توهان

عارفة
أنا أول مرة اتوه في حياتي
....
وانا كمان
.......
لااااااا
انا مش قصدي علي التوهان التافه اللي احنا فيه ده
......
امال تقصد انهي توهان
..........

أنا قصدي على توهان
أكبر من كدة
أااا...مش حينفع أقولك
ده كلام كبير على سنك
..........,,,,,,,,,,,,,,,,,,,,,,,,,,,,,,,,,,,,,

طيب....ممكن أسألك في سؤال؟؟
ايه؟؟
...أسالك في سؤال
اسمها....أسالك سؤال
............

لاااااااا
تفرق كتير
أسألك في سؤال دي يعني حسأل سؤال واحد
انما اسألك سؤال عادي كدة يعني حسأل سؤالين
.....انما بقي لو انا قلت اني عايز اسألك مثلاً
............
طيب بس بس بس
اتفضل اسأل في سؤال وخلصني
...............
...هو
....هو
يعني.....انتي
بتحبي ف قصة حب؟؟

أحب ف ايه؟؟؟؟؟
...بتحبي في قصة حب
....
....يعني بتعيشي لحظات شك
..........
انا مش فهماك
 ..........
احنا ملناش تعامل تاني مع بعض على فكرة
...............
....يعني اقصد
فيه حد بتحبيكي.....بتحبيه؟؟
...........
لا
..........
يعني مفيش واحد تاني؟؟
..........
واحد تاني غير مين؟؟
............
غير الاولاني
...........,,,,,,,,,,,,,,,,,,,,,,,,,,,,,,,,,,,,,

انا معنديش وقت احب يا ميمي
كل وقتي للشغل.............
عظيم عظيم
طيب فكريني بقي اول ما نرجع مصر ارفدك على طول

.........,,,,,,,,,,,,,,,,,,,,,,,,,,,,,,,,,,,,,



طيب انا حنام بقى
.....
تصبحي على خير
...
وانت من اهله
.....
اقابلك في الحلم

نفس المكان

أشعر بضيق شديد

يجذبني ذلك المكان إليه....

تذهب قدمي...وأظل أنا مترددة كثيرا....

التردد يثبت لي انني لا يجب أن أفعل ذلك...

لكن....

قلبي يخذلني...وقدمي أيضا...

أذهب لأبحث عن اللا شيء....

أجد رائحة....وذكريات..

أتلفت يمينا ويسارا...أجد بعضهم...عاملين بالمكان....يعرفونه جيدا...ينظرون إلي وكأني تائهة...يريدون اخباري بشيء ما....

أو بلا شيء ...ولكن بدافع فضولي لمعرفة سبب وجودي هنا....

حقا لا سبب...

و رغم اندهاشي لوجود بعض الاشخاص الذين يمحون بعض آثار المكان بلون جديد ورائحة جديدة الا اني تجولت ف باقي المكان حتى امتلات برائحته التي ظلت معي حتى هذه اللحظة...وكأني كنت اعرف ان احد يحاول محو ذكرياتي وذاكرتي...

ولكن...

بالفعل تذكرت أحداثا كثيرة...كلمات وأغاني تحمل "ذكرى" لكل شيء...

ولذا...لن اذهب هناك ثانية...

لن أبحث عن الشيء...اللا شيء...

لن اجد رائحة ذكرياتي بعد اليوم..

لم...ولن...يشتاق لي المكان ولو للحظة....

أشعر بعدم الحزن وعدم السعادة...فقط لتصوري انه إذا كنت وجدت شيء أريده كثيرا لربما خذلني وخذل كلماتي....

ربما سيظل يشهد المكان على وجودي كما كان سابقا....

وربما يعرف من يمر هناك أنني مررت أيضا...

والان..اعاهد نفسي بحق....ان تعلقي بأماكن مررت بها من المؤكد انه سينتهي  اليوم

كنا....يوماً

نعم
أنتي هزمتيني
بكلماتك
بكل ما تفعلين بي
منذ البداية عند تركك لي بدون مقدمات
اكتشف فجأة أنني لن أراك ثانية
ولن ألعب معكِ لعبة الانتظار تلك التي كنتِ تهزمينني فيها كثيراً
أيضاً كنت أُهزم ولا اعترف
.......
ولكن
الآن
اعترف انني مغرور
لا احد كان يجرؤ على اللعب معي
فأنا دائماً الفائز
ولكن أنتِ
كنت أقوى مني
تقدرين على الغياب وعلى التلصص عليّ من بعيد دون أن أشعر
تظهرين برسائل طويلة لها معاني كثيرة دون اعتراف
وأرد أنا بكلمات متقطعة تتمنيها كثيراَ
أيضاَ دون اعتراف
لماذا كنا نفعل ذلك
لماذا استمرينا في لعب لعبة لم نكن نقدر عليها
وخسرت انا لغروري
وخسرتِ انتِ ببعدك عنى
وخسارتنا الكبرى
اننا لا يمكن أن نعود كما كنا
إن كنا حقاَ
 كما أحسستك
وكما شعرتي بي
.............
صدقيني
كنت اشعر أنك الأقرب لي
والأقدر على فهمي
وحبي
...
ولكن
كنت خائف
وخوفي منعني الاقتراب منكِ أكثر
والآن يحرمني منكِ
إلى الأبد

آسر

عاوزة أكتب عنك
.....
انت وحشتني أوووي
بفتكر أول يوم حسيت وجودك فيه جوايا
وفرحت قد ايه
كان جوايا احساس غريب بالخوف عليك
كنت استني كل شهر عشان اتأكد انك موجود وعايش جوايا وبخير
لحد ما بقيت احس حركتك جوايا ولعبك معايا
..........
عارف
محدش يعرف اني كنت بخاف أوووي لما حد يسألني
"حتسميه ايه؟؟"
مكنتش بعرف أرد
كنت بقول كذا أو كذا أو كذا
ومن جوايا كان بيزيد احساس الخوف ان ربنا مكنش عاوزني اتعلق حتى باسمك
وكنت بحس غصب عني ان حاجة حتحصل
وكنت بكذب نفسي من كتر خوفي
...............
انت الحاجة الوحيدة اللي حصلتلي في حياتي وفاكرة كل تفاصيلها المؤلمة بكل ثانية من اول ما جيت للدنيا وشوفتك بعيني
لحد اخر لحظة
لما عرفت
انك خلاص رحت مني
...........
انا مش مصدقة ان كل ده حصل
مش مصدقة انك كنت معايا
واربعين يوم كلهم امل اني احضنك بكل حاجة فيا
والله
والله
اللي مصبرني انك مستنيني هناك
في الجنة ان شاء الله
بقول لنفسي ان حتة مني في الجنة مع سيدنا ابراهيم وسيدنا محمد
ومكنش حيبقي مبسوط لو كان معايا اكيد زي ما هو هناك دلوقتي
...........
سامحنى أرجوك
لو كنت انا السبب بأي طريقة من الطرق انك تروح مني
حتى لو كان بأني ماخدش بالي من صحتي
بس ربنا اكيد عالم
واكيد هو اختارك
واختارني
لحكمة عنده
..........
حبيبي
حفضل احبك وعمري ما حنساك

ابتسامة :)

رغم انهم انفصلوا

الا اني كل ما اشوف لهم صورة مع بعض بحسدهم

على النظرة اللي مليانة حب دي

على الابتسامة اللي ليها كذا معنى وطعم مختلف

....................

عمر الشريف ديماً يقول انه حيفضل يحبها وماحبش غيرها

الغريب انهم عملوا الاتنين عملية قلب مفتوح مع بعض

يااااااه

هو للدرجة دي قلوبهم كانت سوا حتى وهما بعيد

..........

الحب بيفضل في قلوبنا مهما بعدنا

وبيفضل واحد بس هو اللي ملك القلب ده حتى وكل الناس حوالينا وهو الوحيد اللي بعيد

#صورة_تحكي

عنها....وعن الحب.....وعن حاجات تانية

ساعات كتير بتسمع حاجة من حد وماتعرفش ترد عليها
الاحساس ده بيضايق جداً
انا عن نفسي ممكن افضل افكر في الرد يوم اتنين تلاتة عشرة
ومنساش الموقف ده ابداً
هو كدة للأسف حنفضل طول عمرنا نفتكر حاجات جرحتنا وناس كنا بنحبهم ودلوقتي مبقناش عارفين نحطهم في اي مكان في قلوبنا
وبننسى
بننسى أي حاجة تانية في زحمة اليوم والدنيا كلها
................
عنها
عن البنت لما تحب بجد
وتضحي بأي حاجة قصاد ان حبيبها يرضى بس
مش رضا ليه عن خوف ولا عن قلة حيلة ولا عن فرض رأي منه
لأ
بجد عن احساس بس انك ممكن تعمل حاجة لحد معين عشان بس متحسش ولو للحظة انه ممكن يزعل
المعنى ده مش أي حد يفهمه
أو بمعنى أصح
اللي محسهوش
عمره ما يفهمه
....
أيوة صح
اللي بيحب بجد بيعمل كدة
ممكن يجيب الكون كله في كفة وحبيبه في الكفة التانية وكفة حبيبه هي اللي تربح
لو حد بيحب ومش بيعمل كدة....يبقى محبش ويبقى كل الناس عنده واحد
مش حد بعينه هو اللي مميز
هو اللي حس معاه كل نظرة وكل لحظة وكل لمسة ايد
وكل لحظة غيره كلها حب وكل لحظة زعل من خوف علي الحب لا يضيع
الحد ده زي ما بيعمل عشانك حاجات كتير اوي محدش يعرفها انت ممكن تديله عمرك وحياتك
...............
................................
طول عمري مقتنعة ان الصحوبية مش بالمكان الواحد اللي بيجمع الناس ولا بفيس بوك احنا عليه اصحاب ولا بتويتر ولا بحاجات كتير
انا مقتنعة ان الصحوبية ممكن تكون باحترام متبادل من بعيد لبعيد حتى لو مفيش تواصل بالمعنى الصح لكن تواصل بالقلوب
بكلمة أو سؤال حتى لو من السنة للسنة
مش مهم
المهم نحس اننا عايشين
ان لسه فيه ناس مكانتهم جوه قلوبنا مهما فرقتنا الدنيا عنهم
ومانحسش ابدأ ان المسافة دي بتكبر وبتوسع لحد ما يبقوا جوانا ولا حاجة غير ذكرى حزينة نفتكر في يوم قد ايه كنا قريبين وبقينا بعيد
..............

اهداء ...اليها
اهو يا ستي عشان ماتزعليش
:)