولي لكنى كنت أشعر أني افعل شيء دون ان أقف في صف

المتفرجينحريتنا مسلوبة دون ان ندري ولم نعد نفكر حتى فيها وماذا حصلنا وعلام لم

نحصل

واذا كان الحديث بكل صراحة والدفاع عن الشباب كان في حد ذاته جريمة لا تُغتفر

فماذا بمحاولة عرض فكرة النزول والدفاع عن فكرة وعن الحرية

حتى الحب

أشعر أحيانا ان حريتنا وارادتنا مسلوبة في الحب

ولا أقصد هنا أن الأهل يفرضون أراءهم كالماضي وأعترف بذلك ولكن الخوف ما زال

يتجول حولنا

خوف - ليلي - من - حسين - نعم هو خوف غير مبرر ولكنه موجود يسيطر عليها /

علينا دون ان نشعر ......................

فأين تلك الحرية

ومتى تُفتح لنا الأبواب

متي؟؟

صباحات مختلفة

2011-04-09T08:35:00.000-04:00

لو أن كل صباحاتنا تكون هكذا لكان لهذه الدنيا طعما آخر

كالشوكولاتة تذوب في الفم ولملأت الكون موسيقى تصويرية

من أغاني حليم فتتمايل عليها العصافير

عندما نسمع كلمة صباح الخير ونشعر أنها تحمل بين طياتها معنى آخر

كأن تختبىء كلمة أحبك بين تلك التسعة أحرف فيقع لها تأثيراً على القلب لتصعد منه تنهيدة تحمل كل علامات الاستفهام

ربما نبدأ الصباح بصدفة وابتسامة تحمل بين خطوط الوجه كلمة وحشتني فيدفأ القلب وتبرد الأيادي وتلمع العيون

يحملني الصباح إليك كنسمة خفيفة تتنقل بين الأزهار أمر عليك سريعاً وأرحل فتشعر بمروري دون أن تلحظني......ترتسم على وجهك ابتسامة هادئة رزينة وتتمنى أن تنظر إلى الخلف لتراني...تفصلنا المسافات كثيراً و نشتاق القرب فتجمعنا اللحظات أحياناً وتفصلنا أحياناً أخرى

أراك وكأني أنظر في المرآة.....تشبهني الي حد التطابق...نظرة خجولة.....خطوات بطيئة....صمت تقف عند حدوده كل كلمات اللغة....نعم كم أشعر باختفاء الكلمات أمامك....

حسناً...أعرف أنه لا وقت للحب الآن....لكن ماذا أفعل وأنا ما زلت أحمل عطرك بين أنفاسي ومازلت اتتبعه وابحث عنه/عنك وانتظرك

أضعك برفق بين كلماتي وأطويك بين أوراقي ....أحافظ عليك في صندوق قلبي فلا تمر إلا على خاطري

أؤمن بك إيماني أن هناك من وجودوا في هذه الحياة حولنا -فقط - ليجعلوها أجمل...مثل قطرات المطر تحيط روحنا وتطمئنها كلما فاجأتنا بحضورها المبهج

لو أن كل صباحاتي تبدأ معك لأصبحت أنا شمساً تضيء ليلك و لكنت أنت قمراً صباحياً في يومي الدافيء

حينها ربما تجمعنا لحظة واحدة عند التقاء الليل والنهار ولكن تلك الحظة الخاطفة كافية كي نؤمن أن لقاءنا ممكن

17/3/2011

شكراً ملهمتي

لينا النابلسي

يحدثوني عنك

2010-06-05T04:59:00.003-04:00

عيناك تحدثني عنك....تحاول أنت ان تخفيها عني وتهرب ...يملأها الخوف لكنها تطاردني , تخبرني كم اشتقت إليّ

ألم أقل لك سابقاً انك مثل البحر....أشعر بحبه أحياناً و ببعده أحياناً أخرى ...يفهمني ولا يفهمني...يأخذني مرة إلى شاطئه ومرة إلي أعماقه.....لا أستطيع فهم كل ما يدور بداخله...أخاف غدره لكني أشعر بصدقه...يشتاقني مثلما أشتاقه....صامت لكن موجه يحدثني أنني ملكه

لذا احببت البحر و أحببت حبك له....قالوا أن الجميع يحبه...لكنك تعشقه مثلي...يكفيني أنه يخبرني كل شيء عنك...حتى عندما تشكو له أذهب إليه ليطمئني عليك فيخبرني انك لم تذكر احداً له إلا أنا

أتعلم.....بالأمس حلمت بك....سأبتسم وأقول انها قصة لبهاء طاهر.....أعرف انك لن تصدقني....بالتاكيد أخبرتك روحك أنها زارتني في حلمي الليلة....وكل ليلة....لذا لا أرهق نفسي كثيراً بالبحث عنك...فأنت معي كل وقت أراك في كل مكان أحدثك وأشكو منك إليك......حتي وانت هناك تقف بعيداً عني والجميع حولي , لم اكن أرى غيرك ...أحب وجودك حتى و انت بعيد.....أشعر أنك تضمني بين يديك

أريد أن أقترب لكن أنفاسي خدعتني....تعبت.....والمسافاات تزداد ....لماذا لا نقصر الطريق بيننا؟

لماذا تعذبني....لم أدرك أبداً ان الحب عذاب إلا عندما...عندما....ماذا...أحقاً أحببتك؟؟

أريدك ان تعرف أني لن أنطقها لكن كل ما اعرفه أنني اطمئن و أنت معي.....أشتاقك.....ولا استطيع قولها....أشتاق عطرك...ابتسامتك.....صوتك من بعيد يزيد اشتياقي.....حتي و أنا أراك أشتاق للحظة قادمة تجمعنا ونكون أكثر قرباً .....أغار عليك حتى من نسمات الهواء تلامس وجهك ثم تأتيني تحدثني عن دفءها بقربك.... أخاف من طيف أشعر أنه يطاردك ويبعدك عني لحظة....لكنني أعرف أنني سأبتعد عندما أشعر أنني لست لك